|
|
Səhifələr : # 9 10 11 12 13 14 15 16 17 #
|
|
Yaşı 65 və ondan yuxarı olan müəllimlər və məktəb direktorlarının əksəriyyəti vəzifəsindən uzaqlaşdırılıb
|
|
“Ötən il ümumtəhsil müəssisələrində yaş senzi ilə bağlı ciddi tədbirlər gördük. Belə ki, yaşı 65 və ondan yuxarı olan müəllimlər və məktəb direktorlarının əksəriyyəti vəzifəsindən uzaqlaşdırıldı”. “KƏLAMİNFO” xəbər verir ki, bu barədə açıqlamanı təhsil naziri Misir Mərdanov verib.
Nazir əlavə edib ki, parlamentin qəbul etdiyi və dövlət başçısının təsdiqlədiyi qanunda onlara 2 faiz saxlamaq imkanı verilib: “Mən bu gün də o fikirdəyəm ki, bu, çox humanist bir addımdır. Bizim əsas vəzifəmiz yaşı çatanları vəzifəsindən uzaqlaşdırmaq deyil, Azərbaycan təhsilinə ləyaqətlə xidmət edən müəllimləri saxlamaqdır. Hesab edirəm ki, hər bir insanı vəzifədən çıxarmazdan əvvəl bir az düşünmək lazımdır”. Nazir əlavə edib ki, millətinə xidmət edən müəllimləri saxlamaq lazımdır.
O, müəllimlərə dövlət qulluqçusu statusunun verilməsinə də toxunub və bildirib ki, bu istiqamətdə iş gedir: “Bu, uzun bir prosesdir və bu barədə əlavə nəsə deyə bilmərəm”.
|
11.09.12 Məqaləni oxumaq
|
| |
|
|
|
Ramil Həsənov Asiyada Qarşılıqlı Fəaliyyət və Etimad Tədbirləri Üzrə Müşavirənin toplantısına qatılacaq
|
|
TÜRKPA baş katibi Ramil Həsənovun başçılıq etdiyi nümayəndə heyəti 12 sentyabr tarixində Astanada keçiriləcək Asiyada Qarşılıqlı Fəaliyyət və Etimad Tədbirləri Üzrə Müşavirənin (AQFETM) Yubiley İclası və Xarici İşlər Nazirlərinin IV görüşündə ilk dəfə olaraq müşahidəçi qismində iştirak edəcək. Bu barədə məlumatı “KƏLAMİNFO”ya TÜRKPA-dan veriblər.
Səfər zamanı R.Həsənovun Qazaxıstanın xarici işlər naziri Yerjan Kazıkhanovla görüşü nəzərdə tutulub. Eyni zamanda baş katib Xarici İşlər Nazirlərinin IV görüşündə TÜRKPA-nın fəaliyyəti, görülmüş işlər və gələcək layihələr barədə çıxış edəcək.
Səfərdə R.Həsənovu müavini Mels Semgaliyev və Beynəlxalq Əlaqələr Komissiyasının katibi Emin Həsənov müşayiət edəcəklər.
|
|
11.09.12 Məqaləni oxumaq
|
| |
|
|
|
Aydın Mirzəzadə: “Ermənistan sivil qaydalara hazır deyil”
|
|
“Erməni diasporunun son bəyanatları göstərdi ki, onlar üçün müqəddəs heç bir şey qalmayıb”. Bunları “KƏLAMİNFO”ya açıqlamasında hakim Yeni Azərbaycan PArtiyasının Siyasi Şuranın üzvü, deputat Aydın Mirzəzadə bildirib.
O qeyd edir ki, ASALA terror təşkilatının azərbaycanlılara qarşı hədə dolu bəyanatla çıxış etməsi bir daha sübut etdi ki, Ermənistan hakimiyyətində etnik təcavüzə meyillilik güclüdür: “İndi elə bir dövrdür ki, istənilən fikir ayrılığını sivil qaydada, beynəlxalq hüquq normaları çərçivəsində həll etmək olar. Amma görünən odur ki, Ermənistan buna hazır deyil”. A.Mirzəzadə deyir ki, bu gün dünya ictimaiyyətinin qarşısında duran əsas məsələlərdən biri terrorla mübarizədir və bütün beynəlxalq təşkilatlar daim bu mübarizəyə dəstək verir: “Lakin təəssüflər olsun ki, azərbaycanlı zabitin öz vətəninə qayıtmasına ağız dolusu etiraz bəyanatları verən bəzi təşkilatlar erməni terror təşkilatının dünya azərbaycanlılarını hədələməsinə susur”. Deputat onu da bildirir ki, ASALA terror təşkilatı bəyanatları ilə Ermənistanın nüfuzunu zərbə altında qoyur.
|
|
11.09.12 Məqaləni oxumaq
|
| |
|
|
|
Əli Abbasov Dünya İqtisadi Forumunda iştirak etmək üçün Çinə gedib
|
|
Rabitə və informasiya texnologiyaları naziri Əli Abbasov Dünya İqtisadi Forumunun direktoru Borge Brendenin dəvəti ilə Çin Xalq Respublikasında səfərdədir. RİTN-dən “KƏLAMİNFO”ya verilən məlumata görə, səfər 10-13 sentyabr tarixlərində Çinin Tiancin şəhərində keçiriləcək Dünya İqtisadi Forumunun Asiya Regional Sammitində Azərbaycanı təmsil etmək məqsədi daşıyır.
Yeni texnologiyaların, elmi-texniki nailiyyətlərin iqtisadiyyata tətbiqi, innovativ sahibkarlıq kimi məsələləri gündəmə gətirəcək sammitdə İKT-nin inkişafı, innovativ texnologiyaların iqtisadi inkişafa təsiri, eləcə də bu sahələrdə hökumətin rolu kimi mövzuların müzakirəsi də nəzərdə tutulur.
Sözügedən tədbirdə iştirak son illər Azərbaycanda əldə olunmuş nailiyyətlərin təbliği, o cümlədən ölkəmizin BMT tərəfindən koordinator təyin edildiyi Trans-Avrasiya Super İnformasiya Magistralı (TASİM), Yaxın Şərq Sürətli İnformasiya Dəhlizi (EPEG) kimi beynəlxalq layihələrin dəstəklənməsinə və reallaşdırılmasına da öz töhfəsini verəcək. Sammit həmçinin müxtəlif ölkələrin İKT üzrə tanınmış şirkətləri ilə qarşılıqlı əməkdaşlıq imkanlarını da genişləndirəcək.
|
|
11.09.12 Məqaləni oxumaq
|
| |
|
|
|
Çox satılan kitabın formulu
|
|
Amerika nəşriyyatlarının ortaq formalaşdırdığı bir platforma olan “HipType” hər gün artan kitab sayını, mövzusunu, qəhrəmanları da nəzərə alaraq, çox səs gətirən əsərlərdən sadəcə bir neçə insanın oxuduğu kitaba qədər milyonlarla kitabı incələyərək satışı rekordlar qıran kitab üçün vacib olan şərtləri açıqlayıb. “KƏLAMİNFO” xəbər verir ki, “HipType”-ın əsas şərti belə olub: bir qadın qəhrəmanın 375 səhifəlik eşq macərası. Məhz bu formul ilə artıq satışı qarantiya olan bir kitab üçün nə etmək lazım olduğu sualının cavabı da sirr olmaqdan çıxıb. “HipType”-ın analizlərindən oxucular da yan keçə bilməyib. Belə ki, oxucuların fikirlərini və oxunaqlı bir kitaba qoyduqları şərtləri araşdıran zaman məlum olub ki, bir kitabın ortalama uzunluğu 375 səhifə olmalıdır. Bu həddi çox aşmaq təhlükəlidir. Çünki oxucuların 74%-i 400 səhifədən çox kitabı yarımçıq qoyduğunu deyib.
|
|
10.09.12 Məqaləni oxumaq
|
| |
|
|
|
ABŞ dövlət katibinin Suriya ilə bağlı səyləri nəticə verməyib
|
|
ABŞ dövlət katibi Hillari Klintonun Rusiya prezidenti Vladimir Putin və xarici işlər naziri Sergey Lavrovla Suriya ilə bağlı görüşü zamanı nailiyyət əldə edilməyib. “KƏLAMİNFO” BBC-yə istinadən xəbər verir ki, Klinton bildirib ki, fikir ayrılıqları aradan qaldırılmasa, o, Suriya müxalifətini dəstəkləyən ölkələrlə iş birliyinə başlayacaq.
Bu arada Ərəb Liqası və BMT-nin Suriya üzrə nümayəndəsi Laxdar Brahimi bu gün Qahirəyə səfər edib. Daha sonra o, Dəməşqə yola düşəcək.
|
|
10.09.12 Məqaləni oxumaq
|
| |
|
|
|
İraqın sabiq vitse-prezidenti ölüm cəzasına məhkum edilib
|
|
İraqın sabiq vitse-prezidenti Tariq Əl-Haşimi ölüm cəzasına məhkum edilib. Sünni siyasətçi və onun kürəkəni qadın vəkil və ədliyyə sistemi işçisinin qətlində təqsirləndirilir. “KƏLAMİNFO” BBC-yə istinadən xəbər verir ki, Türkiyədən İraqa qayıdacağı gözlənilməyən Haşimi şiə baş nazir Nuri Əl-Malikini sünni opponentlərinə qarşı təzyiqlərə görə günahlandırıb.
Haşiminin vəkili məhkəmənin müttəhim olmadan keçirildiyinə görə apelyasiya edilməyəcəyini bildirib. ABŞ qüvvələrinin İraqı tərk etməsindən bəri Maliki siyasi baxımdan çıxılmaz vəziyyətlə üzləşib.
|
|
10.09.12 Məqaləni oxumaq
|
| |
|
|
|
Şiddətli döyüşlərə görə Hələb şəhəri susuz qalıb
|
|
Suriyada hökumət qüvvələri və üsyançılar arasında şiddətli döyüşlər zamanı əsas su borusunun zədələnməsinə görə ölkənin ticarət mərkəzi olan Hələb şəhərinə suyun verilməsi kəsilib. “KƏLAMİNFO” RİA “Novosti”yə istinadən xəbər verir ki, müxalifət fəallarının bildirdiyinə görə, su kəməri Suriya qüvvələrinin üsyançıların mövqelərini atəşə tutması nəticəsində zədələnib. Suriya rəsmiləri isə üsyançıları təxribat törətməkdə ittiham edib.
|
|
10.09.12 Məqaləni oxumaq
|
| |
|
|
|
Bu il Bakı məktəblərinin 1609 məzun attestat almayıb
|
|
2011-2012-ci dərs ilində paytaxtın ümumtəhsil məktəblərinin XI siniflərində 21916 şagird təhsil alıb, bunlardan illik qiymətlərinə görə 755 şagird imtahanlara buraxılmayıb. “KƏLAMİNFO” xəbər verir ki, bu fikirləri Bakı Şəhəri üzrə Təhsil İdarəsinin (BŞTİ) müdiri Nailə Rzaquliyeva deyib. Onun sözlərinə görə, 664 (3,14%) şagird isə imtahanlardan “qeyri-kafi” qiymət alıb. Ümumilikdə XI sinifdə dərs ilinin sonunda imtahanlara buraxılan 21161 şagirddən 1609 (7,60%) məzun imtahan və illik qiymətlərə görə attestat almayıb. Əvvəlki illərdən qalanlardan 1337 nəfər məzun imtahan vermək hüququ qazanıb, onlardan 1026 (76,74%) nəfəri imtahanlardan müvəffəq qiymətlər alaraq attestat alıblar.
|
|
10.09.12 Məqaləni oxumaq
|
| |
|
|
|
Ali məktəblərə tələbə qəbulunda Bakı məktəbləri məzunlarının xüsusi çəkisi artıb
|
|
Ali məktəblərə tələbə qəbulunda hər il olduğu kimi, 2011/2012-ci tədris ilində də Bakı məktəbləri məzunlarının xüsusi çəkisi artıb. “KƏLAMİNFO” xəbər verir ki, bu fikirləri Bakı Şəhəri üzrə Təhsil İdarəsinin (BŞTİ) müdiri Nailə Rzaquliyeva paytaxtın təhsil işçilərinin sentyabr konfransındakı çıxışı zamanı deyib.
O bildirib ki, 2012-ci ildə Azərbaycanın ali təhsil müəssisələrinə keçirilən qəbul imtahanlarında 1 nəfər məzun maksimum - 700 bal toplayıb. Məzunların 17 min 858 nəfəri (attestat alanların 88,4%-i) ali məktəblərə sənəd verib və onlardan 9256 nəfəri, yəni imtahanlarda iştirak edənlərin 51,83%-i qəbul olunublar. Bu göstərici keçən illə müqayisədə 5, 2006-cı illə müqayisədə 17% artıb.
|
|
10.09.12 Məqaləni oxumaq
|
| |
|
|
|
Səhifələr : # 9 10 11 12 13 14 15 16 17 # |
|
Torpaqlarımızı qaytaraq..
|
| |
|
|
|
Açılış Səhifəsi et 
