|
|
|
|
Qulu Novruzov: “Bizim ali məktəblər öz imkanlarını əcnəbilərə təqdim etməyə hazırdır”
|
|
“Müharibə şəraitində olan Azərbaycanda təhsil büdcəsinin hərbi büdcə ilə eyni olması ölkədə təhsilə verilən diqqətin göstəricisidir”. “KƏLAMİNFO” xəbər verir ki, bunları Bakıda keçirilən “Körpülərin salınması” adlı beynəlxalq konfransda Azərbaycan təhsil nazirinin müavini Qulu Novruzov bildirib.
O qeyd edib ki, Azərbaycanda hazırda təhsillə bağlı 16 dövlət proqramı həyata keçirilir: “Minlərlə azərbaycanlı gənc bu proqramlar çərçivəsində xaricə təhsil almağa göndəriləcək”. Nazir müavini deyib ki, hazırda da azərbaycanlı gənclər dünyanın nüfuzlu ali məktəblərində təhsil almağa göndərilir və bu, daha da genişləndiriləcək: “Azərbaycan Avropa ölkələrindən olan gənclərin bizim ali məktəblərdə təhsil almasında maraqlıdır. Bizim ali məktəblər öz imkanlarını əcnəbilərə təqdim etməyə hazırdır”.
|
30.09.12 Məqaləni oxumaq
|
| |
|
|
|
Din xadimləri treninqə cəlb olunur
|
|
Dini Qurumlarla İş üzrə Dövlət Komitəsi, İslam Konfransı Gənclər Forumu Avrasiya Regional Mərkəzi ilə birlikdə Azərbaycanın Şimal-Qərb bölgəsində fəaliyyət göstərən dini icma sədrləri, din xadimləri (imam və axundlar), ilahiyyatçılar, həmçinin ictimaiyyətin fəalları üçün 1-2 oktyabr tarixlərində Oğuz şəhərində “Dövlət-din münasibətləri və maarifləndirmə işi” mövzusunda seminar-treninq keçirəcək. Məlumatı “KƏLAMİNFO”ya DQİDK-nin mətbuat xidmətindən veriblər.
Dövlət-din münasibətlərinin daha effektiv səviyyədə tənzimlənməsi, dini maarifləndirmə işinin təşkili və aparılması, eləcə də dini icmaların radikalizm meyllərinin qarşısının alınması və sosial problemlərin həlli prosesinə cəlb olunması məqsədilə keçiriləcək seminar-treninqin açılış mərasimində Dini Qurumlarla İş üzrə Dövlət Komitəsinin sədri Elşad İskəndərov, Qafqaz Müsəlmanları İdarəsinin sədri Hacı Allahşükür Paşazadə, ölkə ictimaiyyəti, elmi dairələrin nümayəndələri iştirak edəcəklər. Seminar-treninqdə respublikanın 7 şəhər və rayonundan ümumilikdə 100-dən artıq nümayəndənin iştirakı və tədbir çərçivəsində müxtəlif mədəni proqramların təşkili nəzərdə tutulub.
|
|
30.09.12 Məqaləni oxumaq
|
| |
|
|
|
Ərdoğan Kılıçdaroğlunu məhkəməyə verdi
|
|
Türkiyə baş naziri Rəcəb Tayyib Ərdoğan CXP lideri Kamal Kılıçdaroğlunu məhkəməyə verib. “KƏLAMİNFO” “CNN Turk”ə istinadən xəbər verir ki, baş nazir Kılıçdaroğludan “öz ölkəsini, öz ölkənin mənafelərini qoruya bilməyən adama xain deyilir” sözlərinə görə 100 min lirə təzminat tələb edir. Ərdoğanın vəkilləri Əli Özkara, Müammər Camaloğlu və Bürhanəddin Sevəncanın hazırladığı iddia ərizəsində Kılıçdaroğlunun sentyabrın 27-də partiyasının “Birgə Çalışma Toplantısı”ndakı çıxışında Ərdoğanı təhqir etdiyini bildiriblər. Vəkillər Kılıçdaroğlunun tənqid və ifadə azadlığı sərhədlərini aşdığını qeyd ediblər: “Türk hüququnda ən ağır cinayət vətənə xəyanətdir. Qarşı tərəfin də xain kəlməsini vətənə xəyanət mənasında işlətdiyi açıq şəkildə ortadadır. Bu sözlərin bugünkü hüquq qaydaları qarşısında ağır cinayət ehtiva etdiyi çox açıqdır. Bu sözlərlə müdafiə etdiyimiz şəxs vətənə xainlikdə ittiham olunub. Bu da şərəf və ləyaqətə hücumdur”.
|
|
30.09.12 Məqaləni oxumaq
|
| |
|
|
|
Bu il Azərbaycana gələn turistlərin sayında 7 faizdən çox artım olub
|
|
Azərbaycanda mehmanxana və mehmanxana tipli obyektlərin sayı artmaqdadır. 2012-ci ilin ilk 6 ayının statistik göstəricilərinə əsasən belə obyektlərin sayı 506, respublika üzrə yataq yerlərinin ümumi sayı isə 31.850 təşkil edib. “KƏLAMİNFO” xəbər verir ki, bunu Mədəniyyət və Turizm Nazirliyi Turizm şöbəsinin müdiri Aydın İsmiyev deyib. Onun sözlərinə görə, hazırda mehmanxana və mehmanxana tipli obyektlərin fəaliyyətinə xüsusi razılıq (lisenziya) əsasında 327, turizm fəaliyyətinə xüsusi razılıq (lisenziya) əsasında 210 turizm şirkəti fəaliyyət göstərir: “Bir sıra turizm şirkətləri mövcud bazarda rəqabətə davam gətirmədiyi üçün şirkətləri fəaliyyətini dayandırmış və ya lisenziyalarının müddətinin bitməsinə baxmayaraq, fəaliyyəti davam etdirmək üçün nazirliyə müraciət etməyib”.
|
|
30.09.12 Məqaləni oxumaq
|
| |
|
|
|
Əli Əhmədov: Gülər Əhmədova törətdiyi dələduzluq əməlləri ilə Yeni Azərbaycan Partiyasını Milli Məclisdə təmsil etməyə mənəvi haqqını itirib
|
|
“Yeni Azərbaycan Partiyası, partiyanın üzvü Gülər Əhmədovanın qeydiyyatı ləğv edilmiş Azərbaycan Beynəlxalq Universitetinin rektoru olmuş Elşad Abdullayevlə birgə videogörüntüləri vasitəsi ilə üzə çıxmış əməllərindən dərin təəssüf hissi keçirir.” “KƏLAMİNFO” xəbər verir ki, bu fikirləri Yeni Azərbaycan Partiyasının Sədr müavini – icra katibi Əli Əhmədov səsləndirib.
Ə.Əhmədov qeyd edib ki, birmənalı şəkildə, bu hərəkətlər Yeni Azərbaycan Partiyasının prinsip və dəyərləri ilə qətiyyən bir araya sığmır: “Biz Gülər Əhmədovanın dələduzluq hərəkətlərini ölkənin hakim partiyasına ləkə kimi qiymətləndiririk. Eyni zamanda o da şübhəsizdir ki, Gülər Əhmədova törətdiyi dələduzluq əməlləri ilə Yeni Azərbaycan Partiyasını Milli Məclisdə təmsil etməyə mənəvi haqqını artıq itirmişdir. Yeni Azərbaycan Partiyasının hər bir üzvünün mövqeyi məhz belədir” - deyə YAP-ın Sədr müavini bildirib.
|
|
30.09.12 Məqaləni oxumaq
|
| |
|
|
|
“Körpülərin salınması” adlı beynəlxalq konfrans sona çatıb
|
|
Bu gün Bakıda Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) və Avropa Məsələləri üzrə İnstitutun (İNEA) təşkilatçılığı ilə keçirilən “Körpülərin salınması” adlı beynəlxalq konfrans sona çatıb. “KƏLAMİNFO” xəbər verir ki, yekunda çıxış edən İNEA-nın rəhbəri Qramke Yurgen bildirib ki, konfrans ciddi nəticələr verəcək və o, bu tədbirin keçirilməsi üçün Azərbaycan dövlətinə minnətdarlığını bildirib. O qeyd edib ki, Azərbaycan bu gün Şərqlə Qərb arasında körpüdür və Azərbaycanın inkişafı bu körpünün möhkəmlənməsi deməkdir.
AVCİYA sədri, deputat Elxan Süleymanov isə tədbirdə iştirak edən xarici qonaqlara təşəkkür edib: “Belə bir tədbirin Azərbaycanda keçirilməsi ölkəmizin Avropa üçün etibarlı tərəfdaş olmasını göstərir. Bu konfransın yekunu olaraq biz əldə olunan müvafiq əməkdaşlıq razılıqlarını müzakirə edəcəyik. Nəzərə alsaq ki, iki gündə müxtəlif sahələrdə birgə fəaliyyətdən bəhs etdik, əminəm ki, ciddi nəticələr ortada olacaq”.
|
|
30.09.12 Məqaləni oxumaq
|
| |
|
|
|
Elmar Məmmədyarov Ketrin Eştonla nədən danışıb?
|
|
Azərbaycanın xarici işlər naziri Elmar Məmmədyarov BMT Baş Assambleyasının 67-ci sessiyasında iştirakı çərçivəsində Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Ketrin Eştonla görüşüb. Bu barədə məlumatı “KƏLAMİNFO”ya Xarici İşlər Nazirliyinin mətbuat xidmətindən veriblər.
Görüşdə Azərbaycan və Avropa İttifaqı arasında əməkdaşlıq məsələləri, eləcə də beynəlxalq gündəlikdə duran aktual məsələlər ətrafında fikir mübadiləsi aparılıb.
|
|
30.09.12 Məqaləni oxumaq
|
| |
|
|
|
Klinton Yaponiya və Çini sakit olmağa çağırıb
|
|
ABŞ dövlət katibi Hillari Klinton Şərqi Çin Dənizindəki mübahisəli adalar ucbatından münasibətlərində gərginlik yaranan Yaponiya və Çini sakit olmağa çağırıb. “KƏLAMİNFO” “Lenta.ru”ya istinadən xəbər verir ki, BMT toplantıları çərçivəsində Nyu-Yorkda olan Klinton Çinin xarici işlər naziri Yanq Jieşi ilə görüşüb. Görüşlə bağlı mətbuata məlumat verən bir amerikalı diplomat Klintonun iki tərəfi də sakitliyə çağırdığını söyləyib: “Yaponiya və Çin sakit sularda dialoq qurmalıdır. İki tərəfin də birlikdə çalışıb təzyiqi düşürmək üçün lazımi imkanları, bacarığı və təmkini var”.
|
|
29.09.12 Məqaləni oxumaq
|
| |
|
|
|
62 saylı məktəb-litseydən şagirdin şəhadətnaməsinin verilməməsinə aydınlıq gətirilib
|
|
Bəzi kütləvi informasiya vasitələrində Bakı şəhəri 62 saylı məktəb-litsey haqqında yazılar yer alıb. Bildirilir ki, məktəb-liseyin 9-cu sinfini bitirmiş Hüseynov Nurlan Ağayar oğlunun atası Hüseynov Ağayar Allahverdi oğlu övladının şəhadətnaməsini ala bilmədiyindən şikayətlənir. “KƏLAMİNFO” adıçəkilən məktəbin direktoru Mətanət Cabbarova ilə əlaqə saxlayıb məsələyə aydınlıq gətirib. Direktor bildirib ki, “Təhsil haqqında” qanuna uyğun olaraq 9-cu sinfi bitirmiş hər bir şagirdə şəhadətnamə hər hansı bir təhsil müəssisəsində oxuyacağı təqdirdə təqdim oluna bilər: “Mütləq olaraq ən azından peşə məktəbində təhsilini davam etdirməlidir. Əks halda, 11 illik təhsil icbari olduğundan, şagird təhsilini oxuduğu və yaxud digər orta ümumtəhsil məktəblərinin birində davam etdirməlidir.
|
|
29.09.12 Məqaləni oxumaq
|
| |
|
|
|
Turizm şirkətlərində dempinq halları aşkarlanıb
|
|
Yay turizm mövsümündə aparılan müvafiq monitorinqlər zamanı bəzi turizm şirkətlərində dempinq (qiymətlərin süni şəkildə salınması) halları aşkarlanıb. “KƏLAMİNFO” xəbər verir ki, bu barədə mədəniyyət və turizm naziri Əbülfəs Qarayev deyib. Onun sözlərinə görə, həmin şirkətlərin adları yaxın vaxtlarda ictimaiyyətə açıqlanacaq: “Bu il biz bu problemi öz aramızda həll etdik, amma növbəti ildən belə faktlar barədə hüquq-mühafizə orqanlarına müraciət edəcəyik”.
Ə.Qarayev bildirib ki, bu şirkətlər arasında lisenziya ilə fəaliyyət göstərəni də var.
|
|
29.09.12 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Açılış Səhifəsi et 
