|
Səhifələr : # 19 20 21 22 23 24 25 26 27 #
Türkiyə prezidenti Rusiyaya gəlib
|
Bu gün Türkiyə prezidenti Abdulla Gül Rusiya dövlət başçısı Dmitri Medvedyevin qonağı olaraq Rusiyaya gəlib. «KƏLAMİNFO» RIA «Novosti»yə istinadən xəbər verir ki, Abdulla Gül Qlobal Siyasət Forumunda qonaq olaraq çıxış edəcək. Rusiyanın Yaroslavl şəhərində keçirilən foruma hər il bir və ya iki dövlət adamı şərəf qonağı olaraq dəvət edilir. Abdulla Gül forumun sessiyasının sonunda iştirakçılara müraciət edəcək. Türkiyə prezidentinin səfər çərçivəsində Medvedyevlə iki ölkə arasındakı əlaqələr, regional məsələlər, o cümlədən Dağlıq Qarabağ problemi ilə bağlı da müzakirələr aparması planlaşdırılır.
|
08.09.11 Məqaləni oxumaq
|
|
|
Qeydiyyatdan keçməyən 764 radioelektron vasitə aşkarlanıb
|
Bu ilin 8 ayı ərzində Rabitə və İnformasiya Texnologiyaları Nazirliyinin Dövlət Radiotezliklər İdarəsi tərəfindən iş planına və quruma daxil olmuş göstəriş və müraciətlərə əsasən 480 təşkilat, müəssisə və şirkətdə istismar olunan radioelektron vasitələrə (REV) texniki baxış keçirilib, müvafiq qaydada aktlar tərtib edilib. Bu barədə məlumatı “KƏLAMİNFO”ya RİTN-dən veriblər.
Müəssisə və təşkilatlarda keçirilən texniki baxış zamanı 764 ədəd DRİ-də qeydiyyatdan keçməyən müxtəlif növ REV-i aşkarlanıb. Onlardan 274 ədədi qeydiyyata salınıb, 305 ədədi möhürlənib, 27 ədədi silinib, 158 ədədinin qeydiyyata salınması üçün müvafiq tədbirlər görülür.
Dövlət qeydiyyatından keçməyən qeyri-qanuni REV istifadəçilərinə qarşı İnzibati Xətalar Məcəlləsinin pozulması barədə 70 protokol yazılıb, müvafiq hüquqi tədbirlərin görülməsi üçün aidiyyəti rayon məhkəmələrinə müraciətlər edilib.
|
08.09.11 Məqaləni oxumaq
|
|
|
Elmira Süleymanova evlərin sökülməsindən danışdı
|
Ombudsman Aparatına mülkiyyət hüququ, xüsusən də evlərin dağıdılması ilə bağlı şikayətlər daxil olur. “KƏLAMİNFO”nun məlumatına görə, bu fikirləri ombudsman Elmira Süleymanova söyləyib. Onun sözlərinə görə, ölkə rəhbərinin çoxdan tikilən evlərin sənədləşdirilməsi ilə bağlı göstərişi olmasına baxmayaraq, evlərin sökülməsini vətəndaşın əlində həmin evin sənədinin olmaması ilə izah edirlər. Məsələ ilə bağlı konflikti dərinləşdirən digər bir səbəb isə bir gecənin içində əraziyə 200 daş tökərək sıx-sıx evlərin tikilməsidir. Evlərin dağıdıldığı ərazidə elə adamlar da var ki, onların illərdir yaşadıqları evləri böyük quruculuq işləri ilə bağlı sökülüb. Məsələnin qaldırlmasında əsas məqsəd evləri dağıdılan əhalinin mülkiyyət hüququnu qoruyaraq, onlara adekvat şəkildə kompensasiya verilməsini və qəfil icra işlərinə başlayaraq insanları psixoloji stressə salmamaq üçün əvvəlcə vətəndaşların məsələ ilə bağlı xəbərdar edilməsini təmin etməkdir. Elmira Süleymanovanın fikrincə, əgər məmurlar tərəfindən aparılan iş qayda-qanunlara riayət edilməklə həyata keçirilsə, əhali arasında da bu dərəcədə narazılıq yaranmaz.
|
08.09.11 Məqaləni oxumaq
|
|
|
Avropalı mütəxəssislərin tullantılarla bağlı Azərbaycana təklifləri var
|
Cənubi Qafqazda, o cümlədən də Azərbaycanda təsərrüfat və sənaye tullantılarının, eyni zamanda üzvi kimyəvi tullantıların artmasının qarşısının alınması üçün kifayət qədər şərait var. Bu barədə “KƏLAMİNFO”ya açıqlamasında Qəbələdə səfərdə olan Mərkəzi və Şərqi Avropa ölkələri üzrə Bərk və Təhlükəli üzvi kimyəvi tullantıların idarə olunması üzrə Mərkəzin sədri İvan Holoubek bildirib. O qeyd edib ki, buna Azərbaycanın əlverişli təbii şəraiti də əsas verir. “Bununla bağlı Azərbaycana bizim təkliflərimiz də var. Təkliflərdə ilk növbədə nəzərdə tutulub ki, Azərbaycanda sənaye tullantılarının idarə olunması üçün xüsusi yerlər ayrılsın və əmələ gələn tullantılar təkrar emal və yaxud məhv edilsin.
|
08.09.11 Məqaləni oxumaq
|
|
|
Akif Nağı: “Qarabağ ermənilərsiz olmalıdır”
|
“Qarabağ ermənilərsiz olmalıdır”. “KƏLAMİNFO” xəbər verir ki, bunu Qarabağ Azadlıq Təşkilatının sədri Akif Nağı deyib: “Biz istəyirik beynəlxalq təşkilatların diqqətinə çatdıraq ki, Cənubi Qafqazda yaranmış münaqişəli vəziyyətin, milyonlarla insanın öz yurd-yuvasından qaçqın düşməsinin, Azərbaycan və Gürcüstan dövlətlərinin bu ciddi problemdən əziyyət çəkməsinin səbəbkarları işğalçı Ermənistan və işğalçı Rusiyadır”. QAT sədrinin sözlərinə görə, Ermənistanın və Azərbaycanın rəsmi statistikası göstərir ki, Qarabağdan olan azərbaycanlıların hazırkı sayı 75 min nəfər, ermənilərin sayı isə 70 min nəfərdir: “Təklif edirik ki, həmin ermənilər və azərbaycanlılar öz müqəddəratlarını həll etsinlər. Biz beynəlxalq təşkilatlardan bunu istəyirik”.
|
08.09.11 Məqaləni oxumaq
|
|
|
Elmira Süleymanova: “Azərbaycanda insan hüquqlarının təmin edilməsində böyük irəliləyişlər var”
|
“Son illər Azərbaycanda insan hüquqlarının təmin edilməsi məsələsində böyük irəliləyişlər var”. “KƏLAMİNFO” xəbər verir ki, bu barədə ombudsman Elmira Süleymanova deyib. İnsan hüquqları üzrə müvəkkilin sözlərinə əsasən, bu sahədə müəyyən problemlər də var ki, onların aradan qaldırılması istiqamətində işlər aparılır. “İnsan hüquqları ilə bağlı bütün dünya ölkələrində problemlər var. Bu vaxta qədər Azərbaycan insan hüquqlarıyla bağlı 230-dan çox beynəlxalq konvensiyaya qoşulub. Ölkəmiz, həmçinin 9 beynəlxalq saziş imzalayıb ki, bunlar da fəaliyyətimizdə rəhbər tutulmalıdır. Bu sənədləri həyata keçirmək üçün onları dərindən öyrənib mənimsəmək vacibdir” - deyə o əlavə edib.
|
08.09.11 Məqaləni oxumaq
|
|
|
Ombudsman Aparatına şikayətlərin sayı artıb
|
Ombudsman Aparatına vətəndaşlar tərəfindən daxil olan şikayətlərin sayı artıb. “KƏLAMİNFO” xəbər verir ki, bu barədə ombudsman Elmira Süleymanova deyib. Onun sözlərinə əsasən, quruma rəhbərlik etdiyi ilk illərdə şikayətlərin sayı bu qədər olmayıb. “Fəaliyyətimiz dövründə şikayətlərin sayı da çoxaldı. Nəzərinizə çatdıra bilərəm ki, ötən il müvəkkilliyə 11660 şikayət daxil olub. Çox güman ki, bu il də şikayətlərin sayı artsın” - deyə o əlavə edib. Elmira Süleymanova şikayətlərin sayının artmasını Ombudsman Aparatına olan etimad kimi dəyərləndirib.
|
08.09.11 Məqaləni oxumaq
|
|
|
Ermənistanda ordudakı ölüm hallarına qarşı etiraz aksiyası keçirilib
|
Bu gün Ermənistan paytaxtında növbəti etiraz aksiyası keçirilib. «Ordu reallıqda» etiraz aksiyasının iştirakçıları əvvəlcə parlament, sonra isə prezident iqamətgahı qarşısında əllərində öldürülən əsgərlərin fotoları ilə aksiya keçiriblər. Aksiya zamanı onlar küçədən keçənləri ötüb keçməməyi və onlara qoşulmağa çağırıblar. «KƏLAMİNFO» «PanARMENIAN.Net»a istinadən xəbər verir ki, Helsinski Assosiasiyasının Vanadzor ofisinin rəhbəri Artur Saçunç bildirib ki, belə aksiyalar mütəmadi xarakter daşıyacaq: «Biz ordudakı qətliamların baş verməyəcəyinə və onlara son qoyulacağına dair təminat tələb edirik. Eləcə də orduda insidentlərin azalması bəyanatları ilə məhdudlaşmaq istəmirik».
|
08.09.11 Məqaləni oxumaq
|
|
|
Bakıda Cənubi Qafqaz qaçqınlarının hüquqlarının müdafiəsi ilə əlaqədar regional konfrans keçirilib
|
Bakıda Cənubi Qafqazdakı münaqişələr nəticəsində qaçqın və məcburi köçkün düşmüş insanların hüquqlarının müdafiəsinə həsr olunmuş regional elmi-praktik konfrans keçirilib. “KƏLAMİNFO” xəbər verir ki, tədbir Qarabağ Azadlıq Təşkilatının təşkilatçılığı, QHT-lərə Dövlət Dəstəyi Şurasının maliyyəsi ilə baş tutub. Konfransda QAT sədri Akif Nağı, Deportasiya Qurbanları Mərkəzinin nümayəndəsi Eldar Namazov, Gürcüstandakı Məcburi Köçkünlərin Hüquqlarına dair Koalisiyanın təmsilçiləri Zurab Bendianaşvili və Levan Geradze, həmçinin Azərbaycan Ahıska Türklərinin Vətən Cəmiyyətinin sədri Fəzli Əşrəfov məruzələrlə çıxış ediblər. Tədbirdə ekspertlər, ictimai xadimlər iştirak ediblər.
|
08.09.11 Məqaləni oxumaq
|
|
|
Dövlət Akademik Dram Teatrı Yalta IV Beynəlxalq Teatr Festivalına hazırlaşır
|
Cari ilin sentyabr ayının 15-də A.P.Çexov adına Yalta Teatrında keçiriləcək IV Beynəlxalq Teatr Festivalında ölkəmizi Azərbaycan Dövlət Akademik Dram Teatrının aktyorları təmsil edəcək. Teatrın mətbuat xidmətindən “KƏLAMİNFO”ya verilən məlumata görə, teatr kollektivi festival iştirakçılarına yazıçı-dramaturq Hüseynbala Mirələmovun Qarabağ həqiqətlərindən bəhs edən “Xəcalət” pyesi əsasında səhnələşdirdikləri eyniadlı tamaşanı təqdim edəcəklər. Bəhram Osmanovun quruluş verdiyi və baş rollarda Xalq artistləri Ramiz Novruzov, Nurəddin Mehdixanlı, Əməkdar artist Mətanət Atakişiyeva və başqalarının oynayacağı “Xəcalət” tamaşası festivaldan öncə, sentyabrın 13-də Simferopol şəhərində Azərbaycan diasporunun nümayəndələri qarşısında nümayiş olunacaq.
Xatırladaq ki, “Teatr. Çexov. Yalta-2011” devizi altında keçiriləcək IV Beynəlxalq Teatr Festivalında Böyük Britaniya, İsrail, İspaniya, Rusiya daxil olmaqla dünyanın 11 məşhur teatr kollektivi maraqlı tamaşalar göstərəcəklər.
|
08.09.11 Məqaləni oxumaq
|
|
|
|
Səhifələr : # 19 20 21 22 23 24 25 26 27 #
|
Torpaqlarımızı qaytaraq..
|
|
|
|