|
|
Səhifələr : # 15 16 17 18 19 20 21 22 23 #
|
|
Müəllimlərin işə qəbulu ilə bağlı imtahanlar avqustda keçiriləcək
|
Müəllimlərin işə qəbulu ilə bağlı imtahanlar avqustda keçiriləcək. “KƏLAMİNFO” xəbər verir ki, bunu jurnalistlərə açıqlamasında təhsil naziri Misir Mərdanov deyib.
Nazir xatırladıb ki, müəllimlərin işə qəbulu ötən ilki qaydada həyata keçiriləcək. Onun sözlərinə görə, bu qayda özünü ötən il tamamilə doğruldub. “Hazırda vakant yerlərin məlumatlarını bölgələrdən toplayırıq. Dərs ili başlayana qədər müsabiqədə iştirak edərək qalib gələn müəllimləri yerlərə göndərilməsini təşkil edəcəyik. Hələlik nə qədər vakant yerin olması dəqiq məlum deyil”.
|
08.05.12 Məqaləni oxumaq
|
| |
|
|
|
Abel Məhərrəmov Məhəmməd İmanlının həbsinə münasibət bildirib
|
Bakı Dövlət Universitetinin rektoru Abel Məhərrəmov hüquq fakultəsinin sabiq dekan müavini Məhəmməd İmanlının həbsinə münasibət bildirib. "KƏLAMİNFO"nun məlumatına görə, A.Məhərrəmov jurnalistlərə açıqlamasında bildirib ki, o, ezamiyyətdən bu gün səhər gəlib və bu barədə səhər qəzetlərdən öyrənib: “Bu məsələ araşdırılacaq. Əgər cinayət işi törədilibsə, korrupsiya ilə bağlı faktlar varsa, hüquq-mühafizə orqanları bunu araşdıracaq. Amma qəzetdə dərc olunan beynəlxalq iqtisadi əlaqələr fakültəsi BDU-da yoxdur. Digər tərəfdən, biz ikinci ixtisasa adam qəbul edib-etməyəcəyik, bu, hələ məlum deyil. Bu məsələyə iyul ayında BDU-nun Elmi Şurasında baxılacaq. Bu kimi məsələlərlə bağlı dəqiqləşməyə ehtiyac var”.
Rektor deyib ki, bu məsələ xoşagələn hal deyil: “Amma hadisədir, olub. Onu araşdırmaq və tədbirlər həyata keçirmək lazımdır”.
|
|
08.05.12 Məqaləni oxumaq
|
| |
|
|
|
Vəfa Quluzadə: Rusiya təzyiqləri artıra bilər
|
“Danışıqlar zamanı Rusiya Qəbələ RLS-i ilə bağlı Azərbaycandan özünü qane edəcək cavab almasa, təzyiqləri artıra bilər. Amma inanmıram ki, Azərbaycan da bu vəziyyətin yaranmasına şərait yaratsın”. Bunları “KƏLAMİNFO”ya açıqlamasında politoloq Vəfa Quluzadə bildirib. O bu təzyiqlər sırasına bir neçə amilləri daxil edir.
“Məsələn, əgər razılıq əldə olunmasa Rusiya Azərbaycanı hədələyə bilər ki, İranla müharibə başlasa, Ermənistan Azərbaycan əleyhinə müharibəni davam etdirə bilər, yeni Azərbaycan torpaqlarını işğal edə bilər. Ona görə də Moskva Azərbaycanı dəvət edə bilər ki, Rusiyanın havadan müdafiə sisteminə razı olsun. Amma təbii ki, bunlar hamısı hələ versiyalardır”-deyə V.Quluzadə vurğulayıb.
Politoloq bu gün tez-tez “İran Azərbaycana zərbələr endirə bilər” ifadəsinin gündəmə gəlməsini xatırladaraq deyib ki, bu, Azərbaycan üçün, Azərbaycanın müstəqilliyi üçün təhlükəlidir. “Rusiyada bu təhlükədən Azərbaycanın sığortalanması amilindən istifadə etmək istəyi”-deyə o əlavə edib.
|
|
08.05.12 Məqaləni oxumaq
|
| |
|
|
|
Əli Abbasov: “Eurovision-2012” ilə bağlı işlər planlaşdırılan proqram üzrə həyata keçiriləcək
|
“Eurovision-2012” mahnı müsabiqəsi ilə bağlı işlər planlaşdırılan proqram üzrə həyata keçiriləcək və telekommunikasiya, radio-televiziya verilişlərində, internetdə hər hansı problemlər olmayacaq”. “KƏLAMİNFO” xəbər verir ki, bunu jurnalistlərə açıqlamasında rabitə və informasiya texnologiyaları naziri Əli Abbasov bildirib.
Nazir bildirib ki, müsabiqə ilə əlaqədar ən mürəkkəb sistem sayılan radio-televiziya sistemi artıq bu gün təhvil verilir. Bundan sonrakı günlər isə müəyyən və ya qeyri-müəyyən, gözlənilməyən problemlərin qarşısının almaq üçün testlərə başlanacaq: “İnternet tamamilə hazırdır və istifadəyə veriləcək. Həmçinin mobil operatorlar üzərinə düşən işləri artıq tamamlayıblar. “Eurovision-2012”-nin veb saytı öz normasında işləyir. Bundan sonra bizim əsas vəzifəmiz sistemin dayanıqlılığı və etibarlılığını, həmçinin baş verə biləcək müəyyən kiberhücum problemlərinin qarşısını almaq üçün tədbirlərin görülməsidir”.
|
|
08.05.12 Məqaləni oxumaq
|
| |
|
|
|
“İcmaların görüşü üçün cəhdlərimizi davam etdirəcəyik”
|
Bayram Səfərov: “Azərbaycan hələ də dünya birliyinin məsələni sülh yolu ilə həll etməkdə köməklik göstərməsinə ümid edir”
Dağlıq Qarabağ Bölgəsinin Azərbaycanlı İcması İctimai Birliyinin sədri, Şuşa Rayon İcra Hakimiyyətinin başçısı Bayram Səfərov suallarımızı cavablandılrıb.
- Bayram müəllim, bu il Şuşa şəhərinin Ermənistan tərəfindən işğalından 20 il ötür və bununla bağlı Azərbaycan Prezidentinin sərəncamı ilə yanaşı, Milli Məclisin dünya birliyinə rəsmi müraciəti də oldu…
- Bu, bir daha, özü də yüksək səviyyədə Azərbaycanın ədalətli çağırışını ortaya qoydu. Yəni o deməkdir ki, bütün silahlı gücünə baxmayaraq, Azərbaycan hələ də dünya birliyinin məsələni sülh yolu ilə həll etməkdə köməklik göstərməsinə ümid edir. Bu çağırışla bəlkə dünya birliyində canlanma əmələ gələ, bəlkə indi yatmışlar oyana və Azərbaycanın bu haqlı, ədalətli tələbinə səs verə verələr. Həm ölkə başçısının Şuşanın işğalının 20 illiyi ilə bağlı verdiyi sərəncam, həm də bununla bağlı Milli Məclisin dünyaya müraciəti göstərir ki, Azərbaycan qətiyyətlə öz torpaqlarını tələb edir. Ermənistan özü də bundan nəticə çıxarmalı və işğalı dayandırmalı, torpaqları boşaltmalıdır.
Mən bir şuşalı kimi ölkə başçısına və deputatlarımıza buna görə minnətdaram. Bütün bunlar Şüşanın işğalının 20 illiyində bizə yeni ümidlər verdi...
|
|
07.05.12 Məqaləni oxumaq
|
| |
|
|
|
“Eurovision–2012”-nin ən cazibədarı və ən yaraşıqlısı
|
“Eurovision–2012”nin ən cazibədar xanımı və ən yaraşıqlı kişi təmsilçisi bəlli olub. “KƏLAMİNFO” xəbər verir ki, bunu dəqiqləşdirmək üçün Xorvatiyanın eurosong.hr saytı maraqlı səsvermə keçirib və ən cazibədar xanım və yaraşıqlı oğlan təmsilçi müəyyən olunub. Səsvermənin nəticələrinə görə, “Eurovision” Mahnı Müsabiqəsi 2012-nin ən cazibədar qadın iştirakçısı 42.2%-lə Yunanıstan təmsilçisi Eleftheria Eleftheriou, ən yaraşıqlı kişi təmsilçi isə Almaniya təmsilçisi Roman Lob seçilib.
Qeyd edək ki, keçirilən səsvermə nəticəsində xanım təmsilçilər arasında 26.91%-lə Maya Sar (Bosniya və Herseqovina), 14.22%-lə Elena İonescu (Rumıniya), 10.55%-lə İvi Adamou (Kipr), 6.12%-lə Anqun (Fransa), kişi təmsilçilər arasında isə 29.11%-lə Jónsi (İslandiya), 16.66%-lə Kurt Kalleya (Malta), 12.21%-lə Paşa Parfeny (Moldova), 6.57%-lə Ott Lepland (Estoniya) ilk beşlikdə qərarlaşıblar.
|
|
07.05.12 Məqaləni oxumaq
|
| |
|
|
|
“Mədəniyyətin təbliği və inkişafında gəncliyin rolu” layihəsi həyata keçirilir
|
“Qloballaşan Dünyaya İnteqrasiya” İctimai Birliyi Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Mədəniyyətin təbliği və inkişafında gəncliyin rolu” layihəsini həyata keçirməyə başlayıb. Bu barədə məlumatı “KƏLAMİNFO”ya İctimai Birlikdən veriblər.
Layihə çərçivəsində mədəniyyətin təbliğinə və müxtəlif istiqamətlər üzrə müzakirəsinə həsr olunacaq yeni sayt yaradılacaq. Həmçinin gənclərə mədəniyyətimizin təbliğində İKT vasitələrindən maksimum yaranmaq, onlara bu məqsədlə bloq yaratmaq, bloqçuluqdan istifadə yollarının öyrədilməsi planlaşdırılır. Bu çərçivədə təlimlər keçiriləcək. Təlimlər həm də mədəniyyətimizlə bağlı gənclərin dərindən bilgiləndirilməsinə həsr ediləcək. Bundan başqa layihə çərçivəsində mədəniyyət məsələlərinə həsr olunmuş, ekspertlərin fikir və təkliflərinin əks olunduğu broşürün nəşri və onun QHT-lər, gənclər təşkilatları, müvafiq qurumlar arasında yayılması, eyni zamanda virtual məkanda yayılması planlaşdırılır.
|
|
07.05.12 Məqaləni oxumaq
|
| |
|
|
|
Putin and içib
|
|
Bu gün Vladimir Putin ölkənin yeni prezidenti kimi and içib. “KƏLAMİNFO” “Lenta.ru”ya istinadən xəbər verir ki, mərasimdə 3 minə qədər qonaq iştirak edib. Onların arasında Rusiya Federasiyası Şurasının üzvləri, millət vəkilləri, Ali və Konstitusiya məhkəməsinin hakimləri var. Mərasim televiziya ilə canlı yayımlanıb.
|
|
07.05.12 Məqaləni oxumaq
|
| |
|
|
|
Ermənistanda parlament seçkisinin qalibi Respublikaçılar Partiyası olub
|
“Exit-pollar”ın ilkin nəticəsinə görə Ermənistanda bazar günü keçirilən parlament seçkisinin qalibi 44.44 faiz səslə hakim Respublikaçılar Partiyası olub. “Gallup” beynəlxalq sorğu mərkəzinin apardığı “exit-poll”a görə seçkidə ikinci yeri 28.81 faiz səslə hakim partiyanın koalisiya ortağı olan partiya tutub. “KƏLAMİNFO” “News.am”a istinadən xəbər verir ki, bu “exit-poll”a görə keçmiş prezident Levon Ter-Petrosyanın rəhbərlik etdiyi Erməni Milli Konqresi də parlamentdə mandatlara sahib olub.
Keçmiş prezident Levon Ter-Petrosyan isə deyir ki, bir neçə müxalifət partiyasının yaratdığı birgə qərargah seçkidə çox sayda qanun pozuntuları aşkar edib. Onun sözlərinə görə, birləşmiş qərargah bütün qanuni vasitələrdən istifadə edərək bu pozuntuların aradan qaldırılmasına çalışacaq. 2008-ci ilin prezident seçkisindən sonrakı kimi yenə də toqquşmalar ola bilərmi sualına cavabında keçmiş prezident deyib: “O zaman biz ölkənin qanunları və Konstitusiyasına uyğun olaraq mitinq təyin etmişdik. Amma toqquşmanı hökumət təşkil etmişdi”.
|
|
07.05.12 Məqaləni oxumaq
|
| |
|
|
|
Ərdoğandan Sarkozinin gedişiylə bağlı ilk açıqlama
|
Sloveniyaya gedən baş nazir Rəcəb Tayyib Ərdoğan hava limanında keçirdiyi mətbuat konfransında jurnalistlərin suallarını cavablandırıb. “KƏLAMİNFO” “Lenta.ru”ya istinadən xəbər verir ki, Ərdoğan Fransadakı seçkilərə münasibət bildirib və bu nəticələrin gözlənilən olduğunu deyib: “Çox mühüm olan şey son ictimai rəy sorğularının nəticələrinin eynilə təsdiqlənməsidir. Bu, çox ciddi uğurdur. Araşdırma tamamilə doğru çıxdı”. Baş nazir Sarkozinin bundan sonra edəcəyi bir şeyin olmadığını söyləyib: “Hər halda tətilə çıxacaq. Çünki özünün verdiyi söz də bu idi ki, siyasətə davam etməyəcək”.
Ərdoğan Fransadakı yeni dövrün Türkiyə-Fransa əlaqələri baxımından fərqli olmasını, həmrəyliyə yönəlməsini istədiyini deyib: “Yoxsa seçki meydanlarında populist mesajlar bu iqtidarın addımlarında əksini tapacaqsa, bu, Türkiyə-Fransa əlaqələrinə də mənfi təsir edə bilər. Ümid edirəm ki, o mesajlar meydanlarda qalar”.
|
|
07.05.12 Məqaləni oxumaq
|
| |
|
|
|
Səhifələr : # 15 16 17 18 19 20 21 22 23 # |
|
Torpaqlarımızı qaytaraq..
|
| |
|
|
|
Açılış Səhifəsi et 
