|
|
Səhifələr : # 1 2 3 4 5 6 7 8 #
|
|
Türkiyə XİN Fransanın “soyqırımı” qərarına etiraz etdi
|
|
Türkiyə Xarici İşlər Nazirliyi Fransa senatında qəbul edilən, qondarma erməni soyqırımını inkar edənlərə cəza verilməsini nəzərdə tutan qanun layihəsinə kəskin reaksiya bildirib. “KƏLAMİNFO” xəbər verir ki, Türkiyə mətbuatının yaydığı məlumata görə, nazirlik bütün platformlarda bu qərara etiraz edəcəklərini açıqlayıb. “Hərtərəfli problemli olan və məsuliyyətsizlik nümayiş etdirən bu qərarı kəskin şəkildə pisləyir və bu qərara reaksiyamızı bütün platformlarda bildirəcəyimizi elan edirik. Qanunun qəbul olunması prosesi başa çatdıqdan sonra daha əvvəl nəzərdə tutduğumuz tədbirləri müvafiq şəkildə sürətlə həyata keçirəcəyimizi də xatırlatmaqda fayda görürük”.
|
24.01.12 Məqaləni oxumaq
|
| |
|
|
|
Fransa Senatı “erməni soyqırımı” ilə bağlı qanunu qəbul etdi
|
|
Fransa Senatı qondarma erməni soyqırımını inkara görə məsuliyyət nəzərdə tutan qanun layihəsini qəbul edib. “KƏLAMİNFO” xəbər verir ki, Fransanın Türkiyə ilə münasibətlərinə ciddi zərbə vuracaq qanunun lehinə 127, əleyhinə 86 senator səs verib. Fransa qanunvericiliyinə görə, qəbul edilmiş sənəd hökumətə təqdim olunduqdan sonra 15 gün ərzində prezident onu təsdiqləməlidir. O, müddət bitdiyində parlamentdən qanuna və ya onun ayrı-ayrı maddələrinə yenidən baxılmasını xahiş edə bilər. Bu xahiş rədd edilə bilməz.
|
|
24.01.12 Məqaləni oxumaq
|
| |
|
|
|
“YouTube”da hər gün 4 milyard videoya baxılır
|
|
Son 8 ay ərzində “YouTube” servisində videoçarxlara baxış sayı 25 faiz artaraq 4 milyard təşkil edib. “KƏLAMİNFO” xəbər verir ki, servisin populyarlığının sürətli artımı “YouTube” əlavəli smartfonların geniş yayılması ilə əlaqədardır. Hər dəqiqədə videoservisə 60 saat video yüklənir. Müqayisə üçün qeyd edək ki, bu göstərici 2011-ci ilin mayında 48 saat olub.
Ötən ilin sonunda “YouTube”un sahibi olduğu “Google” şirkəti videoservisin interfeysinin dizaynını dəyişib.
|
|
24.01.12 Məqaləni oxumaq
|
| |
|
|
|
Ötən il telekommunikasiya xidməti üzrə 3 ədəd lisenziya verilib
|
|
Ötən il Rabitə və İnformasiya Texnologiyaları Nazirliyi tərəfindən tənzimləmə fəaliyyəti sahəsində də tədbirlərin görülməsi davam etdirilib. “KƏLAMİNFO” nazirliyin mətbuat xidmətinə istinadən xəbər verir ki, hesabat dövründə sürətli poçt xidmətləri üzrə 4 ədəd, telekommunikasiya xidməti üzrə 3 ədəd və fərdi məlumatlar üzrə xidmətlərin göstərilməsinə 4 ədəd yeni lisenziya verilib.
Eyni zamanda, telekommunikasiya xidmətləri üzrə 2 ədəd və sürətli poçt xidmətləri üzrə 4 ədəd lisenziyaların qüvvədə olma müddətləri uzadılıb.
|
|
24.01.12 Məqaləni oxumaq
|
| |
|
|
|
Xaricdə təhsil alanlardan 7-nin dövlət qulluğuna təyinatı olub
|
|
Bu vaxta qədər “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində təhsil alan və Azərbaycan Prezidenti yanında Dövlət Qulluğu Məsələləri üzrə Komissiyanın ehtiyat kadr siyahısına daxil olanlardan 7 nəfərin təyinatı olub. Bu barədə açıqlamanı “KƏLAMİNFO”ya müsahibəsində DQMK-nin Dövlət qulluğuna kadrların seçilməsi şöbəsinin müdir müavini Rauf Məcidbəyli deyib.
Hazırda DQMK-nin ehtiyat kadr siyahısında 335 nəfərin mövcud olduğunu xatırladan R.Məcidbəyli bildirib ki, bunlardan 312 nəfəri dövlət qulluğuna qəbulla bağlı müsabiqədə iştirak edib ehtiyat kadr siyahısına daxil olanlardır. Onun sözlərinə görə, namizədlərin 23-ü isə xaricdə təhsil alıb sonradan Komissiyanın ehtiyat kadr siyahısına daxil olanlardır.
|
|
24.01.12 Məqaləni oxumaq
|
| |
|
|
|
Zahid Oruc: “Dərhal Azərbaycan və Türkiyə birgə komitə yaratmalıdır”
|
|
“Dərhal Azərbaycan və Türkiyə Ermənistan və Fransanın bu biabırçılığına, vandal siyasətinə qarşı birgə komitə yaratmaldıır”. Bunları “KƏLAMİNFO”ya müsahibəsində Milli Məclisin Təhlükəsizlik və müdafiə komitəsinin üzvü Zahid Oruc bildirib. O qeyd edib ki, ilk növbədə Türkiyə öz daxilində qondarma erməni soyqırımını tanıyanlara qarşı cəzanı tətbiq etməlidir. “Bundan başqa, bu məsələ ətrafında Azərbaycan və Türkiyə arasında yaradılacaq komitədə ermənilərin müəllifi olduğu Xocalı soyqırımına dünya miqyasında hüquq tanıdılmalıdır” - deyə Z.Oruc vurğulayıb.
|
|
24.01.12 Məqaləni oxumaq
|
| |
|
|
|
Parlamentin Regional məsələlər komitəsi yaz sessiyası üçün iş planını təsdiq edib
|
|
Bu gün Milli Məclisin Regional məsələlər komitəsinin iclasında komitənin 2012-ci il yaz sessiyası üçün qanunvericilik iş planı təsdiq edilib. “KƏLAMİNFO” xəbər verir ki, iclasda komitə sədri Arif Rəhimzadə bildirib ki, parlamentin yaz sessiyasında komitə “Bələdiyyələrin hesabatları haqqında” qanun layihəsi, həmçinin Azərbaycanın inzibati ərazi bölgüsündə qismən dəyişiklik edilməsini müzakirəyə çıxaracaq.
O qeyd edib ki, “Bələdiyyələrin hesabatları haqqında” qanun layihəsi Venesiya Komissiyası ilə birgə hazırlanır və layihədə əks olunan bir sıra məsələlərə aydınlıq gətirildikdən sonra plenar iclasa tövsiyə olunacaq. Komitə sədri, həmçinin qeyd edib ki, 2011-ci il payız sessiyası ərzində bələdiyyələrin fəaliyyətinin təkmilləşdirilməsi ilə bağlı bir sıra qanunlar qəbul olunub.
Komitənin iclasında millət vəkili Fəzail İbrahimli bildirib ki, Azərbaycanda bələdiyyələrin müstəqilliyinin təmin olunması üçün qanunvericilik bazası təkmilləşdirilməlidir. O qeyd edib ki, bələdiyyələrin maliyyələşdirilməsinə dövlətin diqqətinin artırılmasına ehtiyac var.
|
|
24.01.12 Məqaləni oxumaq
|
| |
|
|
|
“Rusiya cənub sərhədlərində stabilliyin təmin olunması marağındadır”
|
Aydın Mirzəzadə: “Ermənistanın inkişafında ciddi problemlərin yaşanması Moskvanı ciddi addımlar atmağa vadar edir”
Milli Məclisin Təhlükəsizlik və müdafiə komitəsinin sədr müavini, hakim Yeni Azərbaycan Partiyasının Siyasi Şurasının üzvü Aydın Mirzəzadə “KƏLAMİNFO”nun suallarını cavablandırıb.
- Aydın müəllim, ötən gün Azərbaycan, Ermənistan və Rusiya prezidentləri arasında növbəti Soçi görüşü keçirildi. Bu görüşün əvvəlki görüşlərdən hansısa fərqi varmı?
- Fərq var və özü də bir neçə vəziyyətdə fərq var. İlk fərq odur ki, əvvəlki görüşlər arasında zaman kəsiyi qısa olsa da, son görüşün baş tutması xeyli zaman çəkdi. Bura onu da daxil eləmək olar ki, əvvəlki görüşlər zamanı ABŞ-dan və Fransadan olan həmsədrlərin görüş üçün müraciətləri də əsas rol oynayırdı. Amma bu dəfə Moskva digər həmsədrlərin iştirakı olmadan bu görüşün təşkilatçısı oldu. İkinci önəmli fərq odur ki, Rusiya prezidentinin səlahiyyət müddətinin bitməsinə cəmi ay yarım qalıb, Rusiyanın kifayət qədər görəcək işi var. Bununla belə, bu cür məqamda Azərbaycan və Rusiya prezidentlərinin görüşünü də vacib saydı. Bu da onu göstərir ki, bütövlükdə görüş Rusiya dövlətinin birbaşa marağındadır. Artıq Moskvanın marağı ortaya çıxır. Yəni Rusiya indiki vəziyyətində yaxın sərhədlərində olan iki ölkə arasında istənilən vəchlə münasibətlərin normallaşmasına çalışır.
|
|
24.01.12 Məqaləni oxumaq
|
| |
|
|
|
Dövlət Gənc Tamaşaçılar Teatrı Beynəlxalq “Fəcr” Festivalına hazırlaşır
|
|
Dövlət Gənc Tamaşaçılar Teatrı 2012-ci ildə ikinci beynəlxalq teatr festivalında iştirak etməyə hazırlaşır. Teatrın mətbuat xidmətinin katibi Hüsniyyə Mursaquliyevanın “KƏLAMİNFO”ya verdiyi xəbərə görə, teatrın bir qrup üzvü Birləşmiş Ərəb Əmirliklərində (BƏƏ) keçirilən V Beynəlxalq Monodram Festivalında iştirak etmək üçün BƏƏ-də səfərdədir.
Teatrın başqa bir heyəti isə İranda ənənəvi olaraq keçirilən 33-cü “Fəcr” Beynəlxalq Teatr Festivalında çıxış etmək üçün İrana səfər edəcək. Yanvar ayının 28-dən fevral ayının 2-dək kollektivin iştirak edəcəyi festivalda yaradıcı heyət görkəmli italyan aktyoru və dramaturqu Peppino De Filipponun “Don Rafael trombonçu” tamaşası ilə çıxış edəcək.
Quruluşçu rejissoru Xalq artisti Cənnət Səlimova olan tamaşada rolları Əməkdar artistlər Gülər Nəbiyeva, Şövqi Hüseynov, Seyidşah Məmmədov, aktyorlar İradə Rəşidova, Aydın Dəmirov, Vüsal Mehrəliyev, Eşqin Quliyev ifa edəcəklər.
Qeyd edək ki, kollektiv festivalda İranın “Dramatik İncəsənət Mərkəzi”nin seçimi ilə iştirak edəcək.
|
|
24.01.12 Məqaləni oxumaq
|
| |
|
|
|
Əhməd Davudoğlu Fransanı hədələdi
|
|
Türkiyənin xarici işlər naziri Əhməd Davudoğlu qondarma soyqırımını inkar edənlərin cəzalandırılmasını nəzərdə tutan qanun layihəsi səbəbi ilə Fransaya xəbərdarlıq edib. “KƏLAMİNFO”nun məlumatına görə, “France 24” kanalına müsahibə verən Davudoğlu rəftarında bir dəyişiklik olmasa Fransaya qarşı Türkiyə tərəfindən mütəmadi sanksiyaların başlayacağını deyib. “Ümidvar olmaq istəyirəm ki, biz bu sanksiyaları açıqlamağa məcbur olmarıq. Amma Türkiyənin səssiz qalacağını da fikirləşməyin. Yeni sanksiyalar olacaq və bu addımlarımız Fransa öz fikrini dəyişdirənə qədər davam edəcək”.
Senatda səsverməyə çıxarılacaq qanun layihəsinin insan hüquqlarına zidd olduğunu deyən Türkiyə XİN rəhbəri fransalı senatorlara və ziyalılara səslənib: “Ortaq dəyərlərimizdən biri olan fikir azadlığını müdafiə etmək vaxtıdır!”
|
|
24.01.12 Məqaləni oxumaq
|
| |
|
|
|
Səhifələr : # 1 2 3 4 5 6 7 8 # |
|
Torpaqlarımızı qaytaraq..
|
| |
|
|
|
Açılış Səhifəsi et 
