|
|
Səhifələr : # 13 14 15 16 17 18 19 20 21 #
|
|
Elmar Məmmədyarov Yunanıstanın keçmiş xarici işlər nazirini qəbul edib
|
|
Elmar Məmmədyarov Yunanıstanın keçmiş xarici işlər naziri, Yunanıstan parlamentinin üzvü xanım Dora Bakoyannisi qəbul edib. XİN-dən “KƏLAMİNFO”ya verilən məlumata görə, Elmar Məmmədyarov qonağı ölkəmizdə görməkdən məmnun olduğunu qeyd edib. Azərbaycan-Yunanıstan ikitərəfli münasibətlərinə toxunan Elmar Məmmədyarov iki ölkə arasında münasibətlərin genişlənməsi üçün potensialın olduğunu, xüsusilə də enerji sahəsində əməkdaşlığın dərinləşdirilməsi imkanlarının mövcud olduğunu nəzərə çatdırıb.
Xanım Dora Bakoyannis Bakıda növbəti dəfə olmağından məmnun olduğunu bildirib və bu günlərdə keçirilən 2-ci Bakı Beynəlxalq Humanitar Forumunun yüksək səviyyədə təşkil olunduğunu vurğulayıb. O, həmçinin ölkəsi ilə Azərbaycan arasında mövcud münasibətlərin yüksək səviyyədə olduğunu və əlaqələrin gələcək inkişafı üçün potensialın olduğunu diqqətə çatdırıb.
|
04.10.12 Məqaləni oxumaq
|
| |
|
|
|
Prezident Roza Otunbayevanı qəbul edib
|
|
Prezident İlham Əliyev Qırğız Respublikasının keçmiş prezidenti Roza Otunbayevanı qəbul edib. ‘KƏLAMİNFO” xəbər verir ki, görüşdə Azərbaycan ilə Qırğızıstan arasında ikitərəfli münasibətlərin müxtəlif sahələrdə uğurla inkişaf etdiyi vurğulanıb, əlaqələrimizin daha da genişləndirilməsi üçün böyük imkanların olduğu qeyd edilib.
Azərbaycanda bir neçə dəfə səfərdə olduğunu vurğulayan xanım Roza Otunbayeva Bakıda, Gəncədə və respublikamızın digər regionlarında böyük infrastruktur layihələrinin həyata keçirilməsinin şahidi olduğunu deyib, ötən dövr ərzində ölkəmizin əldə etdiyi iqtisadi uğurların onda dərin təəssürat yaratdığını qeyd edib.
|
|
03.10.12 Məqaləni oxumaq
|
| |
|
|
|
Saakaşvili partiyasının müxalifətə keçdiyini bəyan etdi
|
|
Gürcüstan prezidenti Mixail Saakaşvili hakim “Vahid Milli Hərəkat” Partiyasının məğlubiyyətini etiraf edib. “KƏLAMİNFO” “Novosti Qruziya”ya istinadən bildirir ki, prezident sədri olduğu partiyanın müxalifətə keçdiyini vurğulayıb.
Gürcüstan prezidenti deyib ki, ölkənin yeni hökumətini seçkilərdə qalib gələn “Gürcü arzusu” koalisiyası quracaq. Dövlət başçısı olaraq yeni parlamentin fəaliyyətə başlayaraq sədr seçməsini və yeni hökuməti formalaşdırmasını təmin etməyə çalışacaq. O, etiraf edib ki, onun üçün “Gürcü arzusu”nun baxışları qəbuledilməz olub. Və onun sədri olduğu “Vahid Milli Birlik” partiyası ilə “Gürcü arzusu” arasında çox dərin fərqlər var: “Biz hesab edirik ki, onların baxışları doğru deyil. Lakin qərarı gürcü xalqının əksəriyyəti qəbul edib və biz bu seçimə hörmətlə yanaşırıq.
|
|
03.10.12 Məqaləni oxumaq
|
| |
|
|
|
Azərbaycan Koreyanı “Bakutel”də iştiraka dəvət edib
|
|
Azərbaycanın rabitə və informasiya texnologiyaları naziri Əli Abbasov Koreyanın Azərbaycanda yeni təyin olunmuş səfiri Çoi Suk-İnlə görüşüb. “KƏLAMİNFO” Rabitə və İnformasiya Texnologiyaları Nazirliyinə istinadən xəbər verir ki, görüşdə 2005-ci ildən indiyədək İKT sahəsində Koreya-Azərbaycan arasında əməkdaşlıq məsələlərinə toxunulub, 2006-2007-ci illərdə ölkələrin müvafiq nazirlikləri arasında İKT sahəsi üzrə imzalanmış Anlaşma Memorandumunun istiqamətləri müzakirə edilib. Həmçinin Koreyanın “Daewoo Telecom” şirkətinin Naxçıvan Muxtar Respublikasında quraşdırdığı telekommunikasiya avadanlıqlarının ödənişi ilə bağlı məsələnin uğurla həll olunduğu vurğulanıb. Daha sonra poçt sahəsində Azərbaycan-Koreya əməkdaşlığı, Koreya İxrac-İdxal Bankının Azərbaycanda “Elektron Hökumət”in tətbiqi ilə bağlı təklif etdiyi maliyyə vəsaiti, həmçinin Koreyanın ali təhsil müəssisələrində azərbaycanlı tələbələrin təhsil alması ilə bağlı məsələ müzakirə edilib.
|
|
03.10.12 Məqaləni oxumaq
|
| |
|
|
|
Elmar Məmmədyarov Kubanın Azərbaycana yeni təyin olunmuş səfirini qəbul edib
|
|
Xarici işlər naziri Elmar Məmmədyarov Kubanın Azərbaycana yeni təyin olunmuş səfiri Omar Senon Medina Kinteronu qəbul edib. XİN-nin mətbuat xidmətindən “KƏLAMİNFO”ya verilən məlumata görə, Elmar Məmmədyarov kubalı səfiri ölkəmizə səfir təyin olunması münasibətilə təbrik edib və ona fəaliyyətində uğurlar arzulayıb. Nazir əmin olduğunu bildirib ki, yeni səfirin fəaliyyəti iki ölkə arasındakı əlaqələrin inkişafına töhfə verəcək.
Görüşdə Azərbaycan-Kuba münasibətlərinin inkişafı üçün potensialın olduğu və bu baxımdan qarşılıqlı səfərlərin təşkil olunmasının əhəmiyyəti qeyd olunub. Həmçinin iki ölkənin Xarici İşlər nazirlikləri arasında siyasi məsləhətləşmələrin aparılmasının vacibliyi vurğulanıb.
Kubanın yeni səfiri Omar Kinetoro ölkəmizə səfir təyin olunmasından məmnun olduğunu diqqətə çatdırıb və ölkəsinin Azərbaycanla bütün sahələrdə əməkdaşlığı genişləndirmək əzmində olduğunu bildirib.
|
|
03.10.12 Məqaləni oxumaq
|
| |
|
|
|
Filmin yaradıcısını öldürənə 200 min dollar mükafat
|
|
Pakistanlı sabiq deputat İkramullah Şaiq antiislam videosu kimi dəyərləndirən filmin yaradıcısını öldürənə 200 min dollar mükafat verəcək. “KƏLAMİNFO” BBC-yə istinadən xəbər verir ki, o, Pişəvar şəhərində 15 minlik kütlənin qarşısında bu təklifi edib. Bundan əvvəl də pakistanlı nazir Qulam Əhməd Bilour “Müsəlmanların məsumluğu” filminin yaradıcısını öldürənə 100 min mükafat vəd edib.
Filmə etiraz nümayişləri zamanı Pakistanda 23 adam ölüb. Filmin yaradıcısı Nakoula Basseley Nakoula ABŞ-da həbs olunub.
|
|
03.10.12 Məqaləni oxumaq
|
| |
|
|
|
Oskanyanın deputat toxunulmazlığı götürüldü
|
|
Ermənistan parlamentində təmsil olunan koalisiya partiyaları sabiq xarici işlər naziri Vardan Oskanyanın deputat toxunulmazlığının götürülməsinə səs veriblər. “KƏLAMİNFO” “ArmTodey”ə istinadən xəbər verir ki, qərarın lehinə 64, əleyhinə 6 səs verilib, 1 bülleten isə etibarsız hesab edilib.
|
|
03.10.12 Məqaləni oxumaq
|
| |
|
|
|
Qarabağ müharibəsindən zərər çəkən gənclər peşə biliklərinə yiyələnib
|
|
“Regional İnsan Hüquqları və Media Mərkəzi” İctimai Birliyi (RİHMM) Qarabağ müharibəsindən zərər çəkən ailələrin məşğulluğunun artırılması istiqamətində icra etdiyi növbəti layihəni yekunlaşdırıb. Mərkəzdən “KƏLAMİNFO”ya verilən məlumata görə, təşkilatın Bərdə rayonunda yerləşən ofisində keçirilən kurslara Bərdə, Ağdam və Tərtər rayonlarında məskunlaşan qaçqın, məcburi köçkün, həmçinin həmin rayonlarda yaşayan şəhid ailələri, əsir və itkin düşmüş, girov götürülmüş şəxslərin ailələrindən olan şəxslər cəlb olunub. Layihə Prezident yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilib. Altı ay müddətində keçirilən layihədə 60 nəfər dərziliklə bağlı peşə bacarıqlarına yiyələnib.
|
|
03.10.12 Məqaləni oxumaq
|
| |
|
|
|
Azərbaycanda “Əlillərin hüquqları haqqında” Konvensiyanın 4-cü ili qeyd edilib
|
|
Əmək və Əhalinin Sosial Müdafiəsi Nazirliyi və “Sosial Xidmətlər Təşəbbüsü” İctimai Birliyinin birgə təşkilatçılığı ilə BMT-nin “Əlillərin hüquqları haqqında” Konvensiyasının ratifikasiya olunmasının 4-cü ildönümünə həsr olunmuş Dəyirmi masa keçirilib. Nazirlikdən “KƏLAMİNFO”ya verilən məlumata görə, tədbirdə Əmək və Əhalinin Sosial Müdafiəsi Nazirliyinin, aidiyyatı hökumət və qeyri-hökumət təşkilatlarının nümayəndələri iştirak edib.
Dəyirmi masanı giriş sözü ilə açan Nazirliyin Əlillərin sosial müdafiəsi siyasəti şöbəsinin müdiri Vüqar Həsənov Azərbaycanda əlilliyi olan şəxslərin hüquqlarının müdafiəsi, onların maddi və mənəvi tələbatlarının ödənilməsinin dövlət siyasətinin prioritet istiqamətlərindən biri olduğunu vurğulayıb.
|
|
03.10.12 Məqaləni oxumaq
|
| |
|
|
|
Prezident BMT-nin ölkəmizdəki rezident əlaqələndiricisini qəbul edib
|
|
Prezident İlham Əliyev bu gün BMT-nin ölkəmizdəki rezident əlaqələndiricisi Fikrət Akçuranı fəaliyyət müddətinin başa çatması ilə əlaqədar qəbul edib. “KƏLAMİNFO” xəbər verir ki, BMT-nin rezident əlaqələndiricisi Fikrət Akçuranın ölkəmizlə BMT arasında əməkdaşlığın genişləndirilməsi işindəki xidmətlərini vurğulayan dövlət başçısı onun Azərbaycandakı fəaliyyətini yüksək qiymətləndirib və gələcək fəaliyyətində uğurlar arzulayıb.
F.Akçura ölkəmizdə gedən davamlı inkişaf proseslərinin önəmini vurğulayıb, Azərbaycandakı diplomatik fəaliyyətindən məmnunluğunu ifadə edib.
|
|
03.10.12 Məqaləni oxumaq
|
| |
|
|
|
Səhifələr : # 13 14 15 16 17 18 19 20 21 # |
|
Torpaqlarımızı qaytaraq..
|
| |
|
|
|
Açılış Səhifəsi et 
