|
|
Səhifələr : # 6 7 8 9 10 11 12 13 14 #
|
|
Obamanın yenidən seçilməsində qadın seçicilərin böyük rolu olub
|
|
ABŞ-da prezident seçkisində Amerika qadınlarının 55 faizi prezident Obamaya səs verib. Qadınların çoxu Mitt Romninin mənsub olduğu Respublikaçılar partiyasının siyasətindən razı olmayıb.
“KƏLAMİNFO” “Qolos Amerika”ya istinadən xəbər verir ki, evli qadınların 53 faizinin Mitt Romniyə səs verməsinə baxmayaraq, həm tək, həm də evli qadınların böyük hissəsi Obamaya səs verib.
Seçkilərdə qadın namizədlər də yaxşı nəticələr əldə edib. Senata 20 qadın seçilib, bu yerlərin üçdə biri deməkdir. Lakin Massaçusets ştatından seçilmiş demokrat Elizabet Uorren qadınların sayının daha çox olmasını arzulayır: “Gəlin ciddi danışaq, 2012-ci ildə Birləşmiş Ştatlar Senatına 20 qadın seçilib. Bu, o qədər də böyük rəqəm deyil”.
|
15.11.12 Məqaləni oxumaq
|
| |
|
|
|
AŞ-nin Monitorinq Komitəsində əksəriyyət Nazirlər Komitəsi ilə qeyri-rəsmi əməkdaşlığın tərəfdarıdır
|
|
Avropa Şurası Parlament Assambleyasının (AŞPA) Monitorinq Komitəsi Parisdə “Nazirlər Komitəsi ilə mütərəqqi əməkdaşlıq üçün mümkün vasitələr”ə dair Memorandumu müzakirə edib.
Müzakirələrdə millət vəkili, AŞPA Monitorinq Komitəsinin üzvü Elxan Süleymanov iştirak edib. “KƏLAMİNFO” xəbər verir ki, E.Süleymanov bildirib ki, Monitorinq Komitəsinin sədri, Estoniyadan olan cənab Andres Herkelin (EPP) rəhbərliyi ilə Katiblik tərəfindən hazırlanmış bu memorandum gələcəkdə hər dəfə Assambleyada monitorinq məruzələri müzakirə olunarkən qətnamə layihəsi ilə birgə sistemli tövsiyə layihəsinin təqdim edilməsini, beləliklə, məruzəni hazırda olduğundan daha ciddi və rəsmi etməyi təklif edib.
|
|
15.11.12 Məqaləni oxumaq
|
| |
|
|
|
Elşad İskəndərov: “Bəzi dini cərəyanların arxasınca getsək, milli kimliyimizdən imtina etməli olarıq”
|
|
“Bəzi dini cərəyanların arxasınca getsək, milli kimliyimizdən imtina etməli olarıq. Əgər bu cərəyanların diktəsi ilə getsək və onların dediklərini etsək, Nizami Gəncəvi, Füzuli, Nəsimi və Novruz Bayramı və digər milli atributlarımız da bizə yad olmalıdır”. “KƏLAMİNFO” xəbər verir ki, bu fikirləri “Dini və etiqad azadlığı: hüquqi, siyasi və ictimai aspektlər” mövzusunda keçirilən konfransda Dini Qurumlarla İş üzrə Dövlət Komitəsinin sədri Elşad İskəndərov deyib.
Onun sözlərinə görə, Azərbaycan milli kimliyinin formalaşması müstəqillik dövründən sonra inkişaf etməyə başlayıb: “Dini amillərin bu milli kimliyin formalaşmasında böyük rolu var. Ancaq bu gün bir tərəfdən etiqad azadlığına çağırılır, digər tərəfdən isə ölkədə milli kimliyimizi itirilməsinə yönələn qurumlar, cərəyanlar fəaliyyət göstərir”. E.İskəndərov qeyd edib ki, hazırda dünyada insan azadlıqlarını şübhə altına alan cərəyanlar var.
|
|
14.11.12 Məqaləni oxumaq
|
| |
|
|
|
SAM "Yaşıl iqtisadiyyat" mövzusunda Dəyirmi masa keçirəcək
|
|
Noyabrın 15-də Prezident yanında Strateji Araşdırmalar Mərkəzi "Yaşıl iqtisadiyyat" mövzusunda Dəyirmi masa keçirəcək. SAM-dan “KƏLAMİNFO”ya verilən məlumata görə, tədbiri BMT Ətraf Mühit Proqramının regional direktoru Jan Dusik, ekologiya və təbii sərvətlər naziri Hüseyngulu Bağırov, Prezident yanında Strateji Araşdırmalar Mərkəzinin direktoru Fərhad Məmmədov və BMT İnkişaf Proqramının Rezident nümayəndəsi Antonius Broek giriş sözü ilə açacaq.
|
|
14.11.12 Məqaləni oxumaq
|
| |
|
|
|
Aytən Mustafayeva: Ölkəmizin milli maraqlarına və təhlükəsizliyinə ciddi təhlükə təşkil edən təriqətlər var
|
|
“Azərbaycanda xristianlar, yəhudilər və müsəlmanlar sülh və bir-birinə hörmət şəraitində yanaşı yaşayıblar. Ancaq təəssüflər olsun ki, hazırda bəşəriyyət inkişafın müasir mərhələsində mövcud olan dinlərin parçalanmasına istiqamətlənib, ölkə, cəmiyyət və insan təhlükəsizliyinə ciddi hədə olan destruktiv, radikal dini təriqətlərlə qarşılaşıb”. “KƏLAMİNFO” xəbər verir ki, bu fikirləri AMEA İnsan Hüquqları İnstitutunda “Din və etiqad azadlığı: hüquqi, siyasi və ictimai aspektlər” mövzusunda keçirilən konfransda institutun direktoru, millət vəkili Aytən Mustafayeva deyib. O xatırladıb ki, Ümumdünya İnsan Hüquqları Bəyannaməsində, İnsan Hüquqları üzrə Avropa Konvensiyası və digər sənədlərdə təsbit olunan dini etiqad azadlığı hüququna Azərbaycanda da ölkə Konstitusiyası və milli qanunvericiliklə təminat verilir: “Lakin digər insan hüquqları kimi bu hüquq da (Avropa Konvensiyasının 2-ci bəndinin 9-cu maddəsində göstərildiyi kimi) ictimai təhlükəsizliyi və dövlətin maraqlarını təhdid etdiyi təqdirdə məhdudlaşdırıla bilər”.
|
|
14.11.12 Məqaləni oxumaq
|
| |
|
|
|
Təhsil Nazirliyi bəzi məktəb direktorlarını cəzalandırıb
|
|
Cari ilin oktyabr ayında Təhsil Nazirliyinin “Qaynar xətt” xidmətinə (əlaqə telefonu: 146; faks: 496-37-61; elektron poçt ünvanı: qaynar-xett@edu.gov.az) 974 müraciət daxil olub. Təhsil Nazirliyindən “KƏLAMİNFO”ya verilən məlumata görə, müraciətlərin 857-si telefonla, 117-si isə elektron poçt vasitəsilə qəbul edilib.
Daxil olan müraciətlərin əksəriyyəti sorğu xarakterlidir. Bir sıra müraciətlərdə ümumi təhsil, ilk peşə-ixtisas təhsili, orta ixtisas və ali təhsil müəssisələrindəki çatışmazlıqlardan bəhs olunur. Bu qəbildən olan 73 müraciət əsasında araşdırmalar aparılıb, nöqsanların aradan qaldırılması istiqamətində müvafiq işlər görülüb.
|
|
14.11.12 Məqaləni oxumaq
|
| |
|
|
|
Klintonu Suzan Rays əvəz edə bilər
|
|
ABŞ-da Barak Obamanın dövlət katibi vəzifəsinə kimi təyin edəcəyi məsələsi müzakirə edilir. “KƏLAMİNFO” BBC-yə istinadən xəbər verir ki, bu vəzifə üçün iki nəfərin adı çəkilir - senator Con Kerri və ABŞ-ın BMT-dəki daimi nümayəndəsi Suzan Rays. Ancaq ABŞ mətbuatı Raysın şansının daha yüksək olduğunu yazır. Raysın İran və Şimali Koreya məsələlərində təsirli və konstruktiv rol oynamasının və Obamaya yaxınlığının bu təyinatda mühüm rol oynayacağı bildirilir. Kerrinin isə müdafiə naziri vəzifəsinə gətirilə biləcəyi vurğulanır.
Mətbuatın iddiasına görə, Klinton ABŞ-ın ilk qadın prezidenti olmaq istəyir və 2016-cı ildə namizədliyini verməyə hazırlaşır. Bu səbəbdən də Klintonun bir müddət vəzifədən uzaqlaşmaq istədiyi bildirilir.
|
|
14.11.12 Məqaləni oxumaq
|
| |
|
|
|
Mərkəzi Kəşfiyyat İdarəsinin keçmiş rəhbəri Obamanı təəccübləndirib
|
|
ABŞ prezidenti Barak Obamanın Mərkəzi Kəşfiyyat İdarəsinin rəhbəri vəzifəsindən istefa verən Devid Petreusun nikahdankənar münasibətini öyrəndiyi zaman təəccübləndiyi bildirilir. “KƏLAMİNFO” TRT-yə istinadən xəbər verir ki, Ağ Ev sözçüsü Cey Qarni Obamanın Petreusla bağlı məlumatlandırıldığı zaman təəccübünü saxlaya bilmədiyini deyib. Qarni Obamanın xidmətləri üçün Petreusa minnətdar olduğunu bildirib. Ağ Ev sözçüsü Obamanın Petreusun sevgilisi Paula Brodueldən təhdid mesajları aldığını iddia edən Cil Kelli ilə normal olmayan münasibət qurduğu üçün haqqında istintaq başladılan general Con Alana güvəndiyini qeyd edib. Qarni bildirib ki, Obama Alanın çox gözəl iş görməkdə olduğunu və gördüyünü düşünür.
|
|
14.11.12 Məqaləni oxumaq
|
| |
|
|
|
Millət vəkilləri müəllimlər və həkimlərin maaşlarının artırılmasını istəyiblər
|
|
Milli Məclisin bu gün keçirilən iclasında deputatlar 2013-cü il dövlət büdcəsi layihəsinin müzakirəsi zamanı bir sıra təkliflər və suallar səsləndiriblər. “KƏLAMİNFO” xəbər verir ki, deputat, Xalq artisti Zeynəb Xanlarova çıxışı zamanı iclasda iştirak edən hökumət üzvlərinə sual ünvanlayıb. “Xahiş edirəm, mənə deyin, bu büdcənin müəllimlərimizə, əlillərimizə, pensiyaçılarımıza, həkimlərimizə xeyri olacaqmı?”
Əvvəlcə spiker Oqtay Əsədov bildirib ki, deputatların suallarına onların çıxışları yekunlaşandan sonra hökumət nümayəndələri tərəfindən cavab veriləcək.
YAP icra katibinin müavini Mübariz Qurbanlı ipotekaya ayrılan vəsaitin artırılmasını təklif edib. O, ölkənin müxtəlif yerlərində yerli-yersiz hasarlamalar olduğunu vurğulayıb: “Düzdür, bəzən hasarlar lazım olur, amma ehtiyac olmadan da hasarlar çəkilir. Hesablama Palatası və digər qurumlar buna diqqət yetirməlidir”.
|
|
14.11.12 Məqaləni oxumaq
|
| |
|
|
|
Azərbaycanda dinlərarası dialoq və tolerantlıq mərkəzinin yaradılması təklif edilib
|
|
Azərbaycanda dinlərarası dialoq modelinin beynəlxalq səviyyədə təbliğ edilməsi məqsədilə ölkədə dinlərarası dialoq və tolerantlıq mərkəzinin yaradılması təklif edilib. “KƏLAMİNFO” xəbər verir ki, bu fikirləri Dini Qurumlarla İş üzrə Dövlət Komitəsinin sədri Elşad İskəndərov deyib.
Dövlət Komitəsinin sədri xatırladıb ki, bu günlərdə Böyük Britaniya Parlamentində Heydər Əliyev Fondunun vitse-prezidenti Leyla Əliyevanın təşəbbüsü ilə “Avropa multikulturalizminin perspektivləri: dinlərarası dialooq və dini tolerantlığın Azərbaycan modeli” mövzusunda konfrans keçirilib. Onun sözlərinə görə, həmin tədbirdə məruzəçilər və xarici iştirakçılar Azərbaycanda dinlərarası dialoq modelinin Avropa üçün önəm daşıdığını vurğulayıb, bu münasibətlərin beynəlxalq səviyyədə təbliğ edilməsi məqsədilə ölkəmizdə dinlərarası dialoq və tolerantlıq mərkəzinin yaradılması təklifini irəli sürüblər: “Bu isə bir daha sübut edir ki, Azərbaycanda dövlət və din münasibətləri yüksələn xətlə inkişaf edir” deyə komitə sədri qeyd edib.
|
|
14.11.12 Məqaləni oxumaq
|
| |
|
|
|
Səhifələr : # 6 7 8 9 10 11 12 13 14 # |
|
Torpaqlarımızı qaytaraq..
|
| |
|
|
|
Açılış Səhifəsi et 
