|
|
Səhifələr : # 20 21 22 23 24 25 26 27 28 #
|
|
Azərbaycanın parlament nümayəndə heyəti Parisə gedib
|
|
Milli Məclisin Beynəlxalq münasibətlər və parlamentlərarası əlaqələr komitəsinin sədri, parlamentin AŞ PA-dakı daimi nümayəndə heyətinin rəhbəri Səməd Seyidov, deputatlardan Rəfael Hüseynov, Sahibə Qafarova və Elxan Süleymanov Avropa Şurası Parlament Assambleyasının daimi komitələrinin sentyabrın 7-dən 12-dək Parisdə keçiriləcək iclaslarında iştirak etmək üçün Fransaya səfər ediblər. Bu barədə məlumatı “KƏLAMİNFO”ya parlamentdən veriblər.
Hüquqi işlər və insan haqları, Monitorinq, Qadınlar və Kişilər üçün bərabər imkanlar, Sosial, səhiyyə və ailə işləri üzrə komitələrinin toplantılarında dövlət sirri və milli təhlükəsizlik məsələləri, terrorizmə qarşı mübarizə, onlayn mətbuatda məxfiliyin və şəxsi məlumatların mühafizəsi, Ermənistanda demokratik təsisatların fəaliyyəti, Serbiyada öhdəliklərin yerinə yetirilməsi, Türkiyədə mövcud durum, dünyada qadın hüquqlarının qorunması, siyasi partiyalarda gender bərabərliyinin təşviqi və digər məsələlər müzakirə ediləcək.
|
08.09.11 Məqaləni oxumaq
|
| |
|
|
|
ATƏT qoşunların təmas xəttində monitorinq keçirəcək
|
|
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq sentyabrın 8-də Azərbaycanın Goranboy rayonu Tapqaraqoyunlu kəndinin qərbindəki təmas xəttində monitorinq keçirilməsi planlaşdırılır. Müdafiə Nazirliyinin mətbuat xidmətindən “KƏLAMİNFO”ya verilən məlumata görə, monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin ofis əlaqələndiricisi İmre Palatinus, şəxsi nümayəndənin köməkçisi Uilyam Praroy və səhra köməkçisi Marius Puodziunas, təmas xəttinin qarşı tərəfində isə monitorinqi ATƏT-in fəaliyyətdə olan sədrinin şəxsi nümayəndəsinin səhra köməkçiləri Antal Herdiç və Xristo Xristov keçirəcəklər.
|
|
08.09.11 Məqaləni oxumaq
|
| |
|
|
|
Azərbaycanda elektron rəqəmli imzaların verilməsi üzrə mərkəz açıldı
|
|
Azərbaycanda elektron rəqəmli imzaların verilməsi üzrə mərkəz istismara verilib. “KƏLAMİNFO” xəbər verir ki, rabitə və informasiya texnologiyaları nazirinin müavini İltimas Məmmədov mərkəzin bu gündən tam gücü ilə işləməyə başladığını bildirib. Nazir müavininin sözlərinə görə, Azərbaycanda elektron rəqəmli imzaların tətbiqi dövlət müəssisləri arasında qarşılıqlı elektron fəaliyyətin inkişaf sürətini artırmağa imkan verəcək, eləcə də elektron xidmətlərin və elektron ticarətin inkişafına təkan verəcək: “Azərbaycan MDB-də rəqəmli imzaların tətbiq edildiyi azsaylı ölkələrdən biridir”.
İmzaların verilməsi imzanı alan şəxs tərəfindən ərizə verildikdən və imzanın dəyəri ödənildikdən sonra poçt rabitə şöbələri vasitəsilə həyata keçirilir. Azərbaycanın bütün ərazisində, eləcə də Naxçıvan Muxtar Respublikasında rəqəmli imza almaq mümkündür.
Rəqəmli imza almaq haqqında daha ətraflı www.e-imza.az ünvanda məlumat almaq mümkündür.
|
|
08.09.11 Məqaləni oxumaq
|
| |
|
|
|
“Yahoo”nun icraçı direktoru istefaya göndərilib
|
|
“Yahoo”nun icraçı direktoru Kerol Bartz istefaya göndərilib. “KƏLAMİNFO” “Lenta.ru”ya istinadən xəbər verir ki, “Yahoo”nun maliyyə direktoru Timoti Mors icraçı direktor əvəzi təyin edilib. Əgər o, bu vəzifəyə həmişəlik təsdiqlənsə, “Yahoo”nun sayca dördüncü rəhbəri olacaq.
Kerol Bartz “Yahoo”ya 2009-cu ildən başçılıq edirdi. O, şirkətin menecmentində dəyişikliklər həyata keçirmişdi. Son vaxtlar “Yahoo”nun səhmlərinin dəyəri aşağı düşdüyündən Bartzın hərəkətləri tənqidə məruz qalmışdı.
|
|
08.09.11 Məqaləni oxumaq
|
| |
|
|
|
Deputatlarımız Polşada XXI İqtisadi Forumda iştirak edirlər
|
|
Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva və deputat Asim Mollazadə bu gündən sentyabrın 11-dək Polşanın Kriniça şəhərində keçiriləcək XXI İqtisadi Forumunda iştirak edəcəklər. Bu baorədə məlumatı “KƏLAMİNFO”ya parlamentdən veriblər.
|
|
07.09.11 Məqaləni oxumaq
|
| |
|
|
|
İnformasiya Texnologiyaları İnstitutu ilə Rusiyanın Sistemli Analiz İnstitutu arasında protokol imzalanıb
|
|
AMEA İnformasiya Texnologiyaları İnstitutu ilə Rusiya Elmlər Akademiyasının Sistemli Analiz İnstitutu arasında elmi-texniki əməkdaşlıq haqqında protokol imzalanıb. AMEA-dan “KƏLAMİNFO”ya verilən məlumata görə, protokol çərçivəsində fundamental tədqiqatlar sahəsində əməkdaşlığın genişlənməsi, elm və texnikanın innovativ inkişafına xidmət edən birgə elmi-tədqiqat işləri və proqramların həyata keçirilməsi, texnoparklarda müvafiq işlərin aparılması, əldə edilən nəticələrin tətbiqi, birgə seminar, elmi konfrans, işgüzar görüş və sərgilərin keçirilməsi məsələləri nəzərdə tutulur. Tərəflər müxtəlif təyinatlı “hesablama buludları” və MathCloud sahəsində xidmətlərin yaradılması məsələlərində əməkdaşlıq edəcəklər. Əməkdaşlıq, həmçinin AzScienceNet elm kompyuter şəbəkəsinin imkanlarının genişləndirilməsi, onun bazasında Verilənlərin Emalı Mərkəzinin yaradılması, qabaqcıl İKT sistemləri üzrə metodların araşdırılması və işlənməsi üzrə qrant proqramlarda birgə iştirakı da nəzərdə tutur.
|
|
07.09.11 Məqaləni oxumaq
|
| |
|
|
|
Ərdoğan: “Bazanın qurulması NATO çərçivəsində həyata keçirilən bir prosesdir”
|
|
Türkiyənin baş naziri Rəcəb Tayyib Ərdoğan raketdən müdafiə sistemi daxilində Türkiyədə qurulacaq radiolokasiya bazasını «NATO çərçivəsində həyata keçirilən bir proses» olaraq dəyərləndirib və sistemin yerləşdiriləcəyi yerin müəyyən edilməsi üçün fəaliyyətlərin davam etdiyini bildirib. «KƏLAMİNFO» TRT-yə istinadən xəbər verir ki, baş nazir bu sözləri Türkiyədə səfərdə olan İspaniya baş naziri Rodriqes Sapatero ilə görüşü çərçivəsində bildirib. İki baş nazirin görüşündən sonra təşkil edilən ortaq mətbuat konfransında Ərdoğan raketdən müdafiə sistemilə bağlı sualları cavablandırıb. Onun sözlərinə görə, bu məsələ Türkiyədə bir radiolokasiya bazasının qurulması ilə bağlıdır. «Bazanın qurulması NATO çərçivəsində həyata keçirilən bir prosesdir» - deyə o bildirib.
Görüşdə İsrailə tətbiq ediləcək sanksiyalar da gündəmə gəlib. Baş nazir Ərdoğan Türkiyənin tələbləri yerinə yetirilmədiyi halda İsrail ilə əlaqələrin normallaşmayacağını söyləyib: «İki ölkə arasındakı hərbi müqavilələri, xüsusilə müdafiə sənayesi sahəsindəki ticarət əlaqələrini tamamilə təxirə saldıq».
|
|
07.09.11 Məqaləni oxumaq
|
| |
|
|
|
Ermənistanda öz uşaqlarını boğub öldürən qadını həbs edilib
|
|
Ermənistan hüquq-mühafizə orqanları öz uşaqlarını boğub öldürən qadını həbs ediblər. «KƏLAMİNFO» «Armenia Today»ə istinadən xəbər verir ki, o, 6 yaşlı Vardan və 4 yaşlı Ayka Aloyanovu öldürməkdə günahlandırılıb. Polisə bununla bağlı məlumatı onun qonşuları məlumat verib. Bəlli olub ki, ana uşaqları boğub öldürdükdən sonra qapını bağlayaraq evi tərk edib. Həbs edilən qadın bildirib ki, uşaqları mələfə ilə boğub.
|
|
07.09.11 Məqaləni oxumaq
|
| |
|
|
|
İranda 4 nəfəri asıblar
|
|
İranda narkotik maddə satmaqda ittiham olunan 4 nəfəri asıblar. «KƏLAMİNFO»nun məlumatına görə, bunu İranın «Şərq» qəzeti yayıb. Hadisə Kerman şəhərindəki həbsxanada baş verib. «France Presse»in məlumatına görə, bu ilin əvvəlindən İranda 184 nəfər haqqında asılmaqla bağlı qərar çıxarılıb. Ötən il isə 179 adam asılmışdı. Hüquq müdafiəçilərinin dediyinə görə isə bu rəqəm daha çoxdur. İran qanunlarına görə, ölüm, zorlama, ailə xəyanəti, silahlı qarət və narkotik maddə qaçaqçılığına görə ittiham olunanlar asılırlar.
|
|
07.09.11 Məqaləni oxumaq
|
| |
|
|
|
Yeni veb səhifədə Nizami Gəncəvi irsi müxtəlif dillərdə işıqlandırılacaq
|
|
870 illiyi qeyd olunacaq Azərbaycan şairi və mütəfəkkiri Nizami Gəncəvinin irsinin dünyada tanıdılması üçün veb səhifə hazırlanır. “KƏLAMİNFO”nun məlumatına görə, Nizami irsinin təbliği və dünyada daha dərindən tanıdılması məqsədilə veb səhifənin yaradılmasına artıq başlanılıb. Xüsusi dizaynla hazırlanan internet səhifəsində Nizaminin bütün əsərləri, dahi şair haqqında yazılar rus, ingilis, alman və fransız dillərində yerləşdiriləcək.
Qeyd edək ki, bununla yanaşı, dahi şairin yubileyinə digər hazırlıq işləri də aparılır. Məlumatda Nizami Gəncəvinin irsinin araşdırılması komissiyasına daxil olan 100-dən artıq təklifin 30-dan çoxunun yubiley tədbirləri planına salındığı bildirilir. Bundan başqa, şairin budəfəki yubileyində bir sıra yeniliklər də ediləcək. Bu yeniliklərə şairin adına təqaüdlərin təsis edilməsi, sikkələrin, döş nişanlarının, bəzək əşyalarının, buklet və digər çap məhsullarının hazırlanması aiddir.
|
|
07.09.11 Məqaləni oxumaq
|
| |
|
|
|
Səhifələr : # 20 21 22 23 24 25 26 27 28 # |
|
Torpaqlarımızı qaytaraq..
|
| |
|
|
|
Açılış Səhifəsi et 
