İran viza rejiminin ləğv olunması üçün bəzi ölkələrlə, o cümlədən Azərbaycan və İraqla danışıqlar aparır. APA-nın verdiyi xəbərə görə, bu barədə jurnalistlərə açıqlamasında İranın xarici işlər naziri Əli Əkbər Salehi bildirib. Nazir həmçinin Suriyadakı böhrana da toxunub: “İran Suriyadakı böhranın xarici müdaxilə yolu ilə həll edilməsinə icazə verməyəcək. 

Bayram günləri ərəfəsində Dövlət Baytarlıq Xidməti gücləndirilmiş iş rejimində işləyəcək. 31 dekabr Dünya Azərbaycanlılarının Həmrəylik Günü və Yeni illə əlaqədar əhalinin keyfiyyətli və təhlükəsiz ərzaq məhsulları ilə təmin edilməsini, eyni zamanda heyvanlardan, heyvan mənşəli məhsullardan insanlara keçə biləcək xəstəliklərin qarşısının alınması məqsədi ilə dekabrın 28-dən 31-dək ölkədə fəaliyyət göstərən bazar və yarmarkalarda dövlət baytarlıq nəzarətini gücləndirmək məqsədilə reydlər keçiriləcək. 

“Beynəlxalq təşkilat öz qərarını qəbul edib. Belə ki, İran tərəfinin fikirlərinə qarşı müəyyən izahatlar verilib. Tar ifaçılıq sənətinin UNESKO-nun siyahısından çıxarılması mümkün deyil”. Bu fikirləri mədəniyyət və turizm naziri Əbülfəs Qarayev nazirliyinin bu gün keçirilən kollegiya iclasında deyib. 

Bu gün Azərbaycan Milli Elmlər Akademiyasının Geologiya İnstitutu 2012-ci ildəki fəaliyyəti ilə bağlı hesabat verib. AMEA-nın Yer Haqqında Elmlər Bölməsi və Geologiya İnstitutu Elmi Şurasının birgə təşkilatçılığı ilə keçirilən tədbirdə institut tərəfindən neft-qaz, geodinamika, palçıq vulkanizmi, hidrogeologiya və geologiya elminin digər istiqamətlərində aparılmış tədqiqatların gedişatı və nəticələri barədə məlumat verilib.

“Şeytan ayələri” kitabının müəllifi Salman Rüşdi barədə mürtəd hökmünün verilməsinin ildönümü ərəfəsində İran hökmlə bağlı bir daha mövqeyini bəyan edib. İslam inqilabının rəhbəri İmam Xomeyninin verdiyi hökmün dəyişdirilməyəcəyini bəyan edən İranın bu mövqeyini dövlət televiziyası yayıb.