|
|
Səhifələr : # 2 3 4 5 6 7 8 9 10 #
|
|
Çin Yaponiya ilə keçirilməsi nəzərdə tutulan tədbiri təxirə salıb
|
|
Çin Yaponiya ilə diplomatik münasibətlərin qurulmasının 40 illiyi münasibətilə keçirilməsi nəzərdə tutulan tədbiri təxirə salıb. “KƏLAMİNFO” xəbər verir ki, Çinin dövlətə məxsus “Sinxua” agentliyinin verdiyi məlumata görə, tədbir Pekinin bildirdiyi kimi daha münasib bir vaxta qədər təxirə salınıb. İki ölkə arasında diplomatik münasibətlərin qurulmasının 40 illiyi münasibətilə təntənəli tədbirin sentyabrın 27-də keçirilməsi nəzərdə tutulmuşdu. Çin və Yaponiya arasında münasibətlər Şərqi Çin dənizində kiçik adalar qrupu ilə əlaqədar mübahisəyə görə gərgindir. Həm ölkə Yaponiyada Senkaku, Çində isə Diaoyu kimi tanınan adaların ona məxsus olduğunu iddia edir.
|
24.09.12 Məqaləni oxumaq
|
| |
|
|
|
Lukaşenko müxalifətə xəbərdarlıq edib
|
|
Belarus prezidenti Aleksandr Lukaşenko ölkə müxalifətinə bazar günü parlament seçkilərinin əleyhinə aksiya keçirməməklə bağlı xəbərdarlıq edib.
“KƏLAMİNFO” BBC-yə istinadən xəbər verir ki, Lukaşenko müxalifət üzvlərini qorxaq adlandıraraq, onların xalqa deməyə sözü olmadığını bildirib. Belarus prezidenti deyib ki, bütün dünya ölkədə onun sözləri ilə “darıxdırıcı” seçkilərdən razı qalmalıdır və əlavə edib ki, seçkilər inqilab və üsyan olmadan keçib. Ölkə rəsmiləri müxalif namizədlərin demək olar ki, heç birinin bazar günü parlament seçkilərində iştirakına imkan verməyib.
|
|
24.09.12 Məqaləni oxumaq
|
| |
|
|
|
“Biz Regionlarda AİDS Görmürük” layihəsinə start verilib
|
|
“Azad Gənclər” İctimai Birliyi Azərbaycan Respublikası Gənclər Fondunun maliyyə dəstəyi ilə "Biz Regionlarda AİDS Görmürük" adlı layihənin icrasına başlayıb. Layihənin əsas məqsədi "Biz Regionlarda AİDS Görmürük" adlı Gənclər Kompaniyası aparmaqla gənclər arasında sağlam həyat tərzini təbliğ etmək və onları əsrin təhlükəli xəstəliyi hesab olunan AİDS-dən qorumaqdır. İB-nin mətbuat xidmətindən “KƏLAMİNFO”ya daxil olan məlumatda bildirilir ki, sözügedən layihə Qax və Şəki rayonunda uğurla həyata keçirilib. Bundan əlavə, kampaniya 2 ay müddətində Azərbaycanın dörd bölgəsində - Şəki, Qax, Qəbələ və Zaqatala rayonlarında həyata keçiriləcək. Layihə zamanı hər bir regionda seçilmiş gəncin iştirakı ilə xüsusi seminarlar və kampaniyalar təşkil olunacaq. Sonda hər bir seminarda iştirak etmiş aktiv gənclər seçilərək "Biz Regionlarda AİDS Görmürük" adlı Gənclər Kampaniyasını öz yaşadıqları icmada da davam etdirmək üçün məlumatlandırılacaq. Eyni zamanda, bu layihənin nəticəsi olaraq Azərbaycanın qeyd olunan rayonlarında sağlam həyat tərzi uğrunda aparılacaq profilaktik tədbirlər, maarifləndirmə və təbliğat işlərinin ölkəmizin digər regionunda davam etdirilməsi və bununla bağlı yeni layihənin hazırlanması da nəzərdə tutulur.
|
|
24.09.12 Məqaləni oxumaq
|
| |
|
|
|
“Qlobal mədəniyyətin təşəkkülü dövründə Avrasiya ideyası” mövzusunda beynəlxalq elmi konfrans keçirilir
|
|
Bu gün Beynəlxalq Mətbuat Mərkəzində AMEA Memarlıq və İncəsənət İnstitutu və Rusiya Mədəniyyət Nazirliyinin Dövlət Sənətşünaslıq İnstitutunun birgə təşkilatçılığı ilə “Qlobal mədəniyyətin təşəkkülü dövründə Avrasiya ideyası” mövzusunda beynəlxalq elmi konfrans başlayıb. “KƏLAMİNFO”nun məlumatına görə, konfransda çıxış edən AMEA Memarlıq və İncəsənət İnstitutunun direktoru, professor Ərtegin Salamzadə bildirib ki, qloballaşma şəraitində hər bir ölkə, xalq özünün kimliyini anlamalıdır. Avrasiyanın böyük bir qitə olduğunu xatırladan Ə.Salamzadə bildirib ki, bu qitə mədəniyyətlərin müxtəlifliyi ilə seçilir.
|
|
24.09.12 Məqaləni oxumaq
|
| |
|
|
|
Əli Həsənov: Müxalifətlə münasibətlərimizin yaxşı olmasında maraqlıyıq
|
|
“Biz hətta opponentlərimiz hesab olunan müxalifətlə də münasibətlərimizin yaxşı olmasında maraqlıyıq”. “KƏLAMİNFO” xəbər verir ki, bu barədə açıqlamanı Prezident Administrasiyasının ictimai-siyasi şöbəsinin müdiri Əli Həsənov ANS TV-nin “Hesabat” proqramına müsahibəsində deyib.
Bəlli ümummilli məsələlərdə müxalifətlə təkliflərinin bir nöqtəyə vurulmasının tərəfdarı olduqlarını bildirən Əli Həsənov bir çox halda müxalifətin bu kimi məsələlərdə hakimiyyətlə həmrəy olmamasından təəssüfləndiyini bildirib: “Dəfələrlə Azərbaycana beynəlxalq təzyiqlər olub, müxalifət isə bundan bayram kimi istifadə edib, öz mətbuat orqanlarında bu məsələləri daha çox tirajlayaraq şişirdiblər. Belə məsələlərdə ilk növbədə günah müxalifətdə olub. Ramil Səfərov məsələsində isə müxalifət məcbur olub YAP-ın çağırışına qoşuldu. Ona görə ki, xalqın gözündən düşməkdən, xalqla aralarında olan mövcud uçurumun daha da dərinləşməsindən qorxdular”.
Əli Həsənov bundan sonra digər məsələlərdə də müxalifəti çağıracaqlarını bildirib.
|
|
24.09.12 Məqaləni oxumaq
|
| |
|
|
|
Mübariz Əhmədoğlu: “ATƏT-in Minsk qrupunun dağılmasına nail olmalıyıq”
|
“Son vaxtlar Dağlıq Qarabaş münaqişəsi ilə bağlı dəyişikliklər var və bu, Azərbaycanın xeyrinədir”. “KƏLAMİNFO” xəbər verir ki, bu fikirləri Siyasi İnnovasiya və Texnologiyalar Mərkəzinin direktoru Mübariz Əhmədoğlu keçirdiyi ənənəvi “Qarabağ saatı”nda deyib.
Onun sözlərinə görə, bu dəyişikliyin keyfiyyətə doğru sıçrayış yaradacağını indidən demək olmur: “Ramil Səfərovun ekstradisiyasından sonra ermənilərin yaratdığı səs-küy bir az müəyyən işlərin böyüməsinə imkan vermir, ancaq bu səs-küy kəsəndən sonra bütün dünya, xüsusən Avropada görəcəklər ki, hamı Ermənistandan Qarabağı məsələsini istəyir. Yəni əksəriyyətin şüurunda belədir ki, indiki vəziyyətin əsl səbəbi Dağlıq Qarabağ münaqişəsinin həll edilməmiş qalmasıdır”. Onun sözlərinə görə, Dağlıq Qarabağ münaqişəsi həll edilsəydi, R.Səfərovun ekstradisiyası bu qədər səs-küy yaratmazdı: “Dağlıq Qarabağ münaqişəsi həll olunsaydı, Ermənistanın dövlət borcu 7,5 milyard dollara çatmazdı.
|
|
21.09.12 Məqaləni oxumaq
|
| |
|
|
|
Ziyafət Əsgərov: “Ermənistan terrorizmi dövlət səviyyəsində dəstəkləyən ölkədir”
|
“Bu gün Ermənistan tək işğalçı dövlət yox, hətta terrorizmi də dövlət səviyyəsində dəstəkləyən ölkədir”. “KƏLAMİNFO” xəbər verir ki, bunları Milli Məclisin I vitse-spikeri Ziyafət Əsgərov bu gün Azərbaycanda səfərdə olan Çin Xalq Nümayəndələri yığıncağı Daimi Komitəsinin Xarici İşlər üzrə Komitəsinin sədri Li Caosinin rəhbərlik etdiyi nümayəndə heyətilə görüşündə bildirib.
O qeyd edib ki, Azərbaycan bu gün Ermənistan tərəfindən dəstəklənən terrorizmdən əziyyət çəkir: “Biz bilirik ki, Çin də separatizm və terrorizmdən əziyyət çəkir. Biz separatizm və terrorizmin bütün təzahürlərini pisləyirik və buna qarşı birlikdə mübarizə aparmalıyıq”.
Li Caosi isə qarşılıqlı münasibətlərdən danışaraq bildirib ki, Çin Azərbaycanın ərazi bütövlüyünü dəstəkləyir: “Biz də bu problemdən əziyyət çəkmişik və indi də çəkirik. Amma biz 1997-ci ildə Honkonqun qaytarılmasına nail olduq və arzu edirəm ki, siz də öz ərazi bütövlüyünüzü bərpa edəsiniz. Amma bu gün bizə iqtisadi baxımdan da təcavüz edənlər çoxdur. Məsələn, iqtisadi münasibətlərdə bəzi Avropa ölkələri bizə qarşı ikili standartlar yürüdürlər. Biz Azərbaycanla hərtərəfli əlaqələrdə maraqlıyıq”.
|
|
21.09.12 Məqaləni oxumaq
|
| |
|
|
|
Korrupsiyaya Qarşı Mübarizə İdarəsinin keçirdiyi 43 əməliyyat tədbiri nəticəsində 44 şəxs cinayət başında yaxalanıb
|
Baş prokuror yanında Korrupsiyaya Qarşı Mübarizə İdarəsinin əməliyyat-axtarış şöbəsi fəaliyyətə başladığı gündən həyata keçirdiyi 43 əməliyyat tədbiri nəticəsində 44 şəxs cinayət başında yaxalanıb. “KƏLAMİNFO” xəbər verir ki, bu barədə baş prokuror Zakir Qaralov “Azərbaycan” qəzetinə müsahibəsində bildirib.
Z.Qaralov bildirib ki, Baş prokuror yanında Korrupsiyaya Qarşı Mübarizə İdarəsinə əməliyyat-axtarış fəaliyyətini həyata keçirmək səlahiyyətlərinin verilməsi bu sahədə prokurorluq orqanlarının qarşısında çox mühüm və məsuliyyətli vəzifələr qoyub. Onun sözlərinə görə, əməliyyat axtarış fəaliyyətinin prokurorluq orqanları üçün yeni bir sahə olduğundan, korrupsiyaya qarşı mübarizədə əməliyyat-axtarış tədbirlərinin səmərəliliyinin artırılmasına dair təkliflərin hazırlanması Milli Fəaliyyət Planında icrası prokurorluq orqanlarına həvalə edilən məsələ kimi nəzərdə tutulub.
|
|
21.09.12 Məqaləni oxumaq
|
| |
|
|
|
Vardan Oskanyan: “Ermənistanda demokratiya və azad iqtisadiyyat çox təhlükəli nöqtədədir”
|
|
“Ermənistanda demokratiya və azad iqtisadiyyat çox təhlükəli nöqtədədir”. “KƏLAMİNFO” “Armtodey”ə istinadən xəbər verir ki, bunu özünün “Facebook” səhifəsində Ermənistanın eks-xarici işlər naziri Vardan Oskanyan bəyan edib: “Son beş il ərzində hökumət uğurlara imza atmayıb və bu faktdır. Əksinə, hakimiyyətin və biznesin maraqları daha da inkişaf edib. Bu hal siyasi və iqtisadi elitanı formalaşdırıb, iqtisadiyyat və siyasət sahəsində islahatların həyata keçməsində maneələr yaranıb”.
|
|
21.09.12 Məqaləni oxumaq
|
| |
|
|
|
Misir Mərdanov təhsil müəssisələrinin qışa hazırlığından danışıb
|
“Azərbaycanda məktəblərin payız-qış mövsümünə hazırlığı ilə bağlı müvafiq addımlar atılır. Təhsil müəssisələrində istiliklə bağlı yaranan problemlər ildən-ilə azalır”. “KƏLAMİNFO” xəbər verir ki, bu barədə məlumatı jurnalistlərə açıqlamasında təhsil naziri Misir Mərdanov söyləyib.
Nazir qeyd edib ki, məktəblərin istilik problemlərinin həlli ilə bağlı müvafiq qurumlar tərəfindən iş aparılır. Onun sözlərinə görə, Azərbaycanda şəhərlər, rayonlar və kəndlərin qazlaşdırılmasına çox ciddi diqqət yetirilir: “Bu da o deməkdir ki, təhsil müəssisələrinin istilik sisteminin qazla işləməsi sahəsində də şərait yaxşılaşdırılır”.
|
|
21.09.12 Məqaləni oxumaq
|
| |
|
|
|
Səhifələr : # 2 3 4 5 6 7 8 9 10 # |
|
Torpaqlarımızı qaytaraq..
|
| |
|
|
|
Açılış Səhifəsi et 
