Bu il Azərbaycanda Türkiyə mədəniyyəti günlərinin keçirilməsi nəzərdə tutulur. Tədbirin aprel və ya may ayının sonunda gerçəkləşəcəyi gözlənilir. Bu barədə Türkiyənin Azərbaycandakı səfirliyinin mədəniyyət və tanıtım müşaviri Əhməd Seyyid Arslan mətbuat nümayəndələri ilə görüşündə məlumat verib. Müşavir Türkiyədə turizmin müxtəlif növlərinin inkişafına böyük önəm verildiyini deyib. 

Mədəniyyət və turizm nazirinin müvafiq tapşırığına əsasən Azərbaycanda mövcud olan tarix və mədəniyyət abidələrinin pasportlaşdırılması işinə başlanılıb. Nazirliyin mətbuat xidmətindən APA-ya verilən məlumata görə, bu məqsədlə “Azərbərpa” Elmi-Tədqiqat Layihə İnstitutu tərəfindən beynəlxalq standartlara cavab verən yeni pasport nümunələri hazırlanıb və onlara Azərbaycan Milli Elmlər Akademiyasının müvafiq institutları tərəfindən müsbət rəy verilib. İlkin mərhələdə 234 tarix və mədəniyyət abidəsinin pasportlaşdırılması nəzərdə tutulur.

“Türkiyənin Suriya sərhədinə yerləşdiriləcək Patriot raketlərinin hədəfi Rusiyadır. Mərmilər Suriyadan yönələ biləcək hücumdan daha çox, Müstəqil Dövlətlər Birliyi,  Kollektiv Təhlükəsizlik Razılaşması Təşkilatı üzvü ölkələri və Rusiyanı hədəf alır”. Bu barədə açıqlama ilə Rusiya Hava Qüvvələrinin sabiq komandiri Anatoli Kornukov çıxış edib.

Prezident İlham Əliyev Davos şəhərində keçirilən ənənəvi illik Dünya İqtisadi Forumunda iştirak etmək üçün İsveçrə Konfederasiyasına işgüzar səfərə yola düşüb. Dövlətimizin başçısını Heydər Əliyev Beynəlxalq Aeroportunda Baş nazir Artur Rasizadə, Prezident Administrasiyasının rəhbəri Ramiz Mehdiyev və Bakı Şəhəri İcra Hakimiyyətinin başçısı Hacıbala Abutalıbov yola salıblar.

Bu il Azərbaycanda Qafqaz Müsəlmanları İdarəsi (QMİ) tərəfindən axundlar üçün kurslar təşkil olunacaq.  Qafqaz Müsəlmanları İdarəsi fitva şöbəsinin müdiri, Qazılar Şurasının üzvü Hacı Mirəziz Seyidzadə APA-ya açıqlamasında bildirib ki, növbəti aylardan kurslara start veriləcək: “Kurslar 6 və yaxud 3 aylıq olacaq. Bu barədə kurslar başlayan zaman qərar veriləcək”.

Cari ilin yanvarın 30-dan fevralın 3-dək geniş tərkibli Azərbaycan nümayəndə heyəti Polşaya səfər edəcək. Səfər Polşa tərəfdən AvroNest PA-nın vitse-prezidenti, Avropa Parlamentinin deputatı Jaçek Sayruş-Volski və Azərbaycan tərəfdən AvroNest PA-da Azərbaycan nümayəndə heyətinin rəhbəri, Şamaxının millət vəkili Elxan Süleymanov arasında əldə edilmiş razılıq əsasında baş tutacaq.

Türkiyənin Baş nazir Rəcəb Tayyip Ərdoğan etnik, regional dini milliyyətçiliyə qarşı olduğunun bəyan edib.  Qaziantepə səfəri zaman belə bir açıqlama verən Ərdoğan bəzilərinin rahat dayanmadığını bildirib. “Mən kürd problemi deyə bir şey tanımıram. Kürdçülüyə qarşıyam. Kürd qardaşlarımızı sevirəm, amma kürdçülüyü rədd edirəm. Mən türkə, kürdə, ərəbə və bütün qardaşlarıma bərabər məsafədən baxıram.

Tələbə Qəbulu üzrə Dövlət Komssiyası (TQDK) tərəfindən yaradılan "Şagird-məzun elekton məlumat bazası"na barəsində məlumatlar daxil edilməyən bəzi şagirdlərə əlavə vaxt verilə bilər. Bunu TQDK-nın mətbuat xidmətinin rəhbəri Elnur Nağızadə deyib. Onun sözlərinə görə, ilkin mərhələdə bazaya məlumatların daxil olunmasının yanvarın sonlarında başa çatdırılması nəzərdə tutulur. 

Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 80-220, Kiçik Qafqazın çaylarında 80-160, Lənkəran-Astara bölgəsi çaylarında 40-200, Naxçıvan MR çaylarında isə 50 faizini təşkil edir.  Ekologiya və Təbii Sərvətlər Nazirliyinin Milli Hidrometeorologiya Departamenti xəbər verir ki, yanvarın 21-də Kür çayının Qıraqkəsəmən məntəqəsində suyun səviyyəsində dəyişiklik qeydə alınmayıb.