|
|
Səhifələr : # 8 9 10 11 12 13 14 15 16 #
|
|
Argentina Deputatlar Palatasındakı Azərbaycanla Dostluq Qrupunun yeni tərkibi təsdiq edilib
|
|
Argentina Milli Konqresinin Deputatlar Palatasında fəaliyyət göstərən Azərbaycanla Dostluq Qrupunun yeni tərkibi təsdiq edilib. XİN-in mətbuat xidmətindən “KƏLAMİNFO”ya verilən məlumata görə, dostluq qrupunun sədri vəzifəsində “ Peronsita” siyasi blokunun deputatı Roberto Mario Mouilleron, sədr müavini vəzifəsində isə “Movimiento de Neuqen” siyasi blokunun prezidenti deputat Alicia Comelli yenidən təsdiq olunub və “Justicialista La Pampa” siyasi blokun deputatı Cristina Regazzoli dostluq qrupunun yeni katibi seçilib.
|
12.06.12 Məqaləni oxumaq
|
| |
|
|
|
ATƏT sədri: “Dağlıq Qarabağ münaqişəsi güc yolu ilə həll edilə bilməz”
|
|
ATƏT Dağlıq Qarabağ münaqişəsinin nizamlanması prosesinə yardım edə bilər, lakin tərəflərin yerinə həll və yaxud onları buna məcbur edə bilməz. “KƏLAMİNFO” “News.am”a istinadən xəbər verir ki, bu sözləri ATƏT-in hazırkı sədri Eymon Qilmor Yerevanda keçirdiyi mətbuat konfransında bildirib. O bildirib ki, erməni həmkarı Edvard Nalbandyanla keçirdiyi görüşdə Dağlıq Qarabağ münaqişəsinin nizamlanması prosesini müzakirə edib. Onun sözlərinə görə, Yerevanda və sonra Bakıda keçirəcəyi görüşdə onun bir çağırışı olacaq - tərəflər qoşunların təmas xətində bir daha son insidentlərin təkrarlanmasına yol verməsinlər: “Mən tərəfləri güc tətbiq etmək və hədələyici bəyanatlar verməkdən, cavab addımları atmaqdan çəkindirməyə çağırıram. Dağlıq Qarabağ münaqişəsi güc yolu ilə həll edilə bilməz. Sülh yolu ilə həll variantı üçün tərəflərə iradə və bağlılıq gərəkdir. ATƏT körpülərin qurulmasına kömək edə və dialoq üçün meydança ola bilər. Lakin tərəflərə zor gücü ilə qərar qəbul etməyə məcbur edə bilməz”. O bildirib ki, regionda insanlar kövrək status-kvo şəraitində yox, sülh və sabitlik şəraitində yaşamağa layiqdirlər.
|
|
12.06.12 Məqaləni oxumaq
|
| |
|
|
|
Əfqanıstan Azərbaycanın dövlət qulluğu təcrübəsini öyrənir
|
|
Azərbaycan Prezidenti yanında Dövlət Qulluğu Məsələləri üzrə Komissiyanın sədri Bəhram Xəlilov Əfqanıstan İslam Respublikasının İnzibati İslahatlar Katibliyinin baş direktoru Sayed Zabiullah Savayzininin rəhbərlik etdiyi nümayəndə heyətini qəbul edib. DQMK-nin mətbuat katibliyindən “KƏLAMİNFO”ya verilən məlumata görə, nümayəndə heyətinin tərkibində Əfqanıstan Dövlət İdarəçiliyi İslahatlarının direktoru Əhməd Məsud Toxi, Əyalət üzrə əlaqələndirici Favad Karmand, Əməliyyatlar üzrə direktor Ansarullah Foşanji, Media əlaqələri və kommunikasiya üzrə direktor Əzizullah Ariafar, Yerli təlimlər üzrə direktor Qulam Faroq Qani, Aparat rəhbəri Mamun Rəşid və məsləhətçi Xeyrulla Tac olub.
|
|
12.06.12 Məqaləni oxumaq
|
| |
|
|
|
Bakıda Səudiyyə Ərəbistanı Krallığının Orta və Qərbi Asiyada fəaliyyət göstərən səfirlərin toplantısı keçirilib
|
|
Bakıda Səudiyyə Ərəbistanı Krallığının Orta və Qərbi Asiyada fəaliyyət göstərən səfirlərin toplantısı keçirilib. “KƏLAMİNFO” xəbər verir ki, Azərbaycanda səfərdə olan Krallığın xarici işlər nazirinin köməkçisi, şahzadə Xalid bin Xalid əl-Səud qeyd edib ki, Səudiyyə Ərəbistanı ilə Azərbaycan arasında çox yaxşı münasibətlər var. İki xalq arasında mədəni, iqtisadi əlaqələrin böyük tarixə malik olduğunu deyən şahzadə vurğulayıb ki, bu fakt və ölkə başçılarının arasındakı münasibətlər əməkdaşlığımızın daha da yüksək olmasına sövq edir. Son illər ərzində Səudiyyə Ərəbistanı ilə Azərbaycan arasında bir sıra mühüm sənədlərin imzalandığını xatırladan şahzadə ikitərəfli iqtisadi əlaqələrin də sürətlə inkişaf edəcəyinə ümidvar olduğunu bildirib.
|
|
12.06.12 Məqaləni oxumaq
|
| |
|
|
|
Şirkət təsisçiləri barədə məlumatlar kommersiya sirri sayılacaq
|
|
Bu gün Milli Məclisin növbədənkənar iclasında “Kommersiya sirri haqqında” qanuna dəyişikliklər müzakirəyə çıxarılıb. “KƏLAMİNFO” xəbər verir ki, layihə barədə İqtisadi siyasət komitəsinin sədri Ziyad Səmədzadə məlumat verib.
O qeyd edib ki, qanun 4-cü “Kommersiya sirri hesab edilən məlumatlar” maddəsinə əlavələr edilib. Maddəyə olunan əlavəyə əsasən, kommersiya hüquqi şəxslərin təsisçiləri (iştirakçıları) və onların nizamnamə kapitalındakı payları barədə məlumatlar kommersiya sirri hesab olunacaq.
|
|
12.06.12 Məqaləni oxumaq
|
| |
|
|
|
Azərbaycanlı ekspertlər Avropa Birliyi Regional Komitəsinin illik iclasında iştirak ediblər
|
|
Brusseldə Avropa Birliyinin Regional Komitəsində “Şərq Tərəfdaşlığı”nın yerli və regional hakimiyyətlərinin illik konfransı (CORLEAP) keçirilib. Tədbirdə iştirak edən Bələdiyyələrin İnkişafı Naminə QHT Alyansının (BİNA) eksperti Samir Əliyevin “KƏLAMİNFO”ya verdiyi məlumata görə, konfransda Avropa Birliyinin rəsmiləri, o cümlədən tərəfdaş ölkələrin dövlət rəsmiləri, diplomatları və vətəndaş cəmiyyəti nümayəndələri iştirak edib. Görüşün məqsədi Şərq Tərəfdaşlığı (ŞT) siyasətinin genişləndirilməsi, CORLEAP gələcək fəaliyyətini və tərəfdaş ölkələrin milli səviyyələrində ŞT siyasətinin tətbiqi olub.
|
|
12.06.12 Məqaləni oxumaq
|
| |
|
|
|
Elxan Süleymanov: Avropanın səmimiliyinə Azərbaycanın inamı azalıb
|
|
Avronest PA-da Azərbaycan nümayəndə heyətinin sədri, AŞPA-dakı Azərbaycan nümayəndə heyətinin üzvü Elxan Süleymanov Avropanın tanınmış müstəqil siyasət jurnalı “Europe’s World”ə müsahibə verib. “KƏLAMİNFO” xəbər verir ki, millət vəkili müsahibədə Azərbaycanın beynəlxalq təşkilatlardakı fəaliyyəti, ötən ay Bakıda keçirilən Avronest Parlament Assambleyası sessiyasının işi, nativ enerji mənbəyi kimi ölkəmizin rolu, Ermənistanın Azərbaycan torpaqlarını işğal etməsi faktına Avropa ölkələrinin biganə münasibətindən danışıb. E.Süleymanov Avronest PA-nın Avropa İttifaqı sərhədlərindən kənarda ilk iclasının Bakıda keçirilməsini təsadüfi hesab etmədiyini bildirib, məkanın seçilməsinə Azərbaycan iqtisadiyyatının sürətli inkişafının təsir göstərdiyini qeyd edib. E.Süleymanov, həmçinin Azərbaycanın NATO-nun etibarlı tərəfdaşı olduğunu və hazırda BMT Təhlükəsizlik Şurasında qeyri-daimi üzv kimi fəaliyyət göstərdiyini söyləyib. O, Azərbaycanın Avropa dəyərlərini bölüşən, etnik zənginliyə sahib, dini tolerantlığın hökm sürdüyü siyasi cəhətdən sabit ölkə olduğunu vurğulayıb. Millət vəkili Azərbaycanın Aİ-nin enerji təhlükəsizliyi məsələsində önəmli rol oynaya biləcəyinə diqqət çəkərək, ölkəmizin zəngin neft və qaz ehtiyatları və strateji mövqeyi ilə Avropa üçün həm nativ enerji təchizatçısı, həm də tranzit ölkəsi olduğunu bildirib.
|
|
12.06.12 Məqaləni oxumaq
|
| |
|
|
|
Fransa parlamenti də solçuların nəzarətinə keçir
|
|
Fransada parlament seçkilərinin ilk turunda sol partiyalar qalib gəlib. “KƏLAMİNFO” “Lenta.ru”ya istinadən xəbər verir ki, dünən keçirilən birinci turun nəticələri keçən ay prezident seçilən Fransua Ollandın vəd etdiyi islahatları həyata keçirmək üçün parlamentdə mütləq çoxluğa sahib olacağını ortaya qoyub. 7 partiya blokunun yarışdığı birinci turda sol ittifaq səslərin 47,1 faizini alıb. Mərkəz sağdakı Xalq Hərəkatı Birliyi və digər kiçik sağ partiyaların qurduğu koalisiya isə 35,40 faiz səs alıb. Radikal sağçılar isə 13,40 faiz səs alıb. İlk turdakı nəticələr gələn həftə keçiriləcək ikinci turda da təkrarlanarsa, sol ittifaq parlamentdə 305-353 mandata sahib olacaq. Sağ partiyaların isə 222 ilə 266 arasında yer qazanması gözlənilir. Fransa parlamentində 577 millət vəkili təmsil olunur. Seçki sisteminə görə, ilk turda seçki bölgəsində 50 faizdən çox səs alan namizəd birbaşa deputat seçilir.
|
|
12.06.12 Məqaləni oxumaq
|
| |
|
|
|
TQDK-dan bakalavrlara xəbərdarlıq !
|
|
Ali təhsil müəssisələrinin magistraturalarına proqram seçimi 12 iyun saat 24:00-da başa çatacaq. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Bu il martın 4-də keçirilmiş qəbul imtahanının birinci mərhələsinin nəticələrinə görə müsabiqə şərtlərini ödəyərək imtahanın ikinci mərhələsinə buraxılmış bakalavrlar iyunun 4-dən proqram seçiminə başlayıblar. Bakalavrlar qeyd olunan müddətə qədər elektron ərizələrinə daxil olaraq bitirdikləri bakalavr ixtisasına uyğun qəbul proqramını seçib təsdiq etməlidirlər (həmin proqramların siyahısı “Magistr” jurnalının 2012-ci il 4-cü sayında dərc olunub). Proqram seçib təsdiq etmiş bakalavrlar bu il iyunun 20-dən 23-dək öz elektron ərizələrinə daxil olaraq ikinci mərhələ üçün “Bakalavrın imtahana buraxılış vərəqəsi”ni çap edib götürməlidirlər. Qəbul imtahanının ikinci mərhələsi iyunun 24-da Bakı, Naxçıvan və Gəncə şəhərlərində keçiriləcək.
|
|
12.06.12 Məqaləni oxumaq
|
| |
|
|
|
Zahid Oruc: “İranın “Səhər” telekanalına adekvat telekanal açmalıyıq”
|
|
“Əgər BMT Təhlükəsizlik Şurasının İrana qarşı hansısa müvafiq qətnaməsi səsverməyə çıxarılarsa, Azərbaycan Qərbin yanında yer almalıdır”. Bu barədə “KƏLAMİNFO”ya açıqlamasında Azərbaycan Milli Məclisinin Təhlükəsizlik və müdafiə komitəsinin üzvü Zahid oruc bildirib.
Deputat baş verənlərə istinad edərək deyib ki, İran-Azərbaycan münasibətlərində gərginliyi azalmayacaq. “Bu fonda Qərb və Türkiyə ilə hərbi ittifaqın gücləndirilməsini zəruri hesab edirəm. İranın Azərbaycana qarşı artan təzyiqlərinin qarşısında Türkiyənin dəstəyinə ehtiyacımız var. Azərbaycan bölgənin açar ölkəsidir və mən inanıram ki, Türkiyə Azərbaycana gərəkli hər cür yardımı verəcək”-deyə Z.Oruc vurğulayıb.
O qeyd edib ki, eyni zamanda Bakı özü də İranın siyasətinə qarşı adekvat addımlar atmalıdır. “Onların Azərbaycan əleyhinə işləyən “Səhər” kanalı varsa, biz də İranın siyasətini, Güney Azərbaycan problemini işıqlandıran bir başqa adekvat telekanal açmalıyıq, güney amilinə diqqəti artırmalıyıq. Qərb təbliğat məkanında hər il İran əleyhinə külli miqdarda maliyyə xərcləyir. Azərbaycan bu maliyyələşmənin mərkəzlərindən birinə çevrilməlidir. İran əleyhinə bu kanalların işləməsində biz də rol almalıyıq, çünki bizi buna məcbur edir İran”-deyə o əlavə edib.
|
|
11.06.12 Məqaləni oxumaq
|
| |
|
|
|
Səhifələr : # 8 9 10 11 12 13 14 15 16 # |
|
Torpaqlarımızı qaytaraq..
|
| |
|
|
|
Açılış Səhifəsi et 
