|
|
Səhifələr : # 9 10 11 12 13 14 15 16 17 #
|
|
Ümumdünya Turizm Təşkilatının baş katibi Azərbaycana gələcək
|
|
24-28 oktyabr tarixlərində və 2012-ci ildə Ümumdünya Turizm Təşkilatı ekspertlərinin iştirakı ilə turizm statistikasının təkmilləşdirilməsi məqsədilə seminar keçiriləcək. “KƏLAMİNFO”ya Mədəniyyət və Turizm Nazirliyindən verilən məlumata görə, təşkilatla nazirlik arasında əməkdaşlığa dair iki illik proqram hazırlanaraq qəbul edilib. Həmin proqramda 2011-2012-ci illərdə Bakıda seminarlar keçirilməsi nəzərdə tutulub. Noyabr ayında isə nazirliyin dəvəti ilə Ümumdünya Turizm Təşkilatının baş katibi Taleb Rifainin Azərbaycana səfəri nəzərdə tutulur.
Qeyd edək ki, bu il Azərbaycanın turizm sahəsi üzrə fəaliyyət göstərən üç təşkilatı - Azərbaycan Turizm İnstitutu, Bakı Turizm İnformasiya Mərkəzi və Azərbaycan Turizm Assosiasiyası Ümumdünya Turizm Təşkilatına assosiativ üzv qəbul olunub.
|
17.09.11 Məqaləni oxumaq
|
| |
|
|
|
Monteneqro prezidenti Artur Rasizadə ilə görüşüb
|
|
Azərbaycanda rəsmi səfərdə olan Monteneqro prezidenti Filip Vuyanoviç bu gün baş nazir Artur Rasizadə ilə görüşüb. “KƏLAMİNFO” xəbər verir ki, ali qonağı ölkəmizdə görməkdən məmnun olduğunu deyən baş nazir dövlətlərimiz arasında əlaqələrin bu səfərdən sonra daha da genişlənəcəyinə, eləcə də Azərbaycan-Monteneqro münasibətlərinin yeni mərhələyə yüksəlməsinə təkan verəcəyinə ümidvar olduğunu bildirib.
|
|
17.09.11 Məqaləni oxumaq
|
| |
|
|
|
Monteneqro prezidenti: “Azərbaycanın iqtisadi inkişafı bizi çox sevindirir”
|
|
Azərbaycan-Monteneqro sənədlərinin imzalanması mərasimindən sonra prezident İlham Əliyev və prezident Filip Vuyanoviç mətbuata bəyanatlarla çıxış ediblər. “KƏLAMİNFO” xəbər verir ki, dövlət başçısı bir daha monteneqrolu həmkarını ölkəmizdə salamlayıb və deyib ki, Azərbaycan tərəfi bu səfərə böyük əhəmiyyət verir. Çünki bu, münasibətlərimizin tarixində ilk rəsmi səfərdir.
“Bizim siyasi əlaqələrimiz inkişaf edir. Siyasi sahədə aramızda heç bir problem yoxdur, əlaqələrin inkişafı üçün hər iki tərəfdə böyük maraq və istək var”- deyən prezident İlham Əliyev bildirib ki, iqtisadi sahədə əlaqələrin möhkəmləndirilməsi diqqət mərkəzində olmalıdır.
İkitərəfli əlaqələrin inkişafı üçün gözəl şəraitin yaradıldığını qeyd edən dövlət başçısı energetika və nəqliyyat sahələrinin əməkdaşlıq üçün maraq doğuran olduğunu vurğulayıb.
|
|
17.09.11 Məqaləni oxumaq
|
| |
|
|
|
Fazil Mustafa: “Keçmiş məhkumların işlə təmin olunmasında ciddi problemlər özəl sektorda yaranır”
|
|
Azadlığa çıxmış keçmiş məhkumların işlə təmin olunmasında ciddi problemlər əsasən özəl sektorda yaranır.
Bu barədə “KƏLAMİNFO”ya müsahibəsində Milli Məclisin İnsan hüquqları komitəsinin üzvü Fazil Mustafa bildirib.
O qeyd edib ki, bu məsələ ilə bağlı Azərbaycanda kifayət qədər qanunvericilik bazası formalaşsa da, bu ancaq dövlət müəssisələrində öz əksini tapır. “Ölkədə özəl sektorun sürətlə inkişafını nəzərə alsaq, bu problem də daha çox özəl müəssisələrdə ortaya çıxır. Çünki heç kim özəl sektoru kimi işə götürüb-götürməməyi ilə bağlı məcbur edə bilməz” - deyə F.Mustafa vurğulayıb. Millət vəkilinin sözlərinə görə, keçmiş məhkumların işlə və ehtiyac olduğu halda sığınacaqla təmin olunması üçün qanunvericilikdə kifayət qədər imkan var. “Lakin bütün keçmiş məhkumların azadlığa çıxdıqdan sonra tam olaraq işlə təmin olunması, onların cəmiyyətə tam olaraq inteqrasiya olunması üçün işlək bir mexanizm lazımdır. Bu hələ bizdə mövcud deyil” - deyə o, əlavə edib.
|
|
17.09.11 Məqaləni oxumaq
|
| |
|
|
|
SAM-ın əməkdaşı Corc Marşal Mərkəzində tədqiqat aparacaq
|
|
Azərbaycan Prezidenti yanında Strateji Araşdırmalar Mərkəzinin Xarici siyasət məsələlərinin təhlili şöbəsinin elmi işçisi Zaur Şiriyev sentyabr-dekabr aylarında Corc Marşal adına Avropa Təhlükəsizlik Araşdırmalar Mərkəzi tərəfindən Ali Təhlükəsizlik Proqramında iştirakla bağlı dəvət alıb. SAM-dan “KƏLAMİNFO”ya verilən məlumata görə, Z.Şiriyev Corc Marşal Mərkəzində təhlükəsizlik mövzusunda tədqiqatlar aparacaq.
Proqram çərçivəsində regional və beynəlxalq təhlükəsizlik sahəsində Avropa və Amerikanın aparıcı elm adamlarının məruzələri, ABŞ-a təcrübə səfəri nəzərdə tutulub. Proqramın sonunda iştirakçıların təhlükəsizlik mövzusunda təqdimatlarının keçirilməsi planlaşdırılıb.
Qeyd edək ki, Corc Marşal adına Avropa Təhlükəsizlik Mərkəzi ABŞ-ın və Almaniya Müdafiə Nazirliklərinin təhlükəsizlik və müdafiə tədqiqatları sahəsində unikal institutdur. 1993-ci ildən etibarən Mərkəz sülh, təhlükəsizlik sahəsində Şimali Amerika, Avropa və Avrasiya arasında əməkdaşlığın təşviqi və xüsusilə müdafiə sahəsində, demokratik institutlarla bağlı tədqiqatları və sabit təhlükəsizlik mühitinin gücləndirilməsi missiyasını yerinə yetirir.
|
|
17.09.11 Məqaləni oxumaq
|
| |
|
|
|
QAT: “Həmsədr ölkələrin prezidentləri qeyri-müəyyənliyə son qoymalıdır”
|
|
Qarabağ Azadlıq Təşkilatı BMT Baş Assambleyasında Dağlıq Qarabağ məsələsinin gözlənilən müzakirəsi ilə bağlı BMT baş katibi və Minsk qrupuna həmsədrlik edən ölkələrin prezidentlərinə müraciət edib.
“KƏLAMİNFO” xəbər verir ki, həmin müraciəti sabiq baş nazir Rəhim Hüseynov, Milli Məclisin sabiq spikeri Yaqub Məmmədov, sabiq dövlət katibi Midhət Abbasov və təşkilatın digər səlahiyyətli üzvləri imzalayıblar. Müraciətdə Qarabağ münaqişəsinin nizama salınması istiqamətində beynəlxalq səylərin gücləndirilməsi, torpaqların işğaldan azad edilməsi üçün artıq konkret addımların atılması öz əksini tapıb. Sənəddə, həmçinin “Minsk qrupuna həmsədrlik edən ölkələrin prezidentləri münaqişənin nizama salınmasına öz paylarını verməli, qeyri-müəyyənliyə son qoymalıdır” – deyə qeyd olunub.
|
|
17.09.11 Məqaləni oxumaq
|
| |
|
|
|
Braziliyada 300 avtomobillik qəza
|
|
Braziliyanın San-Paulu şəhərinin kənarında avtomobil yolunda 300 avtomobilin qatıldığı qəza baş verib. «Ultimo Segundo» nəşri məlumat verir ki, yol qəzasına səbəb pis hava şəraiti olub. «KƏLAMİNFO»nun nəşrə istinadən yaydığı məlumatına görə, qəza kimyəvi vasitələr daşıyan yük maşınının sürücüsünün hərəkət qaydalarını pozması nəticəsində baş verib. Nəticədə o, yolun əks istiqamətinə keçərək buradan keçən maşınları əzib.
Ardınca da avtomobillərin toqquşması yaşanıb. Güclü duman və mürəkkəb hava şəraiti, eləcə də sürətlə gələn avtomobillər bir-birinə dəyməyə başlayıb. Yerli polisin məlumatına görə, 220 maşının zədəsi ciddi zərər çəkib, 80 maşının isə yüngülcə zərər dəyib və şüşələri sınıb. Yük maşının sürücüsü həlak olub, 50 nəfər isə yaralanıb. Braziliya nəşri bildirir ki, belə miqyaslı qəza sonuncu dəfə 1977-ci ildə baş verib. O zaman 151 avtomobil toqquşmuş və 15 nəfər həlak olmuşdu.
|
|
16.09.11 Məqaləni oxumaq
|
| |
|
|
|
Azərbaycan və Monteneqro prezidentlərinin təkbətək görüşü olub
|
|
Bu gün prezident İlham Əliyevin Azərbaycanda səfərdə olan Monteneqro prezidenti Filip Vuyanoviç ilə təkbətək görüşü olub. “KƏLAMİNFO” xəbər verir ki, görüşdə ikitərəfli əlaqələrin müxtəlif sahələrdə daha da inkişaf etdirilməsi üçün yaxşı potensialın mövcud olduğu vurğulanıb.
Monteneqro prezidenti Filip Vuyanoviçin Azərbaycana rəsmi səfərinin ölkələrimiz arasında əlaqələrin daha da inkişaf etdirilməsi baxımından əhəmiyyəti qeyd olunub, ikitərəfli münasibətlərin bundan sonra da uğurla inkişaf edəcəyinə əminlik bildirilib.
Dövlət başçıları beynəlxalq və regional məsələlər barədə də fikir mübadiləsi aparıblar.
|
|
16.09.11 Məqaləni oxumaq
|
| |
|
|
|
Avropa Şurası nazirliklə birgə seminar keçirib
|
|
Avropa Şurasının (AŞ) Sosial Birlik üzrə Baş Direktorluğu və Azərbaycan Respublikasının Əmək və Əhalinin Sosial Müdafiəsi Nazirliyi “Əlilliyi olan insanların hüquqlarının və cəmiyyətdə iştirakının təşviq edilməsi üzrə Fəaliyyət Planı”nın (2006-2015-ci illər) həyata keçirilməsi” mövzusunda birgə seminar keçirib.
|
|
16.09.11 Məqaləni oxumaq
|
| |
|
|
|
Bakıda dünya ölkələri üçün 2020-ci ilədək dövrü əhatə edən sağlamlıq proqramı müzakirə edilib
|
|
Bakıda dünya ölkələri üçün 2020-ci ilədək dövrü əhatə edən sağlamlıq proqramının müzakirəsi aparılıb. Bu barədə “KƏLAMİNFO”ya müsahibəsində Ümumdünya Səhiyyə Təşkilatının (ÜST) baş direktoru Marqaret Çan bildirib.
O, qeyd edib ki, bu təşəbbüs bu günlərdə Bakıda keçirilən ÜST-nin Avropa Regional Komitəsinin 61-ci sessiyası ərəfəsində ortaya çıxıb və ölkələr tərəfindən müsbət qarşılanıb. “Bu məsələ bütün ölkələr üçün vacibdir. Çünki bu gün istər münaqişə ocaqlarında, istər təbii fəlakətlər zonasında, istərsə də infeksion xəstəliklərin geniş yayıldığı ərazidə insanların sağlamlığı kütləvi olaraq risk altındadır. Hesab edirəm belə bir proqramın qəbul olunması bizə çox kömək edəcək”,-deyə ÜST-nin baş direktoru vurğulayıb.
|
|
16.09.11 Məqaləni oxumaq
|
| |
|
|
|
Səhifələr : # 9 10 11 12 13 14 15 16 17 # |
|
Torpaqlarımızı qaytaraq..
|
| |
|
|
|
Açılış Səhifəsi et 
