Valentina Matviyenko: “Azərbaycanın BMT Təhlükəsizlik Şurasının üzvü seçilməsi dünyadakı nüfuzunu göstərir”
|
“Azərbaycanın BMT Təhlükəsizlik Şurasına müvəqqəti üzv seçilməsinə Rusiya tərəfi məmnundur”. “KƏLAMİNFO” xəbər verir ki, bu barədə Bakıda səfərdə olan Rusiya Federasiya Şurasının sədri Valentina Matviyenko jurnalistlərə açıqlamasında bildirib.
O qeyd edib ki, Azərbaycanın üzvlüyü iki ölkənin beynəlxalq səviyyədə əməkdaşlığı üçün də yeni imkanlar açır. “Əksər məsələlər üzrə bizim mövqelərimiz ya üst-üstə düşür, ya da yaxındır. Azərbaycanın BMT Təhlükəsizlik Şurasında iştirakı bir çox beynəlxalq məsələnin həllində əməkdaşlığımıza imkan yaradacaq. Azərbaycanın BMT Təhlükəsizlik Şurasının üzvü seçilməsi faktı dünyadakı nüfuzunu göstərir. Bu, Rusiya və Azərbaycan arasında əlaqələrə daha geniş zəmin yaradacaq” - deyə V.Matviyenko vurğulayıb.
|
09.04.12 Məqaləni oxumaq
|
|
|
Azərbaycan Dünya Turizm Təşkilatının konqresində iştirak edəcək
|
Aprelin 11-12-də Andora Knyazlığının La Massana şəhərində Dünya Turizm Təşkilatının təşkilatçılığı ilə “Qış və dağ turizmi” mövzusunda VII Ümumdünya Konqresi keçiriləcək. ATİ-dən “KƏLAMİNFO”ya verilən məlumata görə, qış və dağ turizminin inkişaf etdirilməsi strategiyalarının geniş müzakirə olunacağı konqresdə ölkəmizi ATİ-nin rektoru, professor Cəfər Cəfərov təmsil edəcək.
Aprelin 13-də isə xizək kurortunda mədəni tədbirin keçirilməsi nəzərdə tutulur.
|
09.04.12 Məqaləni oxumaq
|
|
|
Misirin keçmiş vitse-prezidenti prezidentlik uğrunda mübarizəyə qoşulur
|
Misirin keçmiş vitse-prezidenti və xüsusi xidmətin rəhbəri Ömər Süleyman mayda keçiriləcək prezident seçkisində mübarizə aparmaq üçün sənəd təqdim edib. 74 yaşlı Süleyman seçkidə iştirak etməsi barədə yalnız cümə günü məlumat verib və bunun üçün lazım olan 30 min imzanı son 2 gündə toplaya bilib. “KƏLAMİNFO” “Lenta.ru”ya istinadən xəbər verir ki, o, keçmiş prezident Hüsnü Mübarəkin devrilməsinə az qalmış vitse-prezident təyin edilmişdi. Bundan sonra isə hakimiyyət kütləvi etirazlar nəticəsində Ali Hərbi Şuraya keçdi və Ömər siyasi səhnədən getməli oldu. Müşahidəçilər hesab edir ki, dünyəvilik tərəfdarı olan siyasi partiyalar seçkidə onun tərəfini saxlaya bilərlər.
|
09.04.12 Məqaləni oxumaq
|
|
|
GUAM-ın baş katibi Valeri Çeçelaşvili Azərbaycana səfərə gəlib
|
GUAM-ın baş katibi Valeri Çeçelaşvili Azərbaycana səfərə gəlib. “KƏLAMİNFO” xəbər verir ki, səfərdə məqsəd GUAM milli əlaqələndiricilərinin aprelin 9-10-da Bakıda xarici işlər nazirlərinin müavinləri səviyyəsində keçiriləcək iclasında iştirak etməkdir. Səfər zamanı Valeri Çeçelaşvilinin Bakıda bir sıra görüşlər keçirəcəyi də gözlənilir.
|
09.04.12 Məqaləni oxumaq
|
|
|
Xüsusi qayğıya ehtiyacı olan uşaqların təhsili üzrə real vəziyyət
|
Təhsil sisteminin inkişafı dövlət üçün strateji əhəmiyyət daşıyan məsələlərdən biridir. Məhz bunun nəticəsidir ki, Azərbaycan xalqının ümummilli lideri, müstəqil Azərbaycan dövlətinin qurucusu Heydər Əliyevin hakimiyyətdə olduğu bütün dövrlərdə ölkədə təhsil sisteminin inkişafı müstəsna əhəmiyyətə malik məsələlərdən biri olmuş və hazırda Prezident İlham Əliyevin fəaliyyətində də bu sistem prioritet sahələrdən birini təşkil edir.
|
09.04.12 Məqaləni oxumaq
|
|
|
Milli-mənəvi irs: qanunvericilik və beynəlxalq əməkdaşlıq
|
Azərbaycan keçid dövru şəraitində, mədəniyyət sahəsində kəskin tənəzzullə uzləşmişdir. Bir cox kutləvi mədəniyyət mərkəzlərinin (muzeylər, kitabxanalar, parklar, teatr və konsert zalları) əsaslı bərpasına və modernləşdirilməsinə ehtiyac duyulurdu. İncəsənət sahəsində tənəzzulun və mədəni irsin itməsinin cəmiyyətə təsiri istənilən halda iqtisadi inkişaf uzrə qarşıya qoyulan məqsədlərlə heç cur muqayisə edilə bilməz.
|
08.04.12 Məqaləni oxumaq
|
|
|
Bakıda və Abşeronda ekoloji vəziyyət
|
Ölkə əhalisinin təqribən 40%-i və sənaye potensialnın 70%-i Abşeron yarımadasında cəmləşdiyindən respublikada həlli vacib olan ekoloji problemlərin əksər hissəsi bu ərazidə mövcuddur. Abşeron yarımadasının başlıca problemlərindən biri torpaqların çirklənməsi ilə bağlıdır. Ümumi sahəsi 222 min hektar olan Abşeron yarımadasının yararsız torpaqlarının ümumi sahəsi – 33,3 min ha, o cümlədən neftlə çirklənmiş torpaqların sahəsi - 10 min ha qədər təşkil edir.
|
07.04.12 Məqaləni oxumaq
|
|
|
Məşğulluq siyasəti və gənclər
|
Gənclər Azərbaycanın inkişafı üçün böyük imkanlar mənbəyidir. Bəziləri gənclərin vəziyyətinə nəzər yetirərkən müxtəlif problemlər görə bilər (işsizlik, narkotik vasitələrdən istifadə, HİV və QİÇS). Azərbaycan əhalisinin ¼ hissəsindən çoxu çox dinamik 15-29 yaşındadır və əhalinin yarısından çoxu 30-dan aşağı yaşdadır. Bu, çox çevik və enerjili yaş qrupudur və bu yaşda olan insanlar Azərbaycanın inkişafı üçün səfərbər edilsələr, hamı bundan faydalanacaq. Lakin, şəhər gənclərinin (15-24 yaşda olanların) işləməkdə maraqlı olan (yəni təhsil və ya hərbi qulluqda olmayan) bir hissəsi işsizdir.
|
07.04.12 Məqaləni oxumaq
|
|
|
Yol hərəkət qaydalarının pozuntularına görə cərimələr artırılıb
|
Parlamentdə İnzibati Xətalar Məcəlləsinə edilən dəyişikliklə təhlükəsizlik kəmərini bağlamadan nəqliyyat vasitəsini idarəetməyə görə cərimənin məbləği 15 manatdan 40 manata qaldırılıb. Bundan başqa, yolda müəyyən edilmiş hərəkət sürəti həddini aşmaya görə cərimələrin məbləği artırılıb. Yolda müəyyən edilmiş hərəkət sürətini 10-30 km/saat həddində aşmağa görə 20 manat (hazırda 15 manatdan 20 manata qədərdir), hərəkət sürətini 30-60 km/saat həddində aşmağa görə 100 manat (hazırda 20 manatdan 40 manata qədərdir), hərəkət sürətini 60 km/saat həddindən artıq aşmağa görə 150 manat (hazırda 40 manatdan 60 manata qədərdir) miqdarında cərimə müəyyən edilib.
|
07.04.12 Məqaləni oxumaq
|
|
|
Ərdoğan: “Azərbaycan kimi Türkiyə də TAP qaz layihəsinin reallaşdırılması üçün hər cür səy göstərir”
|
“Azərbaycan kimi Türkiyə də TAP qaz layihəsinin reallaşdırılması üçün hər cür səy göstərir”. “KƏLAMİNFO” “Zaman” qəzetinə istinadən xəbər verir ki, bunu jurnalistlərə Türkiyənin baş naziri Rəcəb Tayyib Ərdoğan deyib. “Türkiyə də TAP layihəsinin reallaşdırılması üçün bütün potensialından istifadə etməyə hazırdır" - deyə Ərdoğan vurğulayıb.
Baş nazirin sözlərinə görə, layihənin Türkiyə ərazisində həyata keçirilməsindən sonra növbəti addım onun İtaliya ərazisində reallaşdırılması olacaq. Qazın İtaliyaya qədər nəqlindən sonra onun Türkiyədən Albaniyayadək daşınması növbəti addım ola bilər.
|
07.04.12 Məqaləni oxumaq
|
|
|
|