|
Səhifələr : # 9 10 11 12 13 14 15 16 17 #
Tağı Əhmədov: Stansiyaların sayı 76-ya çatacaq
|
Bu gün Bakı Metropoliteni işçilərinin peşə bayramıdır. Metronun fəaliyyətə başlamasından 45 il keçir. “KƏLAMİNFO”nun məlumatına görə, Bakı Metropoliteninin rəisi Tağı Əhmədov peşə bayramı münasibətilə metropoliten işçilərinə müraciət edib. “Azərbaycanda metronun tarixi 1967-ci il noyabrın 6-da başlayıb” deyən T.Əhmədovun sözlərinə görə, uzunluğu 6,5 km olan xətt üzərində 5 stansiya istifadəyə verilib: “Hazırda isə Bakı Metropoliteni ümumi uzunluğu 34,56 km olan 2 xətt üzərindəki 23 stansiyadan və 266 vahidlik vaqon parkından ibarətdir. 45 illik fəaliyyəti dövründə metropoliten böyük inkişaf yolu keçib. Stansiyaların sayı 4 dəfədən çox artıb. İstismarda olan yolların ümumi uzunluğu 86,71 km-ə, tunellərin ümumi uzunluğu isə 91,36 km-ə çatıb. Ümumiyyətlə, Bakı Metropoliteni MDB ölkələrinin metropolitenləri arasında qabaqcıl yerlərdən birini tutur”.
|
08.11.12 Məqaləni oxumaq
|
|
|
Mübariz Əhmədoğlu: Azərbaycan Gürcüstanla münasibətlərinə yenidən baxmalıdır
|
“İndiyə qədər Azərbaycanın Gürcüstana qoyduğu böyük sərmayə, enerji təminatı qarşılığında Tbilisinin guya ermənipərəst siyasət yürütmədiyinin şahidi olmalıydıq. Amma əksini gördük.”. “KƏLAMİNFO” xəbər verir ki, bu barədə politoloq Mübariz Əhmədoğlu bu gün keçirdiyi Gürcüstan - Azərbaycan münasibətlərində keçid dövrü adlı Dəyirmi masada bildirib.
O qeyd edib ki, Azərbaycanın indiyə qədər Gürcüstana göstərdiyi hərtərəfli köməyə baxmayaraq Tbilisi Dağlıq Qarabağ münaqişəsinin həllinin ləngiməsi istiqamətində fəaliyyət göstərir: “Bundan başqa digər sahələrdə də Azərbaycana əks olan siyasət yürüdüb. Bura Qafqaz Müsəlmanlar İdarəsinə nativ qurum yaratmaqdan tutmuş, oradakı soydaşlarımızın hüquqlarının tapdalanmasına qədər olan məsələlər daxildir”.
|
08.11.12 Məqaləni oxumaq
|
|
|
Ali Məhkəmənin sədri hakimlərə sərt irad bildirdi
|
Bu gün Azərbaycan Ali Məhkəməsinin növbəti iclası keçirilir. “KƏLAMİNFO” xəbər verir ki, iclasda səhiyyə, ədliyyə nazirliklərinin nümayəndələri, məhkəmə sədrləri iştirak edib.
Ali Məhkəmənin sədri Ramiz Rzayev iclasın gündəliyini elan edib. Gündəliyə məhkəmələr tərəfindən tibbi xarakterli qərarların verilməsi, Cinayət Prosessual Məcəlləsinə dəyişiklik edilməsi barədə Milli Məclisə təkliflərin verilməsi və digər məsələlər daxilidir. R.Rzayev çıxışında məhkəmələr tərəfindən bəzi qanun pozuntularına yol verdiyini deyib: “Bəzən həkim-psixiatrın verməli olduğu rəy aidiyyəti olmayan şəxslər tərəfindən verilir. Bir çox halda həkim-psixiatrın rəyi nəzərə alınmır və azadlığa buraxılan şəxslər tərəfindən təkrar cinayətin törətməsi faktları aşkar olunub.
|
08.11.12 Məqaləni oxumaq
|
|
|
ATİ-də turizmlə bağlı beynəlxalq konfrans keçiriləcək
|
16-17 noyabrda Azərbaycan Turizm İnstitutunda (ATİ) “Turizm və rekreasiya XXI əsrdə: problemlər və perspektivlər” adlı I Beynəlxalq Elmi Konfrans keçiriləcək. ATİ-dən “KƏLAMİNFO”ya verilən məlumata görə, konfransın proqramına Rusiya, Türkiyə, Ukrayna, Özbəkistan, Qırğızıstan, Gürcüstan, Tacikistan, Bolqarıstan, Almaniya kimi ölkələrin alim və tədqiqatçılarının məruzələri daxil edilib. 2 gün davam edəcək konfransda məruzələr 4 dildə (Azərbaycan, türk, rus və ingilis) ediləcək. Konfransa ölkəmizin tanınmış elm adamları, millət vəkilləri, turizm sənayeçiləri, diplomatik korpus və beynəlxalq təşkilatların nümayəndələri dəvətlidir.
|
08.11.12 Məqaləni oxumaq
|
|
|
Azərbaycan ilə İtaliya arasında müdafiə sahəsində əməkdaşlıq haqqında saziş imzalanıb
|
Azərbaycanın müdafiə naziri, general-polkovnik Səfər Əbiyev İtaliyada rəsmi səfərdədir. Müdafiə Nazirliyinin mətbuat xidmətindən “KƏLAMİNFO”ya bildiriblər ki, general-polkovnik Səfər Əbiyevin İtaliyanın müdafiə naziri admiral Campaola Di Paola ilə əvvəlcə təkbətək, sonra isə geniş tərkibli görüşü olub.
Görüşdə Azərbaycan ilə İtaliya respublikaları arasında hərbi əməkdaşlıq əlaqələrinin inkişafı məsələləri müzakirə olunub. Səfər Əbiyev Azərbaycan torpaqlarının 20 ildir ki, erməni işğalı altında olduğunu, nəticədə bir milyon insanın öz yurd-yuvasından qaçqın düşdüyünü və BMT Təhlükəsizlik Şurasının 4 qətnaməsinin tələblərinin Ermənistan tərəfindən yerinə yetirilmədiyini diqqətə çatdırıb. Bildirib ki, münaqişənin sülh yolu ilə həll edilməsində ATƏT-in Minsk qrupunun fəaliyyəti heç bir nəticə vermir. Ona görə də biz bu məsələnin üzərində ciddi düşünürük və Azərbaycan öz ərazilərini işğaldan azad etmək üçün nə lazımdırsa edəcək.
|
08.11.12 Məqaləni oxumaq
|
|
|
Ali Məhkəmənin sədri koreyalı hakimlərlə görüşüb
|
Bakıda səfərdə olan Koreya Respublikası Ali Məhkəməsinin hakimi Li Sang Hun Azərbaycan Ali Məhkəməsinin sədri Ramiz Rzayevlə görüşüb. Bu barədə məlumatı “KƏLAMİNFO”ya Ali Məhkəmədən veriblər.
Görüşdə Ali Məhkəmənin sədri Azərbaycanla Koreya arasında müxtəlif sahələri əhatə edən əlaqələrin, o cümlədən məhkəmə hüquq sahəsində mövcud olan əməkdaşlığın uğurla inkişaf etdiyini bildirib. R.Rzayev həmçinin Azərbaycanın məhkəmə sistemi, Ali Məhkəmənin strukturu və fəaliyyəti, respublikamızda elektron məhkəmələrin yaradılmasına hazırlıqla bağlı görülən işlər barədə qonağa ətraflı məlumat verib.
|
07.11.12 Məqaləni oxumaq
|
|
|
Milli Məclisin deputatları Qənirə Paşayeva və Jalə Əliyeva Türkiyədə səfərdədirlər
|
Milli Məclisin deputatları Qənirə Paşayeva və Jalə Əliyeva “Heydər Əliyev və Mustafa Kamal Atatürk – Türk dünyasının ulu öndərləri”, “Türkiyə - Azərbaycan: liderlik, siyasi irs və baxış” mövzularında konfranslarda iştirak etmək üçün Türkiyəyə səfər ediblər.
Parlamentdən “KƏLAMİNFO”ya verilən məlumata görə, hər iki tədbir Ankara Dövlət Universitetində tələbə-gənclər təşkilatının təşəbbüsü ilə keçiriləcək. toplantıda Qənirə Paşayeva “Türkiyə - Azərbaycan münasibətlərinin dünəni, bu günü və sabahı”, Jalə Əliyeva isə “Türkiyə - Azərbaycan əlaqələrinin inkişafında Heydər Əliyev və Atatürk siyasi irsinin rolu” mövzusunda məruzələrlə çıxış edəcəklər.
|
07.11.12 Məqaləni oxumaq
|
|
|
SAM-ın aparıcı elmi işçisinin Moldovada yeni kitabı çap edilib
|
SAM-ın aparıcı elmi işçisi Kamal Makili-Əliyev Moldovanın Elmlər Akademiyasında Beynəlxalq və Konstitusiya Hüququ haqqında yeni kitabını çap etdirib. SAM-dan “KƏLAMİNFO”a verilən məlumata görə, kitab beynəlxalq hüquq, onun insan hüquqları və dövlət administrasiyası ilə əlaqələri ilə maraqlananlar üçün nəzərdə tutulub.
Kitabın toxunduğu əsas ideyalar beynəlxalq insan hüquqları, onun inkişaf tarixi, insan hüquqlarının əsas mənbələri, əsas prinsiplər kimi bərabərlik məsələləri və diskriminasiya, həyata keçirilmə sistemləri və beynəlxalq insan hüquqlarının icbari tətbiqi, əsas və prosessual hüquqlar, habelə beynəlxalq insan hüquqları daxil olmaqla bu növ monitorinq və tətbiqetmə hüquqlarıdır. Kitabın ixtisaslaşdırılmış hissəsi isə beynəlxalq insan hüquqları ilə konstitusiya hüququnun milli filialının müqayisəli təhlilini aparır. Kamal Makili-Əliyevin bu kitabı bir çox elmi işçilər, tədqiqatçılar, dövlət işçiləri, akademiya işçiləri, hüquq tələbələri və başqalarının maraq dairəsini əhatə edəcək.
|
07.11.12 Məqaləni oxumaq
|
|
|
Barak Obama: “Qarşıda bizi ABŞ üçün daha yaxşı günlər gözləyir”
|
İkinci müddətə ABŞ prezidenti seçilən Barak Obama qələbəsinin açıqlanmasından sonra ilk çıxışını edib. Çikaqodakı seçki qərargahında çıxış edən Obama seçkilərdə iştirak edən amerikalılara təşəkkür edib.
“KƏLAMİNFO” TRT-yə istinadən xəbər verir ki, prezident bu gün Amerikanın birliyinin irəli getdiyini gördüklərini deyib: “Sizlərin sayəsində birliyimiz irəli gedir. Müharibə zamanında, depressiya zamanında lazımi ruhu qoruyanlar sizlərsiniz. Biz Amerika ailəsi olaraq bir xalq halında bir yerdəyik. Bu seçkilərdə siz Amerika xalqı bizə bunu xatırlatdınız. Yolumuz uzun idi və bunu mübarizə ilə aşdıq. Qarşıda bizi ABŞ üçün daha yaxşı günlər gözləyir”. Seçki kampaniyasını həyata keçirən komandanı da unutmayan prezident: “Bu tarixi birlikdə yazdıq” deyib: “Məni ucaltdınız. Hər zaman bu töhfələriniz üçün sizə minnətdar olacağam. Siyasi kampaniyalar bəzən kiçik şeylər kimi görünə bilər. Siyasət yalnız yarış kimi görünə bilər. Amma bu gənc insanların səsində bir qərarlılıq görərsiniz. Bu insanlar hər uşağın eyni fürsətə qovuşması üçün çalışırlar”.
|
07.11.12 Məqaləni oxumaq
|
|
|
SAM-ın eksperti Romada “Azərbaycanın xarici siyasəti” mövzusunda məruzə edəcək
|
Noyabrın 8-i İtaliyanın beyin mərkəzi “İstituto Affari İnternazionali” (İAİ) tərəfindən Romada “Azərbaycanın xarici siyasətinin üstünlükləri: Regional və Avropa ölçüləri” adlı seminar təşkil olunacaq. Prezident yanında Strateji Araşdırmalar Mərkəzindən “KƏLAMİNFO”ya verilən məlumata görə, seminarda qədim və yeni trendlər, regional faktorlar (Mərkəzi Asiya, Rusiya, İran, Türkiyə və İsrail) və beynəlxalq iştirakçıların (Avropa Birliyi, Birləşmiş Ştatlar, NATO) əlaqələrini qiymətləndirərək, Azərbaycanın xarici siyasətinin əsas üstünlüklərinin müzakirəsi planlaşdırılır. Bu tədbir İAİ-nin “Azərbaycan, Qafqaz və Avropa Birliyi: Yaxın əməkdaşlıq istiqamətində” tədqiqat proqramıdır. Görüşdə SAM-ın aparıcı elmi işçisi Kamal Makili-Aliyev “Azərbaycanın xarici siyasəti: Şərq və Qərb arasında” mövzusu ilə çıxış edəcək.
|
07.11.12 Məqaləni oxumaq
|
|
|
|
Səhifələr : # 9 10 11 12 13 14 15 16 17 #
|
Torpaqlarımızı qaytaraq..
|
|
|
|