|
|
Səhifələr : # 4 5 6 7 8 9 10 11 12 #
|
|
Xaricdə təhsil alan neçə məzun hansı dövlət orqanında işlə təmin edilib?
|
|
"2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində təhsil alan məzunların dövlət qulluğunda işlə təmini birbaşa həyata keçirilir. Xaricdə təhsil alan məzunlar Azərbaycan Prezidenti yanında Dövlət Qulluğu Məsələləri üzrə Komissiyanın dövlət qulluğuna qəbulla bağlı təşkil etdiyi müsabiqəyə qatılmırlar. Belə ki, Dövlət Proqramı çərçivəsində təhsil alan məzunlar DQMK-yə müraciət edir və onlar Komissiyanın ehtiyat kadr siyahısına daxil olur, sonra isə işlə təmin edilirlər. Bəs bu vaxta qədər neçə məzun Komissiyanın xətti ilə dövlət qulluğunda işlə təmin olunub? Ümumiyyətlə neçə məzun dövlət qurumlarında çalışmaq istəyi ilə Komissiyaya müraciət edib? “KƏLAMİNFO”nun DQMK-nin "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın nəticələri üzrə” bölməsinə istinadən araşdırmasından məlum olub ki, bu vaxta qədər Komissiyaya 33 nəfər Dövlət Proqramı çərçivəsində xaricdə təhsil alan məzun müraciət edib. Onlardan 7-si müxtəlif dövlət qurumlarında işlə təmin edilib.
Məzunların 1-i Mərkəzi Bank, 1 nəfər Nazirlər Kabineti yanında İçərişəhər Dövlət Tarix-Memarlıq Qoruğu İdarəsi, 1-i Diasporla İş üzrə Dövlət Komitəsi, 1-i Vergilər Nazirliyi, 1-i Azərbaycan Prezidenti yanında Strateji Araşdırmalar Mərkəzi, 1-i Əmək və Əhalinin Sosial Müdafiəsi Nazirliyi¸ 1-i isə İqtisadi İnkişaf Nazirliyində işlə təmin edilib.
|
09.08.12 Məqaləni oxumaq
|
| |
|
|
|
Gəmiçiliyə aid bəzi ixtisaslarda dəyişiklik edilib
|
|
Nazirlər Kabineti “Ali təhsilin bakalavriat səviyyəsi ixtisaslarının (proqramlarının) Təsnifatı”nın təsdiq edilməsi haqqında”kı qərarında dəyişikliklər edib. Nazirlər Kabinetindən “KƏLAMİNFO”a verilən məlumata görə, Azərbaycan Dövlət Xəzər Dəniz Gəmiçiliyinin təklifi nəzərə alınaraq qəbul edilib.
Qərara əsasən, “Ali təhsilin bakalavriat səviyyəsi ixtisaslarının (proqramlarının) Təsnifatı”nın “6. Texniki və texnoloji ixtisaslar qrupu” bölməsində “Dəniz texnikası və texnologiyası mühəndisliyi” sözləri “Gəmiqayırma və gəmi təmiri mühəndisliyi sözləri ilə, “Dəniz texnikası və avadanlıqlarının istismarı mühəndisliyi” sözləri “Gəmi energetik qurğularının istismarı mühəndisliyi” sözləri ilə, “Gəmiçilik və gəmilərin hərəkətinin idarə edilməsi” sözləri “Dəniz naviqasiyası mühəndisliyi” sözləri ilə əvəz edilib.
|
|
08.08.12 Məqaləni oxumaq
|
| |
|
|
|
Qriqori Karasin: Rusiya 2012-2013-cü illərdə Qarabağ nizamlanmasında irəliləyişlərə ümid edir
|
|
Rusiya 2012-2013-cü illərdə Qarabağ münaqişəsinin nizamlanması prosesində irəliləyişlərə ümid edir. “KƏLAMİNFO” xəbər verir ki, bu barədə Rusiya xarici işlər nazirinin müavini Qriqori Karasin “Qolos Rossii” radiosuna bildirib. O bildirib ki, Ermənistan və Azərbaycan Rusiyanın MDB üzrə yaxın tərəfdaşlardır: “Biz Yerevan və Bakı ilə münasibətlərə böyük önəm veririk və hər iki tərəfin Dağlıq Qarabağ mövzusunda mövqelərinin yaxınlaşması üçün hər şeyi edirik. Bu, öz tarixi, kökü olan həddən artıq mürəkkəb, qarışıq mövzudur. Hesab edirəm ki, bütün diqqət Minsk qrupuna yönəlməlidir”.
|
|
08.08.12 Məqaləni oxumaq
|
| |
|
|
|
Əli Həsənov Dünya Bankının Cənubi Qafqaz üzrə yeni təyin olunan regional direktoru ilə görüşüb
|
|
Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov Dünya Bankının Cənubi Qafqaz üzrə yeni təyin olunan regional direktoru Henri Kerali ilə görüşüb. “Dövlətqaçqınkomdan” “KƏLAMİNFO”a verilən məlumata görə, Ə.Həsənov H.Keralini yeni vəzifəyə təyin olunması münasibətilə təbrik edib, Azərbaycan hökuməti ilə Dünya Bankı arasında əməkdaşlığın bundan sonra da inkişaf edəcəyinə əminliyini bildirib.
Baş nazirin müavini Ermənistan-Azərbaycan, Dağlıq Qarabağ münaqişəsinin tarixindən, ölkəmizdə qaçqın və məcburi köçkünlərin sosial problemlərinin həlli istiqamətində görülən işlərdən danışıb və Azərbaycanın Dünya Bankı ilə əməkdaşlıq etdiyi müddətdə kifayət qədər yaxşı təcrübənin toplandığını diqqətə çatdırıb. Bildirilib ki, təkcə qaçqın və məcburi köçkünlərin rifahının yaxşılaşdırılması istiqamətində Dünya Bankı ilə bir neçə uğurlu layihə həyata keçirilmiş və bu işlər davam etdirilməkdədir.
Ə.Həsənov qeyd edib ki, dövlətin maliyyə imkanlarının getdikcə daha da artmasına baxmayaraq, etibarlı və təcrübəli beynəlxalq maliyyə təsisatları ilə kredit əməkdaşlığı davam edir.
|
|
08.08.12 Məqaləni oxumaq
|
| |
|
|
|
Ərdoğan: “Prezidentlə aramızı vurmağa kimsənin cürəti çatmaz”
|
|
Türkiyə baş naziri Rəcəb Tayyib Ərdoğan “Ahaber” kanalında jurnalistlərin suallarını cavablandırıb. Baş nazir PKK-nı dəstəkləyən ölkələrin məlum olduğunu, ancaq indi ölkə adı çəkməyin problem yarada biləcəyini deyib.
“KƏLAMİNFO” TRT-yə istinadən xəbər verir ki, terrorun hansı mənbələrdən bəsləndiyinin məlum olduğunu vurğulayan baş nazir qonşu ölkələr, Qərb ölkələri arasında da terrora dəstək verənlərin olduğunu söyləyib: “Türkiyə cümhuriyyəti və əziz millətimiz yalnız terror təşkilatına deyil, terror təşkilatının iplərini əlində tutan düşmən ölkələrə və dairələrə, terror təşkilatının iplərini əlində tutduğu canilərə də həddini bildirəcək gücdədir”. Ərdoğan ölkə daxilində və xaricində bəzi media quruluşlarının da terror təşkilatına dəstək verdiyini bildirib. Terror təşkilatı üçün ən mühüm şeyin öz təbliğatını apartdırmaq olduğuna diqqət çəkən baş nazir bunu edən yazılı və görüntülü media quruluşlarının olduğunu vurğulayıb.
|
|
07.08.12 Məqaləni oxumaq
|
| |
|
|
|
Amerikanın ən məşhur binasının üzərində Azərbaycan bayrağının rənglərinə uyğun işıqlar yandırılacaq
|
|
Dünyanın ən hündür binalarından biri olan Nyu-Yorkdakı “Empire State Building” binasını avqustun 8-də Azərbaycan bayrağının rənglərinə uyğun işıqlar bəzəyəcək.
“KƏLAMİNFO” “Qolos Amerika”ya istinadən xəbər verir ki, beynəlxalq biznes və tursizm mərkəzi olan “Empire State Building” 2012-ci il London Olimpiadasında dünya ölkələrinin milli komandalarını belə bir şəkildə alqışlayır. Olimpiada davam edən müddətdə binanın dörd tərəfinin hər birində iştirakçı ölkənin bayraqlarının rənginə uyğun işıqlar yandırılır. Binanın cənub tərəfdən divarı çərşənbə günü Azərbaycan bayrağının rənglərinə boyanacaq. Digər üç divarda isə Belçika, Venesuela və Honk-Konqun bayraqlarının rənglərini əks etdirən işıqlar yandırılacaq. Olimpiadada iştirak edən yalnız 200 ölkənin bayrağı Nyu-York göydələnin divarını işıqlandıracaq. Bu ölkələr Olimpiadada idmançıların sayına görə müəyyən edilir.
|
|
07.08.12 Məqaləni oxumaq
|
| |
|
|
|
Bodrumda Azərbaycan diaspor təşkilatlarının forumu keçirilir
|
|
Avqustun 5-də Türkiyənin Bodrum şəhərində “Xarici ölkələrdə yaşayan azərbaycanlıların cəmiyyətə inteqrasiyası: mövcud vəziyyət və perspektiv gözləntilər” mövzusunda Forumu öz işinə başlamışdır.
Diasporla İş üzrə Dövlət Komitəsindən (DİDK) AzərTAc-a bildirmişlər ki, forumda Azərbaycan Respublikası Milli Məclisi sədrinin birinci müavini Ziyafət Əsgərov, Prezident Administrasiyasının İctimai-siyasi məsələlər şöbəsinin müdiri Əli Həsənov, DİDK-in sədri Nazim İbrahimov, Moskva şəhəri Regionlararası əməkdaşlıq, milli siyasət və dini təşkilatlarla əlaqələr departamentini rəhbəri Yuri Artyuk, Türkiyənin Yalıkavak bələdiyyəsinin sədri Mustafa Saruhan iştirak etmişlər.
|
|
07.08.12 Məqaləni oxumaq
|
| |
|
|
|
Baş Prokurorluq korrupsiya faktları ilə bağlı məlumat yayıb
|
|
Baş Prokurorluq korrupsiya faktları ilə bağlı məlumat yayıb. Baş Prokurorluqdan “KƏLAMİNFO”ya verilən məlumatda bildirilir ki, mütəşəkkil cinayətkarlığın təhlükəli təzahürlərindən olan korrupsiyanın, vəzifəli şəxslərin səlahiyyətlərindən sui-istifadə hallarının qarşısının alınması istiqamətində prokurorluq orqanları tərəfindən ardıcıl və sistemli tədbirlər davam etdirilir.
Kürdəmir rayonunun keçmiş Məhərrəmli bələdiyyəsinin sədrinin vəzifə səlahiyyətlərindən sui-istifadə etməsi faktları üzrə Baş prokuror yanında Korrupsiyaya qarşı Mübarizə İdarəsində cinayət işi başlanaraq istintaq aparılıb. Müəyyən edilib ki, bələdiyyənin sədri Xanəkbər Rüstəmov 2007-2009-cu illərdə bələdiyyələr tərəfindən torpaq sahələrinin vətəndaşlara satılması və icarəyə verilməsinin qanunla qadağan olunmasına baxmayaraq bələdiyyənin iclas protokollarının, iclas protokollarından çıxarışların və iclaslarda qəbul olunmuş qərarların məzmununa yalan məlumatlar daxil edərək müvafiq sənədləri Dövlət Torpaq və Xəritəçəkmə Komitəsinin Kürdəmir rayon şöbəsinə təqdim etməklə ümumilikdə 47,21 hektar torpaq sahəsinin qanunsuz olaraq ayrı-ayrı şəxslərə icarəyə verilməsinə və satılmasına nail olmaqla bələdiyyəyə mühüm zərər vurub.
|
|
07.08.12 Məqaləni oxumaq
|
| |
|
|
|
Türkiyədə 115 kürd yaraqlısı məhv edilib
|
|
Türkiyə təhlükəsizlik qüvvələrinin ölkənin cənubunda genişmiqyaslı əməliyyatları nəticəsində 115 kürd yaraqlısı məhv edilib.
“KƏLAMİNFO” TRT-yə istinadən xəbər verir ki, daxili işlər naziri İdris Naim Şahin üsyançıların Semdinli yaxınlığında iyulun 23-dən etibarən qurudan və havadan həyata keçirilən hücumların bir hissəsi olaraq aparılan əməliyyatlar nəticəsində öldürüldüyünü bildirib. Yerli televiziyanın verdiyi məlumata əsasən, əməliyyatlarda təxminən 2 min əsgər iştirak edib.
|
|
06.08.12 Məqaləni oxumaq
|
| |
|
|
|
Azərbaycan Gənclər Parlamentinə imtahan verən namizədlərin adları açıqlanıb
|
|
Azərbaycan Gənclər Parlamentinə imtahan verən namizədlərdən növbəti mərhələyə keçənlərin adları açıqlanıb. “KƏLAMİNFO” xəbər verir ki, yekun olaraq daxil olan 1187 ərizədən 809 ərizə təsdiqlənərək namizədlər imtahana dəvət olunub. İmtahanlar Prezident yanında Dövlət Qulluğu Məsələləri üzrə Komissiya tərəfindən (www.dqmk.az) 23, 24, 25 iyul və 1, 2 avqust 2012-ci il tarixlərində keçirilib.
İmtahanlarda ümumilikdə 543 namizəd iştirak edib və ən yüksək nəticə toplayan 208 nəfər növbəti mərhələyə keçmək şansı əldə edib. Siyahı tam olaraq Azərbaycan Gənclər Parlamentinin rəsmi saytında www.agp.az yerləşdirilib. Müsahibə mərhələsinin tarixi və vaxtı ilə bağlı məlumatlar yaxın vaxtlarda açıqlanacaq.
|
|
06.08.12 Məqaləni oxumaq
|
| |
|
|
|
Səhifələr : # 4 5 6 7 8 9 10 11 12 # |
|
Torpaqlarımızı qaytaraq..
|
| |
|
|
|
Açılış Səhifəsi et 
