|
|
Səhifələr : # 17 18 19 20 21 22 23 24 25 #
|
|
Rusiyada 7500 ekstremist internet sayt fəaliyyət göstərir
|
|
Rusiyanın daxili işlər naziri Raşid Nurqaliyev bildirib ki, hazırda Rusiyada 7500 ekstremist internet sayt fəaliyyət göstərir və belə saytların fəaliyyətini məhdudlaşdırmaq üçün tədbirlər işlənib hazırlanmalıdır. «KƏLAMİNFO» «Lenta.ru»ya istinadən xəbər verir ki, daxili işlər naziri bu açıqlamanı çərşənbə günü Xabarovsk şəhərində ekstremizmlə mübarizə üzrə şöbələrarası komissiyanın iclasında verib. Nazir bildirib ki, federal media qanunu artıq dəyişdirilib və internet saytları müəyyən məqamlarda kütləvi informasiya vasitəsi hesab olunurlar. Onun sözlərinə görə, media, həmçinin ekstremizmlə mübarizədə müsbət rol oynaya bilər. Nurqaliyev deyib ki, Rusiyada hazırda 10 əsas dini sekta fəaliyyət göstərir və onlarla bağlı əsas narahatlıq bundan ibarətdir ki, sekta üzvləri adətən ailələrini tərk edirlər, heç bir sosial bağlılıq saxlamırlar və cinayət törədirlər. Nurqaliyev vurğulayıb ki, bu sektaların fəaliyyətini monitorinq etmək və onların cinayətlərinin qarşısını almaq lazımdır.
|
04.08.11 Məqaləni oxumaq
|
| |
|
|
|
Necdət Özəl Türkiyə Silahlı Qüvvələrinin Baş Qərargah rəisi təyin olunub
|
|
Türkiyə Yüksək Əsgəri Şura toplantısı tamamlanıb. “KƏLAMİNFO” xəbər verir ki, prezident Abdulla Gül təqdim olunan qərarları təsdiq edib. Ordu generalı Necdət Özəl Türkiyə Silahlı Qüvvələrinin Baş Qərargah rəisi təyin olunub. Bundan başqa, ordu generalı Hayri Kıvrıkoğlu Quru Qoşunları komandanı, ordu generalı Mehmet Ərdəm Hərbi Hava Qüvvələri komandanı, ordu generalı Bəkir Kalyonçu Jandarma Qüvvələri komandanı, ordu admiralı Emin Murad Bilgel Hərbi Dəniz Qüvvələrinin komandanı təyin ediliblər.
|
|
04.08.11 Məqaləni oxumaq
|
| |
|
|
|
Somali planetin ən təhlükəli dövlətləri sırasında liderdir
|
|
«Maplecroft» konsaltinq kompaniyasının tərtib etdiyi reytinqə görə, Somali planetin terrorizm baxımından ən təhlükəli dövlətləri sırasında liderdir. «KƏLAMİNFO» «RBK»ya istinadən xəbər verir ki, buna səbəb bu ölkədə «Əl-Qaidə» ilə əməkdaşlıq edən radikal islam qruplaşmalarının həddən artıq cəmləşməsidir. Ondan sonrakı yerləri Pakistan, İraq, Əfqanıstan, eləcə də yeni yaradılan Cənubi Sudan dövləti bölüşür. Yəmən, İran, Uqanda, Liviya, Misir və Nigeriyada da terror təhlükəsi artıb. Turistlərə gedilməsi məsləhət görülməyən ölkələr arasında isə Fələstin əraziləri, Konqo, Mərkəzi Afrika Respublikası, Kolumbiya, Əlcəzair, Tailand, Filippin var. Rusiya ilk iyirmilikdə 14-cü yerdə qərarlaşıb. Ondan sonra Sudan, İran, Burundi, Hindistan, Nigeriya və İsrail gəlir. Reytinqdə bütövlükdə 198 ölkə qərarlaşıb. Terror təhlükəsinin ən az olduğu ölkələr Skandinaviya ölkələri, ABŞ, Kanada, Avstraliya və Yeni Zellandiyadır. «Maplecroft»un hesablamalarına görə, ötən il terrorçuların əməlləri nəticəsində 13 min 492 nəfər həlak olub.
|
|
04.08.11 Məqaləni oxumaq
|
| |
|
|
|
Azərbaycan “İnternet Texnologiyaları və Tətbiqləri” adlı beynəlxalq konfransa qatılır
|
|
Avqustun 16-18-i tarixlərində Çində “İnternet Texnologiyaları və Tətbiqləri” mövzusunda beynəlxalq konfrans keçiriləcək. Konfransda Azərbaycan tərəfi də iştirak edir. Bu barədə məlumatı “KƏLAMİNFO”ya Rabitə və İnformasiya Texnologiyaları Nazirliyinin mətbuat xidmətindən veriblər.
Azərbaycandan AMEA İnformasiya Texnologiyaları İnstitutunun direktoru, professor Rasim Əliquliyev “Sosial şəbəkə texnologiyaları elektron dövlətin əks əlaqə mexanizmi kimi” adlı məruzə ilə çıxış etmək üçün plenar məruzəçi qismində dəvət olunub.
|
|
04.08.11 Məqaləni oxumaq
|
| |
|
|
|
Xəzəryanı ölkələrin nümayəndələri Qazaxıstanın Aktau şəhərində toplaşacaq
|
|
Avqustun 10-11-i tarixlərində Qazaxıstanın Aktau şəhərində “Xəzər dənizinin dəniz ətraf mühitinin mühafizəsi haqqında” Çərçivə Konvensiyasını imzalayan ölkələrin iclası keçiriləcək. İclasa Azərbaycan nümayəndə heyəti də qatılacaq. Bu barədə məlumatı “KƏLAMİNFO”ya Ekologiya və Təbii Sərvətlər Nazirliyinin mətbuat xidmətindən veriblər.
İclasda 2 protokolun imzalanması nəzərdə tutulur. Tədbirdə Azərbaycan nümayəndə heyətinə ekologiya və təbii sərvətlər nazirinin müavini Rauf Hacıyev başçılıq edəcək.
Qeyd edək ki, “Xəzər dənizinin dəniz ətraf mühitinin mühafizəsi haqqında” Çərçivə Konvensiyası 2003-cü il noyabrın 4-də Tehranda imzalanıb. Xəzəryanı ölkələrə Azərbaycan, Rusiya, İran, Qazaxıstan və Türkmənistan daxildir.
|
|
04.08.11 Məqaləni oxumaq
|
| |
|
|
|
Fransa prezidenti Azərbaycana səfər edəcək
|
|
Fransa prezidenti Nikola Sarkozinin oktyabr ayında Azərbaycana səfərə gələcəyi gözlənilir. “KƏLAMİNFO” “Armenia Today” qəzetinə istinadən xəbər verir ki, Fransa prezidenti öncə Gürcüstana səfər edəcək, sonra Ermənistana, oradan isə Azərbaycana gələcək. Ermənistana səfər oktyabrın 7-9-na planlaşdırılıb.
Fransanın ATƏT-in Minsk Qrupunun Dağlıq Qarabağ münaqişəsinin həlli üzrə həmsədri olduğunu nəzərə alaraq, səfər çərçivəsində müzakirə olunan əsas məsələlərdən birinin Dağlıq Qarabağ münaqişəsinin həlli yolları olacağı gözlənilir.
|
|
04.08.11 Məqaləni oxumaq
|
| |
|
|
|
Hüsnü Mübarəkin məhkəməsi başlayır
|
|
Bu gün keçmiş Misir prezidenti Hüsnü Mübarəkin məhkəməsi başlayır. O, korrupsiya və etirazçılara qarşı atəş açmaq əmri vermək ittihamları ilə üzləşib. Məlumatlara görə, 83 yaşlı Mübarəkin hazırda müalicə olunduğu Qırmızı Dəniz sahillərindəki kurort şəhər Sarm əl-Seyxdən Qahirəyə gətiriləcəyi gözlənir. «KƏLAMİNFO» «Lenta.ru»ya istinadən xəbər verir ki, məhkəmə Polis Akademiyasında keçiriləcək. Mübarək və onunla birgə ittiham olunanların məhkəmə zamanı dəmir barmaqlıqlar arasında saxlanacağı gözlənir. Rəsmilər bildirirlər ki, məhkəmə iclasları dövlət televiziyası ilə nümayiş olunacaq.
Mübarək, ölkənin keçmiş daxili işlər naziri Habib əl-Adli, digər keçmiş yüksək vəzifəli altı məmur etirazlar zamanı 850 nəfərin ölümündə günahlandırılır. Əgər ittiham təsdiqlənsə, onlar edam cəzası ilə üzləşə bilərlər. Ayrıca Mübarək və onun iki oğlu korrupsiyada ittiham edilirlər.
|
|
04.08.11 Məqaləni oxumaq
|
| |
|
|
|
“ABŞ-ın apardığı hərbi kampaniyadan ən çox xeyir götürən İran olub”
|
|
“Artıq aydın olur ki, ABŞ-ın Əfqanıstan və İraqda apardığı hərbi kampaniyadan ən çox xeyir götürən İran olub”. “KƏLAMİNFO” xəbər verir ki, bu barədə politoloq Mübariz Əhmədoğlu özünün aylıq hesabatında bildirib. O qeyd edib ki, ABŞ-ın, NATO-nun Əfqanıstandan və İraqdan qoşunları çıxarması məsələsi qərbpərəst siyasi mərkəzlərdə kifayət qədər ciddi müzakirə olunur. “Qərb siyasi mərkəzləri bu məsələni daim diqqətdə saxlayır. Məsələ ondadır ki, hazırda Əfqanıstandakı daxili vəziyyət İranı qane edən hala düşüb. ABŞ sanki İranın qonşuluğunda iki dövlətdə şiələrin mövqeyini möhkəmlədib” - deyə M.Əhmədoğlu vurğulayıb. Politoloq deyir ki, ABŞ qoşunlarının bu ölkələri tərk edəcəyi təqdirdə İranın hər iki ölkəyə və regiona təsiri kifayət qədər artacaq.
|
|
04.08.11 Məqaləni oxumaq
|
| |
|
|
|
Zərdüşt Əlizadə: Bütün dünyanı intizarda qoyan ABŞ borc mübarizəsinin mahiyyəti gələcək prezident seçkiləridir”
|
|
“ABŞ-da yaranan borc böhranı onunla bağlıdır ki, respublikaçılar çalışırlar seçki qabağı prezident Barak Obamanın hörmətini azaltsınlar. Bu da təbii ki, bütün dünyada, o cümlədən Vaşinqtonla ciddi əməkdaşlıq edən regionlarda yeni iqtisadi böhrana səbəb olacaq”. Bunları “KƏLAMİNFO”ya müsahibəsində politoloq Zərdüşt Əlizadə bildirib.
Ekspert deyir ki, bütün dünyanı intizarda qoyan ABŞ borc mübarizəsinin mahiyyəti gələcək prezident seçkiləridir. “İstefaya getməzdən əvvəl Robert Qeyts bildirmişdi ki, ABŞ ciddi şəkildə hərbi xərclərini azaltmalıdır. B.Obama dövründə ABŞ qərara alıb ki, İraqdan da, Əfqanıstandan da çıxsın. Amma mərhələli şəkildə çıxır, çünki birdən çıxsa, bu, məğlubiyyət kimi qələmə verilə bilər. Bununla yanaşı, hərbi xərclər də azalacaq. İndi B.Obama çalışır ki, maliyyə durumunu sağlamlaşdırsın”,-deyə Z.Əlizadə vurğulayıb.
|
|
04.08.11 Məqaləni oxumaq
|
| |
|
|
|
Bakıda Azərbaycanın xaricidəki hərbi attaşe və hərbi nümayəndələrinin toplantısı başlayıb
|
|
Bu gün Bakıda Azərbaycan Respublikası Silahlı Qüvvələrinin xarici ölkələrdə və beynəlxalq təşkilatlarda akkreditə olunmuş hərbi attaşe və hərbi nümayəndələrinin toplantısı başlayıb. Müdafiə Nazirliyinin mətbuat xidmətindən “KƏLAMİNFO”ya verilən məlumata görə, Silahlı Qüvvələrin Hərbi Akademiyasında keçirilən toplantını MN-in Beynəlxalq Hərbi Əməkdaşlıq İdarəsinin rəisi, general-mayor Ramiz Nəcəfov açaraq Silahlı Qüvvələrin beynəlxalq əməkdaşlıq fəaliyyətini geniş təhlil edib.
Toplantıda Silahlı Qüvvələrin ikitərəfli əməkdaşlıq fəaliyyəti, hədəflər, əsas istiqamətlər və prioritetlər müzakirə edilib, aparılan islahatlardan danışılıb. Bundan başqa, Azərbaycanın müdafiə sənayesinin potensialı və başqa məsələlər haqqında hesabat verilib və müzakirələr aparılıb.
Qeyd edək ki, toplantı avqustun 5-dək davam edəcək.
|
|
04.08.11 Məqaləni oxumaq
|
| |
|
|
|
Səhifələr : # 17 18 19 20 21 22 23 24 25 # |
|
Torpaqlarımızı qaytaraq..
|
| |
|
|
|
Açılış Səhifəsi et 
