|
|
Səhifələr : # 1 2 3 4 5 6 #
|
|
Əhməd Davudoğlu: “Türkiyə öz ərazisini İrana qarşı hərbi əməliyyatlar aparmaq üçün istifadə etməyə imkan verməyəcək”
|
|
Rusiyada səfərdə olan Türkiyə xarici işlər naziri Əhməd Davudoğlu rusiyalı həmkarı Sergey Lavrovla görüşüb. Danışıqlarda İranla bağlı yaranmış vəziyyət müzakirə edilib. «KƏLAMİNFO» RİA «Novosti»yə istinadən xəbər verir ki, Ə.Davudoğlu «Türkiyə öz ərazisini İrana qarşı hərbi əməliyyatlar aparmaq üçün istifadə etməyə imkan verməyəcək» deyib.
Görüşdə, həmçinin ikitərəfli münasibətlər, Dağlıq Qarabağ münaqişəsi, Yaxın Şərq, İran və Suriya problemləri, QİƏT çərçivəsində əməkdaşlıq, terrorizmlə birgə mübarizə və digər məsələlər müzakirə olunub. Hər iki ölkə bu problemlərin həlli istiqamətlərində səylərini gücləndirmək qərarına gəliblər. Görüşün sonunda yekun Bəyannamə imzalanıb.
|
27.01.12 Məqaləni oxumaq
|
| |
|
|
|
Bakı Dövlət Universitetində professor Cahangir Məmmədlinin yubileyi keçirilib
|
|
Bakı Dövlət Universitetində kafedra müdiri, İctimai Televiziya və Radio Yayım Şurasının sədri, professor Cahangir Məmmədlinin anadan olmasının 70, elmi-pedaqoji fəaliyyətinin 45 illiyi münasibətilə tədbir keçirilib. Məlumatı “KƏLAMİNFO”ya BDU-dan veriblər.
C.Məmmədlini Azərbaycan milli jurnalistika elmi məktəbinin görkəmli nümayəndəsi, ali jurnalistika təhsilinin təşkilatçısı, görkəmli elm, təhsil və mədəniyyət xadimi kimi xarakterizə edən rektor Abel Məhərrəmov deyib ki, Cahangir müəllim uzun illər boyu elmin və təhsilin tərəqqisinə çalışıb, onun milli koloritlərini zənginləşdirərək beynəlxalq nüfuzunu yüksəldib, xalqımızın adını daim uca tutub. Onun sözlərinə görə, professorun səmərəli elmi-pedaqoji və ictimai-mədəni fəaliyyəti həm Azərbaycanda, həm də xarici ölkələrdə geniş şöhrət qazanıb.
|
|
27.01.12 Məqaləni oxumaq
|
| |
|
|
|
Milli Atlas gələn ilin əvvəllərində hazır olacaq
|
|
“Azərbaycanın Milli Atlasının hazırlanması üzərində işlər gələn ilin əvvəllərində başa çatacaq. Planlaşdırırıq ki, 2013-cü ilin əvvəllərində Azərbaycanın Milli Atlasını təqdim edək”. “KƏLAMİNFO” xəbər verir ki, bu barədə açıqlamanı Dövlət Torpaq və Xəritəçəkmə Komitəsinin sədri Qərib Məmmədov deyib.
Komitə sədri bildirib ki, hazırda Atlas üzərində lazımi işlər davam etdirilir.
Qeyd edək ki, Milli Atlas Azərbaycan, ingilis və rus dillərində hazırlanacaq. Azərbaycanın Milli Atlası 1500 xəritə və 450 səhifədən ibarət olacaq, ölkənin sosial-iqtisadi, tarixi-mədəni həyatının bütün sahələrini əhatə edəcək.
|
|
27.01.12 Məqaləni oxumaq
|
| |
|
|
|
Fransada etirazçı deputatların sayı artır
|
|
Fransa parlamentində qəbul edilən qanun layihəsi ilə bağlı Konstitusiya Məhkəməsinə müraciət etmək qərarına gələn senatorların sayı 35-ə çatıb. “KƏLAMİNFO” “CNN Turk”ə istinadən xəbər verir ki, hakim Xalq Hərəkatı Birliyinin üzvü və Türkiyə-Fransa parlamentlərarası dostluq qrupunun rəhbəri Mişel Difenbeycer Milli Assambleyada sosialistlər və iqtidar partiyası millət vəkilləri də daxil olmaqla, Konstitusiya Məhkəməsinə ediləcək müraciəti imzalamağa hazır olan deputatların sayının 35-ə çatdığını bildirib. Senatda da təxminən bu sayda senator Konstitusiya Məhkəməsinə müraciət etməyə hazırdır.
Qanunla bağlı Konstitusiya Məhkəməsinə müraciət edə bilmək üçün Milli Assambleyanın və ya Senatın 60 üzvünün imzası və ya prezidentin şəxsi etirazı kifayət edir.
|
|
26.01.12 Məqaləni oxumaq
|
| |
|
|
|
İraqda polis əməkdaşlarının evinə bomba atılıb
|
|
İraqda polis əməkdaşı olan iki qardaşın evinə bomba atılıb. Hadisə bu gün səhər onlar yatanda baş verib. 10 nəfər ölüb. Onların arasında qadınlar və uşaqlar da olub. “KƏLAMİNFO” “Lenta.ru”ya istinadən xəbər verir ki, bu haqda Babil əyalətinin polis nümayəndəsi və yerli həkimlər məlumat verib.
|
|
26.01.12 Məqaləni oxumaq
|
| |
|
|
|
Pakistanın baş naziri hərbçilərlə barışıb
|
|
Ordu rəhbərliyini hərbi çevrilişə hazırlaşmaqda ittiham edən baş nazir dediklərini geri götürüb. “KƏLAMİNFO” “İTAR TASS”-a istinadən xəbər verir ki, bu barədə hökumətin yaydığı rəsmi məlumatda bildirilir. Məlumat baş nazirin Quru qoşunlarının baş qərargah rəisi general Asfak Kayani və Kəşfiyyat idarəsinin rəisi general-leytenant Ahmed Suya Pasa ilə görüşündən sonra açıqlanıb.
Bir neçə ay idi ki, Pakistanda mülki hökumətlə ordu rəhbərliyi arasında münasibətlər gərgin idi.
|
|
26.01.12 Məqaləni oxumaq
|
| |
|
|
|
Azərbaycanda “Əlillərin sosial müdafiəsi haqqında” qanunun monitorinqi aparılır
|
|
Hazırda Azərbaycanda “Əlillərin sosial müdafiəsi haqqında” qanun layihəsinin monitorinqi aparılır və yaxın zamanlarda monitorinqin nəticələri açıqlanacaq. Bunları “KƏLAMİNFO”ya açıqlamasında Milli Məclisin Sosial siyasət komitəsinin sədr müavini Musa Quliyev bildirib. O qeyd edib ki, monitorinq bu qanunun hansı müddəalarının işlədiyini, əlillərlə bağlı Konvensiyaya uyğunluğunu öyrənmək məqsədilə aparılır. “Monitorinqin yekununda bu sahədə qanunvericiliyin təkmilləşdirilməsi, müvafiq qanuna bəzi müddəaların əlavə edilməsi, bəzi müddəaların işlək mexanizminin yaradılması üçün təkliflər hazırlanacaq” - deyə M.Quliyev vurğulayıb. Onun sözlərinə görə, Azərbaycanda əlillər, onların sosial müdafiəsi ilə bağlı qanunvericilik kifayət qədər dolğundur və bu sahədə yeni bir qanunun qəbuluna ehtiyac yoxdur.
|
|
26.01.12 Məqaləni oxumaq
|
| |
|
|
|
Milli Məclisin ilk iclasında Fransa Senatının qəbul etdiyi sənədlə bağlı məsələ qaldırılacaq
|
|
Milli Məclisin növbəti plenar iclasında Fransa Senatında qəbul olunan qondarma erməni soyqırımını inkar edənlərə qarşı cəza tətbiqi ilə bağlı deputatlar ciddi məsələ qaldırmaq fikrindədirlər. Bunları “KƏLAMİNFO”ya müsahibəsində Milli Məclisin Təhlükəsizlik və müdafiə komitəsinin sədr müavini, hakim yeni Azərbaycan Partiyasının Siyasi Şurasının üzvü Aydın Mirzəzadə bildirib.
O qeyd edib ki, bu məsələ ilə bağlı əksər millət vəkilləri birgə mövqe ortaya qoymaq niyyətindədirlər. “Çünki bu sənəd tək Fransa və Türkiyə arasında deyil, bütün dünyada gərginliyin artmasında çox pis bir rol oynaya bilər. Fransa siyasətçiləri tarixi saxtalaşdıranların, dünyada gərginliyi artırmağın müxtəlif yollarını fikirləşən erməni millətçilərinin güdazına getdilər, təəssüf ki, bu, çox şeyi dəyişəcək”-deyə A.Mirzəzadə vurğulayıb.
|
|
26.01.12 Məqaləni oxumaq
|
| |
|
|
|
Azərbaycanlı deputat: “İranın molla rejimi bu gün hər bir dövlətdə özünə düşmən axtarır”
|
|
“Təəssüf ki, İranın molla rejimi bu gün hər bir dövlətdə özünə düşmən axtarır. Hətta daim ona dost olmaq istəyən Azərbaycanla belə Tehran bu niyyətindədir”. Bunları “KƏLAMİNFO”ya açıqlamasında Azərbaycan Milli Məclisinin Təhlükəsizlik və müdafiə komitəsinin üzvü Zahid Oruc bildirib.
O, qeyd edib ki, İrandakı rejim bu gün az qala bütün dünyaya qarşı müharibə elan etmək vəziyyətindədir, hansı ki başlıca olaraq bu, İran xalqının mənafeyinə ziddir. “Yaxın qonşu, müsəlman qardaşları olmamıza baxmayaraq, İranın molla rejimi öz ölkəsinin müxtəlif şəxsləri və qurumları vasitəsilə Azərbaycana qarşı iftiralar yağdırır, böhtanlar söyləyir, etik normalara sığmayan fikirlərə cəsarət edir. Buna görə də həmin ölkənin bu gün ağır vəziyyətə düşməsinin başlıca səbəbi molla rejiminin mahiyyətində axtarılmalıdır. Bütün dünya birmənalı olaraq İranın nüvə silahının istehsalını dayandırmasını gözləyir, o isə buna əhəmiyyət vermir”-deyə millət vəkili vurğulayıb.
|
|
26.01.12 Məqaləni oxumaq
|
| |
|
|
|
Strateji Araşdırmalar Mərkəzi hesabatını açıqlayıb
|
|
Azərbaycan prezidenti yanında Strateji Araşdırmalar Mərkəzi 2011-ci ildəki fəaliyyətinə dair hesabat açıqlayıb. SAM-dan “KƏLAMİNFO”ya verilən məlumata görə, Mərkəzin 2011-ci ildəki fəaliyyəti ötən illərlə müqayisədə istər tədqiqat, istərsə də təşkilatçılıq baxımından yeniliklərin tətbiqi və çoxşaxəliliyi ilə fərqlənib.
|
|
26.01.12 Məqaləni oxumaq
|
| |
|
|
|
Səhifələr : # 1 2 3 4 5 6 # |
|
Torpaqlarımızı qaytaraq..
|
| |
|
|
|
Açılış Səhifəsi et 
