|
|
Səhifələr : # 1 2 3 4 5 6 7 #
|
|
BMT yanında daimi nümayəndələr Heydər Əliyev Fondunda olublar
|
|
Azərbaycanda səfərdə olan Kamboca, Benin, Ekvatorial Qvineya, Mavriki, Namibiya, Sent Lusiya, Sent Vinsent Qrenadin, Seyşel adaları, Syerra-Leone, Şri-Lanka, Yamayka və Zimbabvenin BMT yanında daimi nümayəndələri bu gün Heydər Əliyev Fondunu ziyarət ediblər. “KƏLAMİNFO” xəbər verir ki, qonaqlara ümummilli lider Heydər Əliyevin xatirəsinə ehtiram əlaməti olaraq yaradılmış Fondun tarixi, məqsədləri barədə məlumat verilib.
Bildirilib ki, Fondun əsas məqsədləri görkəmli siyasi xadim Heydər Əliyevin zəngin irsini öyrənmək və təbliğ etməkdən, Azərbaycanın sosial-iqtisadi, mədəni tərəqqisinə yönəlmiş genişmiqyaslı fəaliyyəti barədə gələcək nəsillərdə, xarici qonaqlarda əyani təsəvvür yaratmaqdan, Azərbaycan mədəniyyəti və tarixinin geniş təbliği ilə əlaqədar aparılan işlərə kömək göstərməkdən ibarətdir.
|
25.08.11 Məqaləni oxumaq
|
| |
|
|
|
Mübariz Əhmədoğlu: “Dağlıq Qarabağ probleminin dinc yolla həllinə təhlükə yaradan məhz vasitəçilərdir”
|
|
“İndiki dövrdə Dağlıq Qarabağ münaqişəsinin sülh yolla həll edilməsi olduqca təhlükəli məsələdir”. “KƏLAMİNFO” xəbər verir ki, bu barədə politoloq Mübariz Əhmədoğlu söyləyib. Siyasi ekspertin sözlərinə görə, indi gedən proseslər münaqişəsinin dinc yolla həll edilməsinə maneədir. “Münaqişəsinin tənzimlənməsində geosiyasi güc artıb. Dağlıq Qarabağ probleminin dinc yolla həll olunmasına təhlükə yaradan məhz vasitəçilərdir. Məsələnin həll olunmasına üstələnən vasitəçilər əslində bu müddət ərzində müharibənin qarşısını almaqla məşğul olublar və bu məsələdə müharibə profilaktikası yaratmaq əslində ermənipərəstlik deməkdir”,-deyə M.Əhmədoğlu qeyd edib.
Politoloqun fikrincə, vasitəçilərin ikinci qüsuru bir-biri ilə anlaşa bilməməsi və münaqişəsinin tənzimlənməsində özlərinin geosiyasi maraqları tərəfindən çıxış etməsi olub:
|
|
25.08.11 Məqaləni oxumaq
|
| |
|
|
|
Təhsil Nazirliyi vakant qalan yerlərə müəllimlərin qəbulunu elan edib
|
|
Təhsil Nazirliyi 2011-2012-ci dərs ilində respublikanın ümumtəhsil məktəblərinə Azərbaycan dili və ədəbiyyatı, kimya, ingilis dili və ibtidai sinif müəllimi vəzifəsinə işə qəbulun nəticələrinə görə vakant qalan yerləri elan edib.
Təhsil Nazirliyindən “KƏLAMİNFO”ya verilən məlumata görə, avqustun 8-dən 11-dək Azərbaycan dili və ədəbiyyatı müəllimlərinin işə qəbulu üzrə müsabiqədə iştirak edərək keçid balını toplayanlar elan edilən 98 yer üçün müraciət edə bilərlər. Bakı şəhərində olan vakant yerlər ucun keçid balı 28-dən yuxarı, digər vakant yerlər üçün keçid balı isə 21-dən yuxarıdır. Elan edilən 98 vakant yerdən 1-i Bakı, qalanları isə digər şəhər və rayonlar üzrədir.
|
|
25.08.11 Məqaləni oxumaq
|
| |
|
|
|
İnformatika müəllimi işləmək istəyənlər üçün imtahan keçirilir
|
|
Bu gün ümumi təhsil müəssisələrindəki vakant yerlərə müəllimlərin işə qəbulu ilə bağlı növbəti imtahan başlayıb. Təhsil Nazirliyindən “KƏLAMİNFO”ya verilən məlumata görə, imtahan Təhsil Nazirliyinin Təhsil Sisteminin İnformasiyalaşdırılması İdarəsinin Təlim Mərkəzində keçirilir.
İnformatika müəllimi işləmək istəyənlər üçün keçirilən imtahan bu gün səhər saat 09.00-da başlayıb və axşam saat 18.00-dək davam edəcək. Bir gün davam edəcək imtahanda hər bir namizəd kompyuter vasitəsilə bir saat ərzində 35 sualı cavablandıracaq.
Qeyd edək ki, hazırda ölkədə informatika müəllimliyi ixtisası üzrə 188 vakant yer var. Vakant yerlərdən 29-u Bakı şəhəri, 159-u isə digər şəhər və rayonlar üzrədir. Bu ixtisas üzrə vakant yerlərə 440 nəfər sənəd verib.
İyulun 26-dan başlayan imtahanların sentyabrın 1-də başa çatması nəzərdə tutulub.
|
|
25.08.11 Məqaləni oxumaq
|
| |
|
|
|
MDB-nin enerji məsələləri üzrə ekspertləri Finlandiyaya toplaşıb
|
|
Bu gün Finlandiyanın Turku şəhərində “Avropa regionunun enerji təhlükəsizliyi” mövzusunda illik beynəlxalq enerji konfransı keçirilir. Turku İqtisadiyyat Məktəbinin təşkilatçılığı ilə reallaşan tədbirdə ölkəmizi Prezident yanında Strateji Araşdırmalar Mərkəzinin enerji məsələləri üzrə eksperti Gülmira Rzayeva təmsil edir. Bu barədə məlumatı “KƏLAMİNFO”ya SAM-ın mətbuat xidmətindən veriblər.
Konfransın keçirilməsində məqsəd MDB ölkələrindən olan enerji məsələləri üzrə ekspertləri bir araya gətirərək onlarla fikir mübadiləsi aparmaqdır. Həmçinin Finlandiyanın ekspert və akademik dairələrini MDB ölkələrinin enerji siyasəti haqda məlumatlandırmaqdır.
|
|
25.08.11 Məqaləni oxumaq
|
| |
|
|
|
Azərbaycanlı alim Portuqaliyada keçiriləcək konfransda iştirak edəcək
|
Sentyabrın 19-24-də Portuqaliyanın Evora şəhərində Mədəniyyətlərdə Astronomiya Avropa Cəmiyyətinin (European Society for Astronomy in Culture) konfransı keçiriləcək. Konfransda Mədəniyyət və Turizm Nazirliyinin dəstəyi ilə Şamaxı Astrofizika Rəsədxanasının elmi işçisi Abasəli Rüstəmov “Qədim Qobustan Günəş Rəsədxanası” mövzusunda elmi məruzəylə iştirak edəcək. Bu barədə məlumatı “KƏLAMİNFO”ya Mədəniyyət və Turizm Nazirliyindən veriblər.
Məruzə Qobustanın qayıq rəsmlərində əks olunmuş təqvim simvolizminin və 1 nömrəli Qaya obyekti taxçaların “mövsüm ölçmə” (günəş saatı) funksiyalarının tədqiqatlarından bəhs edir.
Konfransın proqramı əsasən qədim Şumer, Misir, Yunan və Maya astronomiyası və müasir dövrlərdə dənizçilikdə istifadə olunan qədim naviqasiya üsulları, dünya xalqlarının mədəniyyətlərindəki təcrübi astronomiya mövzularını əhatə edir. Konfransda Avropa ölkələrinin arxeoastronomları ilə yanaşı, Hindistan, Rusiya, Qazaxıstan, Gürcüstan və İran İslam respublikasından olan tədqiqatçılar da iştirak edəcəklər.
|
|
25.08.11 Məqaləni oxumaq
|
| |
|
|
|
Fransa deputatların Dağlıq Qarabağa səfərinə aydınlıq gətirdi
|
Fransanın Azərbaycandakı səfirliyi bir neçə gün öncə fransalı deputatların Dağlıq Qarabağa olan səfəri ilə bağlı məlumat yayıb.
Fransanın Azərbaycandakı səfirliyindən «Azadinform»a verilən məlumatda qeyd edilib ki, 2011-ci il avqustun 23-dəki mətbuat saatında Fransa Xarici İşlər və Avropa məsələləri Nazirliyinin sözçüsünə fransalı deputatların Dağlıq Qarabağa bir neçə gün öncə getməsi ilə bağlı sual verilib. Bununla əlaqədar o aşağıdakı bəyanatı verib: “Dağlıq Qarabağa münasibətdə bizim mövqeyimiz parlamentarilərə lazımi şəkildə bildirilib. Bu səfər nəticə etibarı ilə Fransanın bu münaqişədə siyasətinə heç bir öhdəlik vermir və nə də onun siyasətini dəyişmir. Fransa beynəlxalq birliyin bütün ölkələri kimi, o cümlədən Ermənistanın özü də, bu ərazinin müstəqilliyini tanımır. Bu ərazinin beynəlxalq hüquqi statusu, yalnız sülh yolu ilə, ədalətli şəkildə və bütün aidiyyəti tərəflər arasında razılaşdırılmış həll çərçivəsində müəyyən edilə bilər.
|
|
25.08.11 Məqaləni oxumaq
|
| |
|
|
|
İyulun 1-dən 2686 fiziki şəxs elektron qeydiyyatdan keçib
|
İyul ayının 1-dən indiyədək respublika ərazisində 11054 fiziki şəxs qeydiyyatdan keçib ki, onların da 2686 nəfəri elektron imkanlardan yararlanıb. Vergilər Nazirliyinin Analitik informasiya şöbəsindən “KƏLAMİNFO”ya verilən məlumata görə, Bakı şəhəri üzrə qeydiyyatdan keçmiş 4997 fiziki şəxsin 1503-ü, ərazi vergi orqanları üzrə qeydiyyatdan keçmiş 5850 fiziki şəxsin 1126-sı elektron qeydiyyat xidmətindən istifadə edib.
Qeyd edək ki, Azərbaycanda sahibkarlıq fəaliyyəti ilə məşğul olmaq istəyən fiziki şəxslərin elektron qeydiyyatına bu il iyul ayının 1-dən etibarən başlanıb.
|
|
25.08.11 Məqaləni oxumaq
|
| |
|
|
|
Qəddafinin heykəlləri uçurulub
|
Liviyalı üsyançılar paytaxt Tripolidə Liviyanın artıq “sabiq” adlandırılan lideri Qəddafinin heykəllərini uçurub, qərargahında ona aid olan əşyaları yandıraraq, “ya zəfər, ya ölüm” - deyə meydan oxuyur.
“KƏLAMİNFO” BBC-yə istinadən xəbər verir ki, Qəddafinin qurucusu olduğu “Əl Uruba” kanalı Qəddafi və qoşunlarının “hərbi taktika” edərək geri çəkildiklərini və səssiz qaldıqlarını yayıb. Qəddafinin qərargahını ələ keçirən üsyançılar onun iqtidarının simvolu olan heykəli uçurub, bu anı ölümsüzləşdiriblər. Dünya mətbuatında əksini tapan görüntüləri analiz edən rəsmilər Qəddafiyə yol göründüyünü bildirir.
|
|
25.08.11 Məqaləni oxumaq
|
| |
|
|
|
2894 vergi ödəyicisi ilə elektron mübadilə haqda müqavilə imzalanıb
|
İyul ayında 2894 vergi ödəyicisi ilə elektron sənəd mübadiləsi barədə müqavilə imzalanıb. “KƏLAMİNFO”ya Vergilər Nazirliyinin Analitik informasiya şöbəsindən verilən məlumata görə, ötən ay Bakı Şəhər Vergilər Departamentinin Vergi ödəyicilərinə xidmət idarəsi tərəfindən 5514 vergi ödəyicisinə 15927 sayda müxtəlif növ vergi xidməti göstərilib.
Eyni zamanda, müraciət etmiş vergi ödəyicilərinə 2696 halda vergi qanunvericiliyinə aid izahatlar verilib, şifahi sorğular və müraciətlər cavablandırılıb. Hesabat ayı ərzində 1318 halda vergi ödəyicilərinin şəxsi hesab vərəqələrindəki məlumatların verilməsi təmin edilib, 131 halda ərizə və arayış formalarının, 2729 halda bəyannamələrin düzgün tərtib edilməsinə köməklik göstərilib, 4896 halda bəyannamələrin vaxtında təqdim edilməsi və 1139 halda vergilərin vaxtında ödənilməsi barədə məlumat verilib. Həmçinin 4685 vergi ödəyicisinin telefonla məlumatlandırılması həyata keçirilib.
|
|
24.08.11 Məqaləni oxumaq
|
| |
|
|
|
Səhifələr : # 1 2 3 4 5 6 7 # |
|
Torpaqlarımızı qaytaraq..
|
| |
|
|
|
Açılış Səhifəsi et 
