|
|
Səhifələr : # 1 2 3 4 5 6 7 8 #
|
|
TQDK-dan ali məktəblərə qəbul olan abituriyentlər üçün ciddi xəbərdarlıq
|
|
Cari tədris ili üçün ali təhsil müəssisələrinə keçirilmiş qəbul imtahanlarının nəticələrinə əsasən müsabiqə şərtlərini ödəyən abituriyentlər avqustun 7-dən avqustun 16-dək internet vasitəsilə ixtisas seçimi aparırlar. Artıq seçim vaxtının başa çatmasına 1 gün qalır. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının mətbuat xidmətindən veriblər.
İxtisas seçimi 16 avqust saat 23:59-da başa çatacaq. Həmin vaxta qədər ixtisas seçiminə buraxılmış bütün abituriyentlər ixtisas seçimi etməli və mütləq “Abituriyentin elektron ixtisas seçimi ərizəsi”ni təsdiqləməlidirlər. Ərizələrini təsdiqləməyən abituriyentlər müsabiqədə iştirak etmək hüququnu itirirlər. İxtisas seçimi mərhələsində abituriyentlər qəbul olmaq istədikləri ixtisasları seçib onların kodlarını “Abituriyentin elektron ixtisas seçimi ərizəsi”nə daxil edirlər. 15 avqust saat 10:00-dək həmin abituriyentlərdən 34081 nəfəri ixtisas seçimi ərizəsini təsdiq edib. Bölmə və ixtisas qrupları üzrə təsdiqlənmiş elektron ərizələrin sayı haqqında məlumat www.tqdk.gov.az saytında verilib.
|
17.08.12 Məqaləni oxumaq
|
| |
|
|
|
Politoloq: “Çətin ki, Rusiya bu modeli Azərbaycana tətbiq etsin”
|
|
“Bu gün Dağlıq Qarabağ münaqişəsinin tənzimlənməsi ilə bağlı Rusiya modelində işğal olunmuş ərazilərin müstəqil olması və ya Ermənistana birləşməsi mümkün deyil”. “KƏLAMİNFO” xəbər verir ki, bu barədə politoloq Mübariz Əhmədoğlu bildirib.
O qeyd edib ki, əks halda bu, Rusiyanın Cənubi Qafqazda mina hazırlayıb və bu minanı Şimali Qafqaza ötürməsi demək olardı: “Rusiya anlamında erməniləri qane edə biləcək yeganə variant Dnestryanı münaqişəni tənzimləmək üçün Rusiyanın təqdim etdiyi “xüsusi status modeli” ola bilər. Lakin çətin ki, Rusiya bu modeli Azərbaycana tətbiq etsin. Rusiyanın ortalığa qoyduğu variant Azərbaycanın ərazi bütövlüyünün və suverenliyinin daha çox nəzərə alınması istiqamətində olacaq”.
M.Əhmədoğlu deyib ki, Abxaziya və Cənubi Osetiyanın Dağlıq Qarabağdakı “prezident seçkiləri”nin nəticələrinə görə “qalib” elan edilən Bako Saakayanı təbrik etməmələri Rusiyanın Dağlıq Qarabağ münaqişəsinin tənzimlənməsində mövqeyinin ermənilərin ziyanına dəyişdiyinin göstəricisidir: “Erməni ekspertlərin və ermənipərəst Rusiya siyasətçilərinin bu məsələyə münasibət bildirməmələri də vəziyyəti qətiyyən dəyişmir. Onlar susmaqla Rusiyanın Dağlıq Qarabağ məsələsində dəyişilmiş mövqeyini neytrallaşdıra bilməyəcəklər”.
|
|
17.08.12 Məqaləni oxumaq
|
| |
|
|
|
Komitə Ramazan bayramı münasibəti ilə 377 məcburi köçkün ailəsinə yardım edib
|
|
Dövlət Torpaq və Xəritəçəkmə Komitəsinin rəhbərliyi Ramazan bayramı münasibəti ilə Ağsu rayonunda olub, həmin rayonda müvəqqəti məskunlaşan məcburi köçkün ailələrinə kollektivin yardımını çatdırıblar. Bu barədə məlumatı “KƏLAMİNFO”ya DTXK-dən veriblər.
Bütövlükdə 377 məcburi köçkün ailəsinə 18 950 manatlıq düyü, şəkər tozu, çay, yağ və un kimi ərzaq məhsullarından ibarət yardım edilib.
|
|
16.08.12 Məqaləni oxumaq
|
| |
|
|
|
Ali məktəblərə qəbul olanların ixtisas seçimi üçün ayrılmış vaxt başa çatır
|
|
Bu günün sonunda cari tədris ili üçün Azərbaycanın ali məktəblərinə keçirilmiş qəbul imtahanlarının nəticələrinə əsasən müsabiqə şərtlərini ödəyən abituriyentlərin ixtisas seçimi başa çatır. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
O qeyd edib ki, həmin vaxtadək ixtisas seçiminə buraxılmış bütün abituriyentlər ixtisas seçimi etməli və mütləq “Abituriyentin elektron ixtisas seçimi ərizəsi”ni təsdiqləməlidirlər. Ərizələrini təsdiqləməyən abituriyentlər müsabiqədə iştirak etmək hüququnu itirirlər. İxtisas seçimi mərhələsində abituriyentlər qəbul olmaq istədikləri ixtisasları seçib onların kodlarını “Abituriyentin elektron ixtisas seçimi ərizəsi”nə daxil edirlər. İndiyə kimi təxminən 10 faizdən artığı hələ ixtisas seçimini aparmayıb. İxtisas seçimi etmək hüququ qazanan 40 min abituriyentin indiyədək 35 576-ı abituriyent ixtisas seçimi ərizəsini təsdiq edib. Onların 30 950-i Azərbaycan, 4626-ı rus bölməsi üzrədir. İxtisas seçimi ərizələrini təsdiqlədən abituriyentlərin 10 787-i I, 11 445-i II, 9629-u III, 3715-I IV ixtisas qrupuna sənəd verib.
|
|
16.08.12 Məqaləni oxumaq
|
| |
|
|
|
Ailə, Qadın və Uşaq Problemləri üzrə Dövlət Komitəsi ictimai maarifləndirmə aksiyasına başlayır
|
|
Ailə, Qadın və Uşaq Problemləri üzrə Dövlət Komitəsi (AQUPDK) regionlarda təhsildən yayınma hallarının, sui-qəsdlərin azaldılması məqsədi ilə ictimai maarifləndirmə aksiyası keçirir. Bu barədə məlumatı “KƏLAMİNFO”ya Komitədən veriblər.
Aksiya çərçivəsində Komitə tərəfindən həyata keçirilən fəaliyyətlərdən biri də məişət zorakılığının qarşısının alınmasıdır.
2010-cu ildə “Məişət zorakılığının qarşısının alınması haqqında” qanun qəbul edilib və həmin qanun məişət zorakılığının qurbanı olan şəxslərin sosial və hüquqi müdafiəsi, eləcə də məişət zorakılığının qarşısının alınması istiqamətində tədbirlərin gücləndirilməsini nəzərdə tutur. Bu məqsədlə ölkənin şəhər və rayonlarında “Məişət zorakılığının ailədaxili münasibətlərə təsiri“ adlı tədbirin keçirilməsinə start verilib. Aksiya Lənkəran, Astara, Yardımlı, Masallı, Cəlilabad, Biləsuvar və Cəbrayıl rayonlarının hüquq-mühafizə orqanları, bələdiyyələr, icra və ictimai təşkilatların nümayəndələrinin iştirakı ilə Lerik rayonundakı Mədəniyyət Evində keçiriləcək.
|
|
16.08.12 Məqaləni oxumaq
|
| |
|
|
|
BBC-nin baş direktoru “The New-York Times” qəzetinə keçir
|
|
BBC-nin baş direktoru Mark Tompson “The New-York Times” qəzetinə keçir. “KƏLAMİNFO” “Lenta.ru”ya istinadən xəbər verir ki, Tompson qəzetin prezidenti və baş direktoru postunu tutacaq. Bununla yanaşı, Tompson qəzetin Direktorlar Şurasına da daxil olacaq.
Tompson 2004-cü ildən BBC-nin baş direktoru vəzifəsini tutub.
|
|
16.08.12 Məqaləni oxumaq
|
| |
|
|
|
Larri Mak Mötri kitabxanasını satışa çıxardı
|
|
Amerikalı yazıçı Larri Mak Mötri kitabxanasının böyük bir hissəsini iki günlük endirimli qiymətlərlə satışa çıxardığını elan edib. “KƏLAMİNFO” “NTVMSN”-ə istinadən xəbər verir ki, kitab və Mötrisevərlər endirimli satış mərkəzinə axın edib.
Mötri istifadə edilmiş və nadir tapılan kitabları illərdir ki, “Booked Up” adlı şirkətində yığıb. Dörd binada yerləşdirilən kitabların varislərinə problem yaradacağını düşünən yazar kitabların 300 minini satmağa qərar verib. “Pulitzer” mükafatlı yazarın satışa çıxardığı kitabların 850-2750 dollar arasında dəyişən qiymətləri var.
|
|
16.08.12 Məqaləni oxumaq
|
| |
|
|
|
İran xarici yardımları qəbul etmək qərarına gəlib
|
|
İran keçən həftənin şənbə günü ölkənin şimal-qərbində baş verən iki zəlzələ qurbanlarına xarici yardımları qəbul etməyə hazır olduğunu bildirib. “KƏLAMİNFO” xəbər verir ki, İranın dövlət “İRNA” xəbər agentliyi vitse-prezident Məhəmməd Reza Rəhimiyə istinadən bildirib ki, İran xaricin təklif etdiyi yardımları qəbul edəcək.
Bundan əvvəl İran Birləşmiş Ştatlar, Almaniya, Rusiya, Türkiyə və digər ölkələrin yardım təkliflərini rədd etmişdi. İranın Qırmızı Aypara Cəmiyyəti fəlakətin fəsadlarını aradan qaldırmaq imkanına malik olduğunu və xaricdən gələn yardıma ehtiyacı olmadığını demişdi.
|
|
16.08.12 Məqaləni oxumaq
|
| |
|
|
|
Aydın Mirzəzadə: “Müxalifət hələ də 20 il bundan əvvəlin prinsipi ilə yaşayır”
|
|
“Bu gün Azərbaycanda kifayət qədər demokratik fikirdə olan, mövqeyini müvafiq formada ortaya qoyan tərəflər var. Ölkədə keçirilən istənilən seçkidə də ilk növbədə bu tərəflərin fikirləri və ideologiyası arasında mübarizə gedir”. Bunları “KƏLAMİNFO”ya açıqlamasında hakim Yeni Azərbaycan Partiyasının Siyasi Şuranın üzvü, deputat Aydın Mirzəzadə bildirib.
O qeyd edir ki, buna baxmayaraq, seçkiqabağı aktivləşməyə cəhd edən radikal müxalifət qanadı bu parametrlərdən olduqca geridə qalıblar: “Radikal müxalifət hələ də 20 il bundan əvvəlin prinsipi ilə yaşayır. Ona görə də müxalifətin qarşıdan gələn prezident seçkilərində qalib gəlməsi mümkün deyil. Bunun üçün gərək iqtidar zəif işləyə, gərək iqtidar öz vəzifəsinin öhdəsindən gəlməyə, gərək cəmiyyətin böyük bir hissəsi bu iqtidardan narazı qala. Ancaq hansı halda narazı qala bilər ki, insanların problemləri həll edilir, sosial vəziyyəti yaxşılaşdırılır. Yəni bu gün müxalifət liderləri düşünürsə ki, insanlar sadəcə, kiminsə bəlağətli ifadəsinə görə onları seçəcək, çox yanılırlar”.
|
|
16.08.12 Məqaləni oxumaq
|
| |
|
|
|
Mübariz Əhmədoğlu: “Ukrayna rəsmiləri bu sınaqdan uğurla çıxa bilmədilər”
|
|
“Ukraynanın Ermənistana silah satması xəbəri ermənilərin və ermənipərəst qüvvələrin növbəti araqarışdırma üsulu idi”. “KƏLAMİNFO” xəbər verir ki, bu barədə bu gün Beynəlxalq Mətbuat Mərkəzində (BMM) keçirdiyi “Qarabağ saatı”nda politoloq Mübariz Əhmədoğlu bildirib.
O qeyd edib ki, burada məqsəd tərəfdaş ölkə olan Azərbaycanla Ukraynanın münasibətlərinə zərər gətirməkdir: “Bu, həqiqətə uyğun deyil. Əvvəla, Ermənistanda Rusiya hərbi bazası var və ermənilərin başqa yerdən silah almağa ehtiyacı yoxdur. İkincisi də necə olur ki, mütəmadi olaraq Ermənistanın Azərbaycanla tərəfdaş olan ölkələrdən - Moldovadan, Rumıniyadan, Litvadan, indi də Ukraynadan silah alması xəbəri dövriyyəyə buraxılır?! Çünki Azərbaycanın tərəfdaş olduğu, silah aldığı bu ölkələrlə güclü münasibəti Ermənistana sərf eləmir”.
M.Əhmədoğlu deyir ki, bu xəbər Ukrayna-Azərbaycan münasibətlərinə bir zərbə idi və təəssüflər olsun ki, Kiyev rəsmiləri bu sınaqdan uğurla çıxa bilmədilər.
|
|
16.08.12 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
