|
|
|
|
Məktəbli formaları məsələsi parlamentdə qaldırıldı
|
|
Bu gün Milli Məclisdə orta məktəblərə uşaqların qəbul olunmasında və məktəbli geyimlərinin alınmasında yaranan problemlərlə bağlı məsələ qaldırılıb. Deputat Siyavuş Novruzov məktəbli formalarının alınmasında yaranan növbələr və problemlərdən danışıb. O, təklif edib ki, məktəbli geyiminin vahid nümunəsi cəmiyyətə təqdim olunsun və kim harada istəyir tikdirsin.
“Milli Məclisdə qəbul olunan “Təhsil haqqında” qanunda qeyd olunur ki, məktəbə gedən uşaqlar uşaq bağçasından keçməlidir. Təhsil Nazirliyinin hesabatında isə qeyd olunur ki, yalnız 20 faiz uşaqlar uşaq bağçalarına cəlb oluna bilir. Müəyyən məktəblər isə bundan istifadə edir və 1-ci sinfə qəbul edilməsində əngəl törədirlər” - deyə S.Novruzov vurğulayıb.
|
01.10.11 Məqaləni oxumaq
|
| |
|
|
|
“Eks-prezidentlər haqqında” qanun layihəsi payız sessiyasının qanunvericilik daxil edilib
|
|
“Eks-prezidentlər haqqında” qanun layihəsi Milli Məclisin payız sessiyasının qanunvericilik planına daxil edilib. “KƏLAMİNFO” xəbər verir ki, bunu parlamentin bu gün keçirilən iclasında spiker Oqtay Əsədov bildirib. O, bunun 2009-cu ildə Konstitusiyaya müvafiq dəyişikliyin edilməsi ilə baş tutacağını deyib. “Milli Məclis aparatının rəhbəri Səfa Mirzəyev 2011-ci ilin yaz sessiyasının nəticələri ilə bağlı mətbuat konfransında bildirmişdi ki, sözügedən qanun layihəsi iş planına daxil edilməyib. Çünki o zaman bəzi maliyyə məsələləri öz həllini tapmamışdı. Amma indi bu məsələlər həll olunub və adıçəkilən qanun layihəsi payız sessiyasının qanunvericilik iş planına daxil edilib” - deyə O.Əsədov vurğulayıb.
|
|
01.10.11 Məqaləni oxumaq
|
| |
|
|
|
Azərbaycanda Avropa Kino Festivalı keçiriləcək
|
Oktyabr ayının 6-dan 10-dək Bakıda Avropa İttifaqı Nümayəndəliyi, Avropa İttifaqına üzv Dövlətlərin Azərbaycanda təmsil olunmuş səfirlikləri, "Park Cinema" və "Azercell Telekom"un birgə təşkilatçılığı ilə Avropa Kino Festivalı keçiriləcək. Mədəniyyət və Turizm Nazirliyindən “KƏLAMİNFO”ya verilən məlumata görə, festivalın təşkilində məqsəd Avropa İttifaqı ölkələri ilə Azərbaycan arasındakı mədəni əlaqələri qurmaq və inkişaf etdirmək, Avropa kino sənayesi vasitəsilə Avropa dəyərləri haqqında anlayışı daha da artırmaqdır.
Qeyd edək ki, ölkəmizdə hər il keçirilməklə mühüm tədbirə çevrilən festival zamanı müasir Avropa filmlərinin nümayişi ilə yanaşı, Avropanın dünya şöhrətli film rejissorları və aktyorları da tədbirdə iştirak edəcəklər. Festivalın qonaqları fransız kinorejissoru Olivier Horley, avstriyalı kinorejissor Maykl Qlavoqqer, polşalı kinorejissor Marek Leçki, almaniyalı sənədli film rejissorları Stefan Kolbe və Kris Vrayt, litvalı kinorejissor İnesa Kurklietite və yunanıstanlı aktyor Gennadios Patsisdir.
|
|
01.10.11 Məqaləni oxumaq
|
| |
|
|
|
Medvedyev 2012-ci il seçkilərində iştirak etməməsinin səbəblərini açıqladı
|
|
Rusiya prezidenti Dmitri Medvedyev 2012-ci il prezident seçkilərində iştirak etməməsinin səbəblərini açıqlayıb. Onun sözlərinə görə, Vladimir Putinin ən ali dövlət postuna namizədliyini bu şəxsin hazırda ölkədə ən nüfuzlu bir siyasətçi olması səbəbindən irəli sürüb: «Onun reytinqi çox yüksəkdir». «KƏLAMİNFO»nun məlumatına görə, Rusiya prezidenti bu sözləri ölkənin üç federal telekanalına müsahibəsində bildirib. Keçirilən rəy sorğularına görə, prezidentin fəaliyyətini 59, baş naziri isə 61 faiz dəstəkləyir. Medvedyevin sözlərinə görə, o, Putinlə «caynaqlaşmaq» istəməyib, çünki hər ikisi eyni siyasi qüvvəni təmsil edirlər.
|
|
01.10.11 Məqaləni oxumaq
|
| |
|
|
|
İctimai yerlərdə siqaret çəkənlər 50-100 manat cərimə edilsin
|
|
“Milli Məclisdə ölkədə ictimai yerlərdə siqaret çəkilməsinin qadağan edilməsi müzakirəyə çıxarılmalıdır”. “KƏLAMİNFO” xəbər verir ki, bunları parlamentin payız sessiyasının ilk iclasında millət vəkili Qənirə Paşayeva bildirib. Onun sözlərinə görə, tütündən istifadə etmək tək siqaret çəkənin deyil, onun ətrafında olanlarının da səhhətinə ziyan verir. “Avropa ölkələrində bununla bağlı qanun var və bütün ölkələrdə bu qanunun effektiv olduğunu qeyd edirlər. “Bakıda qarşıdan gələn “Eurovision” mahnı müsabiqəsi vaxtı minlərlə avropalı və digər yerlərdən gələn qonaqların hər yerdə siqaretin çəkilməsinin şahidi olması xoş deyil” - deyə o vurğulayıb.
O, həmçinin ölkədə uşaqların siqaret almasına şərait olduğunu qeyd edərək bildirib ki, valideynlər bu məsələyə nəzarət edə bilmirlər. Q.Paşayeva tütündən istifadənin məhdudlaşdırılması ilə bağlı qanun layihəsinin məhz Milli Məclisin payız sessiyasında qəbul olunması təklifini irəli sürüb.
|
|
01.10.11 Məqaləni oxumaq
|
| |
|
|
|
Oqtay Əsədov: Payız sessiyasında beynəlxalq əlaqələrin inkişafı istiqamətində çox iş görüləcək
|
|
Bu gün Milli Məclisin payız sessiyasının ilk iclası işə başlayıb. “KƏLAMİNFO” xəbər verir ki, iclasda spiker Oqtay Əsədov bildirib ki, bir neçə gündən sonra Milli Məclisdə MDB PA-nın Hüquq məsələləri daimi komissiyasının və Mərkəzi Seçki komissiyalarının birgə iclası keçiriləcək. O qeyd edib ki, ümumiyyətlə, payız sessiyasında beynəlxalq əlaqələrimizin inkişafı istiqamətində çox iş görüləcək. “İlk dəfə olaraq oktyabrın 10-11-də Milli Məclisdə bir neçə dövləti özündə birləşdirən Parlament Assambleyalarının birgə toplantısı olacaq. GUAM PA, Baltikyanı ölkələr PA təşəbbüsü və Benilüks, Şimal ittifaqı, MDB PA və TÜRK PA-nın üzvləri ilə birgə böyük konfrans təşkil olunacaq” - deyə O.Əsədov vurğulayıb.
Sonra millət vəkilləri cari məsələlərin müzakirəsinə başlayıblar.
Qeyd edək ki, bu gün parlamentin plenar iclasında 27 qanun layihəsinin müzakirəsi nəzərdə tutulub.
|
|
01.10.11 Məqaləni oxumaq
|
| |
|
|
|
Ankarada türkdilli ölkələrin müstəqilliyinin 20-ci ildönümünə həsr olunmuş sərgi təşkil olunacaq
|
Keçmiş sovetlər birliyi dağıldıqdan sonra müstəqillik əldə etmiş türkdilli ölkələrin müstəqilliyinin 20-ci ildönümünə həsr olunmuş rəsm və foto sərgisi təşkil olunacaq. “KƏLAMİNFO”nun məlumata görə, sərgi Beynəlxalq türk mədəniyyət təşkilatı TÜRKSOY tərəfindən Ankarada həyata keçirəcək.
Qeyd edək ki, oktyabrın 3-də Türkiyə Nazirlər Kabineti Mətbuat, İnformasiya və Nəşriyyat İdarəsinin rəsm qalereyasında rəsmi açılışı olacaq sərgidə Azərbaycan, Türkiyə, Qazaxıstan, Qırğızıstan və Türkmənistan rəssamlarının və fotoqraflarının əsərləri nümayiş etdiriləcək.
Xatırladaq ki, açılış mərasimində Ankara Dövlət Opera və Balet Teatrının azərbaycanlı solisti Nailə Əhmədova və qazaxıstanlı Ünüşan Kuloğlunun ifasında türk dünyası bəstəkarlarının əsərləri səslənəcək.
|
|
30.09.11 Məqaləni oxumaq
|
| |
|
|
|
|
|
Bolqarıstanda eşşək Marko mer olmaq istəyir
|
|
Bolqarıstanda eşşək Marko eşşək kimi işləməyi, rüşvət götürməməyi və eşşək inadkarlığı ilə qarşıya qoyulan məqsədlərə çatmağı vəd edir. «KƏLAMİNFO»nun məlumatına görə, «Daily Mail» yazır ki, o, Varna şəhəri meri uğrunda keçiriləcək seçkilərdə iştirak edəcək. Özü də o, namizədliyini «Yeni Bolqarıstan uğrunda cəmiyyət» partiyasından vermək istəyir. Bunu qəzetin jurnalisti Emili Allen yazır. Seçim Markonun üzərinə düşüb. Belə ki, yerli sakinlər hazırkı mer Kirill Yordanovun fəaliyyətindən narazıdırlar. Yordanov ikinci dəfə mer seçildikdən sonra Marko ilə debatlara getməkdən imtina edib. O bildirib ki, bu, layiqli olmazdı. «Düzdür, özünüz baxın, Markoya belə bir vicdansız siyasətçi ilə bir yerdə durmaq yaraşarmı» - deyə Markonun seçki qərargahının rəhbəri Anqel Dyankov bildirib.
|
|
30.09.11 Məqaləni oxumaq
|
| |
|
|
|
Vaşinqton Dəməşqdəki səfirinin daş və pomidor hücumuna məruz qalmasını sərt şəkildə qınayıb
|
Vaşinqton ABŞ-ın Dəməşqdəki səfirinə daş və pomidor hücumunu sərt şəkildə qınayıb. «KƏLAMİNFO» «Newsru.com»a istinadən xəbər verir ki, Ağ Evin mətbuat katibi Cey Qarni ABŞ-ın Suriyadakı səfiri Robert Forda edilən hücumun haqsız və əsassız olduğunu söyləyib. ABŞ dövlət katibi Hillari Klinton da bu haqsız hücumu ən ağır şəkildə qınadığını bildirərək diplomatlara qarşı bu davranışın qəbuledilməz olduğunu deyib. Bu məsələni Suriya hökuməti ilə müzakirə etdiklərini bildirən Klinton diplomatların qorunması üçün hər cür tədbir görülməsini istədiklərini söyləyib.
Xatırladaq ki, ABŞ səfiri Robert Ford müxalif siyasətçi Həsən Əbdüləzimlə görüşərkən Əsəd tərəfdarları tərəfindən daş və pomidor hücumuna məruz qalmış, hücumda iki səfirlik avtomobili zərər görmüşdü.
|
|
30.09.11 Məqaləni oxumaq
|
| |
|
|
|
|
|
Torpaqlarımızı qaytaraq..
|
| |
|
|
|
Açılış Səhifəsi et 
