|
|
Səhifələr : # 8 9 10 11 12 13 14 15 16 #
|
|
TQDK abituriyentlərə xəbərdarlıq etdi
|
|
Tələbə Qəbulu üzrə Dövlət Komissiyası (TQDK) ali məktəbə qəbul imtahanlarında iştirak etmək istəyən abituriyentlərə xəbərdarlıq edib. Bu barədə məlumatı “KƏLAMİNFO”ya TQDK-nın mətbuat xidmətindən veriblər.
Bildirilir ki, elektron ərizə vermək üçün nəzərdə tutulmuş virtual ödəmə kartlarını SMS-lə əldə etmək istəyən abituriyentlər Azercell, Bakcell və NAR Mobile nömrələrindən 7725 nömrəsinə boş SMS göndərməlidirlər. SMS-ə cavab olaraq abonentin telefonuna iş nömrəsi və şifr göstərilən virtual ödəmə kartı daxil olacaq.
|
12.04.12 Məqaləni oxumaq
|
| |
|
|
|
ABŞ Şimali Koreyanı fəzaya raket göndərməkdən imtinaya çağırıb
|
|
ABŞ dövlət katibi Hillari Klinton Şimali Koreyanı fəzaya ballistik raket göndərməkdən əl çəkməyə çağırıb. O bildirib ki, əgər Şimali Koreya “sülh şəraitində gələcək” istəyirsə, bundan imtina etməlidir.
“KƏLAMİNFO” “Lenta.ru”ya istinadən xəbər verir ki, Pxenyan bu günlərdə Şimali Koreyanın qurucusu Kim İr Senin 100 illiyi ilə bağlı fəzaya ballistik raket göndərməyi planlaşdırır. ABŞ və onun müttəfiqləri hesab edirlər ki, bu, nüvə başlığı daşıyan ballistik raketin sınağı ola bilər.
|
|
11.04.12 Məqaləni oxumaq
|
| |
|
|
|
Bakıda Layihələrin İdarə Edilməsi Beynəlxalq Assosiasiyasının Direktorlar Şurasının toplantısı keçiriləcək
|
|
Bu ilin 26-27 sentyabr tarixlərində Bakıda Layihələrin İdarə Edilməsi Beynəlxalq Assosiasiyasının (İnternational Project Management Association - IPMA) Direktorlar Şurasının toplantısı keçiriləcək. Bu barədə məlumatı “KƏLAMİNFO”ya Layihələrin İdarə Edilməsi Azərbaycan Assosiasiyasından (AzPMA) veriblər.
Bu qərar İspaniyanın Valensiya şəhərində IPMA Direktorlar Şurasının növbəti iclasında qəbul olunub. İclasda 54 ölkənin nümayəndə heyəti iştirak edib. IPMA-ya MDB ölkələrindən yalnız Azərbaycan, Rusiya, Ukrayna və Qazaxıstan daxildir. Valensiyada təşkil olunan iclasda Azərbaycanın davamlı və dayanıqlı sosial-iqtisadi inkişafı, həyata keçirilən layihələr və dövlət proqramları haqqında və irimiqyaslı beynəlxalq tədbirlərin ölkədə keçirilməsi üçün infrastrukturun inkişafı ilə bağlı geniş məlumat verilib və qısa film təqdim edilib.
|
|
11.04.12 Məqaləni oxumaq
|
| |
|
|
|
Prezident Braziliyanın səfiri Sergio de Souza Fontes Arrudanın etimadnaməsini qəbul edib
|
|
Bu gün Azərbaycan Prezidenti İlham Əliyev Braziliya Federativ Respublikasının ölkəmizdə yeni təyin olunmuş fövqəladə və səlahiyyətli səfiri Sergio de Souza Fontes Arrudanın etimadnaməsini qəbul edib. “KƏLAMİNFO” xəbər verir ki, səfir Sergio de Souza Fontes Arrudan fəxri qarovul dəstəsinin qarşısından keçib.
Səfir etimadnaməsini Prezident İlham Əliyevə təqdim edib və sonra Azərbaycan Prezidenti İlham Əliyev səfirlə söhbət edib. Dövlət başçısı Azərbaycan ilə Braziliya arasında ikitərəfli münasibətləri genişləndirmək və tərəfdaşlıq əlaqələrini inkişaf etdirmək üçün qarşılıqlı marağın olduğunu deyib. Ölkələrimiz arasında əməkdaşlığın yeni mərhələyə daxil olduğunu vurğulayan Prezident İlham Əliyev siyasi əlaqələri genişləndirməyin, iqtisadi sahədə əməkdaşlığı gücləndirməyin əhəmiyyətini qeyd edib.
|
|
11.04.12 Məqaləni oxumaq
|
| |
|
|
|
Nizami Gəncəvinin İtaliyada heykəli ucaldılacaq
|
|
İtaliyanın Roma şəhərindəki məşhur “Villa Borghese” parkında dahi Azərbaycan şairi Nizami Gəncəvinin heykəli ucaldılacaq.
Mədəniyyət və Turizm Nazirliyindən “KƏLAMİNFO”ya verilən məlumata görə, bununla bağlı Heydər Əliyev Fondunun dəstəyi, Azərbaycanın İtaliyadakı Səfirliyinin yaxından iştirakı ilə nazirlik tərəfindən zəruri işlər həyata keçirilir. Abidənin müəllifləri Xalq rəssamı Salxab Məmmədov və Əməkdar rəssam Əli İbadullayevdir. Layihə Roma şəhər meriyasının Tarix və İncəsənət Komissiyası tərəfindən də təsdiqlənib.
Qeyd edək ki, abidə ölkə başçısının müvafiq Sərəncamının icrası, Nizami Gəncəvinin 870 illiyinə həsr olunmuş silsilə tədbirlər çərçivəsində şairin xatirəsinin əbədiləşdirilməsi, onun bədii irsi və klassik ədəbiyyatımızın dünya miqyasında təbliği məqsədi ilə ucaldılır.
Yaxın günlərdə heykəlin rəsmi açılış mərasimi keçiriləcək.
|
|
11.04.12 Məqaləni oxumaq
|
| |
|
|
|
Ərdoğandan yeni Suriya açıqlaması
|
|
Türkiyənin baş naziri Rəcəb Tayyib Ərdoğan BMT-nin təcili şəkildə Suriya böhranına müdaxilə etməli və yeni plan hazırlamalı olduğunu deyib. O, Türkiyə-Suriya sərhədində baş verənlərin açıq-aydın sərhəd pozuntusu olduğunu və Türkiyənin lazımi addımları atacağını söyləyib. Ərdoğan deyib ki, başqa ölkələr sərhədləri pozulduğu zaman nə edirlərsə, Türkiyə də ən sonda onu edəcək: “Bu bizə beynəlxalq hüququn verdiyi bir haqdır. İndiyə qədər biz 25 min insanı qəbul etmişik, edəcəyik. Bu rəqəm haraya qədər artacaq? 100 min, yoxsa daha çox olacaq? Nə qədər olsa belə biz qapıları bağlaya bilmərik. Müxtəlif televiziya kanallarında bu insanların necə qaçdığını görürsünüz. Hər halda bu insanlar keflərindən qaçmırlar. Onlar ölümdən qaçırlar. Siz bu insanların üzünə qapıları bağlaya bilməzsiniz. Bağladığınız zaman onları iki arada tosta çevirərsiniz. Belə bir şey olmaz. Biz bu insanları qəbul edirik, onlar qaçan insanları qadın-uşaq demədən arxadan vururlar”.
|
|
11.04.12 Məqaləni oxumaq
|
| |
|
|
|
Nazirlik qərəzli şikayət barədə məlumat yayıb
|
|
Ekologiya və Təbii Sərvətlər Nazirliyinin “Qaynar xətti”nə 2 aprel tarixində Aslan Rzayev adlı vətəndaşdan şikayət daxil olub. A.Rzayev şikayətində bildirib ki, Zaqatala Dövlət Təbiət Qoruğunun Katex kəndi ərazisində qoz və şabalıd ağacları kəsilir və guya o şəxsən bunun şahidi olub. Lakin araşdırma zamanı məlum olub ki, A.Rzayevin Zaqatala Dövlət Təbiət Qoruğunun Katex kəndi ərazisində ağacların kəsilməsi barədə Nazirliyin “Qaynar xətti”nə etdiyi şikayət qərəzli xarakter daşıyır. Bu barədə məlumatı “KƏLAMİNFO”ya nazirliyin mətbuat xidmətindən veriblər.
Nazirlik bildirir ki, şikayətçi A.Rzayev qanunsuz ov edərkən Qoruq əməkdaşları tərəfindən əvvəllər dəfələrlə saxlanılıb. Sonuncu dəfə həmin şəxs bu ilin 23 fevral tarixində Murad Cəfərov adlı vətəndaşla birgə qanunsuz ov edərkən Qoruğun əməkdaşları tərəfindən keçirilən növbəti reyd zamanı saxlanılıb və onlar barəsində qanuna müvafiq tədbirlərin görülməsi üçün tərtib olunmuş sənədlər Balakən rayon Polis Şöbəsinə göndərilib.
|
|
11.04.12 Məqaləni oxumaq
|
| |
|
|
|
Məleykə Abbaszadə: “Mənim üçün saxta diplom və ya saxta mütəxəssisin fərqi yoxdur”
|
|
2012/2013-cü tədris ili üçün ali və orta ixtisas təhsili müəssisələrinə ərizə qəbulunun başlanması ilə əlaqədar mətbuat konfransı keçirən TQDK sədri Məleykə Abbaszadə rəhbərlik etdiyi qurumun “Qara bazası”na düşən 22 mindən çox diplomun Təhsil Nazirliyi tərəfindən hüquqi qüvvəsi olması barədə səslənən fikirlərə də münasibət bildirib. “KƏLAMİNFO” xəbər verir ki, M.Abbaszadə bildirib ki, Komissiya “Tələbə-məzun Dövlət Elektron Bazası”nın təqdimatında bu komissiyasının xətti ilə ali məktəbə qəbul olunmayan tələbələrin sayını açıqlayıb.
“Biz bilirik ki, bu uşaqlar bizim imtahanlarda iştirak ediblər. Həmin şəxslərin bizim imtahanlarda nə qədər bal topladıqlarını da bilirik. Bu uşaqlar çox aşağı bal topladıqlarını bildirən sədr, bu abituriyentlərin Rusiya, Ukrayna və ya hər hansı ölkənin özəl ali məktəbinə hansı yolla qəbul olunmasının TQDK-nın fəaliyyətinə heç bir aidiyyatı olmadığını qeyd edib: “Bax, mən bunun kökünü sizə göstərirəm. Biz bu uşaqları ali məktəbə qəbul etməmişik. Təbii ki, o uşaqlara hansısa dövlət universiteti tərəfindən diplom verilibsə, biz onu hüquqi sənəd kimi qəbul edirik.
|
|
11.04.12 Məqaləni oxumaq
|
| |
|
|
|
Əli Əhmədov: “Partiyaların maliyyələşdirilməsi prinsipini ədalətsiz hesab edirik”
|
|
“Biz “Siyasi partiyalar haqqında” qanuna edilən dəyişikliklərə əsasən partiyaların maliyyələşdirilməsi prinsipini ədalətsiz hesab edirik”. “KƏLAMİNFO” xəbər verir ki, bunu Milli Məclisin Hüquq siyasəti və dövlət quruculuğu komitəsinin bu gün keçirilən iclasında qeyd olunan qanuna dəyişikliklərin müzakirəsi zamanı hakim yeni Azərbaycan Partiyasının sədr müavini, deputat Əli Əhmədov bildirib. O qeyd edib ki, qanuna təklif olunan dövlət maliyyələşməsinin mexanizmi məsələsi YAP-ın maraqlarına uyğun deyil. “Hansı ki, nəticə etibarı ilə Milli Məclisdə 11 partiyanın 84 deputatı təmsil olunur və onların da 71-i YAP-ın, 13-ü digər partiyaların üzvüdür. Bu gün Milli Məclisdə deputatların 56 faizi YAP üzvləridir. Dünyada tətbiq olunan təcrübəyə əsasən, YAP-a dövlət tərəfindən ayrılan maliyyə vəsaitinin 80-84 faizi verilməli idi. Lakin hazırkı mexanizmlə YAP-a 45,6 faiz çatacaq” - deyə Ə.Əhmədov vurğulayıb.
|
|
11.04.12 Məqaləni oxumaq
|
| |
|
|
|
“Siyasi partiyalar haqqında” qanun layihəsi parlamentə tövsiyə olunub
|
|
Bu gün Milli Məclisin Hüquq siyasəti və dövlət quruculuğu komitəsində “Siyasi partiyalar haqqında” qanun layihəsi müzakirə olunub. “KƏLAMİNFO” xəbər verir ki, layihə barədə məlumat verən komitə sədri Əli Hüseynli qanunun Azərbaycanın siyasi islahatlar sistemində əsas amil olduğunu deyib.
Müzakirələrdə çıxış edən Ümid Partiyasının sədri, deputat İqbal Ağazadə bildirilib ki, yeni qanunda siyasi partiyaların qeydiyyatı sadələşdirilməlidir. O, həmçinin dəyişikliklərdə göstərilən siyasi partiyaların proqramının müvafiq icra hakimiyyəti orqanına təqdim olunmasına öz etirazını bildirib. İ.Ağazadə deyib ki, hər partiyanın seçkilərdə müəyyən taktikası olur ki, onu da açıqlamaq məcburiyyətində qalmalı deyil. O, partiyaların dövlət tərəfindən maliyyələşmə mexanizminə də öz iradını bildirib. “Seçkilərdə cəmi 2 dairədən namizəd irəli sürən və təsadüfən 1 deputat yeri qazanan partiya ilə 125 dairədən namizəd irəli sürüb 1 deputat yeri qazanan partiyalara eyni həə dövlət vəsaitinin ayrılması ədalətsizlikdir. Buna ciddi diqqət yetirilməlidir” - deyə o əlavə edib.
|
|
10.04.12 Məqaləni oxumaq
|
| |
|
|
|
Səhifələr : # 8 9 10 11 12 13 14 15 16 # |
|
Torpaqlarımızı qaytaraq..
|
| |
|
|
|
Açılış Səhifəsi et 
