|
|
Səhifələr : # 8 9 10 11 12 13 14 15 16 #
|
|
Avstriya prezidenti Azərbaycana gələcək
|
|
Avstriyanın federal prezidenti Haynz Fişer Azərbaycana rəsmi səfərə gələcək. “KƏLAMİNFO”nun məlumatına görə, bu barədə Avstriyanın Azərbaycandakı səfiri Silviya Meyer-Kaybiç məlumat verib. Səfir bildirib ki, prezident Haynz Fişerin Azərbaycana səfəri oktyabrın 11-12-də baş tutacaq. Avstriyanın Azərbaycanda səfirliyinin 2010-cu ildə açıldığını xatırladan səfir qeyd edib ki, iki ölkə arasında təkcə iqtisadi sahədə deyil, digər sahələrdə, xüsusilə də mədəniyyət, turizm və təhsil sahəsində əməkdaşlıq mövcuddur.
Silviya Mayer-Kaybic əlavə edib ki, Azərbaycanda telekommunikasiya sahəsi yüksək templə inkişaf edir: “Azərbaycan milli peykinin buraxılması layihəsinə böyük diqqətlə yanaşırıq. Bu, çox böyük layihədir. Bundan əlavə, elektron hökumətin tətbiqi bizim üçün çox böyük əhəmiyyət kəsb edir. Bu mövzu ilə bağlı sabah xüsusi müzakirə aparılacaq. Biz bu sahədə Azərbaycan tərəfi ilə bir çox məsələni müzakirə edəcəyik”.
|
20.09.11 Məqaləni oxumaq
|
| |
|
|
|
Әrdoğan ABŞ-a səfər edəcək
|
|
Türkiyənin baş naziri Rәcəb Tayyıb Әrdoğan ABŞ prezidenti Barak Obamanın dәvәti ilə bu ölkəyə səfər edəcək. «KƏLAMİNFO» Türkiyə mətbuatına istinadən xəbər verir ki, Әrdoğanın adı çәkilәn ölkәdә keçirәcәyi görüşlәrdә gündәmә salınacaq әsas mәsәlә Türkiyә ilә İsrail arasındakı әlaqәlәr olacaq.
Baş nazir Rәcәb Tayyıb Әrdoğan ABŞ sәfәri çәrçivәsindә Türkiyә ilә İsrail arasındakı әlaqәlәrin pozulmasından narahat olduğunu bildirәn BMT baş katibi Pan Qi Mun ilә sentyabrın 21-dә tәkbәtәk görüş keçirәcәk. Sentyabrın 22-dә isә BMT-nin ümumi şurasında Fәlәstinin müstәqil dövlәt kimi tanınmasının vacib olduğunu şәrh edәcәk, Orta Şərq, Liviya, Suriya, Kipr vә Afrikadakı aclıq, terror başda olmaqla bir çox mövzuda Türkiyәnin mövqeyini bütün dünyaya bir daha bildirәcәk.
Әrdoğan İranın dövlәt başçısı Mahmud Әhmәdinejadla da bir araya gәlәcәk. Görüş zamanı PKK vә PJAK-a qarşı әmәliyyatlarda әmәkdaşlıq edilmәsi mövzusu ilә bağlı danışıqlar aparılacaq.
|
|
19.09.11 Məqaləni oxumaq
|
| |
|
|
|
Bakıda beynəlxalq təhsil sərgisi keçiriləcək
|
|
Sentyabrın 24-25-i tarixlərində Bakıda növbəti beynəlxalq təhsil sərgisi açılacaq. “KƏLAMİNFO” xəbər verir ki, sərgidə Avstraliya, Birləşmiş Ərəb Əmirlikləri, İngiltərə, Şimali Kipr, Türkiyə, ABŞ, Avstriya, Malayziya, Yunanıstan, İspaniya və bir sıra başqa ölkələrin universitetləri iştirak edəcəklər. Ümumilikdə, sərgidə 12 ölkənin 50 ali təhsil ocağı təmsil olunacaq. Tələbələrə xaricdə sertifikatlaşdırılmış təhsil, MBA proqramları və dil kursları haqda ətraflı məlumatlar veriləcək. Təhsil müəssisələrinin nümayəndələri təmsil etdikləri qurumlarda təhsil almaq şərtlərini, ölkələrində tələbələrə nəzərdə tutulan güzəştlər, gündəlik xərclər və s. məsələlərlə bağlı sualları cavablandıracaqlar.
Qeyd edək ki, sərgi Türkiyənin məşhur “Akare International Education Fairs” şirkəti tərəfindən təşkil olunacaq. Sərgidə diplomatik korpus nümayəndələri və dövlət rəsmilərinin iştirakı da nəzərdə tutulur.
|
|
19.09.11 Məqaləni oxumaq
|
| |
|
|
|
Azərbaycan Ordusu Naxçıvanda genişmiqyaslı təlimlərə başlayıb
|
|
Azərbaycan Ordusu Naxçıvan hərbi birləşməsində növbəti genişmiqyaslı təlimlərə başlayıb. Müdafiə Nazirliyinin mətbuat xidmətindən “KƏLAMİNFO”ya verilən məlumatda bildirilib ki, müdafiə naziri general-polkovnik Səfər Əbiyevin komandanlığı altında keçirilən təlimlərə quru qoşunları və hava hücumundan müdafiə qoşunlarının hərbi hissələri cəlb olunub.
Təlimlərin həftənin sonunadək davam edəcəyi planlaşdırılır.
|
|
19.09.11 Məqaləni oxumaq
|
| |
|
|
|
Allahşükür Paşazadə Səudiyyə Ərəbistanına yola düşür
|
|
Qafqaz Müsəlmanları İdarəsinin sədri Şeyxülislam Hacı Allahşükür Paşazadə sentyabrın 19-da Səudiyyə Ərəbistanına yola düşür. Səfərdə məqsəd Mədinə şəhərində sentyabrın 20-də keçiriləcək “Küfrün təzahürləri (səbəbləri, nəticələri, həlli yolları)” mövzusunda beynəlxalq konfransda iştirak etməkdir. Bu barədə məlumatı “KƏLAMİNFO”ya Qafqaz Müsəlmanları İdarəsinin mətbuat xidmətindən bildirilib.
Məlumata görə, iki Müqəddəs Məscidin xadimi Kral Abdulla bin Əbdüləziz Al-Səudun himayəsi ilə Əmir Nayif bin Əbdüləziz Al-Səud adına Peyğəmbər sünnələri və müasir İslam tədqiqatları üzrə Beynəlxalq Mükafat Fondunun təşkilatçılığı ilə baş tutan bu mötəbər konfransa Şeyxülislam fəxri qonaq kimi dəvət olunub.
QMİ sədrinin tədbirdə çıxış edəcəyi nəzərdə tutulur.
|
|
18.09.11 Məqaləni oxumaq
|
| |
|
|
|
Polis Akademiyasının məzunları işlə təmin olundu
|
|
Bu gün Daxili İşlər Nazirliyində bu il Polis Akademiyasının əyani şöbəsini bitirmiş məzunların Bakı BPİ-nin, həmçinin Nəqliyyatda Baş Polis İdarəsinin paytaxtda yerləşmiş orqan və hissələrində orta rəis heyəti vəzifələrinə təyin olunmalarına həsr olunmuş tədbir keçirilib. Bu barədə məlumatı “KƏLAMİNFO”ya DİN-nin mətbuat xidmətindən veriblər.
Daxili işlər naziri Ramil Usubov tədbirdə bu təyinatın şəffaflıq, aşkarlıq və ədalət prinsipləri əsasında gerçəkləşdiyini xatırladıb, son illər həyata keçirilən bu yeniliyin artıq praktikada özünü doğrultduğunu, gənc əməkdaşlara lazımi diqqət və qayğının göstərilməsinin DİN rəhbərliyinin daim diqqət mərkəzində saxladığı məsələlərdən olduğunu vurğulayıb. DİN-nin Baş Kadrlar İdarəsinin rəisi İsmət Əliyev növbəti belə tədbirdə iştirak etmək məqsədilə nazirliyə 57 nəfərin dəvət edildiyini bildirib, vakant vəzifələrin və namizədlərin siyahısını elan edib. Daha sonra təyinat püşkatma yolu ilə həyata keçirilib. Bu məqsədlə polisin orta rəis heyəti vəzifələrinə iddiaçılar həmin vəzifələrin qeyd edildiyi xüsusi zərfləri çəkiblər.
|
|
18.09.11 Məqaləni oxumaq
|
| |
|
|
|
Elmar Məmmədyarov BMT BA-nın Sessiyasında iştirak etmək üçün Nyu-Yorka gedir
|
|
Xarici işlər naziri Elmar Məmmədyarovun rəhbərlik etdiyi nümayəndə heyəti sentyabrın19-da BMT Baş Assambleyasının 66-cı Sessiyasında iştirak etmək məqsədilə Nyu Yorka səfər edəcək. XİN-in mətbuat xidmətindən “KƏLAMİNFO”ya verilən məlumata görə, səfər zamanı E.Məmmədyarovun Baş Assambleyanın iclaslarında iştirakı ilə yanaşı, bir sıra ikitərəfli görüşlərin keçirilməsi planlaşdırılır.
|
|
18.09.11 Məqaləni oxumaq
|
| |
|
|
|
Nuşirəvan Məhərrəmli: Yerli telekanalların üzərinə böyük məsuliyyət düşür
|
|
Bu gün Milli Televiziya və Radio Şurasında sədr Nuşirəvan Məhərrəmlinin iştirakı ilə “Azərbaycanda milli filmlərin istehsalı sahəsində qarşıda duran vəzifələr” mövzusunda Dəyirmi masa keçirilib. “KƏLAMİNFO” xəbər verir ki, tədbirdə N.Məhərrəmli bildirib ki, Azərbaycanda filmlərin çəkilməsinə dövlət tərəfindən diqqət var. Onun sözlərinə görə, bu sahədə son vaxtlar canlanma müşahidə olunur. “Milli filmlərin çəkilməsi üçün dövlət büdcəsindən Mədəniyyət və Turizm Nazirliyinə kifayət qədər vəsait ayrılır. Ancaq təəssüf ki, nazirlik tərəfindən çəkilən filmlər yalnız beynəlxalq müsabiqələrdə nümayiş olunur, yerli tamaşaçılar həmin filmlərlə az tanış olurlar”,-deyə MTRŞ sədri vurğulayıb. N.Məhərrəmli hesab edir ki, Mədəniyyət və Turizm Nazirliyi tərəfindən çəkilən filmlər ilk növbədə Azərbaycan tamaşaçıları üçün geniş təqdim olunmalıdır. “Bunun üçün dövlət tərəfindən Mədəniyyət və Turizm Nazirliyinə ildə 50-60 filmin çəkilməsi üçün vəsait ayrılır”,-deyə o, əlavə edib. N.Məhərrəmli deyib ki, bu məsələdə yerli telekanalların üzərinə böyük məsuliyyət düşür. “Onlar daha çox xarici serialları nümayiş etdirirlər. Düzdür, son vaxtlar nisbətən milli serialların çəkilişinə diqqət artsa da, lakin bu azdır”,-deyə MTRŞ sədri bildirib.
|
|
17.09.11 Məqaləni oxumaq
|
| |
|
|
|
Bayram Səfərov: Dağlıq Qarabağda yalnız Azərbaycan qanunları əsasında seçkilər keçirilə bilər
|
|
“Dağlıq Qarabağda hər hansı qanuni seçki keçirilə bilməz. Qarabağ Azərbaycanın ərazisidir və orada seçkilər yalnız Azərbaycanın qanunları ilə baş tuta bilər”. “KƏLAMİNFO” xəbər verir ki, bu sözləri yap.org.az saytına açıqlamasında “Azərbaycan Respublikası Dağlıq Qarabağ bölgəsinin Azərbaycanlı İcması” İctimai Birliyinin sədri Bayram Səfərov separatçı Dağlıq Qarabağ rejiminin “yerli özünüidarə orqanlarına seçkiləri” keçirmək haqqında qərarına münasibət bildirərkən deyib.
|
|
17.09.11 Məqaləni oxumaq
|
| |
|
|
|
Joao Suareş Bahar Muradovanın məktubuna cavab verib
|
|
ATƏT PA-nın xüsusi nümayəndəsi Joao Suareş 13 yaşlı Aygün Şahmalıyevin ölümü ilə bağlı vitse-spiker Bahar Muradovanın rəsmi məktubuna cavab verib. “KƏLAMİNFO” xəbər verir ki, Milli Məclisin sədr müavini, Azərbaycanın ATƏT Parlament Assambleyasında nümayəndə heyətinin rəhbəri Bahar Muradova Tovuz rayonunun Əlibəyli kəndində 13 yaşlı Aygün Şahmalıyevanın erməni təxribatı nəticəsində ölümü ilə bağlı təşkilatın Cənubi Qafqaz üzrə xüsusi nümayəndəsi Joao Suareşə rəsmi məktubla müraciət etmişdi.
Bu günlərdə xüsusi nümayəndə J.Suareş vitse-spikerin rəsmi məktubuna cavab verib. Məktubunda xüsusi nümayəndə bu hadisə ilə bağlı onu məlumatlandırdığı üçün B.Muradovaya təşəkkürünü bildirib və uşaqların belə faciəvi şəkildə həyatlarını itirməsinin hər zaman böyük sarsıntılara səbəb olduğunu vurğulayıb.
|
|
17.09.11 Məqaləni oxumaq
|
| |
|
|
|
Səhifələr : # 8 9 10 11 12 13 14 15 16 # |
|
Torpaqlarımızı qaytaraq..
|
| |
|
|
|
Açılış Səhifəsi et 
