|
|
Səhifələr : # 9 10 11 12 13 14 15 16 17 #
|
|
Vaşinqton Türkiyə-Suriya sərhədində baş verənləri pisləyib
|
|
Vaşinqton Türkiyə-Suriya sərhədində baş verən olayları pisləyib. “KƏLAMİNFO” TRT-yə istinadən xəbər verir ki, Ağ Evdən verilən açıqlamada Bəşər Əsədə bağlı hərbi qüvvələrin Türkiyəyə sığınan qaçqınlara atəş açmasının kəskin şəkildə qınandığı bildirilib. Ağ Ev rəsmisi Cey Karni Türkiyə rəsmiləriylə sıx əlaqə saxladıqlarını deyib: “ Suriya rejiminin sərhəd ölkələrdəki qaçqınlara bütün hücumlarını qınayırıq və bu gün gələn xəbərlərdən qəzəbləndiyimizi ifadə edirik. Türkiyənin Suriya rejiminə dərhal atəşi kəsməklə bağlı çağırışını dəstəkləyirik”.
|
10.04.12 Məqaləni oxumaq
|
| |
|
|
|
I rüb ərzində 246 ədəd qeydiyyatdan keçməyən radioelektron vasitə aşkarlanıb
|
|
2012-ci ilin I rübü ərzində Azərbaycan Respublikası Rabitə və İnformasiya Texnologiyaları Nazirliyinin Dövlət Radiotezliklər İdarəsi tərəfindən iş planına və quruma daxil olmuş göstəriş və müraciətlərə əsasən 133 təşkilat, müəssisə və şirkətlərdə istismar olunan radioelektron vasitələrinə (REV) texniki baxış keçirilib, müvafiq qaydada aktlar tərtib edilib. Nazirlikdən “KƏLAMİNFO”ya verilən məlumata görə, müəssisə və təşkilatlarda keçirilən texniki baxış zamanı 246 ədəd DRİ-də qeydiyyatdan keçməyən müxtəlif növ REV-i aşkarlanıb. Onlardan 120 ədədi (48,8 %) qeydiyyata salınıb, 53 ədədi (21,5%) möhürlənib və 73 ədədin (29,7%) qeydiyyata salınması üçün müvafiq tədbirlər görülür.
Dövlət qeydiyyatından keçməyən qeyri-qanuni REV istifadəçilərinə qarşı İnzibati Xətalar Məcəlləsinin pozulması barədə 11 protokol yazılıb, müvafiq hüquqi tədbirlərin görülməsi üçün aidiyyəti rayon məhkəmələrinə müraciətlər edilib.
|
|
10.04.12 Məqaləni oxumaq
|
| |
|
|
|
Məleykə Abbaszadə: “Qəbul planında plan yerləri ötən ilkinə nisbətən 9,5 faiz çoxalıb”
|
|
Növbəti tədris ili üzrə ali məktəblərə qəbul planında yeni açılması nəzərdə tutulan Bakı Ali Neft Məktəbi üçün də plan yerləri ayrılıb. “KƏLAMİNFO” xəbər verir ki, bu barədə məlumatı jurnalistlərə açıqlamasında TQDK sədri Məleykə Abbaszadə verib.
Onun sözlərinə görə, növbəti tədris ili üçün qəbul planının layihəsi artıq Azərbaycan Prezidenti yanında Təhsil Komissiyasına təqdim edilib: “Ölkə Prezidentinin müvafiq sərəncamına uyğun olaraq, artıq qəbul planının layihəsini Təhsil Komissiyası təsdiqləyəcək”.
Sədr həmçinin bildirib ki, bu ilki qəbul planında da plan yerləri ötən ilkinə nisbətən 9,5 faiz çoxalıb.
|
|
10.04.12 Məqaləni oxumaq
|
| |
|
|
|
Rezidenturaya qəbul təkmilləşdiriləcək
|
|
Bu ayın sonunda rezidentura hazırlığı üzrə yeni qəbul proqramları açıqlanacaq. “KƏLAMİNFO” xəbər verir ki, bu barədə məlumatı 2012/2013-cü tədris ili üçün ali və orta ixtisas təhsili müəssisələrinə ərizə qəbulunun başlanması ilə əlaqədar keçirdiyi mətbuat konfransında TQDK sədri Məleykə Abbaszadə bildirib.
O qeyd edib ki, hazırda rezidenturaya qəbulla bağlı təkmilləşdirmə işləri Azərbaycan Tibb Universiteti və Səhiyyə Nazirliyi ilə birgə aparılır. Bu məqsədlə müvafiq təhsil müəssisələrinin nümayəndələri və mütəxəssislərin iştirakı ilə seminarlar keçirilir.
|
|
10.04.12 Məqaləni oxumaq
|
| |
|
|
|
TQDK qabiliyyət imtahanlarının şərtlərini açıqlayıb
|
|
Tələbə Qəbulu üzrə Dövlət Komissiyası (TQDK) ali və orta ixtisas təhsili müəssisələrinə xüsusi qabiliyyət tələb edən ixtisaslar üzrə müsabiqənin keçirilmə şərtlərini açıqlayıb. “KƏLAMİNFO” xəbər verir ki, bu haqda məlumatı bu gün keçirdiyi mətbuat konfransında TQDK sədri Məleykə Abbaszadə verib. Onun sözlərinə görə, xüsusi qabiliyyət tələb edən ixtisaslar təsviri sənət, musiqi sənəti, memarlıq və dizayn, bədən tərbiyəsi və idman istiqamətlərinə aiddir. Bu ixtisaslara qəbul olmaq istəyən abituriyentlər test imtahanından əlavə qabiliyyət imtahanı da verməlidirlər.
|
|
10.04.12 Məqaləni oxumaq
|
| |
|
|
|
2012/2013-cü tədris ili üçün ali və orta ixtisas məktəblərinə ərizə qəbulu başladı
|
|
Bu gündən etibarən Azərbaycanda 2012-2013-cü tədris ili üçün ali məktəblərə ərizə qəbulu elan olunub. “KƏLAMİNFO” xəbər verir ki, ali məktəblərə sənəd qəbulu aprelin 10-dan mayın 16-dək davam edəcək. Ərizələrin təsdiqlənməsi isə aprelin 16-dan 18-dək aparılacaq.
Qeyd edək ki, ali və orta ixtisas təhsili müəssisələrinə ərizə qəbulu internet vasitəsilə həyata keçiriləcək. Abituriyentlər TQDK tərəfindən təyin olunan vaxtda internet vasitəsilə TQDK-nın rəsmi saytında “Abituriyentin elektron ərizəsi”ni dolduraraq, müvafiq sənədləri Komissiya tərəfindən yaradılan Sənəd Qəbulu Komissiyalarına (SQK) şəxsən təqdim etməklə ərizələrini rəsmiləşdirəcəklər. Qəbul imtahanları keçirildikdən sonra müsabiqə şərtlərini yerinə yetirən abituriyentlər “Elektron ərizə”lərində qəbul olunmaq istədikləri ixtisas kodunu qeyd edəcəklər.
Xatırladaq ki, ali məktəblərə III ixtisas qrupu üzrə qəbul imtahanları iyulun 1-də, I ixtisas qrupu üzrə iyulun 8-də, IV ixtisas qrupu üzrə iyulun 14-də, II ixtisas qrupu üzrə imtahan isə iyulun 20-də keçiriləcək.
|
|
10.04.12 Məqaləni oxumaq
|
| |
|
|
|
Valentina Matviyenko: “Minsk qrupunun potensialı tükənməyib”
|
|
“Dağlıq Qarabağ münaqişəsi çox mürəkkəb məsələdir və bu məsələnin həllini qısa zamanda tapmaq mümkün deyil”. “KƏLAMİNFO” xəbər verir ki, bunu Bakıda səfərdə olan Rusiya Federasiya Şurasının sədri Valentina Matviyenko Milli Məclisdə keçirilən mətbuat konfransında bildirib. O qeyd edib ki, rəsmi Moskva bu məsələdə bütün mümkün səyləri yüksək səviyyədə göstərir. “Məhz buna misal kimi Rusiya prezidentinin təşəbbüsü ilə dəfələrlə keçirilən Azərbaycan və Ermənistan prezidentlərinin iştirakı ilə üçtərəfli görüşləri göstərmək olar. Ümumiyyətlə, biz bu məsələdə BMT qətnamələri çərçivəsində hərəkət edirik və beynəlxalq hüquq normalarını əsas tuturuq” - deyə V.Matviyenko vurğulayıb.
O, həmçinin qeyd edib ki, parlamentin münaqişənin həlli məsələsində rolu ayrıca bir istiqamətdir. “Buna parlament diplomatiyası deyirlər.
|
|
10.04.12 Məqaləni oxumaq
|
| |
|
|
|
Valentina Matviyenko: “RLS ilə bağlı Azərbaycana nativ məkan düşünmürük”
|
|
“Mən əminəm ki, Azərbaycan və Rusiya arasında Qəbələ RLS ilə bağlı danışıqlar uğurla nəticələnəcək”. “KƏLAMİNFO” xəbər verir ki, bu barədə Bakıda səfərdə olan Rusiya Federasiya Şurasının sədri Valentina Matviyenko Milli Məclisdə keçirilən mətbuat konfransında bildirib.
O qeyd edib ki, hazırda bununla bağlı tərəflər arasında ciddi danışıqlar prosesi gedir və danışıqlarda qeyri-normal heç bir şey yoxdur. “Biz əminik ki, bu RLS-in işləməsində Rusiya kimi Azərbaycan tərəfi də maraqlıdır və biz RLS ilə bağlı Azərbaycana nativ məkan düşünmürük” - deyə V.Matviyenko vurğulayıb.
Konfransda Ermənistan baş nazirinin ölkəsinin RLS ilə bağlı nativ məkan olması ilə bağlı bəyanatına toxunan spiker Oqtay Əsədov isə deyib ki, Ermənistan tərəfi özünə aidiyyəti olmayan danışıqlarla bağlı belə bəyanatlar verməklə çox tələsir. “RLS ilə bağlı Azərbaycanla Rusiya arasında danışıqlar hələ davam edir” - deyə o əlavə edib.
|
|
10.04.12 Məqaləni oxumaq
|
| |
|
|
|
Pentaqon şefi rəhbəri olduğu qurumun aviaparkını şəxsi məqsədləri üçün istifadə edib
|
|
Pentaqon şefi Leon Panetta rəhbəri olduğu qurumun aviaparkını öz şəxsi məqsədləri üçün istifadə edib. «KƏLAMİNFO» «Qazeta.ru»ya istinadən xəbər verir ki, bu isə ABŞ Müdafiə Nazirliyinə 1 mln. dollara başa gəlib. Məlumata görə, belə çox vəsaitin yığılmasına səbəb onun Kaliforniyanın şimalına tez-tez səfər etməsi olub. Orada onun ailəsi qalır. Pentaqon şefi statusuna görə, başqa cür səyahət edə bilmir. Buna baxmayaraq, o, ABŞ büdcəsinə dəyən zərəri ödəməyə hazır olduğunu bildirib. Qəbul edilən ümumi qaydalara görə, belə olan halda Pentaqonun öz rəhbərindən ala biləcəyi vəsait 17 min dolları keçməyəcək.
|
|
10.04.12 Məqaləni oxumaq
|
| |
|
|
|
Sankt-Peterburqda MDB PA-nın Sosial məsələlər və insan hüquqları komissiyasının iclası işə başlayıb
|
|
Bu gün Sankt-Peterburqda MDB PA-nın Sosial məsələlər və insan hüquqları komissiyasının iclası başlayıb. Parlamentdən “KƏLAMİNFO”ya verilən məlumata görə, Milli Məclisin Regional məsələlər komitəsinin sədri Arif Rəhimzadə tədbirdə iştirak edir.
Tədbirdə quruma üzv ölkələrdə komissiyanın təklif etdiyi model qanunların istifadəsi haqqında məlumat dinləniləcək, MDB PA çərçivəsində Gənclər Parlamentinin yaradılması, üzv ölkələrdə gənclər siyasəti haqqında qanunların təkmilləşdirilməsi və digər məsələlər müzakirə ediləcək.
|
|
10.04.12 Məqaləni oxumaq
|
| |
|
|
|
Səhifələr : # 9 10 11 12 13 14 15 16 17 # |
|
Torpaqlarımızı qaytaraq..
|
| |
|
|
|
Açılış Səhifəsi et 
