|
|
Səhifələr : # 18 19 20 21 22 23 24 25 26 #
|
|
Barak Obama: “Amerika bir nömrəli mövqeyinə qayıdacaq”
|
|
ABŞ prezidenti Barak Obama bu gün Konqres qarşısında çıxış edib. Prezident yeni iş yerlərinin açılması və iqtisadi artım məsələlərinə toxunub. Televiziya ilə nümayiş etdirilən çıxışı zamanı ABŞ dövlət başçısı 14 milyon işsiz amerikalının iş yerləri ilə təmin edilməsi planından bəhs edib. «KƏLAMİNFO» «Lenta.ru»ya istinadən xəbər verir ki, prezident çıxışı zamanı bildirib ki, vergilərin ixtisarı və iş yerlərinin qısa zamanda artırılması üçün şərait yaradılmasına yönələn hökumət xərclərinə 300 milyardlıq dollar məsrəf daxildir. Obama vaxtının sona çatmasına az qalmış əmək haqqı vergilərinin ixtisarına, infrastrukturun inkişaf etdirilməsinə dair layihələrin yaradılmasına, hökumətin yerli və ştat orqanlarına yardım məqsədi ilə işlər görməyə çağırıb.
|
09.09.11 Məqaləni oxumaq
|
| |
|
|
|
Dünyanın ən böyük mozaikalı muzeyi açılır
|
|
Türkiyədə dünyanın ən böyük mozaika muzeyi açılacaq. “KƏLAMİNFO” “Sabah” qəzetinə istinadən xəbər verir ki, Gaziantəpədəki içki fabrikinin yerində tikilən 700 metrlik mozaikası ilə dünyanın ən böyük mozaik muzeyi kimi tanınan Zeuqma Mozaik Muzeyinin bu gün rəsmi açılışı olacaq. Rəsmi açılış mərasimində Türkiyənin baş naziri Rəcəb Tayyib Ərdoğan da iştirak edəcək.
Qeyd edək ki, muzey böyüklüyünə və eksponatlarına görə bu günə qədər Tunisdəki Bordo Muzeyinin birinciliyini əlindən alacaq.
Xatırladaq ki, yeni açılan muzeydə qazıntılar zamanı Qədim Zeuqma şəhərindən çıxan mozaikalar sərgilənəcək.
|
|
09.09.11 Məqaləni oxumaq
|
| |
|
|
|
Qızıl və gümüş medalla təltif olunmuş şagirdlərin hamısı ali məktəbə daxil olub
|
|
Ötən dərs ilində qızıl və gümüş medalla təltif olunmuş 53 şagirdin (37 nəfər qızıl, 16 nəfər gümüş medala layiq görülüb) hamısı ali məktəblərə qəbul imtahanlarında yüksək nəticə göstərib. Bu barədə məlumatı “KƏLAMİNFO”ya Təhsil Nazirliyindən veriblər.
2010-2011-ci tədris ilində ilk dəfə olaraq, təhsil aldığı müddətdə xüsusi nailiyyətlər qazanmış tam orta təhsil üzrə məzunlar qızıl və gümüş medalla təltif ediliblər. Məzunların qızıl və gümüş medalla təltif olunması Nazirlər Kabineti tərəfindən təsdiq olunmuş “Ümumi təhsili xüsusi nailiyyətlərlə başa vuran məzunların qızıl və ya gümüş medalla təltif olunma Qaydası” əsasında həyata keçirilib. Qızıl və gümüş medallar verilərkən Təhsil Nazirliyinin keçirdiyi yoxlama və buraxılış imtahanlarının, həmçinin Tələbə Qəbulu üzrə Dövlət Komissiyasının keçirdiyi sınaq imtahanlarının nəticələri də nəzərə alınır.
|
|
09.09.11 Məqaləni oxumaq
|
| |
|
|
|
Monitorinq insidentsiz ötüşüb
|
|
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq bu gün Goranboy rayonu Tapqaraqoyunlu kəndinin qərbindəki təmas xəttində monitorinq keçirilib. Müdafiə Nazirliyinin mətbuat xidmətindən ”KƏLAMİNFO”ya verilən məlumata görə, monitorinq insidentsiz ötüşüb.
Monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin ofis əlaqələndiricisi İmre Palatinus, şəxsi nümayəndənin köməkçisi Uilyam Praroy və səhra köməkçisi Marius Puodziunas, təmas xəttinin qarşı tərəfində isə ATƏT-in fəaliyyətdə olan sədrinin şəxsi nümayəndəsinin səhra köməkçiləri Antal Herdiç və Xristo Xristov keçiriblər.
|
|
09.09.11 Məqaləni oxumaq
|
| |
|
|
|
Əhmədinejad Bəşər Əsədə məsləhət verdi
|
|
İran prezidenti Mahmud Əhmədinejad Suriya prezidenti Bəşər Əsədi ölkədəki aksiyaların sərt formada yatırılmasına son qoymağa çağırıb. «KƏLAMİNFO» «Associated Press»ə istinadən xəbər verir ki, Suriyanın hazırkı hakimiyyəti və onun opponentləri danışıqlar stolu arxasında əyləşməlidirlər. «Hərbi həll heç bir vaxt düzgün qərar olmayıb. Problemi dialoq yolu ilə həll etmək gərəkdir» - deyə o bildirib.
|
|
09.09.11 Məqaləni oxumaq
|
| |
|
|
|
Abdulla Gül: “Qarabağ məsələsində Türkiyənin və Rusiyanın mövqeyi üst-üstə düşür”
|
|
«Qarabağ münaqişəsi Cənubi Qafqazda əlverişli mühitin yaranmasında ən böyük maneədir. Mən hesab edirəm ki, Türkiyənin bu məsələdə mövqeyi Rusiyanın nöqteyi-nəzəri ilə üst-üstə düşür. Bu nöqteyi-nəzərdən Qarabağ münaqişəsinin həlli yolunda irəliləyiş əldə etmək olar». «KƏLAMİNFO»nun məlumatına görə, bu sözləri Türkiyə prezidenti Abdulla Gül «MK-Türkiyə» portalına müsahibəsində bildirib. Türkiyə prezidenti əlavə edib ki, Rusiya prezidenti Dmitri Medvedyevin də şəxsən qatıldığı bu problemin həlli ilə bağlı hərtərəfli dəstəyi göstərməyə hazırdırlar. Onun sözlərinə görə, Türkiyə və Rusiya ilə qonşu olan Cənubi Qafqazın xüsusi əhəmiyyət daşıdığı göz önündədir: «Biz yaxın regionda sülh, sabitlik və rifahın yaranmasına yönələn strategiyanı rəhbər tutur, bu regionda hamını qane edəcək sülh, təhlükəsizlik və əməkdaşlığa nail olmaq istəyirik».
|
|
09.09.11 Məqaləni oxumaq
|
| |
|
|
|
Elmira Süleymanova və Rüstəm Usubov DSK sədrləri üçün mühazirə deyib
|
|
Mərkəzi Seçki Komissiyasında (MSK) Dairə Seçki Komissiyalarının sədrləri üçün keçirilən seçki hüququ üzrə ixtisaslaşdırılmış kurslar davam edir. “KƏLAMİNFO” xəbər verir ki, kursların 4-cü günündə ombudsman Elmira Süleymanova “Aşağı seçki komissiyaları üzvlərinin maarifləndirilməsi tədbirləri, seçki prosesində insan hüquqlarının müdafiəsi”, baş prokurorun 1-ci müavini Rüstəm Usubov isə “Seçki hüquqlarının pozulmasına görə məsuliyyət nəzərdə tutan qanunvericilik sistemi və məsuliyyət növləri” mövzularında çıxış ediblər.
Sentyabrın 9-da başa çatacaq kurslar prezident İlham Əliyevin “Azərbaycan Respublikasında insan hüquqlarının müdafiəsi üzrə Milli Fəaliyyət Planının təsdiq edilməsi haqqında” sərəncamının icrası ilə əlaqədar keçirilir. Məqsəd sərəncama uyğun olaraq seçki sahəsində maarifləndirmə işinin gücləndirilməsi, dairə seçki komissiyaları sədrlərinin peşəkar hazırlığının artırılmasıdır.
|
|
09.09.11 Məqaləni oxumaq
|
| |
|
|
|
“Fransa ilə əlaqələrin davamlı surətdə dərinləşdirilməsində maraqlıyıq”
|
Elçin Əmirbəyov: “Azərbaycan iqtisadiyyatına maraq göstərən fransız şirkətlərinin əksəriyyətini qeyri-neft sektoruna aid etmək olar”
Azərbaycanın Fransadakı fövqəladə və səlahiyyətli səfiri Elçin Əmirbəyov suallarımızı cavablandırıb.
- Azərbaycanla Fransa arasındakı ikitərəfli əlaqələrin hazırkı vəziyyətini necə dəyərləndirirsiniz?
- Bu gün Azərbaycan və Fransa arasındakı əlaqələr sürətlə inkişaf etməkdədir. Siyasi, iqtisadi və mədəni-humanitar sahələrdə son dövrlər əldə edilmiş nailiyyətlər qənaətbəxşdir. Azərbaycan BMT Təhlükəsizlik Şurasının daimi üzvü və Avropa İttifaqının aparıcı dövləti olaraq beynəlxalq səhnədə mühüm çəkiyə malik Fransa ilə əlaqələrinin davamlı surətdə dərinləşdirilməsində maraqlıdır. Bu marağı şərtləndirən digər bir vacib məqam Fransanın ATƏT-in Minsk Qrupunun həmsədrlərindən biri qismində Ermənistan-Azərbaycan, Dağlıq Qarabağ münaqişəsinin tənzimlənməsi üzrə həyata keçirdiyi vasitəçilik fəaliyyətidir. İki ölkə arasında güclü dayaqlara söykənən siyasi dialoq bərqərar olub. Azərbaycan Prezidentinin son illər ərzində Fransaya etdiyi dörd rəsmi səfər Azərbaycanın öz xarici siyasətində Fransaya verdiyi önəmin göstərici olmaqla yanaşı, əlaqələrimizin davamlı surətdə inkişafı üçün zəruri olan təkanı təmin edib. Hal-hazırda Fransa rəsmilərinin Azərbaycana səfərləri fransız tərəfi ilə nəzərdən keçirdiyimiz məsələlər sırasındadır. İkitərəfli əlaqələrin hüquqi bazasının gücləndirilməsinə xidmət edəcək bir neçə vacib sənəd üzərində aparılan iş yekun mərhələyə qədəm qoyub. İqtisadi və mədəni sahələrdə də son zamanlar artıq əhəmiyyətli canlanma hiss edilməkdədir ki, bu da ölkələrimizi və xalqlarımızı həm ikitərəfli müstəvidə, həm də Avropaya inteqrasiya kontekstində daha da yaxınlaşdıran amil kimi çıxış edir.
|
|
08.09.11 Məqaləni oxumaq
|
| |
|
|
|
Oliver Stoun Əhmədinejad haqqında sənədli film çəkir
|
|
Məşhur amerikalı rejissor Oliver Stoun yaxın iki həftə ərzində sənədli filmin çəkilişlərini həyata keçirmək üçün İrana yola düşəcək. «KƏLAMİNFO» «MIGnews.com»a istinadən xəbər verir ki, onun oğlu Şon Stoun hazırda çəkilişlərə yer seçmək üçün İrandadır. Stoun İran prezidenti Mahmud Əhmədinejad haqqında sənədli film çəkmək istəyir. İran prezidenti çəkilişə bir şərtlə razılıq verib ki, ona ssenarini göstərəcəklər və filmdə oyun səhnələri olmayacaq. Stounun filmin «islamın, xüsusən də İranın qlobal imicinin yaxşılaşdırılması məqsədilə çəkiləcəyi» barədə bəyanatından sonra Əhmədinejad razılığını verib.
|
|
08.09.11 Məqaləni oxumaq
|
| |
|
|
|
Qəddafi üsyançıları siçana bənzətdi
|
|
Liviyanın devrilmiş lideri Müəmmər Qəddafi Suriya televiziyasına zəng edib. «KƏLAMİNFO» Türkiyənin «Sabah» qəzetinə istinadən xəbər verir ki, Qəddafi hələ də Liviyada olduğunu və üsyançıları məğlub edəcəyini söyləyib. O, tərəfdaşlarının üsyançıları və Liviyada havadan hücumlar təşkil edən NATO-nu məğlub etmək üçün hərəkətə keçəcəklərini də vurğulayıb. «Gənclər indi Tripolidəki «siçanlara» (üsyançılara) qarşı müqavimət aparmaq və onların muzdlu əsgərlərini məğlub etməyə hazırdırlar. NATO-nu məğlub edəcəyik» - deyə Qəddafi vurğulayıb.
|
|
08.09.11 Məqaləni oxumaq
|
| |
|
|
|
Səhifələr : # 18 19 20 21 22 23 24 25 26 # |
|
Torpaqlarımızı qaytaraq..
|
| |
|
|
|
Açılış Səhifəsi et 
