|
|
Səhifələr : # 7 8 9 10 11 12 13 14 15 #
|
|
Türkiyə baş nazirinin müavini Azərbaycana səfərə gəlir
|
|
Sabah Türkiyə baş nazirinin müavini Bəkir Bozdağın başçılıq etdiyi nümayəndə heyəti Azərbaycana səfərə gələcək. “KƏLAMİNFO” xəbər verir ki, nümayəndə heyətinin tərkibinə Türkiyə-Azərbaycan parlamentlərarası dostluq qrupunun sədri Necdət Ünüvar, İstanbul Universitetinin prorektoru Əhməd Cavad Acar, “Türk Ocaqları” İstanbul şöbəsinin başqanı Cezmi Bayram, həmçinin digər ziyalılar və qardaş ölkənin tanınmış media təmsilçiləri daxildir.
Səfər çərçivəsində nümayəndə heyəti Bakıda “Türk Ocaqlarının 100 illiyi: Türk dünyasının dünəni, bu günü, sabahı” adlı konfransda iştirak edəcək.
|
13.03.12 Məqaləni oxumaq
|
| |
|
|
|
Sarkozi: “Seçkidə uduzsam, həyatımı tamamilə dəyişərəm”
|
|
Fransa prezidenti Nikola Sarkozi aprel və mart aylarında keçiriləcək iki turdan ibarət prezident seçkilərində uduzacağı təqdirdə siyasətdən gedəcəyini açıqlayıb. “Seçkidə uduzsanız, siyasətdən gedəcəksinizmi” sualına cavab verən Sarkozu: “Bəli, seçkidə uduzsam, başqa işlə məşğul olaram” deyib. “KƏLAMİNFO” “CNN Turk”ə istinadən xəbər verir ki, ancaq Fransa prezidenti siyasətdən gedəcəyi təqdirdə nə işlə məşğul olacağını bilmədiyini söyləyib: “56 yaşındayam və 35 ildir siyasətlə məşğulam. Əsas peşəm vəkillikdir. Seçkidə uduzsam, həyatımı tamamilə dəyişərəm. Uduzsam, adımı bir daha eşitməzsiniz”.
Qeyd edək ki, Fransadakı son sorğuların nəticələri Sarkozinin seçkidə uduzacağını göstərir.
|
|
10.03.12 Məqaləni oxumaq
|
| |
|
|
|
Elsevər Ağayev: “Azərbaycanda təbii artım göstəricisi Avropada ən yüksək göstəricilərdəndir”
|
|
Azərbaycanda 2011-ci ildə doğum göstəricisi əhalinin hər 1000 nəfərinə 13,7-dən 19,3-ə qalxıb. Təbii artım göstəricisi isə 8,1-dən 13,5-dək yüksəlib ki, bu da Avropa ölkələri arasında ən yüksək göstəricilərdəndir. “KƏLAMİNFO” xəbər verir ki, bunu yap.org.az saytına müsahibəsində səhiyyə nazirinin müavini Elsevər Ağayev bildirib. O qeyd edib ki, eyni zamanda, ildən-ilə səhiyyəyə daha çox büdcə vəsaiti ayrılır. “2003-cü illə müqayisədə 2011-ci ildə bu vəsait təxminən 10 dəfə artaraq 563 milyon manatdan artıq olub. Bu da respublikamızda aparıcı texnologiyalarla, müasir tibbi avadanlıqlarla təchiz olunmuş yeni tibb mərkəzlərinin yaradılması istiqamətində genişmiqyaslı işlərin həyata keçirilməsinə imkan yaradıb. Stasionar tibb müəssisələrində müalicə olunan xəstələrin ərzaq, dərman preparatları, sarğı materialları və tibb ləvazimatları ilə davamlı təchizatı işi daha da təkmilləşdirilib. Artıq stasionar tibb müəssisələrində istifadə olunan ən vacib dərman preparatlarının və tibbi ləvazimatların siyahısı genişləndirilərək, onların sayı 60-dan 166-ya çatdırılıb. Görülən işlər əhalinin dövlət tibb müəssisələrinə olan inamının getdikcə artmasına sübutdur və bu göstəricilərinin gələcəkdə daha da yaxşılaşdırılması üçün zəmin yaradır” - deyə E.Ağayev vurğulayıb.
|
|
10.03.12 Məqaləni oxumaq
|
| |
|
|
|
Putin seçkilərdə üçüncü yeri tutan Proxorova vəzifə təklif edib
|
|
Rusiyada 4 illik fasilədən sonra yenidən dövlət başçısı olan Vladimir Putin seçkilərdə üçüncü yeri tutan oliqarx Mixail Proxorova yeni hökumətdə vəzifə təklif edib. “KƏLAMİNFO” “Lenta.ru”ya istinadən xəbər verir ki, Putin Proxorovun ciddi və təşəbbüskar bir adam olduğunu, istəyərsə, yeni iqtidarda vəzifə tuta biləcəyini deyib.
Seçkidə 7 faiz səs alaraq üçüncü yeri tutan Proxorovun bu təklifə reaksiyası məlum deyil. Proxorov seçkilərin nəticələri açıqlandıqdan sonra müxalifətin mitinqində iştirak etmiş, sosial şəbəkədə yaydığı mesajda isə bu qədər çox hiylə iddiası varkən seçkilərin ədalətli sayıla bilməyəcəyini demişdi.
|
|
09.03.12 Məqaləni oxumaq
|
| |
|
|
|
Turizm İnstitutu ilə Almaniyanın GİZ təşkilatı əməkdaşlıq edəcək
|
|
Azərbaycan Turizm İnstitutunda (ATİ) Almaniyanın GİZ cəmiyyətinin nümayəndələri ilə görüş keçirilib. ATİ-dən “KƏLAMİNFO”ya verilən məlumata görə, görüşdə institutun rektoru Cəfər Cəfərov, tədris işləri üzrə prorektor Eldar Aslanov, Beynəlxalq əlaqələr şöbəsinin müdiri Ş.Əhmədova iştirak ediblər. C.Cəfərov qonaqlara institutun 6 illik fəaliyyəti və strateji məqsədləri haqqında məlumat verib.
Azərbaycana qısa müddətli səfərə gələn Almaniyanın GİZ cəmiyyətinin əmək bazarı, özəl sektorun inkişafı və peşə təlimlərinin təşkili üzrə eksperti Evald Qold ölkəmizə, o cümlədən ATİ-yə gəlişinin məqsədini açıqlayıb. Bildirib ki, 2012-ci ildən GİZ cəmiyyətinin fəaliyyətində peşə təhsili ilə bağlı yeniliklər öz əksini tapıb. ATİ-nin nəzdində Bakı Turizm Peşə Məktəbinin fəaliyyətə başlamasına rəğmən, Azərbaycanda, xüsusilə ölkənin səciyyəvi regionlarında bu sahə üzrə tələbat dinamikasını şərtləndirən məlumatlar toplamaq niyyətindədir.
Görüşdə ATİ və GİZ arasında mümkün əməkdaşlıq yolları başlıca müzakirə predmeti olub.
|
|
09.03.12 Məqaləni oxumaq
|
| |
|
|
|
Politoloq: Xarici işlər nazirlərinin görüşünün Tehran üçün heç bir faydası olmayacaq
|
|
“İndi İran ətrafında halqa o qədər daralır ki, çətin İran, Azərbaycan və Türkiyə xarici işlər nazirlərinin görüşünün nəticəsi Tehrana müsbət nə isə versin”. Bunları “KƏLAMİNFO”ya açıqlamasında politoloq Rasim Ağayev bildirib.
O, qeyd edib ki, əvvəllər də keçirilən belə görüşlərin uğursuz nəticələri göstərir ki, Tehranın bu kimi cəhdləri əbəsdir. “Hətta bu görüşlər İran-Türkiyə arasındakı münasibətləri də müəyyən gərginlikdən xilas etməyib. Doğrudur, son görüşdə yenə müəyyən bəyanatlar verildi, açıqlamalar səsləndirildi. Amma görürük ki, İran ətrafında halqa daralmaqda davam edir. Hətta İranın da müəyyən mənada Azərbaycan və Türkiyəyə aqressiyası artır ki, azalmır. Bunu ikitərəfli münasibətlərdə də görmək mümkündür. Ona görə düşünmürəm ki, xarici işlər nazirlərinin görüşü indiki situasiyaya ciddi dəyişiklik edə bilsin. Bunun İranın indiki vəziyyəti üçün heç bir faydası olmayacaq”-deyə R.Ağayev vurğulayıb. Ekspert deyib ki, bu kimi görüşlər İranın son ümididir. “Tehran onsuzda düşdüyü halqadan çıxa bilməyəcəyini görür, lakin barışmaq istəmir”-deyə o əlavə edib.
|
|
09.03.12 Məqaləni oxumaq
|
| |
|
|
|
|
|
Azad Qarabağ Uğrunda Alyans təsis olunub
|
|
Beynəlxalq Mətbuat Mərkəzində Azad Qarabağ Uğrunda Alyansın (AQA) təqdimat mərasimi keçirilib. “KƏLAMİNFO” xəbər verir ki, yeni Alyansın sədri Akif Nağı bildirib ki, sözügedən təşkilata üzvlük üçün ölkədə fəaliyyət göstərən 21 təşkilat və ekspertə müraciət olunub, lakin AQA-nın martın 6-da keçirilən təsis yığıncağında 13 təşkilat və 3 ekspert iştirak etdiyindən hələ ki, Alyansa üzv olaraq onlar seçiliblər.
Sədr Azərbaycanda Dağlıq Qarabağ münaqişəsinin həlli üçün çoxlu sayda təşkilatların fəaliyyət göstərdiyini vurğulayaraq, onları da AQA-nın üzvü olmağa səsləyib. “Alyans torpaqlarımızın erməni işğalından hərbi yolla azad edilməsinə tərəfdar olan ictimai təşkilatlar və fərdi şəxslər tərəfindən yaradılır.
|
|
09.03.12 Məqaləni oxumaq
|
| |
|
|
|
Obama İranla müharibə çağırışlarını tənqid edir
|
|
ABŞ prezidenti Barak Obama prezidentliyə respublikaçı namizədləri “boş danışmaqda” günahlandırıb. “KƏLAMİNFO” “Qolos Amerika”ya istinadən xəbər verir ki, keçən il noyabr ayından sonra Ağ Evdə ilk mətbuat konfransı keçirən prezident respublikaçı rəqiblərinin İranla hərbi müdaxiləyə çağırmasını tənqid edib. ABŞ prezidentliyinə bəzi respublikaçı namizədlər xəbərdarlıq edib ki, Obamanın yenidən seçilməsi İranın nüvə silahları istehsal etməsini təmin edəcək. Obama ABŞ-ın İranla bağlı siyasətini müdafiə edərək, Tehranın presedenti olmayan sanksiyalarla qarşılaşdığını və İran hökumətinin təcrid edildiyini deyib. Lakin o, ABŞ və İsrail kəşfiyyatının İranla gərginliyin diplomatik yolla həll edilə biləcəyinə inandığını da xüsusi vurğulayıb. Bu gün habelə BMT-nin Təhlükəsizlik Şurasının beş daimi üzvü üstəgəl Almaniya İranla dalana dirənmiş danışıqlara yenidən başlamaq haqda təkliflə çıxış edib. Lakin ABŞ prezidenti deyib ki, o, ilk danışıqlarda ciddi nəticə əldə ediləcəyinə inanmır və qeyd edib ki, beynəlxalq ictimaiyyət İranın danışıqlara nə dərəcədə ciddi yanaşdığı haqda tez bir zamanda təsəvvür əldə edəcək.
|
|
08.03.12 Məqaləni oxumaq
|
| |
|
|
|
2012/2013-cü tədris ili üçün tələbə qəbulu qaydaları açıqlandı
|
|
Tələbə Qəbulu üzrə Dövlət Komissiyası (TQDK) 2012-2013-cü tədris ili üçün Azərbaycanın ali təhsil müəssisələrinə və tam orta təhsil bazasında orta ixtisas təhsili müəssisələrinə qəbul qaydalarını açıqlayıb. “KƏLAMİNFO” xəbər verir ki, TQDK qəbul qaydalarını özündə əks etdirən “Abiturient” jurnalının təqdimatını keçirib. Qaydalara əsasən abituriyentlərin ərizə qəbulu internet vasitəsilə aparılacaq. TQDK-nın rəsmi saytında “Abituriyentin elektron ərizəsi”ni dolduran abituriyentlər müvafiq sənədləri Komissiya tərəfindən yaradılan Sənəd Qəbulu Komissiyalarına (SQK) şəxsən təqdim etməklə ərizələrini rəsmiləşdirməlidirlər. Qəbul imtahanları keçirildikdən sonra müsabiqə şərtlərini yerinə yetirən abituriyentlər “Elektron ərizə”lərində qəbul olunmaq istədikləri ixtisas kodunu qeyd edəcəklər.
|
|
08.03.12 Məqaləni oxumaq
|
| |
|
|
|
Səhifələr : # 7 8 9 10 11 12 13 14 15 # |
|
Torpaqlarımızı qaytaraq..
|
| |
|
|
|
Açılış Səhifəsi et 
