|
|
Səhifələr : # 4 5 6 7 8 9 10 11 12 #
|
|
Azərbaycan və Fransa arasında əməkdaşlıq üzrə protokol imzalanıb
|
|
Azərbaycan və Fransanın regionları arasında sosial, iqtisadi, mədəni əlaqələrin inkişafı məqsədilə tərkibinə İqtisadi İnkişaf Nazirliyinin, Gəncə, Göygöl, Balakən, Şəmkir şəhərlərinin İcra Hakimiyyətinin, Azərbaycan Dövlət Aqrar Universitetinin, Azərbaycan İnvestisiya və İxracatın Təşviqi Fondunun rəhbərliyinin, Azərbaycan Futbol Federasiyası Assosiasiyasının baş katibi Elxan Məmmədovun, Milli Məclisin deputatı, Gəncə Futbol Federasiyasının sədri Xanlar Fətiyevin və digər rəsmi şəxslərin daxil olduğu Azərbaycan nümayəndə heyəti Fransanın Burqundiya əyalətinin Yon bölgəsində səfərdədir. Səfər proqramı çərçivəsində sosial, iqtisadi, mədəni əlaqələrin inkişafını özündə ehtiva edən 4 sənəd imzalanıb. AFFA-dan “KƏLAMİNFO”ya verilən məlumata görə, AFFA-nın baş katibi Elxan Məmmədovun və Gəncə Futbol Federasiyasının sədri Xanlar Fətiyevin iştirakı ilə «Kəpəz» və «Oser» klubları arasında Əməkdaşlıq üzrə Protokola imza atılıb.
|
21.05.12 Məqaləni oxumaq
|
| |
|
|
|
Əli Həsənov: “Azərbaycana gələn qonaqların təhlükəsizliyinə təminat vermişik”
|
“Bakıda keçirilən möhtəşəm mahnı müsabiqəsilə bağlı son günlər edilən təhdidləri də nəzərə alaraq Azərbaycan dövləti radikal dini qruplarla bağlı, ümumiyyətlə, təhlükəsizlik tədbirlərini gücləndirib”. “KƏLAMİNFO” xəbər verir ki, bu barədə Azərbaycan Prezident Administrasiyası ictimai-siyasi məsələlər şöbəsinin müdiri Əli Həsənov bildirib.
O qeyd edib ki, təbii ki, dünyanın heç bir ölkəsi terror təhdidlərindən sığortalanmayıb. “Lakin Azərbaycanın təhlükəsizlik orqanları nə mümkündürsə, onu da ediblər, qabaqlayıcı tədbirlər görülüb. Bir sözlə, biz Azərbaycana gələn qonaqların təhlükəsizliyinə təminat vermişik” - deyə o əlavə edib.
|
|
21.05.12 Məqaləni oxumaq
|
| |
|
|
|
“5 mətbu orqan Azərbaycan əleyhinə təbliğat aparır”
|
Bakıda keçirilən “Eurovision” mahnı müsabiqəsi ilə bağlı 5 əsas mətbu orqan Azərbaycan əleyhinə təbliğat aparır. “KƏLAMİNFO” xəbər verir ki, bu barədə bu gün keçirdiyi mətbuat konfransında Azərbaycan Prezident Administrasiyasının ictimai-siyasi məsələlər şöbəsinin müdiri Əli Həsənov bildirib.
O, bu məsələdə daha çox “Human rights Watch” və digər bir beynəlxalq təşkilatın Azərbaycan əleyhinə təbliğat apardığını qeyd edib. “Eyni zamanda bu sırada “BBC” telekompaniyası, “The Guardian” qəzeti da var. Mən Almaniyada erməni lobbisinin təqdim etdiyi məlumat qovluqlarını gördüm. Deməli, bunlar bir mərkəzdən yönləndirilən təbliğatın ruporlarına çevrilib” - deyə PA rəsmisi vurğulayıb.
|
|
21.05.12 Məqaləni oxumaq
|
| |
|
|
|
Avropa Birliyi ilə Türkiyə danışıqları canlandırmaq istəyir
|
|
Avropa komissiyası ilə Ankara Türkiyənin Avropa Birliyinə qoşulması cəhdlərilə bağlı birgə təşəbbüslə çıxış ediblər.
“KƏLAMİNFO” TRT-yə istinadən xəbər verir ki, Türkiyə qanunvericiliyinin Avropa Birliyinin qanunvericiliyi və siyasi islahatlar tələbinə uyğunlaşdırılması üçün birgə işçi qrup yaratmaq qərara alınıb.
Ankarada Avropa Komissiyası və Türkiyə hökumət nümayəndələrinin iclası da keçirilib. Türkiyənin Avropa Birliyinə qoşulmasıyla bağlı danışıqlar 7 il bundan əvvəl başlanıb. Son illər Kiprin statusu ətrafında fikir ayrılığı, habelə Fransa və Almaniyanın narazılığına görə proses ləngiyib.
|
|
18.05.12 Məqaləni oxumaq
|
| |
|
|
|
Obama rəqibini üstələyir
|
|
Barak Obama qarşıdan gələn prezident seçkilərində əvvəlkitək populyarlığına görə rəqibi, Massaçusets ştatının keçmiş qubernatoru Mitt Romini üstələyir.
“KƏLAMİNFO” xəbər verir ki, bunu “Fox News” telekanalının keçirdiyi sorğunun nəticələri göstərib. Tədqiqatın nəticələrinə görə, hazırkı prezidentə demokratların 46 faizi səs verməyə hazırdır, Romniyə isə 39 faiz səs verib. Sorğu 913 nəfər arasında keçirilib. Obamanın tərəfdarları öz seçimlərini onunla izah ediblər ki, o, dövlət postunda vəzifəsinin öhdəsindən yaxşı gəlir.
|
|
18.05.12 Məqaləni oxumaq
|
| |
|
|
|
İstiqlal Muzeyində “Eurovision” sərgisi təşkil olunub
|
|
Beynəlxalq Muzeylər Şurasının təşəbbüsü ilə 35 ildir ki, 18 may tarixi Beynəlxalq Muzeylər Günü kimi qeyd olunur.
“KƏLAMİNFO” xəbər verir ki, dünyanın bir çox ölkəsində qeyd olunan Muzeylər Günündə əsas məqsəd xalqlar arasında mədəni mübadilə və əməkdaşlığın inkişafına kömək etməkdir. 170-dən çox muzeyə sahib olan ölkəmizdə də bu gün münasibəti ilə bir çox tədbir həyata keçirilir, muzeylərdə “Açıq qapı” elan olunur.
Günün ab-havasını yaşadacaq muzeylərdən biri də Azərbaycan İstiqlal Muzeyidir. Muzeydən verilən məlumata görə, ekspozisiyada 18 May – Beynəlxalq Muzeylər Gününə və “Eurovision-2012” mahnı müsabiqəsinə həsr olunmuş sərgi keçiriləcək. Sərginin təşkilatçıları Azərbaycan İstiqlal Muzeyi və Qərb Universitetidir. Builki Muzeylər Gününün daha yaddaqalan olması ondan ibarət olacaq ki, “Eurovision-2012” Mahnı Müsabiqəsi məhz Bakıda keçiriləcək.
|
|
18.05.12 Məqaləni oxumaq
|
| |
|
|
|
20 ildir Laçının təbii ehtiyatları Ermənistan tərəfindən talan olunur
|
|
Bu gün Azərbaycanın Laçın rayonun Ermənistan tərəfindən işğalından 20 il ötür. Ekologiya və Təbii Sərvətlər Nazirliyindən “KƏLAMİNFO”ya verilən məlumata görə, təbii sərvətlərlə zəngin olan Laçın rayonunda Turşsu, Qaladərəsi, Ağanus, Xırmanlar, Tiqiq, Turş-tiqiq, Nurəddin, Nağdalı, Hacıxanlı kimi müalicəvi əhəmiyyətli bulaqlar mövcuddur.
Rayonda ümumi ehtiyatları 1124 ton olan 3 civə (Narzanlı, Çilgəzçay, Sarıbulaq), ehtiyatları 4457 min ton olan və əhəng istehsalına yararlı Laçın əhəngdaşı, ehtiyatları 2533 min m3 olan və istismara cəlb edilən üzlük daşı istehsalına yararlı Qoçaz mərmərləşmiş əhəngdaşı, ümumi ehtiyatları 5125 min m3 olan və mişar daşı istehsalına yararlı 2 tuf (Ağoğlan, Əhmədli), ehtiyatları 998 min m3 olan və kərpic-kirəmid istehsalına yararlı Novruzlu gil, ehtiyatları 2144 min m3 olan Quşçu pemza, ehtiyatları 15794 min m3 olan Yuxarı Həkəriçay qum-çınqıl qarışığı, ehtiyatları 10 ton əqiq və 0,9 ton jadeit olan 2 əlvan bəzək daşı, ümumi ehtiyatları 10449 min ton olan 3 vulkan külü, istismar ehtiyatları 430 min m3/gün olan Minkənd mineral su yataqları var.
|
|
18.05.12 Məqaləni oxumaq
|
| |
|
|
|
“Xameneyi rəsmən İsraili yandıracağını bəyan edib”
|
|
“İranın ali dini lideri ayətullah Əli Xameneyi rəsmən İsraili yandıracağını bəyan edib”.
“KƏLAMİNFO” “Kursor”a istinadən xəbər verir ki, bunu Qüdsdə mühazirəsində İspaniyanın keçmiş baş naziri Xose Mariya Asnar bildirib. Onun sözlərinə görə, belə vədi o, Xameneyidən 2000-ci ildə söhbəti zamanı eşidib. “O, hələ o zaman iddia edirdi ki, “İranın böyük şeytan ABŞ və kiçik şeytan İsraillə müharibəsi qaçılmazdır” - deyə Asnar vurulayıb.
|
|
17.05.12 Məqaləni oxumaq
|
| |
|
|
|
Zahid Oruc: “Azərbaycan bu hərəkatda əlavə siyasi dəstək əldə edir”
|
|
“Azərbaycan həm Rusiyanın himayə etdiyi Kollektiv Təhlükəsizlik Müqaviləsi Təşkilatına (KTMT), həm də NATO-ya daxil olmağa çalışmadığını göstərərək, balanslı gediş edərək Qoşulmama Hərəkatına üzv oldu”.
Bunları “KƏLAMİNFO”ya açıqlamasında Milli Məclisin Təhlükəsizlik və müdafiə komitəsinin üzvü Zahid Oruc bildirib.
Deputat qeyd edib ki, hazırda Latın Amerikası ölkələrində, Pakistanda Ermənistanın işğalı, Xocalı soyqırımının tanınması prosesi gedir və bu digər yerlərdə də davam edəcək. “Bu baxımdan Azərbaycan bu məsələdə müəyyən dəstəyi Qoşulmama Hərəkatı çərçivəsində də səfərbər edə bilər. Ona görə də Azərbaycan bu hərəkatda iştirakda nəinki heç nə itirmir, əksinə, əlavə siyasi dəstək əldə edir. Bu baxımdan hesab edirəm bəzi qüvvələrin bizim bu hərəkata qoşulmamız barədə mənfi rəy formalaşdırması yersizdir”-deyə Z.Oruc vurğulayıb.
|
|
17.05.12 Məqaləni oxumaq
|
| |
|
|
|
Mədət Quliyev: Vərəmdən vəfat edən şəxslərin sayı əvvəlki illərlə müqayisədə nəzərə çarpacaq dərəcədə azalıb
|
|
Ədliyyə nazirinin müavini, Penitensiar xidmətin rəisi, general-mayor Mədət Quliyev BMT-nin Fiziki və əqli sağlamlığın mümkün olan ən yüksək standartlarından istifadə hüququ üzrə xüsusi məruzəçisi Anand Qroverin başçılıq etdiyi nümayəndə heyətini qəbul edib.
Məlumatı “KƏLAMİNFO”ya Penitensiar xidmətin ictimaiyyətlə əlaqələr şöbəsindən veriblər.
Görüşdə nazir müavini Penitensiar xidmətin fəaliyyəti, son dövrlər ərzində məhkumların saxlanma şəraitinin yaxşılaşdırılması, müasir beynəlxalq standartlara cavab verən yeni penitensiar müəssisələrin inşası istiqamətində görülən işlər barədə məlumat verib, beynəlxalq təşkilatlarla Penitensiar xidmət arasındakı əməkdaşlığı çox yüksək qiymətləndirib. Qeyd olunub ki, BMT-nin müvafiq qurumları, ATƏT, Avropa Şurası, Avropa İttifaqı, BQXK və digər təşkilatlar tərəfindən həyata keçirilən başçəkmələr və monitorinqlərin nəticələrinin Penitensiar xidmətin fəaliyyətinin səmərəliliyinin artırılmasında müsbət rolu var. Xüsusilə vurğulanıb ki, son illər ərzində BQXK ilə əməkdaşlığın daha da genişlənməsi nəticəsində məhkumlara və təqsirləndirilən şəxslərə, xüsusilə də ağ ciyər vərəminə düçar olanlara göstərilən səhiyyə xidmətinin səviyyəsi xeyli artıb, bunun da nəticəsində həmin xəstəlikdən vəfat edən şəxslərin sayı əvvəlki illərlə müqayisədə nəzərə çarpacaq dərəcədə azalıb.
|
|
17.05.12 Məqaləni oxumaq
|
| |
|
|
|
Səhifələr : # 4 5 6 7 8 9 10 11 12 # |
|
Torpaqlarımızı qaytaraq..
|
| |
|
|
|
Açılış Səhifəsi et 
