|
|
Səhifələr : # 6 7 8 9 10 11 12 13 14 #
|
|
TQDK: Bu günə qədər 103 934 abituriyent internetlə “Elektron ərizə” doldurub
|
Tələbə Qəbulu üzrə Dövlət Komissiyası (TQDK) abituriyentlərə növbəti dəfə xəbərdarlıq edib. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Belə ki, 2012/2013-cü tədris ili üçün ali təhsil müəssisələrinə və tam orta təhsil bazasında orta ixtisas təhsili müəssisələrinə qəbul imtahanlarında iştirak etmək üçün internetlə ərizə qəbulu mayın 16-da saat 00:00-da başa çatır. 16 may saat 11:30-a olan məlumata əsasən, 103 934 abituriyent internetlə “Elektron ərizə “doldurub, onlardan 98741 nəfəri ərizəsini Sənəd Qəbulu Komissiyasında təsdiq etdirib. TQDK “Elektron ərizə”sini müvafiq SQK-da təsdiq etdirməmiş abituriyentlərin nəzərinə çatdırır ki, onlar 18 may 2012-ci il saat 17:00-dək tələb olunan sənədləri təqdim etməklə ərizələrini mütləq təsdiq etdirməlidirlər. Əks halda həmin abituriyentlər qəbul imtahanlarında iştirak edə bilməyəcəklər.
|
16.05.12 Məqaləni oxumaq
|
| |
|
|
|
“Elektron Təhsil” müsabiqəsinin I mərhələsi başa çatıb
|
|
“Elektron Təhsil” Respublika müsabiqəsinin I mərhələsi artıq başa çatıb. Müsabiqənin ilk mərhələsi qaydalara uyğun olaraq, mayın 15-də yekunlaşıb və “Müasir məktəbdə elektron tədris resursları” və “Təhsildə internet texnologiyaları” istiqamətləri üzrə təşkil olunan müsabiqəyə ümumi olaraq 1092 layihə təqdim edilib. “KƏLAMİNFO” Təhsil Nazirliyi Təhsil Sisteminin İnformasiyalaşdırılması İdarəsindən verilən məlumata istinadən bildirir ki, “Elektron Təhsil” Respublika müsabiqəsinin II mərhələsinə keçən nominantlar 30 may tarixində elan olunacaq. Müsabiqənin I mərhələsinin sona çatmasına baxmayaraq, layihələr üzrə şərhlərin verilməsi, layihələrin ictimai müzakirəsi müsabiqənin finalına kimi mümkün olacaq.
|
|
16.05.12 Məqaləni oxumaq
|
| |
|
|
|
“İmpuls” adlı qobelen sərgisi keçiriləcək
|
Bu gün Muzey Mərkəzində 80-dək müəllifin 100-dən çox əsəri sərgilənəcək. Mədəniyyət və Turizm Nazirliyindən “KƏLAMİNFO”ya verilən məlumata görə, “İmpuls” qobelen adlanan sərginin keçirilməsində məqsəd geniş ictimaiyyəti dekorativ-tətbiqi sənət ustalarının yaradıcılığı ilə yaxından tanış və təbliğ etmək, qobelen sahəsində yaradıcılıq axtarışlarının stimullaşdırılması, bu unikal sənətin yaşadılması və ənənələrinin konseptual baxımdan yaradıcı surətdə inkişaf etdirilərək gələcəyə ötürülməsidir.
Qeyd edək ki, Azərbaycan rəssamlarının qobelen əsərləri müxtəlif sərgilərdə nümayiş olunsa da Bakıda belə geniş miqyaslı qobelen sərgisi ilk dəfə keçirilir. Qobelen əsərləri, Azərbaycan Xalçası və Xalq Tətbiqi Sənəti Dövlət Muzeyinin, Dövlət Rəsm Qalereyası, Dövlət Rəssamlıq Akademiyasının fondundan və rəssamların şəxsi kolleksiyalarından götürülüb.
Xatırladaq ki, mayın 22-dək davam edəcək sərgi saat 18:00-da açılacaq.
|
|
16.05.12 Məqaləni oxumaq
|
| |
|
|
|
Pakistan NATO-nun ölkə ərazisindən istifadəsini müzakirə edir
|
Pakistan rəhbərliyi NATO-nun Əfqanıstandakı qoşunları üçün yük daşınması ilə bağlı ərazisindən istifadəni müzakirə edir. “KƏLAMİNFO” BBC-yə istinadən xəbər verir ki, Pakistan rəhbərliyi keçən ilin noyabrında ABŞ-ın səhv hava zərbələri nəticəsində 24 hərbçisinin öldürülməsindən sonra yolu bağlamışdı. Bundan sonra Vaşinqton və İslamabad arasındakı münasibətlər pisləşmişdi.
ABŞ Pakistan hərbçilərinin ölümünə görə təəssüflənmişdi. Ancaq üzr istəməkdən imtina etmişdi.
|
|
16.05.12 Məqaləni oxumaq
|
| |
|
|
|
ADU-da “English-Azerbaijani Dictionary for All” adlı lüğətin təqdimatı keçiriləcək
|
Mayın 16-sı Azərbaycan Dillər Universitetində (ADU) İngilis dilinin leksikası və ölkəşünaslıq kafedrası müəllimlərinin hazırladığı “English-Azerbaijani Dictionary for All” adlı lüğətin təqdimat mərasimi keçiriləcək. ADU-nun mətbuat xidmətindən “KƏLAMİNFO”ya verilən məlumata görə, mərasimdə 10-a yaxın ali təhsil ocağından nümayəndələr iştirak edəcək.
“English-Azerbaijani Dictionary for All” adlı lüğət Azərbaycanda ilk dəfə olaraq nəşr edilən 150.000 sözü əhatə edən ingiliscə-azərbaycanca olan lüğətdir. Lüğət bu vaxta qədər yazılan lüğətlərdən bir sıra fərqli xüsusiyyətlərə malikdir. Müəlliflər kitabı “Dictionary for All”, yəni hamı üçün daha sadə və anlaqlı etmək üçün səy göstəriblər. Lüğətdə elm və texnikanın inkişafı ilə əlaqədar yaranan yeni sözlər də öz əksini tapıb. Bu lüğətdən müstəqil şəkildə dil öyrənənlər, bütün təhsil müəssisələrində təhsil alanlar və ingilis dilini tədris edənlər, o cümlədən tərcüməçilər, həmçinin diplomatik korpusların nümayəndələri faydalana bilərlər.
|
|
16.05.12 Məqaləni oxumaq
|
| |
|
|
|
“Laçın: həqiqətlər, mülahizələr, tarixi dəyərlər” adlı kitabın təqdimat mərasimi keçirilib
|
Bu gün Beynəlxalq Mətbuat Mərkəzində Prezident yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Laçın: həqiqətlər, mülahizələr, tarixi dəyərlər” adlı kitabın təqdimat mərasimi keçirilib. “KƏLAMİNFO” xəbər verir ki, tədbir Laçın rayonunun ermənilər tərəfindən işğal edilməsinin 20 illiyinə həsr edilib.
“Müharibədən zərər çəkən vətəndaşların sosial və mədəni hüquqlarının Avropa Məhkəməsində müdafiəsi, eləcə də problemin həlli ilə bağlı digər tədbirlərin beynəlxalq səviyyədə təbliği” layihəsi çərçivəsində hazırlanan kitab Azərbaycanın İşğal Olunmuş Ərazilərindəki Tarix və Mədəniyyət Abidələrini Müdafiə Təşkilatı İctimai Birlik tərəfindən çap edilib.
|
|
16.05.12 Məqaləni oxumaq
|
| |
|
|
|
Prezident Moskvaya işgüzar səfərə gedib
|
Prezident İlham Əliyev MDB üzvü olan ölkələrin Dövlət Başçıları Şurasının qeyri-rəsmi iclasında iştirak etmək üçün Rusiyanın paytaxtı Moskvaya işgüzar səfərə yola düşüb.
“KƏLAMİNFO”nun məlumatına görə, dövlət başçısını Heydər Əliyev Beynəlxalq Aeroportunda Prezident Administrasiyasının rəhbəri Ramiz Mehdiyev və Bakı Şəhəri İcra Hakimiyyətinin başçısı Hacıbala Abutalıbov yola salıblar.
|
|
16.05.12 Məqaləni oxumaq
|
| |
|
|
|
“Bələdiyyələrin statusu haqqında” qanuna dəyişikliklər edilir
|
Bu gün Milli Məclisin Regional məsələlər komitəsinin iclası keçirilib. “KƏLAMİNFO” xəbər verir ki, iclasda əvvəlcə “Gəncə şəhərinin Kəpəz rayonunun Nətavan qəsəbəsinin adının dəyişdirilməsi haqqında” qanun layihəsi müzakirə olunub.
Qanuna görə “Nətavan” qəsəbəsinin adının “Natəvan” adlandırılması plenar iclasa tövsiyə olunub.
Komitədə, həmçinin “Bələdiyyələrin statusu haqqında” qanuna dəyişikliklər müzakirə edilib. Qanun layihəsində təklif olunub ki, sözügedən qanunvericilik aktının 18-ci maddəsinə və 25-ci maddəsinə dəyişikliklər edilsin. Qeyd olunan qanunun 18-ci maddəsinə təklif olunan dəyişikliyə əsasən bələdiyyənin icra aparatı bələdiyyənin, habelə, bələdiyyənin daimi və başqa komissiyalarının təşkilati, informasiya, kargüzarlıq, maddi-texniki təminat məsələlərini həyata keçirir, bələdiyyə sədrinin tapşırıqlarını yerinə yetirir, bələdiyyənin qərarlarının icrasını təmin edir. Həmçinin bələdiyyənin icra aparatının struktur bölmələrinin rəhbərləri görülmüş işlər barədə bələdiyyə sədrinə və bələdiyyəyə hesabat, daimi və başqa komissiyaların iclaslarında səlahiyyətlərinə aid məsələlər barəsində məlumatlar verirlər.
|
|
15.05.12 Məqaləni oxumaq
|
| |
|
|
|
Vauçerlərin biletlərə dəyişdirilməsi başlayır
|
Bu gün saat 15:00-da etibarən “Eurovision” Mahnı Müsabiqəsi 2012-nin birinci və ikinci yarımfinalları və finalının əsas məşqlərinin (21 may, 23 may və 25 may) vauçerlərinin biletlərə dəyişdirilməsinə start veriləcək. “KƏLAMİNFO” müsabiqənin rəsmi saytına istinadən xəbər verir ki, vauçerlərin biletlərə dəyişdirilməsi prosesi istirahət günləri də daxil olmaqla hər gün “Gülüstan” sarayında saat 10.00-dan 22.00-dək həyata keçiriləcək.
Qeyd edək ki, “Eurovision–2012”-nin şoularının vauçerlərini alan hər bir şəxs şəxsiyyəti təsdiqləyən sənəd əsasında biletləri əldə edə bilər.
Xatırladaq ki, mayın 16-dan etibarən isə “Eurovision” Mahnı Müsabiqəsinin birinci və ikinci yarımfinalları (22 may, 24 may) və final mərhələsinin (26 may) vauçerləri biletlərə dəyişdiriləcək.
|
|
15.05.12 Məqaləni oxumaq
|
| |
|
|
|
Dalay Lama Çinin onu öldürmək üçün qadın hazırladığını deyir
|
|
Çin rəsmiləri Dalay Lamanın onun ölümünə cəhdlə bağlı ittihamlarını rədd edir. Tibetin 76 yaşlı buddist lideri Britaniya mediasına bildirib ki, Pekin onu öldürməsi üçün bir Tibetli qadına təlim keçir. Lamanın dediyinə görə, Çinin nəzarətində olan Tibetdə bir qadının saçına zəhərli maddə yerləşdirib, ayinlərdən birində ona toxunması tapşırılıb. Dalay Lama “Sunday Telegraph” qəzetinə bildirib ki, Çinin xüsusi xidmət agentləri həmin qadına təlim keçirlər. Çinin Xarici İşlər Nazirliyi isə bildirib ki, bu cəfəngiyyatdır, ümumiyyətlə Dalay Lama tez-tez belə yalan informasiyalar yaymaqla məşğuldur. Hazırda mühacirətdə yaşayan Dalai Lamaya bu gün Londonda “inanclı yaşamın üstünlüklərini sübut etmək sahəsində xidmətlərinə görə kilsənin 1.7 milyon dollarlıq mükafatı təqdim olunmalıdır.
|
|
15.05.12 Məqaləni oxumaq
|
| |
|
|
|
Səhifələr : # 6 7 8 9 10 11 12 13 14 # |
|
Torpaqlarımızı qaytaraq..
|
| |
|
|
|
Açılış Səhifəsi et 
