|
|
Səhifələr : # 11 12 13 14 15 16 17 18 19 #
|
|
Mübariz Əhmədoğlu: Ermənilər Dağlıq Qarabağ siyasətlərinə təhlükə hiss etməyə başlayıblar
|
|
Azərbaycan hökumətinin apardığı aktiv diplomatiya Ermənistanı qorxudur və cavab reaksiyasına təhrik edir. “KƏLAMİNFO” xəbər verir ki, bu fikirləri Siyasi İnnovasiya və Texnologiyalar Mərkəzinin sədr Mübariz Əhmədoğlu oktyabr ayının regional və beynəlxalq ictimai-siyasi proseslərinin yekunları ilə bağlı keçirdiyi ənənəvi mətbuat konfransında deyib.
M.Əhmədoğlu bildirib ki, ermənilər Dağlıq Qarabağ siyasətlərinə təhlükə hiss etməyə başlayıblar. Avropanın əksər ölkələri və ABŞ-da artıq erməni yalanlarının yerimədiyini diqqətə çatdıran M.Əhmədoğlu deyib ki, ona görə də ermənilər Latın Amerikası və Avstraliyaya üz tuturlar və həmin ölkələrdə qondarma rejimi tanıtmağa çalışırlar. M.Əhmədoğlu hesab edir ki, ermənilərin fəaliyyətlərinə həm nəzəri-ideoloji, həm də praktiki addımlarla cavab verilməlidir.
|
07.11.12 Məqaləni oxumaq
|
| |
|
|
|
Sarkozi məhkəmədə ifadə verəcək
|
|
Fransanın keçmiş prezidenti Nikola Sarkozi 2007-ci ildəki seçki kampaniyasında “Loreal” firmasının rəhbəri Lilian Bettenkurtdan qanunsuz maddi yardım aldığına dair iddialarla bağlı ifadə verəcək. Məhkəmə iclası bu həftə keçiriləcək. “KƏLAMİNFO” xəbər verir ki, “Europe 1” radio kanalının ədliyyə mənbələrinə istinadən verdiyi xəbərə görə, Sarkozi Bordo məhkəməsində ifadə verəcək.
Bu iddialarla bağlı olaraq daha öncə prokurorun təlimatıyla Sarkozinin evində və bürosunda axtarış aparılmışdı.
|
|
06.11.12 Məqaləni oxumaq
|
| |
|
|
|
Yaponiyalı alim Bakı Dövlət Universitetində mühazirə oxuyub
|
|
Bakı Dövlət Universitetinin rektoru, akademik Abel Məhərrəmov Tokio Universitetinin mədəniyyət antropologiyası üzrə fəxri professoru Takeo Funabikini qəbul edib. Məlumatı “KƏLAMİNFO”ya BDU-nun mətbuat və informasiya şöbəsindən veriblər. BDU haqqında qonaqlara məlumat verən rektor, əsasən universitetin beynəlxalq əlaqələrindən danışıb. Görüşdə BDU ilə Yaponiya universitetlərinin əməkdaşlığı, yapon dilinin tədrisi məsələlərindən danışılıb. Eyni zamanda Azərbaycan-Yaponiya parlamentlərarası dostluq qrupunun fəaliyyətindən də bəhs edilib. Qonaq universitetdə yapon dilinin tədrisindən razı qaldığını bildirib. Görüşdə Yaponiyanın səfir Şusuke Vatanabe iştirak edib.
Qonaqlar BDU-nun Nanotexnologiya laboratoriyasında və digər elmi mərkəzlərində olublar. Sonra yaponiyalı professor universitet tələbələri qarşısında “Yenə də anlaşılmaz yaponlar? – Onlar böyük zəlzələ vaxtı və ondan sonra nə cür hərəkət edirlər?” mövzusunda mühazirə ilə çıxış edib.
|
|
06.11.12 Məqaləni oxumaq
|
| |
|
|
|
BDU yataqxanalarında məskunlaşan qaçqınlara tikilən evlərin inşası başa çatır
|
|
Bərdə rayonunda 195 məcburi köçkün ailəsi üçün bütün zəruri sosial-texniki infrastrukturu olan qəsəbənin tikintisi yekunlaşmaq üzrədir. “KƏLAMİNFO” xəbər verir ki, bu barədə məlumatı YAP-ın saytına Məcburi Köçkünlərin Sosial İnkişaf Fondunun direktoru, Milli Məclisin deputatı Ayaz Orucov deyib.
Onun sözlərinə görə, bundan başqa, Mingəçevir şəhərində 502 məcburi köçkün ailəsi üçün yeni hündürmərtəbəli yaşayış binalarından ibarət məhəllə, İmişli rayonu ərazisində 325 məcburi köçkün ailəsi üçün bütün zəruri sosial-texniki infrastrukturu olan qəsəbə, Müdafiə Nazirliyinin hərbi hissələrinə məxsus binalarda müvəqqəti məskunlaşan 1410 məcburi köçkün ailəsi üçün Qaradağ rayonu, Müşfiqabad qəsəbəsinin yaxınlığında hündürmərtəbəli yaşayış binalarından ibarət yeni məhəllə, Bakı Dövlət Universitetinin 7 yataqxanasında müvəqqəti məskunlaşan 758 məcburi köçkün ailəsi üçün Masazır bələdiyyəsinin ərazisində bütün zəruri sosial-texniki infrastrukturu olan yeni məhəllənin tikintisi başa çatmaq üzrədir.
|
|
06.11.12 Məqaləni oxumaq
|
| |
|
|
|
Azərbaycan Avstraliyaya nota verib
|
|
Azərbaycanın Türkiyədəki səfirliyi Avstraliyanın Cənubi Uels ştatının qanunvericilik orqanının qondarma Dağlıq Qarabağ Respublikasının tanınması barədə qətnamə qəbul etməsi ilə əlaqədar bu ölkənin Türkiyədəki səfirliyinə nota göndərib. Bu barədə məlumatı “KƏLAMİNFO”ya Azərbaycan Xarici İşlər Nazirliyinin mətbuat xidmətinin rəhbəri Elman Abdullayev verib. Onun sözlərinə görə, Avstraliya səfirliyi ölkəsinin federal səviyyədə Azərbaycanın ərazi bütövlüyü və suverenliyini tanıdığını bildirib.
E.Abdullayev əlavə edib ki, milli müqəddəratı təyinetmə prinsipinə dəstək verilməsi haqda bütün bəyanatlar hansısa ölkənin ərazi bütövlüyünün pozulması mənasına gəlmir. Onun sözlərinə görə, Azərbaycan da dəfələrlə xalqların öz müqəddəratını təyinetmə prinsipini dəstəklədiyini söyləyib. Ancaq bu prinsip ölkələrin ərazi bütövlüyünü pozmamalıdır.
|
|
06.11.12 Məqaləni oxumaq
|
| |
|
|
|
"NATO-nun əməliyyat planlaşdırma prosesi" mövzusunda təlim kursu keçirilir
|
|
Azərbaycan Respublikası Müdafiə Nazirliyinin NATO ilə 2012-ci il üçün Fərdi Tərəfdaşlıq Proqramına əsasən Silahlı Qüvvələrin Təlim və Tədris Mərkəzində NATO-nun Brunssumda yerləşən Birləşmiş Qüvvələr Komandanlığının mobil təlim qrupu tərəfindən "NATO-nun əməliyyat planlaşdırma prosesi" mövzusunda təlim kursu keçirilir. Bu barədə məlumatı “KƏLAMİNFO”ya Müdafiə Nazirliyindən veriblər.
Kurs müddətində NATO-nun mobil təlim qrupu tərəfindən iştirakçılara "NATO-nun əməliyyat planlaşdırma prosesi", "Əməliyyatın planlaşdırma mərhələləri və planlaşdırma qrupları", "Planlaşdırma sənədləri", "Strateji sənədlər", "Əməliyyatın inkişaf konsepsiyası və ssenarisi", "Əməliyyatın son nəticəsinin, strateji məqsədlərin, məhdudiyyət və məcburiyyətlərin müəyyən edilməsi" və s. mövzular barədə brifinqlər verilir və sinif təlimləri keçirilir.
|
|
06.11.12 Məqaləni oxumaq
|
| |
|
|
|
Millət vəkili Cənubi Koreya və Qazaxıstan səfirləri ilə görüşüb
|
|
“Böyük İpək Yolu” Beynəlxalq Gənclər İttifaqının sədri, millət vəkili Fuad Muradov Cənubi Koreya və Qazaxıstan səfirləri ilə görüşüb.
Millət vəkilinin mətbuat sözçüsü Elnur Ağayevin “KƏLAMİNFO”ya verdiyi xəbərə görə, Cənubi Koreya səfiri ilə görüşün əsas müzakirə obyekti bu ölkənin ittifaqa üzvlüyü olub. Qazaxıstan səfiri ilə görüşdə isə noyabrın 29-30-u tarixlərində Qazaxıstanın paytaxtı Astana şəhərində baş tutacaq “Böyük İpək Yolu” Beynəlxalq Gənclər İttifaqının Üzvlər Şurasının keçirilməsi və Qazaxıstanın bunda iştirakı barədə məsələlər müzakirə olunub.
|
|
06.11.12 Məqaləni oxumaq
|
| |
|
|
|
NATO ekspertləri ilə Azərbaycan Silahlı Qüvvələrinin mütəxəssisləri arasında işçi görüşü keçirilir
|
|
Silahlı Qüvvələrin Hərbi Akademiyasında Silahlı Qüvvələrin hərbi təhsil sisteminin bəzi sahələrinin inkişafına yardım üzrə NATO-Azərbaycan birgə hərbi təhsil və təlim sahəsində fəaliyyət planına uyğun olaraq, NATO/ABŞ ekspertləri ilə Azərbaycan Respublikası Silahlı Qüvvələrinin mütəxəssisləri arasında işçi görüşü keçirilir. Bu barədə məlumatı “KƏLAMİNFO”ya Müdafiə Nazirliyindən veriblər.
Tədbir müddətində "Müdafiə strategiyası və planlaşdırılması", "NATO-nun əməliyyat proseduraları və hərbi uzlaşma", "İnformasiya müharibəsi", "NATO-nun komanda və nəzarət proseduraları", "Milli təhlükəsizlik üzrə qərarın qəbul edilməsi", "Strateji əməliyyatlar", "İnformasiya texnologiyaların istifadəsi", "Geosiyasət və beynəlxalq münasibətlər", "Hərbi iqtisadiyyat", "Milli təhlükəsizlik strategiyası və siyasətin inkişafı" mövzuları ətrafında müzakirələr aparılır.
|
|
06.11.12 Məqaləni oxumaq
|
| |
|
|
|
Aytən Mustafayeva: Azərbaycanda insan hüquqları ölkə rəhbərliyi səviyyəsində qorunur
|
|
Azərbaycanda əsas insan hüquqları və azadlıqları ölkə rəhbərliyi səviyyəsində qorunur. “KƏLAMİNFO” xəbər verir ki, bu fikirləri AMEA İnsan Hüquqları üzrə Elmi-Tədqiqat İnstitutunun direktoru, Milli Məclisin deputatı, hüquq elmləri üzrə fəlsəfə doktoru Aytən Mustafayeva deyib.
Daxili İşlər Nazirliyinin Polis Akademiyasında İnsan Hüquqları üzrə Müvəkkil (Ombudsman) Aparatı, Azərbaycan Hüquqşünasları Konfederasiyası, AMEA İnsan Hüquqları üzrə Elmi-Tədqiqat İnstitutunun birgə təşkilatçılığı ilə “Qloballaşma şəraitində insan və vətəndaş hüquq və azadlıqlarının mühafizəsinin aktual problemləri: nəzəriyyə və təcrübə” mövzusunda elmi-praktiki konfransda çıxış edən A.Mustafayeva bildirib ki, demokratik dövlət quruculuğu yolu ilə irəliləyən Azərbaycanda bütün sahələrdə hüquqi bazanın möhkəmləndirilməsi və təkmilləşdirilməsi üçün müvafiq islahatlar aparılmaqdadır.
|
|
06.11.12 Məqaləni oxumaq
|
| |
|
|
|
Obama, yoxsa Romni?
|
|
ABŞ prezidenti Barak Obama və onun respublikaçı rəqibi Mitt Romni ölkəboyu həlledici ştatlara səfər edir və fəal kampaniya aparırlar. “KƏLAMİNFO” “Lenta.ru”ya istinadən xəbər verir ki, prezident Obama bazar günü səhəri Nyu Hempşir ştatında keçirib. Buradan o, Florida ştatına, daha sonra isə Ohayoya yollanacaq.
Demokrat namizəd günü Kolorado ştatında başa vuracaq. Bazar ertəsi isə o, Viskonsin və Ayova ştatlarına baş çəkəcək. Seçki günü üçün doğma şəhəri Çikaqoya qayıtmazdan öncə Barak Obama yenidən Ohayoda olacaq. Romni Ohayo, Pennsilvaniya və Virciniya ştatlarına yollanmazdan öncə Ayovada nümayişə qatılıb. Bu gün o, Florida ştatına səfər edəcək. Seçki günü respublikaçı namizəd doğma ştatı Massaçusetsdə - Boston şəhərində olacaq. Rəy sorğularına əsasən namizədlər Kolorado, Florida, Ohayo və Virciniyada bərabər dəstəyə malikdirlər. Prezident Ohayo və Virciniyada cüzi üstünlüyə malikdir, amma Romninin Koloradoda öndə getdiyi deyilir. Sadalanan dörd ştat Ağ Evin qazanılması üçün tələb olunan 270 elektoral kollegiya səslərinin toplanılmasında həlledici rol oynayır.
|
|
06.11.12 Məqaləni oxumaq
|
| |
|
|
|
Səhifələr : # 11 12 13 14 15 16 17 18 19 # |
|
Torpaqlarımızı qaytaraq..
|
| |
|
|
|
Açılış Səhifəsi et 
