|
|
Səhifələr : # « 26 27 28 29 30 31 32 33 34 » #
|
|
Müstəqilliyinin 20-ci ildönümü ilə bağlı elan edilən müsabiqənin qalibləri oktyabrda mükafatlandırılacaq
|
|
Oktyabrda Azərbaycan Prezidenti yanında Strateji Araşdırmalar Mərkəzində (SAM) ümumrespublika konfransı keçiriləcək. SAM-dan “KƏLAMİNFO”ya verilən məlumata görə, konfrans Azərbaycanın müstəqilliyinin bərpa edilməsinin 20-ci ildönümü ilə bağlı elan edilən müsabiqənin yekunlarına həsr olunacaq.
Konfransda qaliblər mükafatlandırılacaq və ən yaxşı işlərin toplu şəklində çap edildiyi kitabın təqdimatı keçiriləcək.
Müsabiqənin məqsədi Azərbaycanda siyasət, tarix, hüquq, fəlsəfə, beynəlxalq hüquq və münasibətlər, iqtisadiyyat sahəsində təhsil alan gənclərin analitik təhlil vərdişləri və qabiliyyətlərinin inkişaf etdirilməsi, yeni istedadların aşkara çıxarılmasıdır.
Xatırladaq ki, cari ilin iyulunda elan edilən ümumrespublika müsabiqəsində Bakı və regionlarda, ali təhsil müəssisələrində ictimai və humanitar elmlər sahəsində əyani təhsil alan bakalavr və magistrlər, eləcə də AMEA-nın və respublikanın digər elmi-tədqiqat institutlarında çalışan, qiyabi təhsil alan magistrlər iştirak edirlər.
|
01.09.11 Məqaləni oxumaq
|
| |
|
|
|
“Serbiya Azərbaycanın ərazi bütövlüyünü dəstəkləməkdə davam edəcək”
|
|
“Bu gün Serbiya Azərbaycanın ərazi bütövlüyünü dəstəkləyir və dəstəkləməkdə də davam edəcək”. “KƏLAMİNFO” xəbər verir ki, bu barədə jurnalistlərə açıqlamasında Bakıda səfərdə olan Serbiyanın xarici işlər naziri Vuk Yeremiç bildirib.
O qeyd edib ki, dövlətlərin ərazi bütövlüyü və suverenliyi beynəlxalq hüquqa dair bütün sənədlərdə, o cümlədən Helsinki Yekun Aktında və BMT konvensiyalarında əsas elementdir. V.Yeremiç Serbiya ilə Azərbaycan arasında siyasi sahədə tam qarşılıqlı anlaşma olduğunu bildirib. “Biz Azərbaycanın ərazi bütövlüyünü dəstəkləyir və dəstəkləməkdə də davam edəcəyik”,-deyə o, əlavə edib.
|
|
01.09.11 Məqaləni oxumaq
|
| |
|
|
|
Politoloq: “MDB-ni yaradanlar bu qurumun inkişafında artıq maraqlı deyillər”
|
|
“Bu gün iyirmi il əvvəlkindən fərqli olaraq postsovet ölkələrinin MDB-də qalması bu ölkələrin əksəriyyətinin o qədər də ürəyindən deyil”. Bunları “KƏLAMİNFO”ya müsahibəsində politoloq Rasim Ağayev bildirib.
Ekspert deyib ki, MDB-ni yaradanlar bu qurumun inkişafında artıq maraqlı deyillər. “Çünki bu qurum süni yaradılmış bir qurumdur. Bunun əvəzində isə Avrasiyada yeni qurum yarana bilər. “Əgər Rusiya dağılmasa, Avrasiyada yeni bir qurum yarana bilər. Bu qurumda da zənnimcə, Yaponiya, Türkiyə də iştirak edə bilər”,-deyə R.Ağayev vurğulayıb. Onun sözlərinə görə, gələcək 5-10 ildə yeni bir tendensiya yaranacaq. “Bu gün dünya güclərinin dispozisiyası dəyişilir və bu da məcbur edəcək ki, yeni qüvvə meydana gəlsin”,-deyə politoloq əlavə edib.
Qeyd edək ki, MDB-nin bu ay Düşənbədə növbəti sammiti keçiriləcək. Budəfəki sammit təşkilatın 20 illik yubileyi çərçivəsində təşkil edilir. Amma Azərbaycanla yanaşı bir neçə quruma üzv dövlət sammitdə iştirak etməyəcəyini bildirib.
|
|
01.09.11 Məqaləni oxumaq
|
| |
|
|
|
Səhifələr : # « 26 27 28 29 30 31 32 33 34 » # |
|
Torpaqlarımızı qaytaraq..
|
| |
|
|
|
Açılış Səhifəsi et 
