Məkkə şəhərində Kəbə evinin yuyulması və açarının dəyişdirilməsi mərasimi keçirilib. Mərasimdə iştirak edən Məkkənin valisi Xalid Feysəl Kəbənin açarını onun xidmətçisi Əbdül-Qadir Şeybiyə verib. Bu mərasimdə islam ölkələrindən gələn bir sıra qonaqlar və yerli nazirlər də iştirak ediblər. Kəbə evinin dəyişdirilmiş açarı xalis qızıldan hazırlanıb və onun üzərində Quranı-Kərimin Maidə surəsinin 97 və Ali-İmran surəsinin 96-cı ayələri, eləcə də bir sıra zikrlər və dualar yazılıb.

“Media forum” saytının oxucularının suallarını Qafqaz Müsəlmanları İdarəsinin fətva şöbəsinin müdiri, Qazılar Şurasının üzvü Mirəziz Seyidzadə cavablandırır.

Müəllim, Bakı: 2011-ci ildə Qafqaz Müsəlmanları İdarəsi ictimaiyyətə müraciət edərək yas mərasimlərində dəbdəbədən, təmtəraqlı ehsan verilməsindən çəkinməyə çağırmışdı. Heç bir nəticəsi olmadı, yas məclislərində israfçılıq davam edir. Elə Qafqaz Müsəlmanları İdarəsinin yerləşdiyi “Təzə Pir” məscidində keçirilən hüzr məclislərində də bu üzdəniraq dəbdəbənin şahidi oluruq. Niyə Qafqaz Müsəlmanları İdarəsi bu biabırçılığı durdurmaq üçün bir fətva vermir? Belə bir fətva verilə bilərmi ki, yas məclisində ehsan çay süfrəsi ilə məhdudlaşsın?

Belarus Respublikasında səfərdə olan Qafqaz Müsəlmanları İdarəsinin (QMİ) sədri Şeyxülislam Allahşükür Paşazadəni noyabrın 16-da Bütün Belarusun Patriarx-Ekzarxı, Minsk və Slutsk Mitropoliti Filaret qəbul edib. QMİ-nin mətbuat xidmətindən APA-ya verilən məlumata görə, В«Xristianlıq və İslamın qloballaşma şəraitində dialoquВ» mövzusunda noyabrın 17-19-da Minskdə keçiriləcək beynəlxalq elmi-praktik konfransa dəvətli olan Şeyxülislamı səmimi qəbul edən Belarusun dini lideri onu Belarusda salamlamaqdan şərəf duyduğunu və dəvətini qəbul edib gəldiyi üçün təşəkkürlərini bildirib.

Qafqaz Müsəlmanları İdarəsində (QMİ) qurumun sədri Şeyxülislam Hacı Allahşükür Paşazadə və Bakıda səfərdə olan Roma Papasının nümayəndəsi, Vatikanın mədəniyyət naziri kardinal Canfranko Ravazinin başçılıq etdiyi nümayəndə heyəti arasında görüş olub. A.Paşazadə görüşdə Papanı Bakıya dəvət edib: "Mən sizinlə ilk dəfədir görüşürəm və buna görə Papanın seçilməsi münasibətilə Sizi, Sizin vasitənizlə Vatikanı təbrik edirəm. Mən çox arzu edərdim ki, Roma Papası Azərbaycana gəlsin və mən rəsmən onu ölkəmizə dəvət edirəm".

Rusiyanın “Novoya qazeta”sı  bugünkü sayında Azərbaycandakı dini proseslərlə bağlı məqalə dərc edib. Virtualaz.org modern.az-a istinadən xəbər verir ki, Azərbaycanın dünyada tolerantlıq nümunəsi ola biləcək ölkələrdən biri kimi qeyd olunduğu yazıda Çeçenistandakı müharibədən sonra ölkədə dini radikalların – vəhhabilərin sayının artdığı göstərilir. “Novoya qazeta” iddia edir ki, Azərbaycanda vəhhabiliyin yayılmasına Səudiyyə Ərəbistanı sponsorluq edir. Onlar xeyriyyəçilik pərdəsi altında məcburi köçkün və yaşayış səviyyəsi aşağı olan insanlar arasında öz ideyalarını yayırlar. Onları xarici dini müəssisələrdə təhsil almağa dəvət edən səudiyyəli missionerlər böyük maliyyə imkanlarına malikdirlər.

Azərbaycan Respublikasının Prezidenti yanında Dövlət İdarəçilik Akademiyasının Siyasi Araşdırmalar İnstitutunun direktoru, siyasi elmlər doktoru, professor Elman Nəsirlinin Nəzər Media.az sayıtına müsahibəsi