|
|
Səhifələr : # 1 2 3 4 5 6 7 #
|
|
Prezident İlham Əliyev “UBS Global” şirkətinin Direktorlar Şurasının sədri ilə görüşüb
|
|
Davosda Prezident İlham Əliyevin “UBS Global” şirkətinin Direktorlar Şurasının sədri Qaspar Villiger ilə görüşü olub. “KƏLAMİNFO” xəbər verir ki, görüşdə İsveçrənin hazırda ən böyük banklarından olan “UBS” bankı ilə Azərbaycan arasında əməkdaşlığın qurulması və inkişaf etdirilməsi məsələləri müzakirə olunub. Bundan başqa, Azərbaycan Respublikası Dövlət Neft Şirkəti və Azərbaycan Respublikası Dövlət Neft Fondu ilə maliyyə əməkdaşlığı sahəsində əlaqələrin qurulması barədə fikir mübadiləsi aparılıb.
Azərbaycana səfərlərini, ulu öndər Heydər Əliyevlə görüşlərini xatırladan Qaspar Villiger Prezident İlham Əliyevin rəhbərliyi altında ölkəmizin sürətlə inkişaf etdiyini deyib.
|
26.01.12 Məqaləni oxumaq
|
| |
|
|
|
ATƏT-in keçirdiyi monitorinq insidentsiz başa çatıb
|
|
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq bu gün Tərtər rayonunun Qızıloba kəndinin cənub-qərb istiqamətindəki qoşunların təmas xəttində monitorinq keçirilib. Müdafiə Nazirliyinin mətbuat xidmətindən “KƏLAMİNFO”ya verilən məlumata görə, monitorinq insidentsiz başa çatıb.
Monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin səhra köməkçisi Xristo Xristov və şəxsi köməkçi Uilyam Praroy, təmas xəttinin qarşı tərəfində isə monitorinqi ATƏT-in fəaliyyətdə olan sədrinin şəxsi nümayəndəsinin ofisinin əlaqələndiricisi İmre Palatinus, səhra köməkçiləri Antal Herdiç və Marius Puodziunas keçiriblər.
|
|
26.01.12 Məqaləni oxumaq
|
| |
|
|
|
Elmlər doktoru proqramı üzrə doktoranturaya qəbulun nəticələri açıqlanıb
|
|
Bu gün Azərbaycan Milli Elmlər Akademiyasının (AMEA) Rəyasət Heyəti elmlər doktoru proqramı üzrə doktoranturaya qəbulun nəticələrini açıqlayıb. “KƏLAMİNFO” xəbər verir ki, AMEA Rəyasət Heyətinin bu gün keçirilən iclasında doktoranturaya qəbulla bağlı məlumat verən akademik Vaqif Fərzəliyev bildirib ki, elmlər doktoru proqramı üzrə doktoranturaya qəbulla bağlı 56 yer elan edilib.
Onlardan 27 əyani, qiyabi isə 29 yer olub. Faktiki olaraq qəbul olunanların sayı 42 olub. Onlardan da 14-ü əyani, 28-i isə qiyabidir. F.Fərzəliyev deyib ki, Fizika-Riyaziyyat Elmləri Bölməsi üzrə 3 nəfər, Kimya Elmlər Bölməsi üzrə 7 (3 əyani, 4-ü qiyabi), Yer Elmləri Bölməsi üzrə 2 (qiyabi), Biologiya Elmləri Bölməsi üzrə 8 (3 nəfər əyani, 5-i qiyabi), İctimai-Humanitar Elmləri Bölməsi üzrə 17 nəfər (6-si əyani, 11-i qiyabi), Naxçıvan Bölməsi üzrə 2 nəfər (qiyabi), Gəncə Elmi Bölməsi üzrə isə 3 nəfər (2 nəfər əyani, 1-i qiyabi) qəbul edilib.
|
|
26.01.12 Məqaləni oxumaq
|
| |
|
|
|
Yaqub Mahmudov: Naxçıvan və Dərbəndin 5 min illik yubileyi keçirilməlidir
|
|
“Naxçıvanın 5 min illik yubileyi keçirilməlidir. Naxçıvan yer üzərində ilk sivilizasiya məkanı, ilk insan məskənidir. Bura insanın ayaq açdığı, mədəniyyət yaratdığı məkandır. Hesab edirəm ki, bu il Naxçıvan şəhərinin 5 min illik yubileyi keçirilməlidir”. “KƏLAMİNFO” xəbər verir ki, bu təkliflə AMEA Tarix İnstitutunun direktoru, professor Yaqub Mahmudov çıxış edib. AMEA Rəyasət Heyətinin iclasında çıxış edən Y.Mahmudov bildirib ki, burada şübhəli heç bir şey yoxdur: “Gəmiqaya deyirsənsə, buradadır. Nəbi yurdu, Nuh peyğəmbərin qəbri Naxçıvandadır. Oradakı qalalarda Azərbaycanın çox qədim tarixi yatır”.
|
|
26.01.12 Məqaləni oxumaq
|
| |
|
|
|
Obama AB-nin İrana qarşı yeni sanksiyalarından məmnun qalıb
|
|
ABŞ prezidenti Barak Obama Avropa Birliyinin İrana yeni sanksiya qərarından məmnun olduğunu bildirib. Obama yaydığı yazılı açıqlamada “Avropa Birliyindəki müttəfiqlərimizin İran rejiminin nüvə proqramı ilə bağlı beynəlxalq öhdəliklərini yerinə yetirməməsinə cavab olaraq bu ölkəyə əlavə sanksiyalar tətbiq etməyi nəzərdə tutan addımlarını alqışlayıram” deyib. “KƏLAMİNFO” BBC-yə istinadən xəbər verir ki, bu sanksiyaların İranın nüvə proqramının yaratdığı təhdidə qarşı beynəlxalq qüvvələrin birliyini bir daha nümayiş etdirdiyini vurğulayan Obama ABŞ-ın Tehrana təzyiqləri artırmağa davam edəcəyini bildirib. ABŞ Xəzinə Nazirliyinin İran Ticarət Bankına qarşı yeni sanksiyalar açıqladığını xatırladan Obama: “İran yolunu dəyişmədikcə və beynəlxalq öhdəliklərini yerinə yetirmədikcə təzyiqləri artırmağa davam edəcəyik" sözlərinə yer verib.
|
|
25.01.12 Məqaləni oxumaq
|
| |
|
|
|
Fəttah Heydərov: “Ad və soyad dəyişməsi zamanı bir sıra problemlər yarana bilər”
|
|
“Məgər bu gün bizim işlərimiz qurtarıbmı ki, indi də ad və soyadları dəyişək?” “KƏLAMİNFO” xəbər verir ki, bunu Mili Məclisin Regional məsələlər komitəsinin iclasında millət vəkili Fəttah Heydərov bildirib. O qeyd edib ki, indiki halda bu məsələdə tələsmək lazım deyil. “İndi ad və soyad dəyişməsi zamanı bir sıra problemlər yarana bilər. Çünki çox sayda insan uzun illərdir “ov”, “yev” soyadını daşıyıb. Bu gün Cənubi Azərbaycanda, Gürcüstanda və digər bölgələrdə azərbaycanlılar yaşayır. Bu soyad dəyişmə Gürcüstanda yaşayan yarım milyon azərbaycanlıya da şamil olunacaqmı? Biz niyə belə halları unuduruq? Bu insan hüquqlarına uyğun deyil” - deyə F.Heydərov vurğulayıb.
Millət vəkili eyni zamanda, yer adlarının dəyişdirilməsinə də toxunub. “Bu məsələdə diqqətli olmaq lazımdır. Biz tariximizi saxtalaşdırmamalıyıq. Elə yerlər var ki, onların adlarını dəyişmək olmaz” - deyə o, əlavə edib.
|
|
25.01.12 Məqaləni oxumaq
|
| |
|
|
|
Azərbaycan deputatlarından ibarət nümayəndə heyəti İndoneziyaya gedir
|
|
Bu gün Milli Məclisin deputatları Gövhər Baxşəliyeva, Mirkazım Kazımov, Cavanşir Paşazadə, Sabir Rüstəmxanlı İslam Əməkdaşlıq Təşkilatının Parlament İttifaqı Konfransının 7-ci sessiyasında iştirak etmək üçün İndoneziyanın Palembanq şəhərinə səfər edəcəklər. Bu barədə məlumatı “KƏLAMİNFO”ya parlamentdən veriblər.
Tədbirdə qurumun baş katibinin hesabatı dinləniləcək, İƏT Parlament İttifaqında Maldiv Xalq Məclisinə üzvlük, Moro Milli Azadlıq Cəbhəsinə müşahidəçi statusunun verilməsi, Layihələşdirmə Komitəsinin təsis olunması və təşkilatı məsələlər müzakirə olunacaq, sessiyanın bəyannaməsi və qətnamələri qəbul ediləcək. Səfər çərçivəsində İƏT Parlament İttifaqında nümayəndə heyətimizin rəhbəri G.Baxşəliyeva Müsəlman Qadın Parlamentarlarının Konfransında iştirak edəcək. Toplantıda müsəlman qadınların ictimai-siyasi həyatda iştirakı, müsəlman ailələrdə məişət problemlərinin həlli, münaqişələrin aradan qaldırılmasında qadınların rolu və digər məsələlər barədə fikir mübadiləsi aparılacaq.
|
|
25.01.12 Məqaləni oxumaq
|
| |
|
|
|
Ramil Həsənov İƏT Pİ-nin tədbirlərinə qatılacaq
|
|
TÜRKPA baş katibi Ramil Həsənovun rəhbərliyi etdiyi nümayəndə heyəti 25 yanvar-2 fevral tarixlərində İndoneziyanın Palembanq şəhərində keçiriləcək İslam Əməkdaşlıq Təşkilatı Parlamentlər İttifaqı Şurasının 7-ci toplantısının işində və komitə iclasında iştirak edəcək. Bu barədə məlumatı “KƏLAMİNFO”ya TÜRKPA-dan veriblər.
Səfər çərçivəsində TÜRKPA baş katibinin bir çox ölkənin və beynəlxalq təşkilatın rəhbərləri ilə ikitərəfli görüşü nəzərdə tutulub. Həmçinin İƏT Parlamentlər İttifaqı Şurasının 7-ci iclasında TÜRKPA baş katibinin çıxışı da planlaşdırılır.
|
|
25.01.12 Məqaləni oxumaq
|
| |
|
|
|
Eldar Qasımov: “Biz bu qələbə üçün ürəyimizi qoymuşduq”
|
|
“Hər bir xalqın, hər bir millətin özünəməxsus mədəniyyəti var. Ona görə də biz ətrafımızda olan və bütün dünya ölkələrindən seçilirik. Çünki bizim özümüzə məxsus mədəniyyətimiz var və biz bununla fəxr etməliyik”. “KƏLAMİNFO” xəbər verir ki, bu fikirləri jurnalistlərə açıqlamasında “Eurovision–2011”-in qalibi Eldar Qasımov bildirib. Onun sözlərinə görə, “Eurovision–2012”-də Bakıya xaricdən qonaqlar gələndə bizdən nəsə götürəcəklər, burda da onlardan nəsə qalacaq. E.Qasımov bu ərəfədə insanların dünya sivil qaydalarına son dərəcə həssas yanaşmasının vacibliyini bildirdi: “Mədəniyyət elə bir şeydir ki, əgər öz mədəniyyətini itirmədən başqa xalqların mədəniyyəti ilə qarışdıra bilsən, çox gözəl nəticə verər”.
Builki “Eurovision” müsabiqəsinə gəlincə isə qaliblərimiz Eldar Qasımov və Nigar Camal bu il də birincilik arzuladıqlarını bildirdilər: “Əlbəttə ki, birinci yeri biz çox istərdik.
|
|
24.01.12 Məqaləni oxumaq
|
| |
|
|
|
Müəmmar Qəddafinin tərəfdarları Bəni-Valid şəhərini ələ keçiriblər
|
|
Liviyanın mərhum lideri Müammər Qəddafinin tərəfdarları ölkənin paytaxtı Tripolinin yaxınlığındakı Bəni-Valid şəhərini ələ keçiriblər. “KƏLAMİNFO” “Lenta.ru”ya istinadən xəbər verir ki, məlumatı “Əl Ərəbiyyə” telekanalı yayıb. Məlumata görə, qiyamçılar yaxşı silahlanmış olublar. Onlar Milli Keçid Şurası döyüşçülərini şəhərdən çıxarıblar və Qəddafi rejiminin yaşıl bayrağını qaldırıblar. İlkin məlumatlara görə, toqquşma zamanı yeni hakimiyyətin döyüşçülərindən 5-i xəsarət alıb, təxminən 30 adam yaralanıb. Qiyamçılar tərəfdəki itkilərlə bağlı məlumat yoxdur.
|
|
24.01.12 Məqaləni oxumaq
|
| |
|
|
|
Səhifələr : # 1 2 3 4 5 6 7 # |
|
Torpaqlarımızı qaytaraq..
|
| |
|
|
|
Açılış Səhifəsi et 
