|
|
Səhifələr : # 5 6 7 8 9 10 11 12 13 #
|
|
Ali məktəblərə ərizə qəbulu başa çatdı
|
|
Azərbaycanda cari tədris ili üçün ali təhsil müəssisələrinə və tam orta təhsil bazasında orta ixtisas təhsili müəssisələrinə qəbul imtahanlarında iştirak etmək üçün internetlə ərizə qəbulu başa çatıb.
Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Ümumilikdə 106 min 130 abituriyent internetlə “Elektron ərizə “doldurub. İndiyə qədər onlardan 101 min 432 nəfəri ərizəsini Sənəd Qəbulu Komissiyasında təsdiq etdirib. TQDK “Elektron ərizə”sini müvafiq SQK-da təsdiq etdirməmiş abituriyentlərin nəzərinə çatdırır ki, onlar 18 may saat 17:00-dək tələb olunan sənədləri təqdim etməklə ərizələrini mütləq təsdiq etdirməlidirlər. Əks halda həmin abituriyentlər qəbul imtahanlarında iştirak edə bilməyəcəklər.
|
17.05.12 Məqaləni oxumaq
|
| |
|
|
|
“Eurovision-2012”-nin növbəti məşqlərinə start verilib
|
“Eurovision–2012”nin final gününə yaxınlaşdıqca təmsilçilər arasında finala keçmək həyəcanı və qalib olmaq istəyi artır. “KƏLAMİNFO”nun müsabiqənin rəsmi saytına istinadən xəbər verir ki, artıq ikinci yarımfinalın digər 10 ölkəsinin təmsilçiləri möhtəşəm müsabiqənin Bakı səhnəsi sayılan “Bakı Kristal Zalı”ndadırlar.
Qeyd edək ki, bu gün “Eurovision” Mahnı Müsabiqəsi 2012-nin ikinci yarımfinalında çıxış edən 10 ölkənin təmsilçilərinin məşqləri keçiriləcək. Ardıcıllığa görə Sloveniya, Xorvatiya, İsveç, Gürcüstan, Türkiyə, Estoniya, Slovakiya, Norveç, Bosniya və Herseqovina, Litva “Bakı Kristal Zalı”nın səhnəsində bu gün məşq edəcək ölkələrdir. Məşqlərdən sonra isə hər bir ölkə təmsilçisi ayrıca olaraq mətbuat konfransı keçirəcək.
Xatırladaq ki, hər bir ölkə təmsilçisinə ənənəvi olaraq məşq və mətbuat konfransı üçün 40 dəqiqə vaxt ayrılıb.
|
|
17.05.12 Məqaləni oxumaq
|
| |
|
|
|
Saakaşvili ABŞ-a yollandı
|
Gürcüstan prezidenti Mixail Saakaşvili işgüzar səfərlə Birləşmiş Ştatlara yollanıb. Burada onun biznes və işgüzar dairələrin təmsilçiləri ilə görüşləri nəzərdə tutulub.
«KƏLAMİNFO» «Novosti-Qruziya»ya istinadən xəbər verir ki, bu barədə məlumatı prezidentin mətbuat xidmətinin rəhbəri Manana Mandjqaladze bildirib. «Səfər çərçivəsində prezidentin aparıcı ABŞ universitetlərində çıxışları da nəzərdə tutulub» deyən mətbuat xidmətinin rəhbəri əlavə edib ki, Saakaşvili NATO-nun mayın 20-21-də Çikaqoda keçiriləcək sammitinə də qatılacaq. NATO sammitində Gürcüstan aspirant-ölkə kimi təmsil olunacaq. İlk dəfə aspirant-ölkə kimi Gürcüstan 2011-ci il dekabrın 7-də elan edilib.
|
|
17.05.12 Məqaləni oxumaq
|
| |
|
|
|
Vaqif Əsədov: “Eurovision” müsabiqəsinin Azərbaycanda keçirilməsinin əhəmiyyətini hər birimiz dərk etməliyik”
|
“Eurovision-2012” ilə əlaqədar Bakının mərkəzində avtomobillərin hərəkətinin tənzimlənməsi məqsədilə qəbul olunmuş müvafiq qaydalar açıqlanandan indiyədək qadağan olunmuş ərazilərdə heç bir avtomobil dayanmayıb və cərimə meydançasına aparılmayıb. Bu barədə “KƏLAMİNFO”ya açıqlamasında Bakı şəhər Dövlət Yol Polisi İdarəsinin bölmə rəisi Vaqif Əsədov deyib.
Qeyd edək ki, bir neçə gün əvvəl açıqlanan qərara əsasən, mayın 10-dan 31-dək yol polisi gücləndirilmiş iş rejimində çalışacaq və bu müddət ərzində paytaxtın inzibati ərazisinə düşən hissələrdə, xüsusilə də müsabiqənin keçirildiyi əraziyə bitişik küçə və yollar nəzarətə götürülməklə avtomobillərin hərəkətinə fasilələrlə məhdudiyyət qoyulacaq. Yük avtomobilləri isə şəhərə buraxılmayacaq. Müsabiqənin keçirildiyi dövrdə paytaxtın Neftçilər prospekti, Azneft dairəsi, Azadlıq meydanı, Niyazi küçəsi, Zərifə Əliyeva, Rəsul Rza, Teymur Elçin küçələri istiqamətində şəxsi nəqliyyat vasitələrindən mümkün qədər az istifadə edilməsi məqsədəuyğun hesab edilib. Mətbuatda həmin qərar açıqlanandan sonra şəhərin mərkəzində dayanan avtomobillərin yığışdırılaraq cərimə meydançalarına aparıldığı bildirilir və qeyd edilir ki, cərimə meydançasına aparılan avtomobillərin sürücülərinə avtomobillərinin müsabiqədən sonra qaytarılacağı deyilib.
|
|
17.05.12 Məqaləni oxumaq
|
| |
|
|
|
Məleykə Abbaszadə: “Nərgizlə fəxr edirəm”
|
Tələbə Qəbulu üzrə Dövlət Komissiyasının sədri Məleykə Abbaszadə qızı Nərgiz Birk-Petersenin Bakıda keçiriləcək 57-ci “Eurovision” mahnı müsabiqəsinin aparıcılığının öhdəsindən uğurla gələcəyinə əmindir. O, bunu yarışma öncəsi “KƏLAMİNFO”ya açıqlamasında deyib.
Nərgiz Birk-Petersen mayın 22, 24 və 26-da keçiriləcək müsabiqəyə İctimai televiziyanın əməkdaşı Leyla Əliyeva və “Eurovision-2011”-in qalibi Eldar Qasımovla birlikdə aparıcılıq edəcək: “Qızım həddi-buluğa çoxdan çatıb. Onunla fəxr edirəm. Mənim borcum idi ki, ona tərbiyə və təhsil verim. İndi müstəqil şəxs kimi işləyir, öz ailəsi var. Lazım olanda hansısa məsələdə məsləhətlər verirəm. Nərgiz kifayət qədər məsuliyyətli və müstəqil insandır. İşinin öhdəsindən gələcək”.
|
|
17.05.12 Məqaləni oxumaq
|
| |
|
|
|
ATƏT PA-nın 2014-cü ilin yaz sessiyası Azərbaycanda keçirilə bilər
|
Milli Məclisin vitse-spikeri, Azərbaycanın ATƏT PA-da nümayəndə heyətinin rəhbəri Bahar Muradova Gürcüstanın Batumi şəhərində ATƏT PA-nın tədbiri çərçivəsində Belarus nümayəndə heyətinin rəhbəri Antonina Morova ilə görüşüb. Bu barədə məlumatı “KƏLAMİNFO”ya parlamentdən veriblər.
Görüşdə ATƏT PA-nın gələcək tədbirlərində qarşılıqlı maraq doğuran məsələlərdə nümayəndə heyətləri arasında əməkdaşlığın vacibliyi qeyd olunub. Eyni zamanda Beynəlxalq katibliyin təşəbbüsü ilə B.Muradovanın ATƏT PA-nın Baş katibi Spenser Oliver, Baş katibin müavini Qustavo Pallares və Beynəlxalq katibliyin baş müşaviri Semyon Dzakayev ilə görüşü baş tutub.
|
|
17.05.12 Məqaləni oxumaq
|
| |
|
|
|
Bahar Muradova İsveçrənin ATƏT PA-da nümayəndə heyətinin rəhbəri ilə görüşüb
|
Milli Məclisin vitse-spikeri, Azərbaycanın ATƏT PA-da nümayəndə heyətinin rəhbəri Bahar Muradova Gürcüstanın Batumi şəhərinə səfəri çərçivəsində İsveçrənin ATƏT PA-da nümayəndə heyətinin rəhbəri, İsveçrə - Azərbaycan parlamentlərarası dostluq qrupunun rəhbəri Kristin Yeqerzeqi-Obristlə görüşüb. Bu barədə məlumatı “KƏLAMİNFO”ya parlamentdən veriblər.
Görüşdə ötən ilki seçkilərdən sonra İsveçrə parlamentinin yeni dostluq qrupu ilə Milli Məclisdə fəaliyyət göstərən Azərbaycan-İsveçrə qrupu arasında gələcəkdə əməkdaşlığın dərinləşməsi, ATƏT PA-dakı Azərbaycan və İsveçrə nümayəndə heyətlərinin qarşılıqlı dəstəyi məsələləri müzakirə olunub.
|
|
17.05.12 Məqaləni oxumaq
|
| |
|
|
|
BMT müşahidəçilərinə növbəti hücum olub
|
|
Suriyada təhlükəsizlik qüvvələri dəfn mərasimi zamanı insanlara hücum ediblər. Nəticədə 20 nəfərin öldürüldüyü, çox sayda insanın isə yaralandığı bildirilir. “KƏLAMİNFO” BBC-yə istinadən xəbər verir ki, Həma, İdlib və Homs şəhərlərində ağır döyüşlər gedib. Nəticədə 23 nəfər ölüb. Xan Şeyxun şəhərində isə BMT-nin müşahidəçi karvanına qarşı növbəti hücum olub.
|
|
16.05.12 Məqaləni oxumaq
|
| |
|
|
|
|
|
Levon Ter-Petrosyan deputat mandatından imtina etdi
|
|
Erməni Milli Konqresinin lideri Levon Ter-Petrosyan Mərkəzi Seçki Komissiyasına rəsmən müraciət edərək deputat mandatından imtina etdiyini bildirib. “KƏLAMİNFO” “ArmTodey”ə istinadən xəbər verir ki, bununla yanaşı, “Orinats Yerkir” Partiyasının lideri, Təhlükəsizlik Şurasının katibi Artur Baqdasaryan, eləcə də adıçəkilən partiyanın üzvü, kənd təsərrüfatı naziri Serqo Karapetyan, fövqəladə hallar naziri Armen Eriçyan da mandatından imtina ediblər. Analoji müraciəti “İrs” fraksiyasının keçmiş katibi Larisa Alaveridyan da təqdim edib.
|
|
16.05.12 Məqaləni oxumaq
|
| |
|
|
|
Səhifələr : # 5 6 7 8 9 10 11 12 13 # |
|
Torpaqlarımızı qaytaraq..
|
| |
|
|
|
Açılış Səhifəsi et 
