|
|
Səhifələr : # 3 4 5 6 7 8 9 10 11 #
|
|
TQDK sədri: İxtisas seçiminin nəticələri avqustun 17-18-də açıqlanacaq
|
|
2012-2013-cü tədris ili üçün Azərbaycanın ali təhsil müəssisələrinə qəbul olunan abituriyentlərin qeydiyyatı avqustun 20-də başlayacaq. “KƏLAMİNFO” xəbər verir ki, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə bildirib. Onun sözlərinə görə, ixtisas seçiminin nəticələri avqustun 17-18-də açıqlanacaq.
TQDK sədri bildirib ki, bu il qəbul imtahanlarında 200 bal toplayan abituriyentlərin sayı keçən il 220 bal toplayanların sayına uyğun olub: “Bu, müsbət yox, mənfi fərqdir”.
Qeyd edək ki, qəbul imtahanlarının nəticələrinə əsasən, artıq 14162 nəfəri ixtisas seçimi ərizəsini təsdiq edib, onlardan 12313-ü Azərbaycan, 1849-u rus bölməsi üzrədir. Ərizəsini təsdiq etdirənlərdən 4968-i I, 3150-si II, 4646-sı III, 1398-i IV qrup üzrədir.
Abituriyentlərin ixtisas seçimi avqustun 7-də başlayıb, ayın 16-dək davam edəcək.
|
10.08.12 Məqaləni oxumaq
|
| |
|
|
|
Elman Nəsirov: “Suriya ermənilərinin işğal altında olan ərazilərdə yaşamaları uzunmüddətli ola bilməz”
|
|
“Suriyadakı ermənilərin Azərbaycanın işğal altında olan Dağlıq Qarabağ və ətraf rayonlara köçürülməsinin heç bir perspektivi yoxdur”. Bu barədə açıqlamanı “KƏLAMİNFO”ya politoloq Elman Nəsirov deyib. O hesab edir ki, ermənilərin Dağlıq Qarabağda məskunlaşdırılmaları qısamüddətli ola bilər: “Onlar daimi bura gələ bilməzlər. Ona görə ki, ermənilər üçün heç bir infrastruktur, sabahkı günə inam yoxdur”. E.Nəsirov qeyd edib ki, yalnız az bir qrup erməni işğal altında olan ərazilərə gətirilə bilər, ancaq onlar həmin yerlərdə uzunmüddətli qala bilməzlər. Onun sözlərinə görə, Suriyada vəziyyət normallaşan kimi ermənilərin geri qayıtmaları ehtimalı kifayət qədər böyükdür.
E.Nəsirov həmçinin bildirib ki, ermənilərin Suriyadan çıxarılması özlərinin yeritdiyi siyasət ucundan baş verib. Keçən ilin mart ayından - Suriyada baş verən hadisələrdən bəri 19 mindən artıq dinc insanın öldüyünün qeydə alındığını diqqətə çatdıran E.Nəsirov əlavə edib ki, ermənilər bu qətliamlarda Bəşər Əsəd rejimini müdafiə edir. Onun sözlərinə görə, Suriya və ərəb cəmiyyətində ermənilərlə Bəşər Əsəd eyni tərəf kimi qəbul olunurlar. Suriyada yaşamağın qeyri-mümkün təsiri bağışladığını vurğulayan E.Nəsirov bildirib ki, ermənilərin Avropa, xüsusilə Livana və digər ölkələrə axını proqnozlaşdırılandır və bəzi məlumatlara görə, 3 mindən artıq suriyalı erməni Ermənistana gəlib: “Ermənistan hökuməti bununla bağlı qapalı toplantı keçirib.
|
|
10.08.12 Məqaləni oxumaq
|
| |
|
|
|
Putinin Cənubi Osetiya etirafı
|
|
Rusiya prezidenti Vladimir Putin bildirib ki, hələ 2006-cı ildən - Gürcüstanla müharibədən iki il əvvəl Cənubi Osetiyada hərbi əməliyyat planı qurublar. “KƏLAMİNFO” BBC-yə istinadən xəbər verir ki, 2008-ci ildə Gürcüstanla qısamüddətli müharibənin ildönümü münasibətilə çıxışında Putin bildirib ki, hələ 2006-cı ildə Tbilisinin Cənubi Osetiyaya mümkün hücumunun dəf olunmasına dair planlar hazırlayıblar və onu şəxsən özü təsdiq edib. Putin bildirib ki, həmin plana Cənubi Osetiyadakı silahlı birlikləri təlimləndirmək və Gürcüstanla müharibə zamanı onların Rusiya ordusuna yardımına nail olmaq varmış: “Belə silahlı qruplar hətta Gürcüstan ordusu olsa belə, nizami ordu ilə bir şey edə bilməzdilər, amma onlar gözləndiyindən daha effektli oldular”.
|
|
10.08.12 Məqaləni oxumaq
|
| |
|
|
|
Gənc mütəxəssislər üçün Almaniyanın klinikalarında ixtisasartırma kursları təşkil edilir
|
|
Azərbaycan Prezidenti İlham Əliyevin 19 oktyabr 2006-cı il tarixli sərəncamı ilə təsdiqlənmiş “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində səhiyyənin prioritet sahələri üzrə tibb mütəxəssislərinin bilik və bacarıqlarının artırılması məqsədi ilə 2012-ci il ərzində Almaniyanın aparıcı klinikalarına ixtisasartırma kurslarına göndərilməsi nəzərdə tutulub. Səhiyyə Nazirliyindən “KƏLAMİNFO”ya verilən məlumata görə, bu məqsədlə kardiologiya, cərrahiyyə, anesteziologiya və intensiv terapiya, qastroenterologiya, travmatologiya və ortopediya, urologiya və uşaq urologiyası, neonatologiya və pediatriya, vizual diaqnostika, mama-ginekologiya və psixiatriya ixtisasları üzrə ixtisasartırma kursları təşkil olunacaq.
Kurslarda iştirak etmək istəyən ən azı 3 il iş stajı və xarici dilləri (ingilis, alman, türk və rus) səlis bilən mütəxəssislər (Bakı şəhəri üzrə) 9 avqust 2012-ci il tarixindən 9 sentyabr 2012-ci il tarixinədək Səhiyyə Nazirliyinə (111 nömrəli otaq) müraciət edə bilərlər.
|
|
10.08.12 Məqaləni oxumaq
|
| |
|
|
|
Əhməd Davudoğlu: Bəşər Əsəd terror təşkilatına silah dəstəyi verir
|
|
Türkiyə xarici işlər naziri Əhməd Davudoğlu Suriya prezidenti Bəşər Əsədin terror təşkilatına silah dəstəyi verdiyini deyib və bu təhdidə qarşı lazımi tədbirlərin görülməsinin vacibliyini vurğulayıb. “KƏLAMİNFO” “CNN Turk”ə istinadən xəbər verir ki, İran Silahlı Qüvvələri Baş Qərargah rəisinin açıqlamalarının qəbuledilməz olduğunu deyən nazir Salehinin “daxili siyasi səbəblərlə söylənən sözlərə əhəmiyyət verməyin" dediyini bildirib.
Davudoğlu ən çox narahat olduğu məsələnin isə Suriyadakı hadisələrin məsuliyyətini Türkiyənin üzərinə yükləmə səyləri olduğunu söyləyib: "Bunu qəbul etməyimiz mümkün deyil. Fikir ayrılıqları başa düşülə bilər. Amma Suriyada on minlərlə insanların ölümündə günahlandırılan bir iqtidarla əlaqələri davam etdirəcəksiniz, ona dəstək verəcəksiniz, sonra da dönüb Türkiyəni təhdid edəcəksiniz. Bunun səmimiyyətlə, dürüstlüklə əlaqəsi yoxdur".
|
|
09.08.12 Məqaləni oxumaq
|
| |
|
|
|
Azərbaycan filmlərini qarşıda beynəlxalq festivallar gözləyir
|
|
Azərbaycan filmləri Beynəlxalq festivallara dəvət alıb. Mədəniyyət və Turizm Nazirliyindən “KƏLAMİNFO”ya verilən məlumata görə, “Azərbaycanfilm” kinostudiyası və “Butafilm” kino şirkətinin birgə istehsalı olan “Buta" bədii filmi bu ilin sentyabr ayında Almaniyada keçiriləcək uşaq filmləri festivalında ölkəmizi təmsil edəcək.
Qeyd edək ki, ssenari müəllifi və quruluşçu rejissoru İlqar Nəcəf olan ekran əsəri 2011-ci ildən indiyədək bir çox nüfuzlu festivalların mükafatına layiq görülüb. Film ötən il Asiya-Sakit Okean Kino Akademiyasının “Asia Pasific Screen Awards” mükafatını (“Ən yaxşı uşaq filmi” nominasiyası) qazanıb.
Rejissor Şamil Əliyevin “Azərbaycanfilm” kinostudiyasında quruluş verdiyi “Çölçü” filmi isə MDB ölkələri, Latviya, Litva və Estoniyanın XXI “Kinoşok” açıq festivalının müsabiqə proqramına daxil edilib. Festival sentyabrın 15-dən 23-dək Rusiyanın Anapa şəhərində gerçəkləşəcək. Rejissor bildirib ki, festival çərçivəsində “Azərbaycan kinosu günləri” keçiriləcək və müsabiqədən kənar filmlər də təqdim ediləcək.
|
|
09.08.12 Məqaləni oxumaq
|
| |
|
|
|
Azərbaycan Gənclər Fondu Dağıstanda keçirilən görüşdə təmsil olunub
|
|
Azərbaycan və Dağıstan Respublikalarının qeyri-hökümət təşkilatları, gənclər parlamentləri, gənclər təşkilatları və digər strukturları arasında əməkdaşlığın və partnyor əlaqələrin yaradılması məqsədilə 6-7 avqust 2012-ci il tarixində Rusiya Federasiyasının Dağıstan Respublikasının Mahaçqala şəhərində Azərbaycandan olan aktiv gənclər təşkilatlarının təşəbbüsü ilə görüş baş tutub. Bu barədə məlumatı “KƏLAMİNFO”ya Azərbaycan Gənclər Fondundan veriblər.
Azərbaycan nümayəndə heyəti Rusiya Federasiyasının Dağıstan Respublikasının Gənclər Siyasəti üzrə Komitəsinin sədri Zaur Kaxrimanov, Rusiya Federasiyasının Dağıstan Respublikası Xalq Təsərrüfatı İnstitutunun rektoru Yəhya Buçayev, Dağıstanın Sahibkarlığın İnkişafı Mərkəzinin direktoru Vahab Vahabov, Mahaçqala şəhərinin Milli Məclisinin rəhbəri və deputatları, Rusiya Federasiyasının Dağıstan Respublikası Gənclər Parlamentinin sədri və deputatları və gənclər təşkilatlarının rəhbərləri ilə görüşlər keçirib.
|
|
09.08.12 Məqaləni oxumaq
|
| |
|
|
|
Rusiya zabitləri Medvedyevi ittiham edirlər
|
|
Rusiya ordusunun keçmiş və hazırkı hərbir komandirlərindən bəziləri keçmiş prezident Dmitri Medvedyevi 2008-ci ildə Gürcüstana qarşı hərbi əməliyyatlar zamanı ehtiyatlılıqda ittiham ediblər. Onlar deyirlər ki, keçmiş prezidentin tərəddüdləri lazımsız itkilərə səbəb olub. “KƏLAMİNFO” BBC-yə istinadən xəbər verir ki, komandirlərin bu ittihamları onların internetdə yaydıqları videolarda səslənib. Videoda onlar deyirlər ki, Ali Baş Komandan kimi Medvedyev çox tərəddüd edib. Sonda o zaman baş nazir olan Vladimir Putin onu hərbi əməliyyata başlamağa sövq edib.
|
|
09.08.12 Məqaləni oxumaq
|
| |
|
|
|
Ekoloji qanunvericiliyin tələblərinə riayət olunması vəziyyəti araşdırılıb
|
|
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən 2012-ci ilin 15-31 iyul tarixlərində ölkə ərazisində ekoloji qanunvericiliyin tələblərinə riayət olunmasını yoxlamaq məqsədilə araşdırma aparılıb. Nazirliyin mətbuat xidmətindən “KƏLAMİNFO”ya verilən məlumata görə, araşdırma zamanı hüquqi və fiziki şəxslər tərəfindən su və torpaq ehtiyatları, atmosfer havası, yerin təki, fauna və floranın mühafizəsi, o cümlədən ətraf mühitə qanunsuz məişət və istehsalat tullantılarının yerləşdirilməsi sahəsində yol verilmiş qanun pozuntularına görə 135 akt və protokol tərtib olunub, nöqsanların aradan qaldırılması üçün icrası məcburi olan 54 müddətli məcburi göstəriş verilib.
Ümumilikdə, 29 iş üzrə 73600 manat məbləğində cərimə tətbiq olunub, ətraf mühitə dəymiş ziyana görə 27 iş üzrə 382020.27 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə 163 iş üzrə 38602.63 manat məbləğində ödəmə tətbiq edilib. Tədbir görülməsi üçün hüquq mühafizə orqanlarına 7, məhkəməyə 1, icra qurumlarına isə 20 iş göndərilib.
|
|
09.08.12 Məqaləni oxumaq
|
| |
|
|
|
Bu gün Beynəlxalq Yerli Əhali Günüdür
|
|
Bu gün - 9 Avqust Beynəlxalq Yerli Əhali Günüdür. “KƏLAMİNFO” mövzusu "Yerli Mətbuat Yerli Xalqların səsini gücləndirir" şüarı olan Beynəlxalq Yerli Əhali Günü münasibətilə BMT-nin baş katibinin müraciəti olub.
Müraciətdə qeyd olunub ki, yerli əhalinin hüquqları haqqında BMT Bəyannaməsinin qəbul olunmasından bəri beş il ərzində icmalar və fərdlər öz həyat hekayələrini bölüşmək və səslərini hər tərəfə yaymaq üçün ənənəvi və yeni mətbuatdan istifadə etmək imkanından faydalanıblar.
|
|
09.08.12 Məqaləni oxumaq
|
| |
|
|
|
Səhifələr : # 3 4 5 6 7 8 9 10 11 # |
|
Torpaqlarımızı qaytaraq..
|
| |
|
|
|
Açılış Səhifəsi et 
