Bu gün Təhsil Nazirliyində “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”na dair Məlumat İdarəetmə Sisteminin və yeni veb-saytın (www.xaricdetehsil.edu.gov.az) təqdimat mərasimi keçirilib. Təhsil naziri Misir Mərdanov bildirib ki, ölkə Prezidenti cənab İlham Əliyevin 2007-ci il 16 aprel tarixli, 2090 nömrəli sərəncamı ilə təsdiq edilmiş “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” uğurla həyata keçirilməkdədir. Misir Mərdanov Təhsil Nazirliyi tərəfindən müvafiq dövlət qurumları ilə birgə həyata keçirilən Dövlət Proqramı çərçivəsində indiyə qədər 1824 nəfərin xarici ölkələrin nüfuzlu ali məktəblərində təhsil almağa göndərildiyini qeyd edib. Nazir Dövlət Proqramının əsas məqsədinin rəqabət qabiliyyətli iqtisadi sistemin formalaşdırılması və davamlı inkişafın təmin edilməsi baxımından ölkəmizin müasir tələblərə cavab verən kadrlara ehtiyacının ödənilməsi, istedadlı gənclərin dünyanın inkişaf etmiş ölkələrində təhsil almaq imkanlarının genişləndirilməsi prosesinin səmərəliliyinin artırılmasını təmin etməkdən ibarət olduğunu nəzərə çatdırıb.

“Biz bütün azərbaycanlıları THY şirkətinin reyslərindən itifadə etməməyə çağırırıq”. “Azadinform” xəbər verir ki, bu sözləri Azərbaycan-Kıbrıs Dostluq Cəmiyyətinin sədri Orxan Həsənoğlu ermənilərin “Aqos” qəzetinin Tük Hava Yolları tərəfindən sərnişənlərə pulsuz paylanması məsələsini şərh edərkən qeyd edib. “Aqos qəzetini təbliğ edənlər ermənilərin ideologiyasınına açıq şəkildə dəstək vermiş olurlar. Bu məsələ bizi olduqca narahat edir. Bu qəzetin fəaliyyətinə dəstək verənlər unutmamalıdır ki, bu həmin “Aqos” qəzetidir ki, hər fürsətdə türkləri təhqir edir. Hər il minlərlə həmvətənimiz və Şimali Kiprdə təhsil alan tələbələrimiz bu şirkətin xidmətlərindən istifadə edir. Biz bütün azərbaycanlıları THY şirkətinin reyslərindən itifadə etməməyə çağırırıq. Eyni zamanda THY şirkətinin biletlərini satan turizm şirkətlərini də etirazımıza dəstək olamağa dəvət edirik. Ölkəmizin milli maraqlarına biganə və hörmətsiz yanaşan hər hansı şirkət olursa olsun, eyni reaksiyanı verəcəyik. Bu THY şirkətinin iqtisadi maraqlarına milli maraqlarımızı qurban verməsidir.  

“Qafqaz Müsəlmanları İdarəsinin Elmi-Dini Şurası və Qazılar Şurasının yazıçı Əkrəm Əylislinin "Daş yuxular" romanı ilə bağlı bəyanatına professor Rafiq Əliyevin münasibəti bir ziyalı, Elmi-dini Şuranın üzvü kimi məni narahat etdi”. Bu barədə açıqlama ilə QMİ Elmi-Dini Şurasının üzvü, Tarix elmləri doktoru, professor Anar İsgəndərov çıxış edib. QMI-nin Elmi-Dini Şurası və Qazılar Şurasında təmsil olunan Azərbaycanın tanınmış elm xadimləri – akademiklər, professorlar və nüfuzlu din xadimləri – qazılar, axundların iradəsinin ifadəsi olan Bəyanatı ictimai fikrin axınına qoşulmaq kimi qiymətləndirən, QMİ-nin Ə. Əylisliylə bağlı qərar çıxarmaq səlahiyyəti olmadığını bildirən Rafiq Əliyevlə bağlı aşağıdakıları çatdırmağı vacib bilirəm: 

O Bir Olan Yaradanın adı ilə!  Artıq 21-ci ildir ki, Azərbaycan Respublikasının milyonlarla vətəndaşının iradə və hisslərini ifadə edərək, dinindən, dilindən, irqindən və milli mənsubiyyətindən asılı olmayaraq bütün dünya ictimaiyyətinə, planetimizin taleyi üçün məsuliyyət daşıyan dünya liderlərinə, dövlət rəhbərlərinə, parlamentlərə və beynəlxalq təşkilatlara üz tutur, israrla müraciət edirəm. Çünki əminəm ki, cahanda elə bir xalq, elə bir din ola bilməz ki ümumbəşəri mənəvi dəyərləri inkar etsin, zor, qətl, təcavüz kimi qeyri-humanist əməllərə haqq qazandırsın, qanlı cinayətlərə bəraət versin.

Bu gün Lənkəranda “Dövlət-din münasibətləri və maarifləndirmə işi” mövzusunda iki günlük regional konfrans öz işinə işinə başlayıb. Regional konfransı giriş sözü ilə açan Dini Qurumlarla İş üzrə Dövlət Komitəsinin sədri Elşad İskəndərov Lənkərandakı toplantının Azərbaycanın müxtəlif bölgələrində keçiriləcək analoji silsilə tədbirlərin ikincisi olduğunu diqqətə çatdırıb. 

Bu gün Lənkəran şəhərində Dini Qurumlarla İş üzrə Dövlət Komitəsi və İslam Konfransı Gənclər Forumu Avrasiya Regional Mərkəzinin təşkilatçılığı və rayon İcra Hakimiyyətinin təşkilati dəstəyi ilə Respublikanın Cənub bölgəsində fəaliyyət göstərən dini icma sədrləri, imam və axundlar, eləcə də fəal dindar və ilahiyyatçılar üçün “Dövlət-din münasibətləri və maarifləndirmə işi” mövzusunda iki günlük regional konfrans işinə başlayıb. 

Mədəniyyət və Turizm Nazirliyi tərəfindən 2013-ci ilin yanvar ayı ərzində bir sıra mehmanxana və mehmanxana tipli obyektlərin fəaliyyətinə dair xüsusi razılıq (lisenziya) verilib. Lisenziya alan təşkilatlar sırasında "Kroun LTD" MMC ("The Crown Hotel"), "XanNad" Elmi-İstehsalat Şirkəti, (Lənkəran-Lerik avtomobil yolunun 27-ci kilometri ərazisində yerləşən "Meşəbəyi" istirahət mərkəzi), "Qızıl Tac" mehmanxanası, "Horizon Turizm Agentliyi" MMC ("Miraj İnn", "Horizon"), ("Böyük Qala", "Kiçik Qala"), "Amil-Şərifli" kiçik müəssisəsi ("Prins" mehmanxanası üçün) və "Deluxe" mehmanxanası var. 

Bu gün Təhsil Nazirliyində “Yeni ixtisasartırma modelinə keçid” mövzusuna həsr olunmuş müşavirə keçirilib. Təhsil naziri Misir Mərdanov müasir dünyada ixtisasartırma təhsilinə mühüm əhəmiyyət verildiyini nəzərə çatdıraraq son illər ölkəmizdə bu istiqamətdə görülmüş işlərə diqqət çəkib. “Yeni ixtisasartırma modelinə keçid” mövzusunda təqdimat-məruzə ilə çıxış edən nazir ixtisasartırma təhsilində modul-kredit sisteminin tətbiqinin hüquqi-normativ əsasları və müsbət cəhətləri barədə məlumat verib. 

Tələbə Qəbulu üzrə Dövlət Komissiyası kurrikulum fənn standartları əsasında hazırlanmış, hazırda istifadədə olan ibtidai sinif dərsliklərinin monitorinqini aparıb. Monitorinq müddətində pedaqoji ictimaiyyətin nümayəndələrindən dərsliklərə dair informasiyanın toplanıb. Eyni zamanda, ibtidai sinif müəllimlərinin elmi-metodiki seminarları təşkil olunub.