|
|
Səhifələr : # 1 2 3 4 5 6 7 8 9 #
|
|
Azərbaycanlı deputatlar Avronest PA-nın iclaslarına qatılıblar
|
|
Bu gündən Belçikanın Brüssel şəhərində Avronest Parlament Assambleyasının iclasları başlayır. Tədbirlərdə ölkəmizi Avronest PA-da Azərbaycan milli nümayəndə heyətinin başçısı Elxan Süleymanovun rəhbərlik etdiyi deputat qrupu təmsil edəcək. Bu barədə məlumatı “KƏLAMİNFO”ya parlamentdən veriblər.
Nümayəndə heyətinin tərkibinə Milli Məclisin komitə sədri Əli Hüseynli, deputatlar Rövşən Rzayev, Asim Mollazadə, Fuad Muradov, Rasim Musabəyov, Sevinc Hüseynova və Azər Kərimli daxildirlər. Öncə qurumun İqtisadi inteqrasiya, hüquqi yaxınlaşma və Avropa İttifaqı siyasətləri ilə uyğunluq komitəsinin iclası olacaq. İclasda “Avropa İttifaqı və Şərq Tərəfdaşlığı ölkələri arasında ticarət razılaşması, azad ticarət zonaları və bu sahədə Aİ-nin yardımı” mövzusunda hesabat dinləniləcək.
Aİ ilə tərəfdaş dövlətlərin iqtisadiyyat sahəsindəki qanunvericiliyinin uyğunlaşdırılması məsələsinə baxılacaq. Nəqliyyat və mülki aviasiya sahələrində əməkdaşlıq barədə fikir mübadiləsi aparılacaq.
|
24.01.12 Məqaləni oxumaq
|
| |
|
|
|
Azərbaycan əhalisinin 95%- i Olimpiya Oyunlarının Bakıda keçirilməsini dəstəkləyir
|
|
Dünyanın aparıcı araşdırma şirkətlərindən olan TNS Globalın apardığı rəy sorğusu Azərbaycan əhalisinin 95%-nin Bakı şəhərinin 2020 Olimpiya və Paralimpiya Oyunlarına ev sahibliyi üçün namizədliyini dəstəklədiyini aşkar edib. Bu barədə məlumatı “KƏLAMİNFO”ya Gənclər və İdman Nazirliyinin mətbuat xidmətindən veriblər.
2011-ci ilin dekabrında keçirilən rəy sorğusunun nəticələrinə əsasən, ölkə əhalisinin 93%- i Olimpiya Oyunlarının Bakıda keçirilməsinin Azərbaycanda idmanın inkişafına güclü təkan verəcəyinə inanır. Sorğuda iştirak edən Bakı, Gəncə və Sumqayıt şəhər sakinlərinin 50%- i Olimpiya Oyunları Bakıda keçiriləcəyi təqdirdə oyunları seyr etmək üçün bilet alacağını, həmçinin 30% iştirakçı isə Olimpiya Oyunlarının paytaxtımızda uğurlu təşkili üçün könüllü olaraq müxtəlif işlərə dəstək olmağa hazır olduğunu bildirib. Bununla bağlı daha ətraflı məlumatı www.baku2020.com saytından almaq olar. Sorğu 26-30 dekabr 2011-ci il tarixlərində 1000 nəfər respondent arasında Bakı (50%), Gəncə (25.7%) və Sumqayıt (24.3%) şəhərlərində keçirilib.
|
|
24.01.12 Məqaləni oxumaq
|
| |
|
|
|
Prezident Soçiyə işgüzar səfərə yola düşüb
|
|
Bu gün prezident İlham Əliyev Rusiya Federasiyasının Soçi şəhərinə işgüzar səfərə yola düşüb. “KƏLAMİNFO” xəbər verir ki, dövlət başçısını Heydər Əliyev Beynəlxalq Aeroportunda baş nazir Artur Rasizadə, Prezident Administrasiyasının rəhbəri Ramiz Mehdiyev və Bakı Şəhəri İcra Hakimiyyətinin başçısı Hacıbala Abutalıbov yola salıblar.
|
|
24.01.12 Məqaləni oxumaq
|
| |
|
|
|
“Eurovision–2012”nin Milli Seçim turunun sonuncu həftəsi start götürür
|
|
Bir həftəlik fasilədən sonra bu gün “Eurovision–2012”nin Milli seçim turunun 8-ci, sonuncu həftəsi start götürür. İctimai Televiziyadan “KƏLAMİNFO”ya verilən məlumata görə, Azərbaycanı 2012-ci ildə “Evrovision” Mahnı Müsabiqəsində təmsil etmək istəyən növbəti “9-luq” – Tofiq Hacıyev, Rinat Allimov, Arzu İsmayılova, Əli Məmmədli, Ülkər Quliyeva, Abbas Kərimli, Zaur Əmiraslanov, Ülvi Rəşidov və Caspian Dreamers 5 gün müddətində İctimai Televiziyanın canlı efirində yarışacaq. “Eurovizion–2012” Mahnı Müsabiqəsində ölkə təmsilçiliyinə iddialı olan namizədlər həftənin 5 günü İctimai Televiziya ilə birbaşa yayımlanan Milli seçim turunda xüsusi proqramını yerinə yetirəcəklər. Həftənin 5-ci günü isə tamaşaçı SMS-i və münsiflərin qərarı ilə Milli seçim turlarının 8-ci, sonuncu qalibi müəyyənləşəcək.
|
|
23.01.12 Məqaləni oxumaq
|
| |
|
|
|
Dünyanın ən bahalı kitabı
|
|
Dünyanın ən bahalı kitabı satılıb. “KƏLAMİNFO” Türkiyənin “Sabah” qəzetinə istinadən xəbər verir ki, Londonda təşkil olunan sərgidə John James Audubonun 4 cilddən ibarət olan “The Birds of America” (“Amerikanın quşları”) adlı kitabının bir nüsxəsi açıq satış nəticəsində rekord qiymətə - 6.5 milyon pounda satılaraq dünyanın ən bahalı kitabı adını qazanıb. Kitabı satın alan Michael Tollemache hətta bu kitabın qiymətsiz olduğunu ifadə edib.
Qeyd edək ki, kitabda təxminən 500 quş növünün minə qədər rəsmi orijinal rəng çalarları ilə yer alıb.
Xatırladaq ki, eyni kitabın başqa bir nüsxəsi 2000-ci ildə ABŞ-da təxminən 8.8 milyon dolara alıcı tapmışdı.
|
|
23.01.12 Məqaləni oxumaq
|
| |
|
|
|
Liviyadakı hakim şuranın sədr müavini də istefa verdi
|
|
Liviyadakı milli keçid şurasının sədr müavini Abdel Hafiz Ghoga istefa verib. “KƏLAMİNFO” “Lenta.ru”ya istinadən xəbər verir ki, o, “Əl-Cəzirə” televiziyasına müsahibəsində xalqın rifahı naminə istefa verdiyini deyib.
Bazar günü şəhərdə nümayişə çıxmış minlərlə tələbə onun istefasını tələb edirdi. Bundan az əvvəl isə şəhər meri istefa verib. Şənbə günü Benqazidə yüzlərlə nümayişçi milli keçid şurasının binasına hücum edərək keçmiş rejimin dövründə xidmət etmiş məmurların işdən kənarlaşdırılmasını və indiki hakimiyyətin daha açıq olmasını tələb ediblər. Milli keçid şurasının sədri Mustafa Abdel Jalil Benqazidə keçirdiyi mətbuat konfransında bildirib ki, gərginliyin artması ölkəni uçuruma apara bilər.
|
|
23.01.12 Məqaləni oxumaq
|
| |
|
|
|
Səddam Hüseynin mavzoleyi bağlanıb
|
|
İraq hakimiyyət orqanları Səddam Hüseynin Tikritdə onun doğma kəndi Odcadakı qəbri üzərində qoyulan mavzoleyi bağlayıblar. «KƏLAMİNFO» «Lenta.ru»ya istinadən xəbər verir ki, kənd sakinləri bildiriblər ki, kəndə Bağdaddan xüsusi briqadanın əsgərləri gəlib. Onlar şəxsən baş nazir Nuri əl-Malikiyə tabedirlər.
Qeyd edilir ki, Hüseynin qəbri üzərində qurulan mavzoley diktatorun qohumlarının vəsaiti hesabına qoyulub. Ondan sonra həmin yer populyar yerə çevrilib. Hər il Səddamın edam olunduğu gün tərəfdarları oranı ziyarət edirlər.
|
|
23.01.12 Məqaləni oxumaq
|
| |
|
|
|
RİTN builki fəaliyyət planını açıqlayıb
|
|
Rabitə və İnformasiya Texnologiyaları Nazirliyi (RİTN) 2012-ci ildə həlli vacib məsələlərin siyahısını açıqlayıb. “KƏLAMİNFO” nazirliyin mətbuat xidmətinə istinadən xəbər verir ki, bu il ölkənin ilk telekommunikasiya peykinin orbitə çıxarılması, ölkə ərazisində rəqəmsal yayımın ölkənin bütün ərazisində təşkilinə nail olmaq, mərkəzləşdirilmiş avtomatik radiomonitorinq şəbəkəsinin qurulmasına başlanılması, e-imzanın tətbiqinin genişləndirilməsi, elektron hökumət infrastrukturunun qurulması və istismarı, elektron xidmətlərin tətbiqinin genişləndirilməsi, yüksək texnoloji və elmtutumlu nanomaterialların, energetik texnologiyaların, nanorobotlar və bionanorobotların alınması və praktikada bilavasitə tətbiq olunması, telekommunikasiya və poçt infrastrukturunun modernləşdirilməsi kimi məsələlərin icrası nəzərdə tutulub. Eyni zamanda, ölkəmizdə keçiriləcək “Eurovision-2012” beynəlxalq əhəmiyyətli mahnı müsabiqəsinin yüksək səviyyədə keçirilməsi üzrə zəruri tədbirlərin görülməsi cari il ərzində icrası mühüm olan tədbirlərdir.
|
|
23.01.12 Məqaləni oxumaq
|
| |
|
|
|
Azərbaycanda nanotexnologiyaların inkişafı sürətləndirilib
|
|
Ölkədə nanotexnoloji məhsulların alınması və praktikada bilavasitə tətbiq olunması istiqamətində ardıcıl işlər aparılır. Ötən müddət ərzində Rabitə və İnformasiya Texnologiyaları Nazirliyi Yüksək Texnologiyalar üzrə Tədqiqat Mərkəzi tərəfindən nanomateriallar, energetik texnologiyalar, nanorobotlar və bionanorobotlar alınıb. Nazirlikdən “KƏLAMİNFO”ya verilən məlumata görə, bunun sayəsində Mərkəz tərəfindən rəngli və ağ işıq mənbələrinin (işıq diodları) prototipləri hazırlanıb. Eyni zamanda, özünüquraşdırma üsulu ilə profirin nanoboruları alınmış yüksək təmizliyə malik karbon nanostrukturları sintez olunub.
|
|
23.01.12 Məqaləni oxumaq
|
| |
|
|
|
Ermənistan və Rusiya prezidentlərinin görüşü başlayıb
|
|
Soçidə Ermənistan və Rusiya prezidentləri Serj Sarkisyn və Dmitri Medvedyevin görüşü başlayıb. “KƏLAMİNFO” Ermənistan mətbuatına istinadən xəbər verir ki, görüşdən qabaq Rusiya dövlət başçısı bildirib ki, bu cür görüşlərin ilin əvvəlindən keçirilməsi artıq xoş ənənə şəklini alıb. İndiki görüş çərçivəsində tərəflər ötən ilin yekunlarını müzakirə etmək və cari ildəki planları müzakirə etməyi planlaşdırırlar. Prezidentlərin qiymətləndirməsinə görə, ötən il iki ölkə arasında ticarət dövriyyəsi nöqteyi-nəzərindən pis olmayıb.
Görüş zamanı tərəflər ikitərəfli münasibətlər, regional problemləri də müzakirə edəcəklər. Ermənistan prezidenti öz növbəsində ikitərəfli əlaqələri müsbət qiymətləndirərək, Medvedyevə Dağlıq Qarabağ münaqişəsinin nizamlanmasındakı səylərinə görə təşəkkür edib: «Bu görüş də, sizin səyləriniz, ayırdığınız vaxt da - Qafqazda vəziyyətə daha nəzarətedici şərait yaratmağa imkan verir».
Qeyd edək ki, bu gün ikitərəfli formatda keçirilən görüşdən sonra Qarabağ münaqişəsi üzrə Sarkisyan-Əliyev-Medvedyev görüşü keçiriləcək.
|
|
23.01.12 Məqaləni oxumaq
|
| |
|
|
|
Səhifələr : # 1 2 3 4 5 6 7 8 9 # |
|
Torpaqlarımızı qaytaraq..
|
| |
|
|
|
Açılış Səhifəsi et 
