|
|
Səhifələr : # 1 2 3 4 5 6 7 #
|
|
Cənubi Koreya universitetlərində 76 azərbaycanlı təhsil alır
|
Bu gün təhsil naziri Misir Mərdanov Cənubi Koreyanın ölkəmizdəki səfiri Li Ci Ha ilə görüşüb. Məlumatı “KƏLAMİNFO”ya Təhsil Nazirliyindən veriblər.
Görüşdə təhsil naziri M.Mərdanov son illər Azərbaycanla Cənubi Koreya arasında təhsil sahəsində əməkdaşlığın inkişaf etdiyini nəzərə çatdırıb. Azərbaycanda həyata keçirilən təhsil layihələrində Cənubi Koreya ilə əməkdaşlığın əhəmiyyətinə toxunan nazir nəzərdə tutulan bütün layihələrin uğurla nəticələnəcəyinə inamını ifadə edib.
Hər iki ölkənin yaxın tərəfdaş və dost olduğunu bildirən M.Mərdanov qeyd edib ki, hazırda 76 azərbaycanlı gənc Cənubi Koreya universitetlərində təhsil alır.
Səfir Li Ci Ha M.Mərdanova minnətdarlığını bildirib. Azərbaycanda səfir kimi çalışmasından məmnunluğunu ifadə edən qonaq ölkələrimiz arasında müxtəlif sahələrdə əlaqələrin inkişafı, qarşılıqlı əməkdaşlıqda təhsil layihələrinin mühüm əhəmiyyətindən söhbət açıb. Səfir Azərbaycanla Cənubi Koreya arasında təhsil sahəsində əməkdaşlığın genişləndirilməsində universitetlərarası əlaqələrin, tələbə mübadiləsinin və digər layihələrin mühüm roluna diqqət çəkib.
|
25.08.12 Məqaləni oxumaq
|
| |
|
|
|
Əlyazmalar İnstitutunun şöbə müdiri: “Bizdə şəxsiyyətlər kimi əlyazmalar da repressiyaya uğradılıb”
|
“Bütün Avropa və Şərq ölkələrində çoxsaylı Azərbaycan əlyazmaları var. Bu əlyazmalar çap olunmadan müxtəlif yollarla gedib. Əlyazmalar hədiyyə kimi gedib, yaxud satın alınaraq aparılıb”. Bu barədə açıqlamanı “KƏLAMİNFO”ya müsahibəsində AMEA Əlyazmalar İnstitutunun Türkdilli əlyazmaların tədqiqi şöbəsinin müdiri, filologiya elmləri doktoru, professor Azadə Musabəyli məlumat verib.
Vaxtilə Avropada Şərqlə çox maraqlandıqlarını xatırladan A.Musabəyli bu əlyazmaların da həmin vaxtlar aparıldığını qeyd edib: “Məsələn, Pyotrun yaratdığı Şərqşünaslıq Akademiyasının alimləri xüsusi olaraq Şərq ölkələrinə göndərilib və onlara da çoxsaylı əlyazmaları aparıblar. Aparılanların içərisində Azərbaycan əlyazmaları da var”.
A.Musabəyli əlavə edib ki, İranda, Türkiyədə orta əsrlərdən toplanıb qalan Azərbaycan əlyazmaları var. Bu çox geniş sahələri əhatə edir və bunlar ərəb, fars və türk dillərindədir: “Amma bizdə 20-ci, 30-cu illərdə şəxsiyyətlər kimi əlyazmalar da repressiyaya uğradılıb. Onları ya yandırıb, ya da dağıdıblar. Bunlar bizdə sonradan toplanıb. Amma xarici ölkələrdə belə olmayıb, onlar orta əsrlərdən bəri əlyazmaları toplayıblar”.
|
|
25.08.12 Məqaləni oxumaq
|
| |
|
|
|
Avropa Komissiyası Azərbaycana 19,5 milyon avro verəcək
|
Avropa Komissiyası Azərbaycanda ədliyyə və miqrasiya sahəsində islahatlara dəstək məqsədilə maliyyə vəsaiti ayırıb. “KƏLAMİNFO”nun Avropa Birliyinə istinadən verdiyi məlumata görə, 2012-ci il üzrə İllik Proqram çərçivəsində Azərbaycana 19,5 milyon avro veriləcək.
Bu vəsait AB-Azərbaycan Fəaliyyət Planı kontekstində razılaşdırılmış tədbirlərin həyata keçirilməsinə, o cümlədən viza alınması prosesinin optimallaşdırılması məsələlərinə yönəlib.
|
|
25.08.12 Məqaləni oxumaq
|
| |
|
|
|
BMT Suriyadakı beynəlxalq müşahidəçilərin mandatını uzatmamaq qərarına gəlib
|
|
BMT-nin Təhlükəsizlik Şurası Suriyadakı beynəlxalq müşahidəçilərin mandatını uzatmamaq qərarına gəlib.
“KƏLAMİNFO” BBC-yə istinadən xəbər verir ki, bu ilin yazında Suriyaya 300 nəfərlik müşahidəçi missiyası göndərilsə də ölkədə zorakılıqlar davam etdiyindən müşahidəçilər missiyanı yerinə yetirə bilmirlər. Suriya üzrə beynəlxalq elçi Kofi Annan isə sülh planı baş tutmadığından bu günlərdə istefa verib. Suriyada hökumət qoşunları ilə üsyançılar arasında toqquşmalar davam edir.
|
|
17.08.12 Məqaləni oxumaq
|
| |
|
|
|
Suriyadakı vəziyyətə dair çoxtərəfli görüş keçiriləcək
|
|
Bu gün BMT Təhlükəsizlik Şurasının 5 daimi üzvünün, Türkiyə və bir neçə ərəb dövlətinin iştirakı ilə görüş keçiriləcək. “KƏLAMİNFO” “Lenta.ru”ya istinadən xəbər verir ki, görüşdə Suriyadakı vəziyyət müzakirə olunacaq. Bundan əvvəl Təhlükəsizlik Şurası beynəlxalq müşahidəçilərin geri çağırılması haqqında qərar qəbul edib.
Son müşahidəçilər Dəməşqi avqustun 25-də tərk edəcək. BMT-nin sülhməramlı qüvvələrinin komandan müavini Edmon Mool bildirib ki, Suriya hakimiyyəti və üsyançılar “müharibə yolunu seçiblər”.
Dünən əlcəzairli diplomat Lahdar Brahiminin Kofi Annanı BMT-nin Suriya üzrə xüsusi nümayəndəsi vəzifəsində əvəz edəcəyi məlum olub. Brahimi Annanı sentyabrın 1-dən əvəz edəcək.
|
|
17.08.12 Məqaləni oxumaq
|
| |
|
|
|
Prezident Ramazan bayramı münasibətilə Azərbaycan xalqını təbrik edib
|
|
Prezident İlham Əliyev Ramazan bayramı münasibətilə Azərbaycan xalqını təbrik edib. “KƏLAMİNFO” xəbər verir ki, təbrikdə deyilir: “Sizi mübarək Ramazan bayramı münasibətilə ürəkdən təbrik edir, hər birinizə ən səmimi arzu və diləklərimi yetirirəm. Azərbaycan həmişə islam dünyasının tarixi-mədəni mərkəzlərindən biri olub, xalqımız əsrlər boyu öz dininə və milli mənəvi dəyərlərinə sadiqliyini qoruyub saxlayıb.
Müstəqil respublikamızda vətəndaşların vicdan və dini etiqad azadlığı ölkə qanunvericiliyinə və beynəlxalq hüquq normalarına uyğun olaraq təmin edilib, dini ayin və mərasimlərin sərbəst şəkildə icra edilməsi, bayramların keçirilməsi üçün münbit şərait yaradılıb. Ramazan bayramını bütün müsəlman aləmi kimi bizim xalqımız da hər il böyük məmnunluq hissi ilə qeyd edir. Müqəddəs kitabımız Qurani-Kərimin nazil olduğu Ramazan ayı insanlar arasında birlik və bərabərliyin, xeyirxahlıq və şəfqətin, Uca Yaradana və ilahi hikmətə bağlılığın təntənəsini nümayiş etdirir.
|
|
17.08.12 Məqaləni oxumaq
|
| |
|
|
|
Qulu Novruzov: Azərbaycanda 6000 nəfərədək əcnəbi tələbə təhsil alır
|
|
Azərbaycanda 6000 nəfərədək əcnəbi tələbə təhsil alır.
“KƏLAMİNFO” xəbər verir ki, bunu yap.org.az ssaytına təhsil nazirinin müavini Qulu Novruzov deyib. Nazir müavini bildirib ki, onlar 40-a yaxın ölkəni təmsil edirlər. “Daha çox isə Türkiyə, İran, Çin və Yaxın Şərq ölkələrindən olan tələbələr bizim ali məktəblərimizdə təhsil alırlar” - deyə Q.Novruzov qeyd edib.
|
|
17.08.12 Məqaləni oxumaq
|
| |
|
|
|
Partiya sədri: “Onlar tərəfindən seçilən taktika düzgün deyil...”
|
|
“Son illər keçirdiyi bayağı aksiyalar Azərbaycanın radikal müxalifətinin ictimaiyyət arasındakı nüfuzunu prezident seçkiləri qabağı xeyli zəiflədib”. Bunları “KƏLAMİNFO”ya açıqlamasında Böyük Quruluş Partiyasının (BQP) sədri, deputat Fazil Mustafa bildirib.
Onun sözlərinə görə, aksiyalar, çağırışlar, hətta iqtidar əleyhinə çağırışlar müxalifətin hüququdur, lakin onlar tərəfindən seçilən taktika düzgün deyil, yanlışdır. F.Mustafa deyib ki, Azərbaycan gənc dövlətdir və demokratiya yolu ilə gedir: “Azərbaycan Avropa məkanında yerləşir, Avropa Şurasının üzvüyük, müəyyən öhdəliklər var, Avropa İttifaqı ilə yaxşı əlaqələr var. Bizim müharibə aparan ölkə olduğumuz da unudulmamalıdır. Bütün bu şərtləri nəzərə almaq vacib idi və mübarizə taktikası yerli şərtlərə uyğun olmalı idi”.
Partiya sədri hesab edir ki, müxalifətin yanlış taktika seçməsi nəticəsində aparıcı müxalifət qüvvələrinin çoxu sıradan çıxıb: “Ona görə də seçki qabağı hələ də bir qərara gələ bilmirlər, fikrimcə bu gedişlə nə Müsavat, nə da AXCP heç bir nəticəyə gəlməyəcəklər”.
|
|
17.08.12 Məqaləni oxumaq
|
| |
|
|
|
Azərbaycanlı gənclər “Birləşmiş Ştatlar İnstitutunda təhsil al 2012” proqramı çərçivəsində ABŞ-a gediblər
|
|
Gənclər üçün Təhsil Mərkəzinin (GTM) Mingəçevir Regional ofisinin üzvləri ABŞ-a gediblər. Bu barədə məlumatı “KƏLAMİNFO”ya Gənclər və İdman Nazirliyinin mətbuat xidmətindən veriblər.
Onlar Kamal Əhmədov və Cavanşir Əhmədlidir. Səfər ABŞ-da “Birləşmiş Ştatlar İnstitutunda təhsil al 2012” (SUSI 2012) proqramı çərçivəsində baş tutub və 6 həftə davam edəcək. Gənclərimizin qatıldığı proqramın əsas məqsədi azərbaycanlı tələbələri ABŞ-ın tarixi, ictimai-iqtisadi həyatı, o cümlədən vətəndaş cəmiyyəti təşkilatlarının fəaliyyəti ilə yaxından tanış etməkdir. Səfər çərçivəsində Vaşinqtonda və bir neçə ştatda əhəmiyyətli görüşlər planlaşdırılıb.
|
|
17.08.12 Məqaləni oxumaq
|
| |
|
|
|
Saakaşvili idmançıların London Olimpiadasında nəticələrindən razı qalıb
|
|
Gürcüstan prezidenti Mixail Saakaşvili ölkə idmançılarının 2012-ci il London Yay Olimpiya Oyunlarında göstərdikləri nəticədən razı qalıb. “KƏLAMİNFO” “Qruziya onlayn”a istinadən xəbər verir ki, Saakaşvili 1 qızıl, 3 gümüş, 3 bürünc medal əldə edən olimpiyaçılarla fəxr etdiyini bildirib. O deyib ki, əhali sayı ilə medal sayını müqayisə etdikdə görmək olar ki, Gürcüstan dünyada ilk sıralarda yer alan ölkələrdəndir”.
|
|
17.08.12 Məqaləni oxumaq
|
| |
|
|
|
Səhifələr : # 1 2 3 4 5 6 7 # |
|
Torpaqlarımızı qaytaraq..
|
| |
|
|
|
Açılış Səhifəsi et 
