|
Səhifələr : # 13 14 15 16 17 18 19 20 21 #
Azərbaycanda “Maliyyə muzeyi”nin yaradılması təklif olunub
|
Azərbaycan Milli Elmlər Akademiyası Tarix İnstitutunda növbəti Elmi Şura keçirilib. Məlumatı “KƏLAMİNFO”ya Tarix İnstitutundan veriblər.
İnstitutun direktoru, AMEA-nın müxbir üzvü, professor Yaqub Mahmudovun rəhbərliyi ilə keçirilən Şurada Maliyyə Nazirliyi nəzdində “Maliyyə muzeyi”nin yaradılması ilə bağlı məsələ müzakirə olunub. Şurada qeyd olunub ki, Tarix İnstitutu Maliyyə Nazirliyinin Azərbaycanda pul tədavülü və sikkə zərbi tarixinə dair muzeyin yaradılması təşəbbüsünü dəstəkləyir. Məsələ ilə bağlı institutda işçi qrupu yaradılıb. İşçi qrupu Azərbaycanın pul (sikkə) tarixinə, zərbxanalarına dair materialları toplayaraq sistemləşdirəcək.
Azərbaycanın tarixi torpaqlarında mövcud olmuş zərbxanaların ayrı-ayrı dövrlər üzrə sistemləşdirilərək siyahısının hazırlanması nəzərdə tutulur. Tarixi Azərbaycan zərbxanalarının xəritəsinin də tərtib olunması planlaşdırılır. Pul tədavülü və sikkə zərbi ilə bağlı tarixən verilən fərman və sərəncamlar toplanaraq muzeyin ekspozisiyasında nümayiş etdiriləcək.
|
02.11.12 Məqaləni oxumaq
|
|
|
Məzahir Pənahov ABŞ-da keçiriləcək prezident seçkilərini müşahidə edəcək
|
Mərkəzi Seçki Komissiyasının (MSK) sədri Məzahir Pənahovun rəhbərlik etdiyi nümayəndə heyəti Vaşinqtonda səfərdədir. MSK-nın mətbuat xidmətindən “KƏLAMİNFO”ya bildiriblər ki, səfərin məqsədi noyabrın 6-da ABŞ-da keçiriləcək prezident seçkiləri ilə bağlı Seçki Sistemləri üzrə Beynəlxalq Fondun (IFES) təşkil etdiyi “ABŞ-da prezident seçkiləri – 2012” proqramı çərçivəsində müşahidəçilik etmək və gələcək əməkdaşlığın perspektivləri barədə müzakirələr aparmaqdır.
Qeyd edək ki, 1992-ci ildən etibarən ABŞ-da prezident seçkiləri ərəfəsində mütəmadi olaraq təşkil edilən bu tədbirə müxtəlif ölkələrin seçki qurumlarının rəhbərləri dəvət olunur. Proqram çərçivəsində prezident seçkilərinin müşahidəsi və xarici qurumlarla təcrübə mübadiləsi həyata keçirilir. MSK sədri Məzahir Pənahov da bir neçə ildir ki, bu tədbirdə iştirak edir.
Səfər çərçivəsində MSK sədrinin bir sıra rəsmi görüşləri də nəzərdə tutulur.
|
02.11.12 Məqaləni oxumaq
|
|
|
Prezident Barak Obamaya başsağlığı verib
|
Azərbaycan Prezidenti İlham Əliyev Amerika Birləşmiş Ştatlarının Prezidenti Barak Obamaya başsağlığı məktubu göndərib. “KƏLAMİNFO” xəbər verir ki, məktubda deyilir: "Sendi" qasırğasının doğurduğu çoxsaylı insan tələfatı və dağıntılar barədə xəbər məni olduqca sarsıtdı. Baş vermiş faciə ilə əlaqədar dərdinizi bölüşür, Sizə, həlak olanların ailələrinə və yaxın adamlarına, bütün Amerika xalqına öz adımdan və Azərbaycan xalqı adından dərin hüznlə başsağlığı verir, təbii fəlakətin nəticələrinin tezliklə aradan qaldırılmasını arzulayıram" - deyə başsağlığında deyilir.
|
02.11.12 Məqaləni oxumaq
|
|
|
Putin xəstələnib?
|
Rusiya prezidenti Vladimir Putinin noyabrın 2-də Türkmənistan və noyabrın 9-da Bolqarıstan səfərlərini təxirə salması onun xəstə olduğuna dair şübhələr yaradıb. “KƏLAMİNFO” TRT-yə istinadən xəbər verir ki, Kreml iddiaları təkzib edib. Ancaq Putinin onurğa sütununda yırtıq probleminin olduğuna dair məlumatlar da Kremldəki mənbələrdən sızıb.
Yeri gəlmişkən, noyabrın 2-də Türkmənistanda keçirilməsi planlaşdırılan Müstəqil Dövlətlər Birliyi dövlət başçıları sammiti dekabrın 5-nə keçirilib. Putin oktyabr ayında da Türkiyə, Ermənistan, Hindistan, Pakistan səfərlərini təxirə salıb.
|
02.11.12 Məqaləni oxumaq
|
|
|
Nazirlər Kabinetində yeni e-sistem yaradılıb
|
Azərbaycan Respublikasının Nazirlər Kabinetinin Aparatı hesabatların elektron formada təqdim edilməsi üçün sistem hazırlayıb. “KƏLAMİNFO” quruma istinadən xəbər verir ki, yeni sistem Azərbaycan Respublikasında dövlət zəmanəti ilə alınan kreditlər, həmçinin texniki yardım və qrantlar hesabına maliyyələşdirilən layihələrin idarə edilməsinin avtomatlaşdırılması sahəsində imkanların artırılmasına xidmət edir. Layihənin məqsədi Nazirlər Kabineti Aparatının Beynəlxalq kredit və yardımlar üzrə şöbəsində dövlət zəmanəti ilə alınan kredit, texniki yardım və qrantların monitorinqi və əlaqələndirilməsindən ibarətdir.
Adıçəkilən sistem vasitəsilə layihələrin rüblük, aylıq və operativ hesabatları elektron formada alınaraq onların arxivləşməsi həyata keçirilir ki, bunun da üstünlüyü istənilən vaxt istənilən (cari və ya başa çatmış) layihə haqqında məlumat əldə edərək, layihələrin icrası ilə bağlı işlərin operativ olaraq təhlil edilməsi və bununla da işin keyfiyyətinin yaxşılaşdırılmasının təmin edilməsidir . Ən əsası isə sistem daxil edilən məlumatlara əsasən avtomatik olaraq müvafiq statistik göstəriciləri formalaşdırır.
|
02.11.12 Məqaləni oxumaq
|
|
|
Oslo Universitetinin nümayəndə heyəti ADU-da olub
|
Azərbaycan Dillər Universitetinin rektoru, millət vəkili, professor Səməd Seyidov Oslo Universitetinin nümayəndə heyətini qəbul edib. ADU-nun mətbuat xidmətindən “KƏLAMİNFO”ya verilən məlumata görə, S.Seyidov rəhbərlik etdiyi ali təhsil ocağında Skandinaviya mərkəzinin fəaliyyət göstərdiyini xatırladıb.
Universitetlərarası əlaqələrin inkişaf etdiyini vurğulayan rektor bu gün tələbələrin nəinki bu dili öyrəndiklərini, hətta tərcümə sahələrində çalışdıqlarını da qeyd edib. Əlaqələrin bir neçə tələbənin bakalavr səviyyəsində təhsil alması ilə başladığını deyən rektor magistratura səviyyəsi üçün mütəxəssislərin hazırlığına da diqqət çəkərək tələbələrin Oslo universitetlərində təhsillərini davam etdirə bilmək imkanı qazandıqlarını söyləyib. Həmçinin o, tələbələrin Norveç mədəniyyəti və dilini öyrənməyə böyük maraq göstərdiklərini vurğulayıb.
|
01.11.12 Məqaləni oxumaq
|
|
|
Rabitə və İnformasiya Texnologiyaları Nazirliyində kollegiya iclası keçirilib
|
Rabitə və İnformasiya Texnologiyaları Nazirliyində (RİTN) 2012-ci ilin 9 ayının yekunlarına dair kollegiya iclası keçirilib. “KƏLAMİNFO”ya Rabitə və İnformasiya Texnologiyaları Nazirliyindən verilən məlumata görə, iclasda nazir Əli Abbasov Azərbaycan Respublikasının Prezidenti İlham Əliyevin sədrliyi ilə Nazirlər Kabinetinin 2012-ci ilin 9 ayının sosial-iqtisadi inkişafının yekunlarına həsr olunmuş iclasda nitqindən irəli gələn vəzifələr barədə danışıb, ölkə başçısının sərəncam və fərmanları, dövlət proqramlarının iqtisadiyyatın bütün sahələri, o cümlədən rabitə və informasiya texnologiyalarının inkişafı üçün geniş imkanlar yaratdığını bildirib, həmçinin, İKT sahəsində uğurla həyata keçirilən islahatlar, gələcək böyük layihələr və perspektivlərdən söz açıb.
Bu sürətli inkişafda qeyri-neft sektorunun aparıcı sahəsi olan İKT-nin müstəsna yeri olduğunu qeyd edən nazir, sektora göstərilən hərtərəfli dövlət qayğısı sayəsində dinamik inkişafa nail olunduğunu, yola saldığımız 2012-ci ilin III rübündə bu sahədə müsbət nəticələr əldə olunduğunu vurğulayıb.
|
01.11.12 Məqaləni oxumaq
|
|
|
"Kaliforniyada Azərbaycan Muğamı Ayı"na start verilib
|
Azərbaycan muğamının Kaliforniyada təbliği və tanıdılması məqsədilə Azərbaycanın Los-Ancelesdəki Baş Konsulluğunun təşəbbüsü ilə 2012-ci ilin noyabr ayı "Kaliforniyada Azərbaycan Muğamı Ayı" elan edilib. Sözügedən ay ərzində Azərbaycanın mahir xanəndələrinin, eləcə də kamança, tar və nağara ustalarının iştirakı ilə Kaliforniyanın ən böyük şəhərlərində silsilə muğam konsert proqramlarının keçirilməsi nəzərdə tutulub.
"Kaliforniyada Azərbaycan Muğamı Ayı" noyabrın 1-də ABŞ-ın ən tanınmış universitetlərindən olan Los-Ancelesdəki UCLA universitetinin tarixi Schoenberg zalında keçiriləcək muğam konserti ilə başlayacaq. “Azərbaycanın kosmik muğamının 35 illik kosmik səfəri˝ adlanan konsert 1977-ci ildə NASA tərəfindən Azərbaycan muğamının da daxil olduğu eksklüziv ˝Qızıl Val˝ın (yalnız 27 mahnıdan ibarət) kosmosa göndərilməsinin 35-ci ildönümünə həsr olunub (http://voyager_mugham.eventbrite.com/ ).
|
01.11.12 Məqaləni oxumaq
|
|
|
Amerikalılar Obamanın seçkidə qalib gələcəyinə əmindirlər
|
ABŞ sakinlərinin böyük hissəsi əmindirlər ki, fəaliyyətdə olan prezident Barak Obama noyabrın 6-da keçiriləcək seçkilərdə qalib gələcək. “KƏLAMİNFO”nun RİA “Novosti”yə istinadən verdiyi məlumata görə, “Gallup” tərəfindən keçirilən rəy sorğusunun nəticəsi bunu deməyə əsas verir. “Rəyi soruşulanların 54 faizə yaxını bildirib ki, Barak Obama seçkilərdə qalib gəlməlidir. 34 faiz isə respublikaçı namizəd Mitt Romninin qələbəsinə inanır. Sorğuda iştirak edənlərin 11 faizi seçkilərin nəticələri ilə bağlı proqnoz verməkdən çəkinib” - deyə rəy sorğusunun nəticələri ilə bağlı məlumatda deyilir.
|
01.11.12 Məqaləni oxumaq
|
|
|
Rusiya Federasiya Şurası vətənə xəyanətlə bağlı yeni qanun layihəsini təsdiq edib
|
Rusiya parlamentinin Yuxarı Palatası - Federasiya Şurası vətənə xəyanətlə bağlı yeni qanun layihəsini təsdiq edib. “KƏLAMİNFO” BBC-yə istinadən xəbər verir ki, qanun xarici qeyri-hökumət təşkilatlarını məxfi məlumatla təmin edənlərin məsuliyyətə cəlb edilməsini təmin edir. Qanun həmçinin xarici hökumətlərin xeyrinə casusluq və Rusiyanın xarici təhlükəsizliyinə hədələri də özündə əks etdirir. Federasiya Birliyi bu barədə qərarı qəbul edib. Hazırda sənəd prezident Vladimir Putinin imzasına göndərilib. Qanun layihəsi Rusiyanın suverenliyi, konstitusiya təsisatı, ərazi bütövlüyü də daxil edilməklə, vətənə xəyanət məfhumuna geniş məna verir. Human Rights Watch və Avropa İttifaqının xarici siyasət şöbəsinin rəhbəri Ketrin Eşton qanun layihəsindən sui-istifadə edilə biləcəyi barədə narahatlığını bildirib.
|
01.11.12 Məqaləni oxumaq
|
|
|
|
Səhifələr : # 13 14 15 16 17 18 19 20 21 #
|
Torpaqlarımızı qaytaraq..
|
|
|
|