Qafqaz Müsəlmanları İdarəsinin sədri Şeyxülislam Allahşükür Paşazadə Qazaxıstan Respublikasının Bakıdakı Fövqəladə və Səlahiyyətli səfiri Serik Primbetovu onun xahişi ilə qəbul edib. Səmimi şəraitdə keçən görüşdə tərəfləri maraqlandıran məsələlər müzakirə olunmuş, iki xalq arasındakı ənənəvi dini-mənəvi əlaqələrin daha da inkişafı haqında fikir mübadiləsi aparılıb.

Yanvarın 28-də Daxili İşlər Nazirliyində 2012-ci ildə cinayətkarlıqla mübarizənin, ictimai qaydanın qorunmasının və ictimai təhlükəsizliyin təmin edilməsinin yekunlarına və qarşıda duran vəzifələrə həsr olunmuş geniş Kollegiya iclası keçirilib. İclası giriş sözü ilə açan daxili işlər naziri, general-polkovnik Ramil Usubov hesabat məruzəsi ilə çıxış edib. O deyib ki, yola saldığımız ildə davamlı şəkildə həyata keçirilən quruculuq işlərinə, tərəqqi proseslərinə zəmin yaradan ictimai asayiş, insan hüquq və azadlıqları etibarlı qorunub. 

Mədəniyyət və turizm naziri Əbülfəs Qarayev İspaniya Krallığı və Andorra Knyazlığına rəsmi səfər edib. Fevralın 2-dək davam edəcək səfər zamanı Barselona şəhəri və Andorra knyazlığının turizm potensialı ilə tanışlıq, qış turizmi sahəsində təcrübə mübadiləsi və qarşılıqlı əməkdaşlıq məsələlərinin müzakirəsi nəzərdə tutulub. Eyni zamanda, 30 yanvar - 2 fevral tarixlərində Ə.Qarayev İspaniyanın Madrid şəhərində təşkil olunacaq "FİTUR" Beynəlxalq Turizm Sərgisində, BMT-nin Ümumdünya Turizm Təşkilatının dəstəyi ilə keçiriləcək "Know-How" tədbirlərində iştirak edəcək. 

Türkiyə, Azərbaycan, Qığızstan və Qazaxstan dövlətləri ortaq ordu qurmaq qərarına gəlib. Türk dünyası artıq hərbi birlik meydana gətirir. Publika.Az türk mediasına istinadən xəbər verir ki, Avrasiya Hərbi Statuslu Daxili Qoşunları adını daşıyan təşkilat ilk toplantısını Azərbaycanda keçirib. Təşkilatın təməlləri Türkiyədə atılmışdı. 2011-ci ildə Ankarada qəbul edilmiş qərarla Avrasiya Hərbi qüvvələrinin yaradılması gündəliyə gətirilib.

“Son zamanlar Bakı və İsmayıllı rayonunda bir qrup şəxs ölkəmizdə ictimai-siyasi sabitliyi pozmaqda maraqlı olan qüvvələrin təsiri altına düşərək ictimai asayişi pozmağa, müxtəlif məzmunlu şayiələr yaymaqla insanları çaşdırmağa və cəmiyyətdə qarşıdurma vəziyyəti yaratmağa cəhd göstəriblər”. Azərbaycan Prezident Administrasiyasının Hüquq mühafizə orqanları ilə şöbəsinin müdiri Fuad Ələsgərov Bakı və İsmayıllı hadisələrinə belə münasibət bildirib. Fuad Ələsgərov qeyd edib ki, bu xuliqanlıq hərəkətləri ilə müşayiət olunan hadisələrin qarşısı qısa müddət ərzində alınıb və ictimai asayiş bərpa edilib: “Hüquq mühafizə orqanları hər zaman Azərbaycan dövlətçiliyinin keşiyində durub və bundan sonra da duracaq. 

Qafqaz Müsəlmanları İdarəsinin konfrans zalında Hz. Muhəmməd peyğəmbərin (s) mövludu münasibəti ilə tədbir keçirildi. Qafqaz Müsəlmanları İdarəsi Elmi-Dini Şurası üzvlərinin, Bakı İslam Universitetinin müəllim və tələbələrinin, tanınmış din xadimlərinin iştirak etdiyi mərasim Qurani-Kərimin tilavəti ilə başladı. İslam dininin qüdrətlənməsi yolunda, ölkəmizin müstəqilliyi və ərazi bütövlüyü uğrunda canlarını qurban verən şəhidlər ehtiramla yad edildi. Qafqaz Müsəlmanları İdarəsinin sədri Şeyxülislam Allahşükür Paşazadə tədbirdə çıxış etdi. 

Bu günlərdə ölkəmizin dini və mədəni ictimaiyyəti İslam Peyğəmbəri Həzrət Muhəmmədin (s) mübarək Mövlud həftəsini böyük ehtiram və ehtişamla qeyd edir. Azərbaycanın bütün bölgələrindəki məscid və mədrəsələrdə Aləmlərə rəhmət olaraq göndərilmiş Xatəmul-Ənbiya Peyğəmbərimizin (s) şəninə layiq məclislər və tədbirlər təşkil edilir, moizələr oxunur, müqəddəs xatirəsi salam və salavatlarla yad edilir.

Davosda keçirilən Dünya İqtisadi Forumu çərçivəsində Azərbaycan Respublikasının Dövlət Neft Şirkəti tərəfindən rəsmi qəbul təşkil edilib. Ənənəvi olaraq keçirilən builki qəbulda “SOCAR - Energy of Azerbaijan” adlı təqdimat mərasimi təşkil olunub. ARDNŞ prezidenti Rövnəq Abdullayev Azərbaycan dövlətinin nailiyyətləri, xüsusən SOCAR-ın uğurları barədə məlumat verib. O, bildirib ki, Azərbaycanda ictimai həyatın bütün sahələrində geniş vüsət alan davamlı inkişaf insan kapitalı və həyat keyfiyyətinin durmadan yüksəldilməsi üçün zəmin yaradır. 

Azərbaycan Jurnalistlərinin Həmkarlar İttifaqı (JuHİ) 2012-ci ildə hazırlanmış  вЂњRisklərlə davranış, Media professionalları üçün vəsait”  kitabının təqdimatına başlayıb. Vəsait 500 nüsxə ilə çap edilib və jurnalistlər arasında pulsuz paylanacaq. “Kitabınelektron versiyası təşkilatın saytında-www.juhi.az- ünvanında yerləşdirilib  və istənilən jurnalist onunla tanış ola bilər (http://juhi.az/uploads/FSU_Tehlukesizlik.pdf ).