|
Səhifələr : # 2 3 4 5 6 7 8 9 10 #
Prezident İlham Əliyev Mahmud Abbasa başsağlığı verib
|
Azərbaycan prezidenti İlham Əliyev Fələstin Dövlətinin prezidenti Mahmud Abbasa başsağlığı məktubu göndərib. “KƏLAMİNFO” xəbər verir ki, məktubda deyilir: “Hörmətli cənab Prezident, ölkənizdə baş vermiş ağır avtomobil qəzası nəticəsində məktəblilərin həlak olması xəbəri məni olduqca kədərləndirdi. Bu faciə ilə əlaqədar Sizə, həlak olanların ailələrinə və yaxın adamlarına, bütün Fələstin xalqına öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm. Allah rəhmət eləsin!”
|
18.02.12 Məqaləni oxumaq
|
|
|
Hərbiyə aid 8-ə yaxın qanun üzərində iş aparılır
|
Azərbaycanda hazırda hərbiyə aid 8-ə yaxın qanun üzərində iş aparılır. “KƏLAMİNFO” xəbər verir ki, bunu jurnalistlərə açıqlamasında Milli Məclisin Təhlükəsizlik və müdafiə komitəsinin üzvü Siyavuş Novruzov bildirib. O qeyd edib ki, qanunlar Hərbi Doktrinaya uyğun hazırlanır. “Bunlar arasında eləsi var ki, mövcud qanun olaraq ona əlavə və dəyişikliklər hazırlanır. Hərbi Doktrinada istiqamətlər göstərilib və həmin istiqamətlərə uyğun olaraq qanunlar qəbul olunacaq. Bununla bağlı Prezident Administrasiyası ilə paralel olaraq işlər və məsləhətləşmələr aparılır” - deyə S.Novruzov vurğulayıb. Onun sözlərinə görə, üzərində işlər aparılan sənədlər arasında Strateji Müdafiə İcmalı, Dəniz Təhlükəsizliyi Strategiyası və ayrı-ayrı sahələrə aid sənədlər var.
|
17.02.12 Məqaləni oxumaq
|
|
|
Əli Əhmədov: Belə halın baş verməsi Azərbaycan və İran arasındakı ənənəvi qonşuluq münasibətlərinə kölgə sala bilər
|
“Azərbaycan İranla münasibətlərdə yaxın qonşuluq prinsipini üstün tutur. Bu daim bizim diqqət mərkəzimizdədir”. “KƏLAMİNFO” xəbər verir ki, bunu jurnalistlərə açıqlamasında hakim Yeni Azərbaycan Partiyasının sədr müavini, millət vəkili Əli Əhmədov bildirib.
O qeyd edib ki, İranın Azərbaycana qarşı nota səsləndirməsi üçün əsaslar mövcud deyil. “Azərbaycan və İran arasında qonşuluq münasibətlərinin üzərinə kölgə salacaq hansısa bir addım atılmamalıdır. Belə halın baş verməsi Azərbaycan və İran arasındakı ənənəvi qonşuluq münasibətlərinə kölgə sala bilər”-deyə Ə.Əhmədov bildirib.
O həmçinin bildirib ki, Azərbaycanın terrora qarşı münasibəti ondan ibarətdir ki, kimin tərəfindən keçirilməsindən asılı olmayaraq istənilən terror aktı pislənilir. “Azərbaycan özü terrora məruz qalmış bir ölkədir”-deyə o əlavə edib.
|
17.02.12 Məqaləni oxumaq
|
|
|
Bahar Muradova: “İranın rəsmi orqanları diqqətli olmalıdırlar”
|
“İran tərəfindən Azərbaycanla münasibətlərə ziyan vuracaq hərəkətləri İranın bir sıra din xadimləri və bəzi dairələri edir”. “KƏLAMİNFO” xəbər verir ki, bunu jurnalistlərə açıqlamasında Azərbaycan Milli Məclisinin vitse-spikeri Bahar Muradova bildirib. O qeyd edib ki, Azərbaycan qonşu dövlətlərlə, hətta bizə qarşı düşmən mövqeyində dayanan dövlətlərlə də beynəlxalq hüquq prinsiplərinə uyğun davranır. “Diplomatik normaları hər zaman gözlədiyimizi nəzərə alaraq, biz münasibətimizi elə bu qaydada da bildirəcəyik və mövqeyimizi ifadə edəcəyik. İranın bəzi dairələri, o cümlədən rəsmi orqanlar Azərbaycanla ikitərəfli münasibətlərin səviyyəsinə uyğun fikirlərin səsləndirilməsinə çalışmalıdırlar və bu kimi məsələlərdə diqqətli olmalıdırlar. Ona görə ki, münasibətlərin qurulması uzun vaxt çəkir, illər, onillər tələb edir. Lakin indi bu münasibətləri bir andaca yox etmək olar. İranın indi özünün düşdüyü vəziyyət onu vadar etməlidir ki, qonşu dövlətlərlə, xüsusən ona dostluq, qardaşlıq münasibəti göstərən Azərbaycanla münasibətlərdə bu məsələləri nəzərə alsın. Əks halda biz bunu, yumşaq şəkildə desək, çox böyük təəssüf hissi ilə qarşılayırıq” - deyə o əlavə edib.
|
17.02.12 Məqaləni oxumaq
|
|
|
Əliməmməd Nuriyev: “İctimai Komitə cəzaçəkmə müəssisələrində məhkumların hüquqlarının qorunmasına diqqət yetirib”
|
“Respublikamızda həyata keçirilən genişmiqyaslı ədliyyə islahatları çərçivəsində penitensiar sistemin təkmilləşdirilməsi, məhkumların hüquqlarının qorunması, müasir infrastrukturun yaradılması üzrə əməli tədbirlər həyata keçirilir, bu sahədə səmərəli ictimai nəzarət mexanizmi tətbiq olunur”. “KƏLAMİNFO” xəbər verir ki, bu sözləri “Məhkumların islah edilməsində və penitensiar müəssisələrin fəaliyyətinə ictimai nəzarətin həyata keçirilməsində ictimaiyyətin iştirakını təmin edən İctimai Komitənin 2011-ci il ərzindəki fəaliyyətinə dair yekun hesabat” ilə bağlı Beynəlxalq Mətbuat Mərkəzində keçirilən Dəyirmi masada Ədliyyə Nazirliyinin İnsan hüquqları və ictimaiyyətlə əlaqələr idarəsinin rəisi Faiq Qurbanov bildirib.
|
17.02.12 Məqaləni oxumaq
|
|
|
İstanbulda Xocalı soyqırımına həsr edilmiş tədbir keçiriləcək
|
Milli Məclisin deputatı Ceyhun Osmanlı fevralın 16-dan 27-dək Türkiyənin İstanbul şəhərində səfərdə olacaq. Parlamentdən “KƏLAMİNFO”ya verilən məlumata görə, millət vəkili burada Xocalı faciəsinin 20 illiyinə həsr edilmiş silsilə tədbirlərdə iştirak edəcək. Səfər zamanı Azərbaycan torpaqlarının işğalı, ermənilərin etnik təmizləmə siyasəti və qondarma erməni soyqırımı iddialarının əsassız olması barədə məsələlər geniş ictimaiyyətə çatdırılacaq.
|
17.02.12 Məqaləni oxumaq
|
|
|
Siyavuş Novruzov: Yeni qurum bütün silahlı qüvvələrdə kadrların hazırlanması ilə məşğul olacaq
|
Yeni yaranan Səfərbərlik və Hərbi Xidmətə Çağırış üzrə Dövlət Xidməti tək Müdafiə Nazirliyinin müvafiq qurumunun deyil, Azərbaycanda olan bütün silahlı qüvvələrdə kadrların hazırlanması və səfərbər olunub göndərilməsi ilə məşğul olacaq. “KƏLAMİNFO” xəbər verir ki, bunu jurnalistlərə açıqlamasında hakim Yeni Azərbaycan Partiyasının icra katibinin müavini, Milli Məclisin Təhlükəsizlik və müdafiə komitəsinin üzvü Siyavuş Novruzov bildirib.
|
17.02.12 Məqaləni oxumaq
|
|
|
Həmsədrlər Ermənistana səfər edəcək
|
Martın əvvəlində Minsk qrupunun həmsədrlərinin Ermənistana səfəri baş tutacaq. «KƏLAMİNFO» xəbər verir ki, bu barədə «NEWS.am»a Ermənistan XİN-dəki mənbələr məlumat verib. Onlar Ermənistan prezidenti Serj Sarkisyan və xarici işlər naziri Edvard Nalbandyanla görüş keçirəcəklər.
Qeyd edək ki, sonuncu dəfə həmsədrlər Ermənistanda 2011-ci ilin dekabrında olublar.
|
17.02.12 Məqaləni oxumaq
|
|
|
Akademik Milli Dram Teatrının repertuarında dəyişiklik olunub
|
Akademik Milli Dram Teatrının fevral repertuarında dəyişiklik olub. Teatrın mətbuat xidmətinin katibi Elçin Cəfərov dəyişiklik olunmuş afişanı “KƏLAMİNFO”ya təqdim edib.
Belə ki, 18 fevralda M.Frişin “Don Juan və həndəsə”, 19 fevralda V.Hüqonun “Qadın məhəbbəti”, 22 fevralda A.Saqarellinin “Xanuma”, 23 fevralda S.Şendilin “Qanlı Nigar”, 24 fevralda A.Məsudun “Qatarın altına atılan qadın”, 25 fevralda Elçinin “Şekspir”, 26 fevralda İ.Əfəndiyevin “Qarabağnamə”, saat 12:00-da H.Mirələmovun “Xəcalət”, 28 fevralda İ.Əfəndiyevin “Boy çiçəyi”, 29 fevralda Ə.Əmirlinin “Mesenat” əsəri səhnələşdiriləcək.
Xatırladaq ki, qalan tamaşalar göstərilən tarixlərdə saat 19:00-da nümayiş olunacaq.
|
16.02.12 Məqaləni oxumaq
|
|
|
Sarkozi prezidentliyə namizədliyini rəsmən irəli sürəcək
|
Bu gün Fransa prezidenti Nikola Sarkozi ikinci dəfə prezidentliyə namizədliyini rəsmən irəli sürəcək. “KƏLAMİNFO” “Lenta.ru”ya istinadən xəbər verir ki, bununla bağlı onun Fransa televiziyasının birinci kanalında çıxışı gözlənilir.
Fransada prezident seçkiləri aprelin 22-də keçiriləcək.
|
16.02.12 Məqaləni oxumaq
|
|
|
|
Səhifələr : # 2 3 4 5 6 7 8 9 10 #
|
Torpaqlarımızı qaytaraq..
|
|
|
|