|
|
Səhifələr : # 8 9 10 11 12 13 14 15 16 #
|
|
Cənubi Koreya prezidentinin qardaşı korrupsiya ittihamı üzrə həbs olunub
|
|
Cənubi Koreya prezidenti Li Men Bakın böyük qardaşı Li San Dık korrupsiya ittihamı üzrə həbs olunub. “KƏLAMİNFO” “Lenta.ru”ya istinadən xəbər verir ki, 76 yaşlı Li San Dık «Solomon Savings Banks» və «Mirae Savings Bank» banklarından rüşvət almaqda ittiham olunur. Pulun əvəzində o, banklara qarşı istintaqı dayandırmağa söz veribmiş.
Li San Dık 2007-2011-ci illərdə bu banklardan 525 min dollar alıb. Hər iki bankın fəaliyyəti dayandırılıb. AFR xəbər verir ki, məhkəmə zalına gətirilən Li Sanı əmanətçilər yumurta atəşinə tutublar.
|
11.07.12 Məqaləni oxumaq
|
| |
|
|
|
Rusiya BMT Təhlükəsizlik Şurasına Suriya ilə bağlı qətnamə layihəsi təqdim edib
|
|
Rusiya BMT Təhlükəsizlik Şurasına Suriya ilə bağlı qətnamə layihəsi təqdim edib. “KƏLAMİNFO” “Lenta.ru”ya istinadən xəbər verir ki, layihədə Suriyadakı BMT müşahidəçilərinin missiyasının daha 3 ay uzadılmasına çağırılır.
BMT-nin 300-ə yaxın müşahidəçisinin Suriyadakı fəaliyyəti ilə bağlı iyulun 20-nə qədər qərar verməlidir. Həmin gün müşahidəçi qrupunun 90 günlük mandatı başa çatır.
|
|
11.07.12 Məqaləni oxumaq
|
| |
|
|
|
QHT Suraxanıda apardığı monitorinqin nəticələrini açıqlayıb
|
|
Beynəlxalq Münasibətlərin Araşdırılması Mərkəzi Suraxanı rayonunda apardığı monitorinqin nəticələrini açıqlayıb. Bu barədə məlumatı “KƏLAMİNFO”ya Mərkəzdən veriblər.
Beynəlxalq Münasibətlərin Araşdırılması Mərkəzi (BMAM) Prezident yanında QHT-lərə Dövlət Dəstəyi Şurasının maliyyə dəstəyi ilə Suraxanı rayonunda regionların sosial-iqtisadi inkişafına həsr olunmuş tədbir keçirib. Qurumun “Bakı ətrafı qəsəbələrdə sosial proqramların icrasının monitorinqi və təbliği” layihəsi çərçivəsində növbəti tədbiri Suraxanı rayon icra hakimiyyətində keçirilib. Tədbirdə rayon rəhbərliyi, ictimaiyyətin nümayəndələri, idarə, müəssisə rəhbərləri, vətəndaş cəmiyyətinin təmsilçiləri iştirak ediblər.
|
|
11.07.12 Məqaləni oxumaq
|
| |
|
|
|
QHT Əməkdaşlıq Alyansı 1 illik fəaliyyətinin hesabatını verib
|
|
Bu gün Beynəlxalq Mətbuat Mərkəzində QHT Əməkdaşlıq Alyansı bir illik fəaliyyəti ilə bağlı tədbir keçirib. “KƏLAMİNFO” xəbər verir ki, tədbirdə Alyansın bir illik fəaliyyəti, görülən və görüləcək işlər haqqında məlumat verilib.
Alyansın Şura üzvü, İcra Katibliyinin rəhbəri Rəfail Becanov bildirib ki, QHT Əməkdaşlıq Alyansı ötən il iyulun 8-də təsis edilib. Onun sözlərinə görə, əsas məqsəd müxtəlif və ölkəyüklü məsələlərdə, vətəndaş cəmiyyətinin inkişafında QHT-lərlə birgə fəaliyyət göstərməkdir: “Ən böyük amalımız isə istər ölkə üçün əhəmiyyətli olan, istərsə də vətəndaş cəmiyyəti sektoru üçün önəmli saydığımız sahələrdə QHT-lərin, QHT koalisiyalarının əməkdaşlığına və onların eyni mövqedən çıxış etmələrinə nail olmaqdır”.
|
|
11.07.12 Məqaləni oxumaq
|
| |
|
|
|
“Meksika Azərbaycanın Latın Amerikası regionunda maraqlarını təmsil edən dövlətdir”
|
|
“Meksika Azərbaycanın Latın Amerikası regionunda maraqlarını təmsil edən dövlətdir”. “KƏLAMİNFO” xəbər verir ki, bu barədə Bakıda səfərdə olan Meksika Senatının vitse-spikeri Fransisko Arroyo Vieyra jurnalistlərə açıqlamasında bildirib.
O qeyd edib ki, Meksika Azərbaycan ilə bir çox istiqamətdə, o cümlədən mədəniyyət və neft- qaz sahəsində əməkdaşlığı genişləndirməkdə maraqlıdır: “Meksika tələbələrinin Azərbaycanda təhsilinə və əksinə olaraq təhsilin təşkil olunmasına səylər var”.
O həmçinin bildirib ki, Meksikanın paytaxtı Mexikonun mərkəzi küçələrindən birində Azərbaycanın ümummilli lideri Heydər Əliyevin abidəsi ucaldılacaq: “Bu abidənin qoyulması iki ölkə arasındakı münasibətlərin inkişafına stimul olacaq”.
|
|
11.07.12 Məqaləni oxumaq
|
| |
|
|
|
“Ekoloji Tarazlığın Qorunması” İctimai Birliyi. Araşdırma – 8 (12)
|
Məişət tullantılarının idarə olunması
Məişət tullantısı problemi ölkəmizdə illərdir müzakirə edilir. Bu problem Bakının mərkəzi ərazilərində müşahidə edilməsə də, ətraf rayon və qəsəbələrdə, kəndlərdə özünü qabarıq büruzə verir. Lakin məişət tullantılarının idarə olunmasının təkmilləşdirilməsi istiqamətində görülən işlər yaxın gələcəkdə bu sahədə nümunəvi şəraitin yaradılacağından xəbər verir. Bu isə geniş mənada ekologiyanın təmizlənməsinə, məişət tullantılarının isə gəlir mənbəyinə çevrilməsinə səbəb olacaq...
|
|
11.07.12 Məqaləni oxumaq
|
| |
|
|
|
Lavrov yeni “soyuq müharibə” proqnozlaşdırmır
|
|
Rusiyanın xarici işlər naziri Sergey Lavrov yeni “soyuq müharibə” proqnozlaşdırmadığını deyib.” KƏLAMİNFO” xəbər verir ki, “Qolos Rossii” radiosunda canlı yayımda iştirak edən Lavrov beynəlxalq aləmdəki proseslərə nəzər saldığı zaman yeni “soyuq müharibə” olacağını düşünmədiyini söyləyib. Nazir Rusiya-ABŞ əlaqələrinin qlobal balansın təmin olunması baxımından kritik əhəmiyyət daşıdığını vurğulayıb: “ABŞ ilə əməkdaşlığa davam edirik. Xüsusilə ABŞ-dakı respublikaçılardan Rusiyanı ittiham edən açıqlamalar eşitdiyimiz zaman buna gözlərimizi yuma bilmərik. Ancaq bu cür ittihamedici açıqlamaların ABŞ-ın siyasətini əks etdirdiyini düşünmürəm. Rusiyada və ABŞ-da məsuliyyətli davranan hər bir siyasətçi iki ölkə arasındakı əlaqələrin beynəlxalq arenada balansın təmin olunması baxımından mühüm olduğunu görür”.
|
|
11.07.12 Məqaləni oxumaq
|
| |
|
|
|
TQDK jurnalistlər arasında müsabiqə elan etdi
|
|
Tələbə Qəbulu üzrə Dövlət Komissiyası (TQDK) KİV nümayəndələri arasında qurumun yaradılmasının 20 illiyi münasibətilə müsabiqə elan edir. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Müsabiqə 2 nominasiya üzrə aparılacaq.
|
|
11.07.12 Məqaləni oxumaq
|
| |
|
|
|
Əflatun Amaşov: “Türkiyədə olan mətbuat və elan qurumunun Azərbaycanda tətbiqi gündəmdədir”
|
|
“Prezident Administrasiyasının ictimai-siyasi məsələlər şöbəsinin müdiri Əli Həsənov ilə mətbuat nümayəndələrinin görüşündə çoxsaylı təklif olub”. “KƏLAMİNFO” xəbər verir ki, bu barədə jurnalistlərə açıqlamasında Mətbuat Şurasının sədri Əflatun Amaşov bildirib. O qeyd edib ki, həmin təkliflər həm praktiki baxımdan, həm də qanunvericilik baxımından həyata keçirilə bilər: “Bu da dövlət qurumlarının büdcələrinin 1 faizinin reklama və elana ayrılması və digər məsələlərdən ibarət ola bilər. Türkiyədə olan mətbuat və elan qurumunun Azərbaycanda tətbiq olunması məsələsi gündəmdədir”.
Qeyd edək ki, PA rəsmisi Ə.Həsənov ilə qəzet redaktorları arasında bu yaxınlarda görüş baş tutub.
|
|
11.07.12 Məqaləni oxumaq
|
| |
|
|
|
Prezident “Kommersiya sirri haqqında” qanuna dəyişiklikləri təsdiqlədi
|
|
Azərbaycan Prezidenti İlham Əliyev “Kommersiya sirri haqqında” qanuna dəyişiklikləri təsdiq edib. “KƏLAMİNFO” xəbər verir ki, qanuna görə Azərbaycanda kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar konfedensial saxlanılacaq.
Qanunda qeyd olunur ki, həmin məlumatlar qanunla müəyyən edilmiş hallarda və qaydada məhkəmə, istintaq və təhqiqat orqanlarına, qanunun müəyyən etdiyi hallarda əməliyyat-axtarış fəaliyyətinin subyektlərinə, "Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında" qanunla müəyyən olunmuş hallarda və qaydada maliyyə monitorinqi orqanlarına verilə bilər.
|
|
11.07.12 Məqaləni oxumaq
|
| |
|
|
|
Səhifələr : # 8 9 10 11 12 13 14 15 16 # |
|
Torpaqlarımızı qaytaraq..
|
| |
|
|
|
Açılış Səhifəsi et 
