|
|
Səhifələr : # 12 13 14 15 16 17 18 19 20 #
|
|
Fövqəladə Hallar Nazirliyi avtomobillərə və piyadalara köməklik göstərib
|
|
Son günlər respublika ərazisində, o cümlədən paytaxtda havanın soyuması və qar yağması ilə əlaqədar yollarda hərəkət çətinləşib. Fövqəladə Hallar Nazirliyindən “KƏLAMİNFO”ya verilən məlumata görə, yollarda çətinliklərlə üzləşmiş avtomobillərin və piyadaların hərəkətinin davam etdirilməsi üçün nazirliyin müvafiq qüvvə və texnikası bəzi ərazilərə cəlb edilib. Fövqəladə Hallar Nazirliyinin xilasediciləri Bakı şəhərinin Binə, Hövsan, Zirə, Zığ, Müşfiq, Dübəndi, Pirallahı və Abşeron rayonunun Qobu qəsəbələri istiqamətində, habelə Zığ-Hava limanı, Koroğlu metro stansiyası-Hava limanı, Bakı-Sumqayıt və Bakı-Şamaxı magistral yollarının bəzi hissələrində çətin şəraitlə üzləşmiş sürücü və piyadalara lazımi köməklik göstərib, yolda qalmış avtomobillərin hərəkətinin bərpa edilməsi üçün zəruri tədbirlər görüblər.
|
06.02.12 Məqaləni oxumaq
|
| |
|
|
|
Vilnüsdə Milli İcmalar Evində xarici işlər naziri ilə görüş olub
|
|
Fevralın 2-də Vilnüsdə Milli İcmalar Evində Litva Respublikasının xarici işlər naziri Audryonis Ajubalisin iştirakı ilə ölkənin milli azlıq təşkilatlarının nümayəndələri ilə görüş olub və Dəyirmi masa keçirilib. Bu barədə məlumatı “KƏLAMİNFO”ya Diasporla İş üzrə Dövlət Komitəsindən veriblər.
Dəyirmi masada Litva Azərbaycanlıları Cəmiyyətinin sədri, Litva Milli İcmalar Şurasının rəhbəri Mahir Həmzəyev ev sahibi olaraq tədbirin aparıcısı qismində iştirak edib. 2013-cü ildə Litva Respublikasının Avropa Birliyinə sədrlik etmək məsələsi ilə bağlı keçirilmiş bu tədbir ölkənin milli azlıq təşkilatları ilə məşvərət xarakteri daşıyıb.
|
|
04.02.12 Məqaləni oxumaq
|
| |
|
|
|
Küveytdə seçkiləri müxalifət uddu
|
|
Küveytdəki vaxtından qabaq parlament seçkilərini islamçıların başçılıq etdiyi müxalifət udub. “KƏLAMİNFO” “Lenta.ru”ya istinadən xəbər verir ki, 50 yerlik parlamentdə 34 yeri müxalifət qazanıb. Liberal hesab olunan namizədlər seçkilərdə uduzublar, qadın namizədlər heç bir yer qazana bilməyiblər. Bundan əvvəlki parlamentdə 4 qadın deputat var idi.
Müxalifət seçkilərə korrupsiya ilə mübarizə şüarı ilə gedirdi. Küveytdə bütün nazirləri hakim ailə təyin edir. Ancaq parlament nazir təyinatlarına nüfuz edə bilər.
|
|
03.02.12 Məqaləni oxumaq
|
| |
|
|
|
Oqtay Əsədov: “Ən sərt formada mövqeyimizi ortaya qoymuşuq”
|
|
Bu gün Milli Məclisin yaz sessiyasındakı ilk iclasında Fransa Senatında qəbul olunan qondarma erməni soyqırımı ilə bağlı qanun layihəsinə dair müzakirələr olub. “KƏLAMİNFO” xəbər verir ki, iclasda çıxış edən deputat Siyavuş Novruzov qeyd edib ki, Azərbaycan dövləti bununla bağlı kifayət qədər mövqe bildirsə də, təəssüf ki, bəzi mətbuat vasitələri buna kölgə salır. O, bunu qətiyyətlə pisləyib. “Bu məsələdə iqtidar-müxalifət söhbəti olmamalıdır. Hamı eyni xətt üzrə hərəkət etməlidir. Azərbaycan dövləti, Azərbaycan parlamenti bununla bağlı kifayət qədər addım atır. Bizi istənilən addımda Türkiyənin yanındayıq. İndiki hadisədə də vəziyyəti izləyirik və ardıcıl olaraq hüquqi şəkildə mövqeyimizi bildiririk, lazım olduqca da bildirəcəyik” - deyə S.Novruzov vurğulayıb.
Spiker Oqtay Əsədov isə deyib ki, bəziləri bu hadisədən istifadə edib özlərini göstərir. “Biz isə özümüzü göstərmək niyyətində deyilik, ən sərt formada mövqeyimizi ortaya qoymuşuq. Bu, ürəkdən gələn addımdır, etmişik və edəcəyik. Hazırda səbir etməliyik görək Fransa Konstitusiya Məhkəməsinin son sözü nə olacaq. Ondan sonra da gərək olan addımları atacağıq” - deyə spiker əlavə edib.
|
|
02.02.12 Məqaləni oxumaq
|
| |
|
|
|
ABŞ hərbi dəniz qüvvələri İranın balıqçı gəmisini xilas edib
|
|
ABŞ-ın hərbi dəniz qüvvələrinin gəmisi İran körfəzində İranın balıqçı gəmisini xilas edib. “KƏLAMİNFO” “Lenta.ru”ya istinadən xəbər verir ki, ABŞ hərbi dəniz donanmasının bildirdiyinə görə “USS Abraham Linkoln” təyyarə daşıyan gəmi doqquz İran dənizçisini daşıyan balıqçı gəmisindən fəlakət siqnalı alıb. Amerikalı mühəndislər balıqçı gəmisinin mühərrikinin sıradan çıxan kəmərini təmir edib və gəmi yoluna davam edib. “Abraham Linkoln” gəmisinin komandiri, admiral Mayk Şumeyker onun komandasında bütün hallarda yardım göstərə biləcək mühəndislər və həkimlərin olduğunu deyib. Bu, bir ay ərzində ABŞ-ın xilas etdiyi üçüncü İran gəmisidir. İki həftə bundan əvvəl ABŞ-ın hərbi gəmisi altı İran dənizçisini, yanvarın əvvəli isə ABŞ-ın hərbi dəniz qüvvələrinin gəmisi Ərəbistan dənizində quldurlar tərəfindən saxlanan 13 İran balıqçısını xilas etmişdi.
|
|
02.02.12 Məqaləni oxumaq
|
| |
|
|
|
Magistraturaya sənəd qəbulu fevralın 8-də, ilk imtahan isə 26-da başlayır
|
|
“Fevralın 8-dən etibarən bakalavrlar magistraturaya ərizə ilə müraciət edə bilərlər. “KƏLAMİNFO” xəbər verir ki, bu barədə açıqlamanı Tələbə Qəbulu üzrə Dövlət Komissiyasının (TQDK) Magistratura şöbəsinin müdiri Natiq Əliyev mətbuat konfransında verib. Onun sözlərinə görə, bakalavrlar “bakalavrın elektron ərizə forması”nı fevralın 8-dən 16-dək olan müddətdə dolduraraq fevralın 8-dən 17-dək (şənbə və bazar günləri istisna olmaqla) saat 09:00-dan 17:00-dək təsdiq etdirməlidirlər: “Elektron imzadan istifadə edən bakalavrlar istisna olmaqla, qalan bakalavrlar ərizələrini təsdiq etdirmək üçün sənəd qəbulu komissiyalarına (SQK) tələb edilən sənədlərin əslilərini şəxsən təqdim etməlidirlər.
Son tədris ilinin məzunları “bakalavrın elektron ərizəsi forması”nı bitirdikləri ali təhsil müəssisəsində yaradılan SKQ-da təsdiq etdirməlidirlər. Ali məktəbləri əvvəlki illərdə bitirənlər və nəzdində SKQ fəaliyyət göstərməyən ali təhsil müəssislərinin bu ilki məzunları bakalavrın elektron ərizə formasını ali təhsil müəssisələrində yaradılan istənilən bir SKQ-da təsdiq etdirə bilmək imkanları var”.
|
|
02.02.12 Məqaləni oxumaq
|
| |
|
|
|
Benilüks Azərbaycanlıları Konqresi Xocalı faciəsinin ildönümünə həsr olunan silsilə tədbirlər keçirəcək
|
|
Mənzil-qərargahı Amsterdamda yerləşən Benilüks Azərbaycanlıları Konqresi (BAK) Azərbaycan tarixinə qanla yazılan Xocalı soyqırımının 22-ci ildönümü ilə bağlı silsilə tədbirlər keçirəcək. Diasporla İş üzrə Dövlət Komitəsindən “KƏLAMİNFO”ya verilən məlumata görə, BAK İdarə Heyətinin Niderland Krallığının Brabant əyalətinin Tiburq şəhərində keçirilən toplantısında bununla əlaqədar xüsusi komissiyanın yaradılması qərara alınıb.
İH-nin qərarına əsasən, komissiyaya rəhbərlik BAK sədri Sahil Qasımova, ümumi təşkilatçılıq və nəzarət işləri isə sədr müavinləri Elsevər Məmmədova, Ofelya Babayevaya və Musa Pünhana həvalə olunub. Konqres 7 minlik Xocalı sakininə qarşı ermənilərin törətdikləri vəhşilikləri Benilüks məkanındakı əhaliyə çatdıracaq. BAK bu gün dünya ictimaiyyətindən qondarma erməni soyqırımını tanıtmaq yolunda dəridən-qabıqdan çıxan ermənilərin özlərinin azərbaycanlılara qarşı soyqırımı törətdiklərini çatdırmaqla onların əsl simasını ifşa etməyə çalışacaq.
|
|
02.02.12 Məqaləni oxumaq
|
| |
|
|
|
Milli Məclisin yaz sessiyası işə başlayıb
|
|
Bu gün Milli Məclisin yaz sessiyasında ilk iclası işə başlayıb. “KƏLAMİNFO” xəbər verir ki, iclasda parlamentin yaz sessiyasını açıq elan edən spiker Oqtay Əsədov bildirib ki, bu sessiyada Milli Məclisi çox gərgin iş gözləyir. O qeyd edib ki, bu sessiyada 2011-ci il büdcə zərfi ilə bağlı və ombudsmanın hesabatı dinləniləcək .
İclasın bugünkü gündəliyinə Milli Məclisi İntizam komissiyasının yenidən təşkil edilməsi haqqında, Milli Məclisi Hesablayıcı komissiyasının yenidən təşkil edilməsi haqqında, Milli Məclisinin 2012-ci il yaz sessiyasının qanunvericilik işləri planı haqqında və “Dağınıq skleroz xəstəliyinə tutulmuş şəxslərə dövlət qayğısı haqqında” (ikinci oxunuş) qanun layihələri daxil edilib.
|
|
02.02.12 Məqaləni oxumaq
|
| |
|
|
|
Ötən il Aralıq dənizində 1500-ə yaxın qaçqın batıb
|
|
Ötən il ərzində Aralıq dənizində Afrika olkələrindən Avropaya qaçmaq istəyən 1500-ə yaxın qaçqın batıb. “KƏLAMİNFO” “İTAR TASS”-a istinadən xəbər verir ki, bu, son 5 il ərzində rekord hesab olunur. Bu barədə çərşənbə axşamı BMT-nin qaçqınlar üzrə idarəsinin yaydığı hesabatda bildirilir. İdarənin məlumatına görə, 2011-ci ildə Avropaya Şimali Afrikadan 58 min qaçqın gəlib ki, bu da rekorddur.
|
|
01.02.12 Məqaləni oxumaq
|
| |
|
|
|
Misir parlamentinin qarşısında onlarla adam yaralanıb
|
|
Misir parlamentinin qarşısında hərbi hakimiyyətə son qoyulmasını tələb edənlərlə islamçı tərəfdarlar toqquşub. “KƏLAMİNFO” “Lenta.ru”ya istinadən xəbər verir ki, toqquşma zamanı onlarla adam yaralanıb. Hərbi hakimiyyətə son qoyulmasını tələb edənlər parlamentə daxil olmaq istəsələr də, parlamentdə əsas yeri qazanan Müsəlman Qardaşları Partiyasının tərəfdarları buna imkan verməyib. Misirin Səhiyyə Nazirliyinin verdiyi məlumata görə, qarşıdurma zamanı azı 43 adam yaralanıb.
|
|
01.02.12 Məqaləni oxumaq
|
| |
|
|
|
Səhifələr : # 12 13 14 15 16 17 18 19 20 # |
|
Torpaqlarımızı qaytaraq..
|
| |
|
|
|
Açılış Səhifəsi et 
