|
|
Səhifələr : # 17 18 19 20 21 22 23 24 25 #
|
|
Tələbə güzəşt kartı bir neçə aya tətbiq edilə bilər
|
|
Tələbə güzəşt kartı bir neçə aya artıq Azərbaycanda da tətbiq edilə bilər. “KƏLAMİNFO” xəbər verir ki, bu barədə gənclər və idman naziri Azad Rəhimov deyib. Nazirin sözlərinə əsasən, tələbə güzəşt kartlarından təkcə dövlət yox, eyni zamanda özəl ali məktəblərin də tələbələri istifadə edə biləcək. “Bu kartlar vasitəsilə gənclər əldə etmək istədiklərini güzəştlə ala biləcəklər. Bu kartlar həm də Avropa ölkələrində keçərli olacaq. Bununla bağlı Təhsil Nazirliyi ilə birgə artıq işlərə başlamışıq. Düşünürəm ki, bir neçə aya bu kartlardan ölkəmizdə də istifadə ediləcək” - deyə nazir vurğulayıb.
|
09.09.11 Məqaləni oxumaq
|
| |
|
|
|
|
|
Asəf Hacıyev QİƏT PM-nin iclasında iştirak edəcək
|
|
Milli Məclisin deputatı Asəf Hacıyev Qara Dəniz İqtisadi Əməkdaşlıq Parlament Məclisinin Hüquqi və siyasi məsələlər üzrə komitəsinin iclasında iştirak etmək üçün sentyabrın 12-də Bolqarıstanın Burqas şəhərində səfərdə olacaq. Parlamentdən “KƏLAMİNFO”ya verilən məlumata görə, iclasda deputatımızın “Mütəşəkkil cinayətkarlığa qarşı mübarizədə əldə olunmuş razılığa riayət edilməsi” mövzusunda çıxışı gözlənilir.
Tədbir çərçivəsində qurumun Reqlament üzrə işçi qrupunun iclası da keçiriləcək.
Səfər sentyabrın 14-də başa çatacaq.
|
|
09.09.11 Məqaləni oxumaq
|
| |
|
|
|
102 xidmətinə gün ərzində 2500-3000 müraciət daxil olur
|
|
Daxili İşlər Nazirliyinin 102 xidmətinə gün ərzində 2500-3000 müraciət daxil olur. “KƏLAMİNFO” xəbər verir ki, bu barədə daxili işlər nazirinin müavini Oruc Zalov söyləyib. Nazir müavininin sözlərinə əsasən, müraciətlərin 80%-ni DİN-ə aidiyyəti olmayan məsələlərlə bağlı zənglər təşkil edir. “Ancaq polis vətəndaşlara yardım məqsədilə DİN-ə aid olmayan müraciətləri də müvafiq orqanlara göndərir. Polisə aid olan müraciətlərlə bağlı isə 15 dəqiqə ərzində adekvat tədbirlər görülür. Bunun üçün hüquq-mühafizə orqanlarında kifayət qədər çevik imkanlar var” - deyə O Zalov əlavə edib.
|
|
09.09.11 Məqaləni oxumaq
|
| |
|
|
|
16 yaşına çatan vətəndaşların 99 faizi şəxsiyyət vəsiqəsilə təmin edilib
|
|
“Ötən seçkilər zamanı şəxsiyyət vəsiqələri ilə bağlı müəyyən problemlər ortaya çıxıb. Məsələn, elə vətəndaşlar var ki, vaxtında vəsiqələrini dəyişdirməmişdi. Ancaq buna baxmayaraq, seçki dövrünə qədər vəsiqəsini dəyişdirə bilməyən şəxslərə seçkidə iştirak etmək üçün şərait yaradılır. Vətəndaşlar bilməlidir ki, 25, 35, 50 yaş tamam olandan sonra şəxsiyyət vəsiqələri dəyişdirilməlidir”. “KƏLAMİNFO” xəbər verir ki, bu barədə məlumatı daxili işlər nazirinin müavini Oruc Zalov söyləyib.
|
|
09.09.11 Məqaləni oxumaq
|
| |
|
|
|
ATƏT-in Minsk qrupunun həmsədrləri hesabat veriblər
|
|
ATƏT-in Minsk qrupunun həmsədrləri Bernar Fasye (Fransa), Robert Bradtke (ABŞ), İqor Popov (Rusiya) və ATƏT-in fəaliyyətdə olan sədrinin xüsusi nümayəndəsi Anji Kaspşik dekabr ayında Vilnüsdə keçiriləcək ATƏT-in Nazirlər Şurasından əvvəl fəaliyyət planını müzakirə etmək və əlaqələndirmək üçün sentyabrın 7-də Vyanada görüşüblər. “KƏLAMİNFO” xəbər verir ki, həmsədrlər Minsk qrupunu Erməinstan-Azərbaycan, Dağlıq Qarabağ münaqişəsinin nizamlanması üzrə ATƏT-in Minsk qrupunun hər üç həmsədr ölkəsinin nümayəndələri ilə yüksəksəviyyəli müntəzəm danışıqlar barədə məlumatlandırıblar. Eyni zamanda, onlar atəşkəs rejiminin möhkəmləndirilməsi və hərtərəfli sülh sazişi üçün əsas kimi baza prinsiplərinin qəbulu ilə bağlı konkret səyləri təqdim ediblər.
Həmsədrlər sülh prosesinin bu və ya digər aspektlərinin gələcək müzakirəsi üçün sentyabrın 8-də ATƏT-in baş katibi Lamberto Zanyerlə görüşüblər.
|
|
09.09.11 Məqaləni oxumaq
|
| |
|
|
|
“Azərbaycanda siyasi məqsədlərlə həbs olunmuş gənc məhbus yoxdur”
|
|
“Azərbaycanda siyasi məqsədlərlə həbs olunmuş gənc məhbus yoxdur”. “KƏLAMİNFO” xəbər verir ki, bu bəyanatla gənclər və idman naziri Azadi Rəhimov çıxış edib. Nazirin sözlərinə görə, həbsdə olan gənclər hamısı dələduzluq üstündə cəzalandırılıb: “Heç kimi boş yerə həbs etmirlər. Məsələn, Emin Milli, Adnan Hacızadə vaxtilə xuliqanlıq edib tutuldular, lakin indi azadlıqdadırlar. Bəxtiyar Hacıyev səbəbsiz yerə həbs edilib? Yox. O gənc əsgərlikdən yayınırdı və buna uyğun da qanunla həbs edilib”.
|
|
09.09.11 Məqaləni oxumaq
|
| |
|
|
|
Beynəlxalq Pestisidlər Assosiasiyası: “Biz Azərbaycandakı QHT-lə əməkdaşlığa hazırıq”
|
|
Üzvi kimyəvi tullantıların (pestisidlərin) məhv edilməsi ilə bağlı layihələr üzərində işləmək üçün Azərbaycanda QHT-lərin kifayət qədər maarifləndirilməsinə ehtiyac var. Bu barədə “KƏLAMİNFO”ya müsahibəsində ölkəmizdə səfərdə olan Beynəlxalq Pestisidlər Assosiasiyasının Direktorlar Şurasının sədri Bram de Borst bildirib. O qeyd edib ki, Azərbaycanda bu sahədə fəaliyyət göstərən QHT-lərdə son zamanlar aktivlik müşahidə olunsa da, onlar kifayət qədər beynəlxalq təcrübədən yararlanmırlar. “Ümumiyyətlə, üzvi tullantıların məhv edilməsi çox mürəkkəb məsələdir və burada mütləq beynəlxalq təcrübəyə əsaslanmaq lazımdır. Biz Azərbaycandakı QHT-lər ilə əməkdaşlığa hazırıq” - deyə B.Brost vurğulayıb.
|
|
09.09.11 Məqaləni oxumaq
|
| |
|
|
|
Nazirlik Xaçmazda zona müşavirəsi keçirib
|
|
Əmək və Əhalinin Sosial Müdafiəsi Nazirliyi tərəfindən Xaçmaz rayonunda “Əlilliyə səbəb olan faktorların öyrənilməsi, əlillik vəziyyəti, əlilliyin baş verməsi və ağırlaşması hallarının qarşısının alınmasında fərdi reabilitasiya proqramının icrasının əhəmiyyəti” mövzusunda zona müşavirəsi keçirilib. Nazirlikdən “KƏLAMİNFO”ya verilən məlumata görə, müşavirədə Əmək və Əhalinin Sosial Müdafiəsi Nazirliyinin, Səhiyyə Nazirliyinin, habelə bölgə üzrə tibbi-sosial ekspert komissiyalarının, əhalinin sosial müdafiəsi mərkəzlərinin, bərpa-müalicə müəssisələrinin, Dövlət Sosial Müdafiə Fondunun yerli şöbələrinin və QHT-lərin nümayəndələri iştirak ediblər.
|
|
09.09.11 Məqaləni oxumaq
|
| |
|
|
|
Azad Rəhimov sosial ipoteka məbləğinin artırılmasını təklif etdi
|
|
“Sosial ipoteka üçün ayrılan 35 min manat olduqca azdır”. “KƏLAMİNFO” xəbər verir ki, bunu gənclər və idman naziri Azad Rəhimov deyib. Bu gün sosial ipotekaya illik 4 faiz olmaqla 15 illiyinə 35 min manat ayrıldığını xatırladan nazir qeyd edib ki, bu, mənzil almaq üçün yetərli vəsait deyil: “2007-ci ildən başlayan sosial ipotekaya axın var və biz istəyirik ki, bu məbləğ bir az artırılsın və təqribən 2-3 otaqlı mənzilin orta qiymətinə uyğun olsun”.
|
|
09.09.11 Məqaləni oxumaq
|
| |
|
|
|
Səhifələr : # 17 18 19 20 21 22 23 24 25 # |
|
Torpaqlarımızı qaytaraq..
|
| |
|
|
|
Açılış Səhifəsi et 
