İctimai paylaşma saytı Twitterdə Türkiyənin 9-cu Prezidenti Süleyman Dəmirəlin vəfat etdiyinə dair iddialar yer alıb. Türk mediası xəbər verir ki, Süleyman Dəmirəlin xüsusi həkimi Aylin Cəsur isə bu kimi məlumatları təkzib edib. A.Cəsur qeyd edib ki, ictimai media Twitterdə Süleyman Dəmirəlin vəfat etdiyinə dair bəzi iddialar çıxıb: “Hörmətli Cumhurbaşkanımızın sağlamlığı yerində və özü normal həyatını davam etdirməkdədir.”

Rusiya Prezidenti Vladimir Putinin Fərmanı ilə Səməd Vurğun adına Azərbaycan Dövlət Rus Dram Teatrının baş rejissoru, Xalq artisti Aleksandr Şarovski mədəniyyətin və incəsənətin inkişafına verdiyi töhfəyə görə "Puşkin" medalı ilə təltif edilib.  "Puşkin" medalı ilə Rusiya vətəndaşları və əcnəbilər incəsənət və mədəniyyət, təhsil və ədəbiyyat sahəsində nailiyyətlərinə, mədəni irsin öyrənilməsinə, mədəniyyətlərinin yaxınlaşmasında xidmətlərinə görə təltif edilir. 

Kollektiv Təhlükəsizlik Müqaviləsi Təşkilatının baş katibi Nikolay Bordyujanın bəyanatına təəccüblənmək lazım deyil, o dəfələrlə ədalətsiz olaraq Ermənistanı dəstəkləyib. Bu barədə MN-nin mətbuat xidmətinin rəhbəri Eldar Sabiroğlu bildirib. Onun sözlərinə görə, Bordyujanın münasibəti onun ermənipərəst mövqeyini nümayiş etdirir. N.Bordyuja İrəvanda erməni təyyarələrinin Xocalı hava limanına uçacağı təqdirdə Azərbaycanın onları vurmaq ehtimalını ciddi qəbul etmədiyini bildirib.

Azərbaycanda son səkkiz ildə orta məktəb məzunlarının sayı 33810 nəfər azalıb. Bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə 2012-2013-cü tədris ili üçün tələbə qəbulunun nəticələrinin elmi-statistik təhlilinə və “Abituriyent” jurnalının 12-ci sayının təqdimatına həsr olunan tədbirdə deyib. Komissiya sədri bildirib ki, 2012-ci ildə ümumi təhsil müəssisələrinin 89298 məzunu olub: “Son səkkiz ildə məzunların sayı 27.46 faiz azalıb. Bu il sənəd verənlərin 58.84 faizini builki məzunlar təşkil edib. Müqayisə üçün bildirək ki, 2009-cu ildə ali təhsil müəssisələrinə sənəd verənlər arasında həmin ilin məzunlarının nisbi payı 60.90 faiz, 2010-cu ildə 55.63 faiz, 2011-ci ildə isə 58.39 faiz olub”.

“Son vaxtlar dini icmalar özləri də bilmədən inkişafın qarantı olan stabilliyin pozucularına çevrilir”.  Bunu Azərbaycanın Dini Qurumlarla İş üzrə Dövlət Komitəsinin sədri Elşad İskəndərov deyib. Komitə sədrinin sözlərinə görə, bu, əksər müsəlman ölkələrində də belədir: “Onlar sonradan başa düşürlər ki, inkişafa əngəl olurlar, lakin sonrakı peşmançılıq da heç bir fayda vermir”. E. İskəndərov qeyd edib ki, Azərbaycanda dövlət tərəfindən, Komitə tərəfindən hər sahədə olduğu kimi, bu sahədə də vətəndaş fəallığı üçün istənilən şərait yaradılıb: “Onlar bundan səmərəli istifadə etməlidirlər. Çünki vətəndaş fəallığı yuxarıdan əmrlə olmur. Stabilliyimizin, inkişafımızın, daxili asayişin qorunması vətəndaş fəallığından asılıdır. Odur ki, onlar da özləri üçün lazım olan bu elementləri qorumalıdırlar”.

Bu gün Təhsil Nazirliyi ilə Koreya Respublikasının Xarici İşlər və Ticarət Nazirliyi arasında Naxçıvan Dövlət Universiteti üçün Elektron Təhsil Şəbəkəsi və Rəqəmsal Multimedia İnfrastrukturunun yaradılmasına dair Qrant Sazişinin imzalanması mərasimi keçirilib. Təhsil naziri M.Mərdanov son illər Azərbaycanla Koreya arasında təhsil sahəsində əlaqələrin daha da inkişaf etdiyini diqqətə çatdırıb.

Gənclər və idman naziri Azad Rəhimov Albaniyada rəsmi səfərdədir. Səfərin ilk günü nümayəndə heyəti Albaniyanın baş naziri Sali Berişa, parlamentin spikeri Josefina topallı, Turizm, Mədəniyyət, Gənclər və idman naziri Aldo Bumçi və Tirana şəhərinin meri Lulzim Başa ilə rəsmi görüşlər keçirilib. Baş nazir S.Berişa ilə keçirilən görüş zamanı iki ölkə arasında mövcud əməkdaşlıq imkanları, gənclər və idman sahələrində gələcək inkişaf perspektivləri müzakirə edilib. Parlamentin spikeri xanım Josefina topallı ilə görüş zamanı Azərbaycanda həyata keçirilən gənclər və idman siyasətinin nümunəvi bir model olduğu və bu sahələrdə təcrübə və məlumat mübadiləsinin Albaniya üçün vacibliyi qeyd edilib.

Mədəniyyət və Turizm Nazirliyi teatr, musiqi, təsviri sənət və kino sahəsində ənənəvi "Zirvə" mükafatını təsis edib. "Zirvə" mükafatı 2013-cü ildə teatr, musiqi, təsviri sənət və kino sahəsində xüsusi xidmətlər göstərən, yüksək peşəkarlıq nümayiş etdirən istedadlı, yaradıcı şəxslərə verilir. Bu mükafata aşağıda adları qeyd edilən sənət növləri üzrə yaradılmış əsərlər təqdim oluna bilər:

3 yanvar 2013-cü il... Heydər Əliyev Beynəlxalq Hava Limanından Gürcüstana uçan təyyarəmiz bir saat sonra Tbilisi Beynəlxalq Hava Limanında enəndə qəlbimdə qəribə hisslər keçirirdim. Hətta qulaqlarımda tanınmış gürcü müğənnisi, məşhur "Mimino" filmindəki baş rolu ilə şöhrət qazanmış Vaxtanq Kikabidzenin özünəməxsus məlahətli, bir qədər xırıltılı səslə ifa etdiyi və dillər əzbəri olan "Moi qoda - moe boqatstvo" mahnısı səslənirdi. 

Sabah Dini Qurumlarla İş üzrə Dövlət Komitəsi yeni internet saytının təqdimat mərasimini keçirəcək.  вЂњPark Inn” otelində baş tutacaq təqdimat mərasimində dövlət və hökumət nümayəndələrinin, millət vəkillərinin, ölkəmizdə akreditə olunmuş səfirlərin, dini icmaların rəhbərlərinin və media nümayəndələrinin iştirakı nəzərdə tutulub.