|
|
Səhifələr : # 4 5 6 7 8 9 10 11 12 #
|
|
QHT-lər prezidentə müraciət etdilər
|
|
Bir qrup QHT rəhbəri ölkə prezidentinə müraciət ünvanlayıb. “KƏLAMİNFO”nun məlumatına görə, dövlət başçısının Azərbaycan Respublikası vətəndaşlarının maraq və mənafelərinin təmin edilməsinə yönələn 13 iyul və 5 sentyabr 2012-ci il tarixli fərmanlarını tam dəstəklədiklərini ifadə edən QHT rəhbərləri islahat aparılması zərurəti yüksək olan daha bir sahə haqda məlumat veriblər. Bu da nəqliyyat vasitələrinin dövlət texniki baxışdan keçmə sistemidir: “Qeyd edək ki, bu sahədə son illər texniki yeniləşmə və təminat istiqamətində müsbət dəyişiklikləri görmək mümkündür.
|
16.10.12 Məqaləni oxumaq
|
| |
|
|
|
İran müsəlmanların “Nobel mükafatı”nı yaradacaq
|
|
İran Nobel mükafatının müsəlmanlar üçün nəzərdə tutulan analoqunu təsis etmək istəyir. “KƏLAMİNFO” İranın “Fars” agentliyinə istinadən yaydığı xəbərə əsasən, bunu İran İslam Respublikasının vitse-prezidenti Nəsrin Soltanhe bəyan edib. Onun sözlərinə görə, müsəlmanların Nobelə analoji olan mükafatı “Böyük Peyğəmbər adına beynəlxalq mükafat” adlanacaq. Soltanhenin sözlərinə görə, İran hökuməti yeni təsis edəcəyi mükafatı artıq mövcud olan Nobel mükafatına qarşı qoymaq niyyətində deyil. Tehranda sözügedən mükafatın elm və texnika sahəsində görkəmli uğurlara nail olan müsəlman ölkələri alimlərinə verilməsi nəzərdə tutulub. Onun bildirdiyinə görə, bu onlara Nobelin təsis etdiyi beynəlxalq nüfuzlu mükafatlarla mübarizəyə daha yaxşı hazırlaşmaq imkanı yaradacaq. “Mükafat iki ildə bir dəfə müsəlman ölkələrinin alimlərinə elmin 3 sahəsi üzrə veriləcək. Çünki İran elmin müxtəlif sahələrində böyük tərəqqiyə nail ola bilib”.
|
|
16.10.12 Məqaləni oxumaq
|
| |
|
|
|
İran XİN: “Azərbaycan və İran arasında münasibətlərin genişləndirilməsi üçün potensial var”
|
|
Bu gün Azərbaycan xarici işlər naziri Elmar Məmmədyarov İran İslam Respublikasının xarici işlər naziri Əli Əkbər Salehi ilə görüşüb. Bu barədə məlumatı “KƏLAMİNFO”ya Xarici İşlər Nazirliyinin mətbuat xidmətindən veriblər.
E.Məmmədyarov qonağı Azərbaycanda salamlamaqdan məmnun olduğunu bildirib. Nazir Azərbaycan-İran ikitərəfli əlaqələrinin inkişaf etdiyini qeyd edib.
Əli Əkbər Salehi öz növbəsində Bakıda keçirilən İqtisadi Əməkdaşlıq Təşkilatının zirvə toplantısında iştirakından məmnunluğunu bildirib. O, Azərbaycan və İran arasında münasibətlərin genişləndirilməsi üçün potensialın olduğunu vurğulayıb.
Görüş zamanı nazirlər ikitərəfli münasibətlərin müxtəlif aspektləri və regional və beynəlxalq məsələlər ətrafında fikir mübadiləsi aparıblar.
|
|
16.10.12 Məqaləni oxumaq
|
| |
|
|
|
Yeni Medianın tədris modulları çap olunub
|
|
Multimedia Mərkəzindən “KƏLAMİNFO”ya verilən məlumata görə, mərkəz tərəfindən hazırlanan “Yeni Medianın tədris modulları” kitabça formasında çap olunub.
Tədris modullarını “Yeni medianın tədrisinin təkmilləşdirilməsi” layihəsi çərçivəsində Multimedia Mərkəzi hazırlayıb. Layihə ABŞ-Azərbaycan Medianın İnkişafı Fondunun dəstəyi ilə həyata keçirilir. Bildirir ki, yeni medianın tədris modulları hazırlanarkən beynəlxalq təcrübə öyrənilib, ölkədə mövcud olan media bazarında kadrlarla bağlı tələb-təklif münasibətləri araşdırılıb, hazırlanan modulların layihələrinin elmi və ictimai müzakirələri keçirilib.
Qeyd edək ki, kitabçaya universitetlərdə tədrisi nəzərdə tutulan Yeni mediaya giriş, Onlayn Jurnalistika, Multimedia Jurnalistika və Sosial Media fənlərinin proqramları daxil edilib.
|
|
16.10.12 Məqaləni oxumaq
|
| |
|
|
|
AMEA-nın institutlarında Qızıl Aypara Cəmiyyətinin şöbələri yaradılacaq
|
|
Azərbaycan Milli Elmlər Akademiyasının institutlarında Qızıl Aypara Cəmiyyətinin şöbələri yaradılacaq. Bu barədə məlumatı “KƏLAMİNFO”ya müsahibəsində AMEA Gənclərin İntellektual İnkişaf Mərkəzinin direktoru İlqar Orucov deyib.
Onun sözlərinə görə, şöbələr AMEA-nın birinci vitse-prezidenti Arif Həşimovun tapşırığına əsasən yaradılacaq: “Bizə də müraciət olunub ki, akademiyanın gənc alimlər şuralarının sədrləri fəaliyyət göstərdikləri müəssisələrdə Qızıl Aypara Cəmiyyətlərinin işini həyata keçirsinlər və həmin şöbələrə də rəhbərlik etsinlər. Əgər şura sədrlərinin işi çox olarsa, institutlarda cəmiyyətin şöbələrinin işini müavinlər apara bilərlər”.
Gənc alimləri bu işin reallaşmasına dəstək olmağa çağıran İ.Orucov deyib ki, yaxın günlərdə cəmiyyətin AMEA institutlarında yaradılması ilə bağlı toplantı keçirəcəklər. Həmin toplantıda bu məsələlər ətraflı müzakirə ediləcək: “Hesab edirəm ki, bu təşkilatın fəaliyyətini irəli aparmaq hər birimizin borcudur”.
|
|
16.10.12 Məqaləni oxumaq
|
| |
|
|
|
Litvada parlament seçkilərində müxalifət irəli çıxıb
|
|
Litvada bazar günü seçkilərində sol cinah Əmək partiyası müxalifət irəli çıxıb. “KƏLAMİNFO” “Lenta.ru”ya istinadən xəbər verir ki, exit pollar müxalifətçi Əmək partiyasının səslərin 20 faizini, onun koalisiyada tərəfdaşı olacağı gözlənilən mərkəz solçu Sosial Demokrat partiyasının isə səslərin cəmi 18 faizini aldığını göstərir. Bu arada baş nazir Andrius Kubiliusun başçılıq etdiyi mühafizəkar “Vətən Birliyi” səslərin 17 faizini alaraq üçüncü, onun koalisiyada tərəfdaşı Liberal Hərəkat partiyası isə 8 faizi ilə dördüncü yerə çıxıb. Litvanın mühafizəkar hökuməti yüksək işsizlik səviyyəsi və ictimaiyyət arasında qeyri-populyar ciddi iqtisadi tədbirlərə görə böyük dəstəyə malik deyildi. Litvalılar ölkədə yeni nüvə elektrik stansiyasının inşası məsələsində də referendumda səs verirdi. Təhlilçilər nüvə əleyhinə kampaniyanın da uğurlu olacağını əvvəlcədən bildirirdilər.
|
|
15.10.12 Məqaləni oxumaq
|
| |
|
|
|
Tarix İnstitutunun bir qrup əməkdaşı Rusiya, Fransa, Almaniya və Gürcüstana ezam ediləcək
|
|
AMEA Tarix İnstitutunda Elmi Şuranın növbəti iclası keçirilib. Məlumatı “KƏLAMİNFO”ya Tarix İnstitutundan veriblər.
AMEA İnstitutun direktoru, professor Yaqub Mahmudovun rəhbərliyi ilə keçirilən iclasda xarici ölkələrin arxivlərindən Azərbaycan tarixinə dair sənədlərin ölkəmizə gətirilməsi və sənədlərin toplu şəklində nəşr olunması işinin gedişi ilə bağlı məsələlər müzakirə olunub. İclasda ermənilərin azərbaycanlılara qarşı soyqırımı və etnik təmizləmə siyasətinə aid sənədlərin ölkəyə gətirilməsinə, toplu şəklində nəşr olunmasına diqqətin daha da artırılması xüsusilə qeyd olunub.
Həmçinin, indiyədək nəşr olunan sənəd topluları bir daha müzakirə edilib və problemlə bağlı digər sənədlərin ölkəyə gətirilməsi üçün institutun bir qrup əməkdaşının Rusiya, Fransa, Almaniya və Gürcüstana ezam edilməsi, bununla əlaqədar müvafiq instansiyalar qarşısında məsələ qaldırılması qərara alınıb.
|
|
15.10.12 Məqaləni oxumaq
|
| |
|
|
|
Pakistanda on minlərlə insan “Taliban”ın güllə ilə vurduğu qızı müdafiə aksiyası keçirib
|
|
Pakistanın ən böyük şəhəri olan Kəraçidə on minlərlə insan talibançıların güllə ilə vurub ağır yaraladığı Malal Yusifzaiyinin müdafiəsinə yürüş keçirib. “KƏLAMİNFO” BBC-yə istinadən xəbər verir ki, bu, oktyabrın 9-da Pakistanın şimal-qərb bölgəsində yerləşən Svat vadisində məktəbdən qayıdan 14 yaşlı yeniyetmə qızın güllə ilə vurulmasından sonra ölkədə ilk belə böyük nümayişdir. Məktəbli qıza hücum Pakistanın özündə və ölkənin xaricində hiddətlə qarşılanmış və bir çox insanda hökumətin bundan sonra Taliban qrupu və onun tərəfdarlarına qarşı mübarizəni intensivləşdirəcəyinə dair ümidlərin artmasına gətirib çıxarıb. 14 yaşlı Malala Yusifzai Taliban qrupunun əleyhdarı, eyni zamanda qızlar və qadınların təhsil hüquqlarının müdafiəçisi kimi tanınır. Taliban qızı Qərb tərəfdarı adlandıraraq, hücuma görə məsuliyyəti öz üzərinə götürüb. Pakistan polisi hücumla əlaqədar olaraq üç şübhəli şəxsi həbs edib. Həkimlər Malala Yusifzainin vəziyyətinin sabitləşdiyini bildirirlər. Yeniyetmə qızın vəziyyətindən asılı olaraq, onun müalicəni davam etdirməsi üçün xarici ölkəyə aparılması planlaşdırılır.
|
|
15.10.12 Məqaləni oxumaq
|
| |
|
|
|
Mavritaniya prezidentinin müalicəsi Parisdə davam etdiriləcək
|
|
Mavritaniya prezidenti Məhəmməd Uld Əbdül Əziz əməliyyat edilib. “KƏLAMİNFO” “İTAR TASS”-a istinadən məlumat verib ki, paytaxt Nuakşotun hərbi hospitalında həyata keçirilən əməliyyat nəticəsində onun bədənində olan qəlpə çıxarılıb. Mavritaniya prezidenti müalicəsi davam etdirilmək üçün Parisə yola salınacaq.
Xatırladaq ki, prezident paytaxt Nuakşot yaxınlığında maşın konvoyu ilə səfər edən zaman güllə ilə vurulub. Rəsmilər yol boyu təhlükəsizliyə görə məsuliyyət daşıyan mühafizəçilərdən birinin konvoyu dərhal tanımayaraq atəş açdığını bildiriblər. Lakin bəzi yerli mətbuat orqanlarında prezidentin paytaxtdan ölkənin şimalda Tveylaya səfər edən zaman yaraqlı qrupun üzvlərinin hədəfi olduğu barədə məlumat verib.
Prezident Əbdül Əziz hakimiyyətə 2008-ci ildə hərbi çevriliş nəticəsində gələrək, 2009-cu ildə prezident seçkilərində qələbə çalıb.
|
|
15.10.12 Məqaləni oxumaq
|
| |
|
|
|
Rusiya müxalifəti yerli seçkilərdən narazı qalıb
|
|
Rusiya müxalifəti yerlərdə keçirilən seçkilərdə kütləvi zorakılıq və qanun pozuntuları olduğunu bəyan edib. “KƏLAMİNFO” BBC-yə istinadən xəbər verir ki, oktyabrın 14-də açıqlanan ilkin nəticələrə görə, prezident Putinin “Vahid Rusiya” Partiyası 83 regionun 77-də qalib gəlib. Müxalifət hakimiyyəti namizədlərin xeyrinə kampaniya təşkil etməkdə günahlandırıb.
Baş nazir Dmitri Medvedyev bu ittihamları rədd edib. Onun sözlərinə görə, “ciddi qanun pozuntusu” barədə məlumatsızdır.
|
|
15.10.12 Məqaləni oxumaq
|
| |
|
|
|
Səhifələr : # 4 5 6 7 8 9 10 11 12 # |
|
Torpaqlarımızı qaytaraq..
|
| |
|
|
|
Açılış Səhifəsi et 
