|
Səhifələr : # 7 8 9 10 11 12 13 14 15 #
Əli Əhmədov Yaponiya səfirini qəbul edib
|
Yeni Azərbaycan Partiyasının sədr müavini-icra katibi Əli Əhmədov Yaponiyanın Azərbaycandakı fövqəladə və səlahiyyətli səfiri Şusuke Vatanabeni partiyanın mənzil qərargahında qəbul edib.YAP-dan “KƏLAMİNFO”ya verilən məlumata görə, görüşdə Azərbaycan-Yaponiya diplomatik əlaqələrinin 20 illiyindən, bu illər ərzində iki ölkə arasındakı əməkdaşlıq istiqamətləri və onların uğurlu nəticələri haqqında danışılıb.
Səfir qeyd edib ki, iki ölkə arasındakı mövcud münasibətləri daha da inkişaf etdirmək və qarşılıqlı əməkdaşlığı intensivləşdirmək üçün əlindən gələni əsirgəməyəcək.
Daha sonra görüşdə tərəflər qarşılıqlı maraq doğuran digər məsələlər haqqında fikir mübadiləsi aparıblar.
|
14.06.12 Məqaləni oxumaq
|
|
|
Zahid Oruc: “Avropa Parlamenti nüfuzunun qorunmasında kifayət qədər qeyri-dəqiqliyə yol verir”
|
“Son vaxtlar bəzi beynəlxalq təşkilatların, xüsusilə də Avropa Parlamentinin bəzi üzvlərinin Azərbaycanla bağlı mövqelərinin qərəzli olmasını onlar tələskənlikləri ilə də büruzə verirlər”. Bu barədə “KƏLAMİNFO”ya açıqlamasında Azərbaycan Milli Məclisinin Təhlükəsizlik və müdafiə komitəsinin üzvü Zahid Oruc bildirib.
O qeyd edir ki, onlar son vaxtlar qəribə bir vərdiş ediblər, yəni Azərbaycanda baş verən hadisələrə elə həmin gün Avropa Parlamentinin mövqeyi olur. “Sanki elə bil bizim yanımızdadırlar. Amma başqa məsələlərdə isə Azərbaycan xəritə üzərində böyük ərazilərin böyük faciələrini anlatmalı olur.
|
14.06.12 Məqaləni oxumaq
|
|
|
Elmar Məmmədyarov Beynəlxalq Ədalət Məhkəməsinin prezidenti ilə görüş keçirib
|
Xarici işlər naziri Elmar Məmmədyarov Niderland Krallığına səfəri çərçivəsində Beynəlxalq Ədalət Məhkəməsinin prezidenti Peter Tomka ilə görüş keçirib. XİN-dən “KƏLAMİNFO”ya verilən məlumata görə, Peter Tomka Elmar Məmmədyarovu səmimi salamladıqdan sonra BMT-nin Beynəlxalq Ədalət Məhkəməsinin strukturu, yurisdiksiyası, hal-hazırda baxdığı işləri və məhkəmə sistemində edilən islahatlar barədə məlumat verərək, Azərbaycanın məhkəmənin fəaliyyətinə verdiyi dəstəyə görə təşəkkürünü bildirib.
Elmar Məmmədyarov Azərbaycanın demokratik dövlət kimi qanunun aliliyinə hörmətlə yanaşdığını, müvafiq beynəlxalq mübahisə və münaqişələrin beynəlxalq hüququn prinsip və normaları əsasında həll olunmasının tərəfdarı olduğunu, ölkənin BMT-nin tam hüquqlu üzvü kimi Beynəlxalq Ədalət Məhkəməsinin fəaliyyətini dəstəklədiyini qeyd edib.
Görüş zamanı qarşılıqlı maraq kəsb edən digər məsələlər müzakirə olunub.
|
14.06.12 Məqaləni oxumaq
|
|
|
Elmar Məmmədyarov senator Rene van der Lindenlə görüş keçirib
|
Xarici işlər naziri Elmar Məmmədyarov Niderland Krallığının İqtisadi Məsələlər, Kənd Təsərrüfatı və İnnovasiya Nazirliyinin Xəzər regionu, Türkiyə və Rusiya üzrə enerji məsələlərinə dair xüsusi elçisi, Senator Rene van der Lindenlə görüş keçirib. XİN-dən “KƏLAMİNFO”ya verilən məlumata görə, senator Rene van der Linden Azərbaycanın regionda aparıcı dövlət olduğunu, ölkədə bütün sahələrdə gedən islahatlar və inkişafı böyük maraqla izlədiyini nəzərə çatdıraraq, cari ilin 6-7 iyun tarixlərində Bakıda keçirilmiş “Xəzər Beynəlxalq neft və qaz Konfransı”na qatıldığını və uğurlu keçən səfər çərçivəsində prezident İlham Əliyev və yüksək vəzifəli dövlət nümayəndələri ilə görüşlər keçirdiyini bildirib. Səfərdən gözəl təəssüratlarla və yeni əməkdaşlıq ideyaları ilə qayıtdığını qeyd edən van der Linden, Elmar Məmmədyarovun Niderland Krallığına etdiyi səfərdən və keçirdiyi yüksək səviyyəli görüşlərdən sonra iki dövlət arasında münasibətlərin daha da genişlənəcəyinə əminliyini bildirib.
Elmar Məmmədyarov Azərbaycanda gedən islahatlardan, ikitərəfli siyasi və iqtisadi əlaqələrdən, gələcək perspektiv layihələrdən söhbət açaraq, Rene van der Lindeni iki ölkə arasında əlaqələrin daha da genişlənməsinə tövhə verməyə çağırıb.
|
14.06.12 Məqaləni oxumaq
|
|
|
Elmar Məmmədyarov Niderland Krallığındakı Səfirliyimizin yeni binasının açılış mərasiminə qatılıb
|
Xarici işlər naziri Elmar Məmmədyarovun Niderland Krallığına səfəri çərçivəsində Niderland Krallığındakı Səfirliyimizin yeni binasının açılış mərasimi keçirilib. XİN-dən “KƏLAMİNFO”ya verilən məlumata görə, Azərbaycanın mülkiyyəti olan, 2000 kvadrat metr ərazidə yerləşən və 3 binadan ibarət Səfirlik kompleksi, Haaqa şəhərinin ən mötəbər ərazisində yerləşir. Əsas binada müxtəlif tədbir və görüşlərin keçirilməsi üçün zallar və otaqlar, konfranslar və seminarlar kemirilməsi və filmlərin nümyişi üçün xüsusi təchiz edilmiş video-zal, diplomatik heyətin iş otaqları və Səfirin igamətgahı yerləşir. Səfirliyin həyatyanı sahəsində isə xüsusi dizayn üslubu ilə işlənmiş yaşıllıq zonası yaradılıb.
Tədbiri Azərbaycanın Niderland Krallığındakı səfiri Fuad İsgəndərov açaraq, səfirliyin fəaliyyəti barədə qısa məlumat verib və tədbir iştirakçılarını bir daha salamlayıb.
|
14.06.12 Məqaləni oxumaq
|
|
|
|
Məşğulluq və əməyin mühafizəsi
|
Son 8 ildə yeni yaradılan iş yerlərinin sayı bir milyonu ötmüş, işsizliyin səviyyəsi daha da azalaraq 5,4 faizə enmişdir. Yoxsulluq səviyyəsinin kəskin şəkildə azalaraq cari ilin əvvəlində 7,6 faizə düşmüşdür. Cari ilin ilk rübündə Dövlət Məşğulluq Xidməti tərəfindən 6 173 nəfər işsiz və iş axtaran vətəndaş münasib işlə təmin olunmuş, 738 nəfər vətəndaş müasir əmək bazarının tələblərinə uyğun peşə hazırlığı kurslarına cəlb edilmişdir.
|
13.06.12 Məqaləni oxumaq
|
|
|
“Hüquqi şəxslərin dövlət qeydiyyatı və dövlət reyestri haqqında” qanuna dəyişikliklər edilib
|
Milli Məclisin bu gün keçirilən iclasında “Hüquqi şəxslərin dövlət qeydiyyatı və dövlət reyestri haqqında” qanuna dəyişikliklər müzakirəyə çıxarılıb. “KƏLAMİNFO” xəbər verir ki, layihə barədə Hüquq siyasəti və dövlət quruculuğu komitəsinin sədri Əli Hüseynli məlumat verib.
Dəyişikliklərə görə, kommersiya hüquqi şəxslərin təsisçiləri və onların nizamnamə kapitalındakı payları barədə məlumatlar sorğu əsasında qanunla məhkəmə, istintaq, təhqiqat orqanlarına, əməliyyat-axtarış fəaliyyətinin subyektlərinə, “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunla müəyyən edilmiş hallarda və qaydada monitorinq orqanına, kommersiya hüquqi şəxsin digər təsisçilərinə və şəxsin razılığı ilə üçüncü şəxsə verilə bilər.
Müzakirələrdən sonra qanuna dəyişikliklər səsə qoyularaq qəbul olunub.
|
13.06.12 Məqaləni oxumaq
|
|
|
“İnformasiya əldə etmək haqqında” qanuna dəyişikliklər qəbul edilib
|
Milli Məclisin bu gün keçirilən iclasında “İnformasiya əldə etmək haqqında” qanuna dəyişikliklər müzakirəyə çıxarılıb. “KƏLAMİNFO” xəbər verir ki, layihə barədə Hüquq siyasəti və dövlət quruculuğu komitəsinin sədri Əli Hüseynli məlumat verib.
Qanuna təklif olunan dəyişikliklərə görə informasiyanın əldə olunmasına o şərtlə icazə verilir ki, bu, Azərbaycan Respublikasının siyasi, iqtisadi və hərbi sahələrdə milli maraqlarının, maliyyə-kredit və valyuta siyasəti sahələrində mənafelərinin qorunması, ictimai qaydanın, sağlamlığın və mənəviyyatın qorunması, digər şəxslərin hüquq və azadlıqlarının, kommersiya və digər iqtisadi maraqlarının qorunması, məhkəmənin nüfuzunun və qərəzsizliyinin təmin edilməsi məqsədlərinə zidd olmasın. Müzakirələr zamanı deputat Aqil Abbas bildirib ki, qeyd olunan dəyişikliklərin müzakirəsi gözlənilən “Diffamasiya haqqında” qanunla tərs mütənasiblik təşkil edəcək. “Mən dəyişikliklərin əleyhinə deyiləm, amma bunun “Diffamasiya haqqnda” qanunla uyğunluğu necə olacaq?” - deyə o əlavə edib.
|
13.06.12 Məqaləni oxumaq
|
|
|
TÜRKPA-nın III plenar sessiyasının proqramı təsdiqlənib
|
Türkdilli Ölkələrin Parlament Assambleyasının (TÜRKPA) Qırğızıstanın Bişkek şəhərində 14-15 iyunda keçiriləcək III plenar sessiyasının proqramı təsdiq olunub. Bu barədə məlumatı “KƏLAMİNFO”ya TÜRKPA-dan veriblər.
İyunun 14-də baş tutacaq Assambleya Şurasının III iclasında dörd daimi komissiyanın katibi vəzifəsinə seçkilər keçiriləcək, Katibliyin 2011-ci il üçün maliyyə və fəaliyyət hesabatları təsdiq ediləcək, həmçinin IV Plenar Sessiyasının keçirilmə tarixi və yeri müəyyənləşdiriləcək. İyunun 15-də keçiriləcək TÜRKPA-nın III Plenar Sessiyasında isə üzv ölkələrinin sədrlərinin, beynəlxalq təşkilatların nümayəndələrinin çıxışları dinləniləcək, TÜRKPA-nın son bir illik fəaliyyətinin təqdimatı olacaq, bundan başqa, Beynəlxalq əlaqələr, İqtisadiyyat, ticarət və maliyyə məsələləri, Sosial, mədəniyyət və humanitar məsələlər, Hüquq məsələləri komissiyalarının hesabat və tövsiyə qərarlarının, həmçinin TÜRKPA beynəlxalq müşahidəçilər missiyasının Türkiyə, Qırğızıstan və Qazaxıstanda keçirilmiş prezident və parlament seçkilərinə dair rəylərinin dinlənilməsi və təsdiqi də planlaşdırılır. Həmçinin iclasda komissiyaların sədr müavini vəzifəsinə namizədlərin seçimi plenar sessiyada baş tutacaq.
|
13.06.12 Məqaləni oxumaq
|
|
|
|
Səhifələr : # 7 8 9 10 11 12 13 14 15 #
|
Torpaqlarımızı qaytaraq..
|
|
|
|