|
|
Səhifələr : # 12 13 14 15 16 17 18 19 20 #
|
|
İngiltərədə Beynəlxalq Folklor Festivalı başlayıb
|
|
300-dən çox sənətkarın rəqs, musiqi ifası, əl işlərini nümayiş etdirdiyi, paradlar, sərgilər, seminarlarla bol olan 47-ci Billingem Beynəlxalq Folklor Festivalı start götürüb. “KƏLAMİNFO” “Sabah” qəzetinə istinadən xəbər verir ki, Belarus, Kosta Rika, Macarıstan, Gürcüstan, Koreya, Serbiya və s. kimi ölkələrdən olan folklor qruplarının iştirak edəcəyi festival şənbə gününə kimi İngiltərənin müxtəlif məkanlarda baş tutacaq.
Qeyd edək ki, hər günün öz planlaşdırılmış proqramı olan festivalda uşaqlar üçün də xüsusi tədbirlər təşkil olunub. Sonuncu gün isə bütün qrupların iştirakı ilə Festival Arenada əlvida qala konserti və eyni zamanda boru və zərb alətlərinin konserti də təşkil olunacaq. Festival atəşfəşanlıqla bitəcək.
|
10.08.11 Məqaləni oxumaq
|
| |
|
|
|
Abdulla Gül: Qafqazın sabitliyi Türkiyə üçün əhəmiyyətlidir
|
|
Qafqaz və Orta Asiya regionlarının sabitliyi Türkiyə üçün əhəmiyyətlidir. “KƏLAMİNFO” xəbər verir ki, bu fikirləri Yaponiyanın ən böyük iqtisadiyyat qəzeti olan “Nihon Keizai Shimbuna” (Nikkei) müsahibəsində Türkiyə prezidenti Abdulla Gül söyləyib. “Türkiyənin yüksəlişi: regional liderliyə” başlığı altında verilən müsahibədə A.Gül əlavə edib ki, Türkdilli ölkələrlə Türkiyənin bağları möhkəmdir və bu bölgələrin sabitliyi Türkiyə üçün maraqlıdır.
Ölkəsinin regionda lider dövlət olduğuna diqqət çəkən A.Gül Türkiyənin daxili və xarici diplomatiyasından bəhs edərək bölgədə problemlərin mövcudluğunu da qeyd edib. Türkiyənin Orta şərq, Balkanlar və Qafqaza yönəlik diplomatiyasından danışan prezident bildirib ki, gələcəkdə mövcud problemlərdən çıxmağı qarşıya məqsəd qoyublar.
Bütün bölgə və qitələrlə əlaqələrin möhkəmləndirməsini arzu edən A.Gül qeyd edib ki, bəzi qruplar bunu anlaya bilmir, ya da qəbul etməkdə çətinlik çəkirlər.
|
|
10.08.11 Məqaləni oxumaq
|
| |
|
|
|
Magistraturalarda boş qalan plan yerlərinə müsabiqənin nəticələri açıqlandı
|
|
Ali təhsil müəssisələrinin magistraturalarının boş qalan plan yerlərinə müsabiqənin nəticələri açıqlanıb. Bu barədə məlumatı “KƏLAMİNFO”ya Tələbə Qəbulu üzrə Dövlət Komissiyasının (TQDK) mətbuat xidmətindən veriblər.
Ali təhsil müəssisələrinin magistraturalarının boş qalan plan yerlərinə müsabiqənin nəticələri bu gün saat 15:00-da TQDK-nın internet saytında yerləşdirilib. Qəbul olan bakalavrların siyahısı “Magistr” jurnalının 7-ci sayında dərc olunacaq. Müsabiqə nəticəsində 327 magistratura səviyyəsi üzrə təhsil almaq hüququ qazanmışlar. Ali təhsil müəssisələrinin magistraturalarının boş qalan plan yerlərinə qəbul olanlar bu il avqustun 11-dən 19-dək sənədlərini qəbul olduqları təhsil müəssisəsinə təqdim edərək qeydiyyatdan keçməlidirlər. Həmin müddətdə qeydiyyatdan keçməmək bakalavrın müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri ali təhsil müəssisəsinə göndərilməyəcək.
|
|
10.08.11 Məqaləni oxumaq
|
| |
|
|
|
Azərbaycan və Rusiya prezidentləri görüşüb
|
|
Azərbaycan və Rusiya prezidentləri İlham Əliyev və Dmitri Medvedyev arasında Soçidə görüş keçirilib. Görüş zamanı ikitərəfli münasibətlər, həmçinin aktual regional məsələlər müzakirə edilib, o cümlədən Dağlıq Qarabağ münaqişəsinin nizamlanması üzrə danışıqlar prosesinin vəziyyətinə dair fikir mübadiləsi aparılıb. RF prezidentinin rəsmi saytına istinadən “KƏLAMİNFO” xəbər verir ki, Dağlıq Qarabağ münaqişəsinin nizamlanmasına toxunan D.Medvedyev bildirib ki, regional problemlərin həlli Rusiya üçün çox vacibdir. «Əlbəttə, əsas mövzulardan biri Dağlıq Qarabağ münaqişəsidir. Burada mən axırıncı üçtərəfli görüşümüzü nəzərə almaqla bundan sonra nə edəcəyimiz barədə səmimi söhbət aparmaq istəyirəm. Biz yaxın ölkələrik, biz qonşuyuq, biz çox yaxın dostlarıq, tərəfdaşıq. Regionumuzda vəziyyətin necə inkişaf etməsindən bütünlüklə regionun, bizim ölkələrimizin, xalqlarımızın əhvalı asılıdır» deyən Dmitri Medvedyev İlham Əliyevlə məsləhətləşmələr aparmaq istədiyini bildirib.
|
|
10.08.11 Məqaləni oxumaq
|
| |
|
|
|
Səhiyyə Nazirliyi partlayışla bağlı açıqlama yayıb
|
|
Hacıqabul rayonunda yanacaqdoldurma məntəqəsində baş verən partlayış nəticəsində 13 nəfər yaralanıb. “KƏLAMİNFO” xəbər verir ki, bu barədə Səhiyyə Nazirliyinin mətbuat xidməti məlumat yayıb.
Partlayışda yaralananlardan Şirvan rayon Xəstəxanasına aparılan 2 nəfərdən biri yolda dünyasını dəyişib, digər 11 yaralı isə Hacıqabul rayon xəstəxanasına çatdırılıb. Yaralılardan üçünün vəziyyəti yüngül olduğuna görə ilkin tibbi yardım göstərildikdən sonra evə buraxılıblar, onlar Gürcüstan vətəndaşıdır. 8 yaralı hazırda xəstəxanadadır. 1-nin vəziyyəti ağırdır. Sumqayıt sakini olan həmin yaralıya 3-cü dərəcəli texniki yanıq diaqnozu qoyulub.
|
|
10.08.11 Məqaləni oxumaq
|
| |
|
|
|
İstanbulda İƏT-ə üzv ölkələrin xarici işlər nazirlərinin fövqəladə toplantısı keçiriləcək
|
|
Avqustun 17-də İstanbulda İslam Əməkdaşlıq Təşkilatına (İKT) üzv ölkələrin xarici işlər nazirlərinin fövqəladə toplantısı keçiriləcək. “KƏLAMİNFO” xəbər verir ki, toplantı Somali hökumətinin çağırışı və Türkiyə xarici işlər naziri Əhməd Davutoğlunun dəvəti ilə gerçəkləşəcək.
İƏT-in baş katibi Ekmələddin İhsanoğlunun da qatılacağı İƏT İcra Komitəsi 2006-cı ildən sonra ilk dəfə Ciddədən kənarda – İstanbulda toplanacaq.
Somali prezidenti Şeyx Şərifin də qatılacağı iclasda fəlakət bölgəsinə yardımların göstərilməsi məsələləri müzakirə ediləcək.
|
|
10.08.11 Məqaləni oxumaq
|
| |
|
|
|
Prezident Soçiyə işgüzar səfərə yola düşüb
|
|
Prezident İlham Əliyev bu gün Rusiya Federasiyasının Soçi şəhərinə işgüzar səfərə yola düşüb. “KƏLAMİNFO” xəbər verir ki, dövlət başçısını Heydər Əliyev Beynəlxalq Aeroportunda Baş nazir Artur Rasizadə və Bakı Şəhəri İcra Hakimiyyətinin başçısı Hacıbala Abutalıbov yola salıblar.
Qeyd edək ki, prezidentlərin görüşündə Dağlıq Qarabağ probleminin tənzimlənməsi və Xəzər dənizinin hüquqi statusu əsas müzakirə mövzuları olacaq.
|
|
10.08.11 Məqaləni oxumaq
|
| |
|
|
|
İyulda ETSN-nin “Qaynar xətt”inə 120 müraciət daxil olub
|
|
Cari ilin iyul ayı ərzində Ekologiya və Təbii Sərvətlər Nazirliyinin (ETSN) “Qaynar xətt”inə 120 müraciət daxil olub. Bu barədə məlumatı “KƏLAMİNFO”ya Ekologiya və Təbii Sərvətlər Nazirliyindən veriblər.
Nazirliyin əməkdaşları tərəfindən daxil olan müraciətlər yerində araşdırılaraq qanunamüvafiq tədbirlər görülüb.
Belə ki, ağacların kəsilməsi ilə əlaqədar daxil olmuş 34 müraciət Nazirliyin əməkdaşları tərəfindən yerində araşdırılaraq 10 şikayət üzrə fakt təsdiqlənmiş və qanunamüvafiq tədbirlər görülüb. 18 müraciət öz təsdiqini tapmayıb, 6 müraciət isə icradadır.
Ağacların aşma təhlükəsinin olması ilə əlaqədar daxil olmuş 62 müraciətdən 59-na yerində baxış keçirilərək təhlükə yaradan ağaclarla bağlı müvafiq rəy və təkliflər verilib, 1 müraciət əsassız hesab edilib, 2 müraciət isə icradadır.
|
|
10.08.11 Məqaləni oxumaq
|
| |
|
|
|
Davudoğlu Dəməşqə iki tələblə gedib
|
|
Türkiyənin baş naziri Rəcəb Tayyib Ərdoğanın təlimatı ilə bu gün xarici işlər naziri Əhməd Davudoğlunun paytaxt Dəməşqdə Suriya prezidenti ilə görüşü gözlənilir.
“KƏLAMİNFO” BBC-yə istinadən xəbər verir ki, Davudoğlunun görüşü haqqında məlumatı Ankarada keçirdiyi mətbuat konfransında hökumət sözçüsü Bülənt Arınc verib. Arıncın verdiyi açıqlamada Davudoğlunun Suriyaya iki tələb aparacağını bildirib: “İnsan itkisinin qarşısı alınmalı və demokratik islahatlar tələbləri yerinə yetirilməlidir. Rəsmi Ankara Ramazan ayında silahlı qarşıdurmaların davam etməsi və günahsız insanların öldürülməsindən narahatdır” - deyə nazir vurğulayıb.
|
|
10.08.11 Məqaləni oxumaq
|
| |
|
|
|
Rasim Musabəyov: “Sarkozinin bölgəyə səfərinin çox şişirdilməsi düzgün deyil”
|
|
“Fransanın Azərbaycanla bağlı daha çox iqtisadi maraqları, Ermənistanla daha çox mədəni maraqları var. Parisin siyasi maraqları isə bir çox halda Gürcüstana bağlıdır. Çox güman ki, Nikola Sarkozinin Cənubi Qafqaz ölkələrinə səfəri zamanı bu meyarlar əsas götürüləcək”.
Bunları “KƏLAMİNFO”ya müsahibəsində millət vəkili, politoloq Rasim Musabəyov bildirib. Politoloq xatırladır ki, Sarkozi hakimiyyətə gələndə xarici işlər naziri vəzifəsinə Fransanın Gürcüstandakı səfirini təyin etmişdi. “Bütün bu məqamlar göstərir ki, Fransanın müəyyən maraqları var. Amma düşünmürəm ki, bu səfərin nəticəsi olaraq hər hansı ciddi dəyişiklik olsun. 2008-ci ildə Gürcüstan olayları vaxtı prosesin qarşısının alınması üçün N.Sarkozi kifayət qədər böyük səylər göstərdi. Bütün bunlar eyni zamanda Fransanın daxili siyasəti ilə də bağlıdır” - deyə R.Musabəyov vurğulayıb.
|
|
10.08.11 Məqaləni oxumaq
|
| |
|
|
|
Səhifələr : # 12 13 14 15 16 17 18 19 20 # |
|
Torpaqlarımızı qaytaraq..
|
| |
|
|
|
Açılış Səhifəsi et 
