|
|
Səhifələr : # 9 10 11 12 13 14 15 16 17 #
|
|
Hillari Klinton Monqolustanda
|
|
Monqolustanda səfərdə olan ABŞ-ın dövlət katibi Hillari Klinton demokratiyanı önə çəkmək və Amerika iqtisadiyyatının regionda mövcudluğunu artırmaq üçün Asiya səfərini davam etdirir. “KƏLAMİNFO” BBC-yə istinadən xəbər verir ki, Klinton bu gün Monqolustan paytaxtı Ulan-Batorda keçirilən Beynəlxalq Lider Qadınlar Forumunda çıxış edib. O, iqtisadi inkişaf üçün demokratiyanın vacibliyini vurğulayaraq deyib ki, biri olmadan o birinə nail olmaq qeyri-mümkündür. Dövlət katibinin sözlərinə görə, XXI əsrdə Asiyada insanlar yalnız varlı olmağa çalışmamalıdırlar, onlar həm də azad olmalıdırlar.
Klinton habelə ölkə prezidenti Tsaxia Elbeqdorjla da danışıqlar aparıb. ABŞ dövlət katibinin Asiya səfərinə Monqolustandan başqa Laos, Kamboca və Vyetnam da daxildir.
|
10.07.12 Məqaləni oxumaq
|
| |
|
|
|
Gənclər və İdman Nazirliyi gənclər təşkilatlarının layihələrinə 851 min manat ayırıb
|
|
Gənclər və İdman Nazirliyi gənclər təşkilatlarının təqdim etdiyi layihələri maliyyələşməsi ilə bağlı nəticələri açıqlayıb. Bu barədə məlumatı “KƏLAMİNFO”ya nazirliyin mətbuat xidmətindən veriblər.
Ümumilikdə Azərbaycanda 57 gənclər təşkilatının layihələrinin maliyyələşməsi üçün 851 min manat ayrılıb. Müsabiqəyə 115 təşkilat layihə təqdim edib, təqdim edilən layihələrin dördü müsabiqənin mövzusuna uyğun gəlmədiyi, 18 təşkilat isə gənclər təşkilatı olmadığı üçün həmin təşkilatların layihələrinə baxılmayıb.
|
|
10.07.12 Məqaləni oxumaq
|
| |
|
|
|
Cəmiyyətin hüquqi maarifləndirilməsinə dair kitab çap olunub
|
|
Bu gün Beynəlxalq Mətbuat Mərkəzində “Azərbaycan” qəzeti və “Azərbaycan Hüquq İslahatları Mərkəzi” İctimai Birliyinin birgə təşəbbüsü ilə nəşr olunan “Vəkil Məsləhətləri Toplusu” kitabının təqdimatı keçirilib. “KƏLAMİNFO” xəbər verir ki, Prezident yanında QHT-lərə Dövlət Dəstəyi Şurasının maliyyə dəstəyi ilə nəşr olunan kitabın qayəsi əhalinin hüquqi maarifləndirilməsi səviyyəsinin artırılması vasitəsilə onların məhkəmələr və digər dövlət orqanlarına çıxış imkanlarını asanlaşdırmaqdır.
Təqdimat mərasimində çıxış edən “Azərbaycan” qəzetinin baş redaktoru, millət vəkili Bəxtiyar Sadıqov nəşrin ölkəmizdə insan hüquqlarının səmərəli təmin edilməsi baxımından əhəmiyyətli olduğunu deyib.
|
|
10.07.12 Məqaləni oxumaq
|
| |
|
|
|
Daha 4 kollecin fəaliyyəti “kafi” qiymətləndirilib
|
|
Təhsil Nazirliyində Akkreditasiya Şurasının növbəti iclası keçirilib. Nazirlikdən “KƏLAMİNFO”ya verilən məlumata görə, iclasda Quba Dövlət Sosial-İqtisadi Kolleci, Bakı Qida Sənayesi Kolleci, Bakı Neft-Energetika Kolleci və Bakı Sənaye-Pedaqoji Kollecinin akkreditasiyasının nəticələri müzakirə olunub.
İclasda aparılan akkreditasiyaların nəticələri barədə məlumat verilib. Sonra qeyd olunan kolleclərdə akkreditasiyanın nəticələrinə dair şura üzvlərini maraqlandıran suallar cavablandırılıb, rəy və təkliflər səsləndirilib. Təhsil naziri Misir Mərdanov müvafiq təhsil müəssisələrində aparılan araşdırmalarla bağlı fikirlərini bildirib, tövsiyə və tapşırıqlarını verib.
Akkreditasiya Şurasının iclasında müəyyənləşdirilmiş meyarlar üzrə tələblərə uyğunluğu nəzərə alınaraq, qeyd olunan kolleclərin fəaliyyətinin “kafi” qiymətləndirilməsi və bu təhsil ocaqlarının müvafiq ixtisaslarının akkreditə olunması barədə qərar qəbul edilib.
|
|
10.07.12 Məqaləni oxumaq
|
| |
|
|
|
Azay Quliyev: ATƏT öz norma və prinsiplərinin həyata keçirilməsində heç də həmişə effektli fəaliyyət göstərə bilmir
|
|
“Bu gün ATƏT-in effektivliyinin artırılması qurumun hal-hazırki gündəliyində olan ən vacib prioritetlərdəndir”. “KƏLAMİNFO” xəbər verir ki, bu fikirləri millət vəkili Azay Quliyev ATƏT regionunda təhlükəsizliyin gücləndirilməsinə dair qətnamənin müzakirəsindəki çıxışı zamanı deyib. ATƏT PA-nın Monakodakı tədbirində çıxış edən A.Quliyev bildirib ki, ATƏT-in başlıca missiyası bu təşkilat ərazisində onun sahib olduğu norma və prinsiplərin riayət olunmasının məcburiliyini, ikili standart və coğrafi üstünlüklər olmadan, hərtərəfli təhlükəsizliyi qorumaqdır: “Bu bir həqiqətdir ki, ATƏT öz norma və prinsiplərinin həyata keçirilməsində heç də həmişə effektli fəaliyyət göstərə bilmir, xüsusilə onun ərazisində onilliklərlə sürən münaqişələrin həlli kimi məsələlərdə indiyə kimi ciddi uğur qazana bilməyib. Buna görə də biz parlament üzvləri olaraq, ATƏT-in sahib olduğu mexanizmlərə, xüsusilə onun qərarlarının və qətnamələrinin icra olunma vəziyyətinə nəzər salmalıyıq, həmçinin, baxmalıyıq ki, biz harada əlavə səy göstərə bilərik və əsil sülhə və təhlükəsizliyə necə nail ola bilərik”.
|
|
10.07.12 Məqaləni oxumaq
|
| |
|
|
|
Xarici İşlər Nazirliyinin əməkdaşları Fəxri xiyabanı ziyarət ediblər
|
|
Bu gün Azərbaycanın diplomatik xidmət orqanlarının peşə bayramı günüdür. “KƏLAMİNFO” xəbər verir ki, bu münasibətlə Xarici İşlər Nazirliyinin əməkdaşları Fəxri xiyabanda Heydər Əliyevin məzarını ziyarət ediblər.
Azərbaycan xarici işlər nazirinin müavinləri Xələf Xələfov və Nadir Hüseynovun rəhbərlik etdiyi nümayəndə heyəti Heydər Əliyevin və akademik Zərifə xanım Əliyevanın məzarı önünə əklil qoyublar.
Qeyd edək ki, Azərbaycan prezidenti İlham Əliyevin 2007-ci il 24 avqust tarixli sərəncamı ilə 9 iyul tarixi Azərbaycanda diplomatik xidmət orqanları əməkdaşlarının peşə bayramı kimi qeyd olunur. Məhz 1919-cu il 9 iyul tarixində Azərbaycan Xalq Cümhuriyyəti Xarici İşlər Nazirliyinin katibliyinə dair müvəqqəti təlimat qəbul edilib.
|
|
10.07.12 Məqaləni oxumaq
|
| |
|
|
|
İranda işsizlərin sayı 10 milyon nəfərdən çoxdur
|
|
İran parlamentinin keçmiş üzvü Daryuş Qənbəri İranda işsizlərin sayının 10 milyon nəfərdən çox olduğunu elan edib. “KƏLAMİNFO”nun məlumatına görə, xəbər İranın rəsmi informasiya mənbələri tərəfindən yayılıb. İran dövləti elan edib ki, İranda işsizlik səviyyəsi təxminən 10.4 faiz təşkil edir. Lakin keçmiş millət vəkili üzvü bunu qəbul etməyərək, “Eco News”-a bunları bildirib: “Statistika Mərkəzinin göstəricilərinə əsasən, İranda işsizlərin sayı 2 milyon 800 min nəfərdir, amma mənim fikrimcə, bu, doğru ola bilməz”. O, əsgərlər və tələbələrin işsiz kimi götürülməli olduğunu, lakin dövlətin onları işlə təmin edilmiş təbəqə kimi göstərdiyini deyir. Digər tərəfdən, o, işsizlik səviyyəsinin qadınlar arasında daha çox olduğunu bildirir. “İran dövləti işsizlik səviyyəsini az göstərmək üçün həftədə 1-2 saat işləyənlərə də işsiz deyil deyir” - deyə o bildirir.
|
|
09.07.12 Məqaləni oxumaq
|
| |
|
|
|
ATƏT baş katibi Azərbaycana seçkilərlə bağlı yeni təkliflər verib
|
|
Bakıda səfərdə olan ATƏT-in baş katibi Lamberto Zannieri ilə xarici işlər naziri Elmar Məmmədyarov arasında görüş keçirilib. “KƏLAMİNFO” xəbər verir ki, görüşdən sonra keçirilən brifinqdə E.Məmmədyarov bildirib ki, görüş zamanı müxtəlif danışıqlar, o cümlədən Ermənistan-Azərbaycan, Dağlıq Qarabağ münaqişəsi müzakirə olunub.
Nazir qeyd edib ki, görüş əsnasında Azərbaycanın münaqişə ilə bağlı mövqeyi bir daha ATƏT baş katibinin diqqətinə çatdırılıb: “Biz istəyirik ki, ATƏT-in bu məsələdə fəaliyyəti daha da güclənsin ki, artıq irəliləyiş əldə olunsun. 20 ildir ATƏT-in Minsk Qrupunun fəaliyyətinə baxmayaraq, heç bir nəticə yoxdur”.
XİN rəhbəri bildirib ki, görüşdə, həmçinin ikitərəfli məsələlər, qarşılıqlı əməkdaşlıq da müzakirə olunub: “ATƏT baş katibinin Azərbaycanda keçiriləcək seçkilərlə bağlı xüsusi təklifləri oldu. Biz bu təkliflərə baxacağıq. Bundan başqa layihələr ilə bağlı da ATƏT baş katibindən təkliflər də oldu ki, biz bunun üzərində işləyəcəyik”.
|
|
09.07.12 Məqaləni oxumaq
|
| |
|
|
|
ATƏT baş katibi: “Münaqişənin həllini zorla sırımaq olmaz”
|
|
Bakıda səfərdə olan ATƏT baş katibi Lamberto Zannier Ermənistana səfəri zamanı Dağlıq Qarabağ münaqişəsinin həlli məsələsini gündəmə gətirəcəyini bəyan edib. “KƏLAMİNFO” xəbər verir ki, baş katib bu barədə Azərbaycan Xarici İşlər Nazirliyində keçirdiyi mətbuat konfransında bildirib.
O qeyd edib ki, iyulun 10-da Minsk Qrupunun həmsədrləri bölgəyə növbəti səfər edəcəklər: “Cəbhə xəttində və Azərbaycan-Ermənistan sərhədində baş verən insidentlər ciddi narahatlıq doğurur. İnsanların ölümü ilə nəticələnən bu cür insidentlər yolverilməzdir və belə hadisələrin qarşısını almaq üçün lazımi tədbirlər görülməlidir. Mövcud status-kvo qəbuledilməzdir”. Baş katib snayperlərin geri çəkilməsi, insidentlərin araşdırılması və etimadın qurulması istiqamətində ATƏT-in bir sıra tədbirlər təklif etdiyini bildirib. Onun sözlərinə görə danışıqlar prosesinin nativi yoxdur: “Münaqişənin həllini tapmaq lazımdır, lakin bu həlli zorla sırımaq olmaz. Tərəflər özləri razılığa gəlməlidir. ATƏT buna öz töhfəsini verməyə hazırdır”.
|
|
09.07.12 Məqaləni oxumaq
|
| |
|
|
|
Elmar Məmmədyarov: “Türkmənistan Azərbaycana “Kəpəz” yatağı ilə bağlı rəsmi olaraq heç bir təklif göndərməyib”
|
|
“Türkmənistan Azərbaycana Xəzərdəki “Kəpəz” yatağı ilə bağlı rəsmi olaraq heç bir təklif və yaxud nota göndərməyib”. “KƏLAMİNFO” xəbər verir ki, bu barədə jurnalistlərə açıqlamasında Azərbaycan xarici işlər naziri Elmar Məmmədyarov bildirib.
O qeyd edib ki, rəsmi Bakı hər dəfə təklif verir ki, Rusiya və Qazaxıstanla əldə oluna razılıq mexanizmini Türkmənistan ilə də əldə eləsin: “Bu mexanizm, həmçinin İrana da təklif olunub. İnanırıq ki, Xəzər sahilində yerləşən 3 dövlətin (Azərbaycan-Rusiya-Qazaxıstan) gəldiyi razılığa digər 2 dövlət də (İran və Türkmənistan) gələcək”.
|
|
09.07.12 Məqaləni oxumaq
|
| |
|
|
|
Səhifələr : # 9 10 11 12 13 14 15 16 17 # |
|
Torpaqlarımızı qaytaraq..
|
| |
|
|
|
Açılış Səhifəsi et 
