|
|
Səhifələr : # 13 14 15 16 17 18 19 20 21 #
|
|
“Uşaqların fəlakət riskinin azaldılmasına dair maarifləndirilməsi” adlı Dəyirmi masa keçirilib
|
|
Bu gün Bakıda “Hyatt Regency” otelində “Uşaqların fəlakət riskinin azaldılmasına dair maarifləndirilməsi” adlı Dəyirmi masa keçirilib.
“KƏLAMİNFO” xəbər verir ki, toplantı Avropa Komissiyasının Humanitar Yardım Şöbəsinin dəstəyi ilə UNICEF, Təhsil Nazirliyi və Fövqəladə Hallar Nazirliyinin birgə həyata keçirdikləri “Təhsildə fəlakət riskinin azaldılması” layihəsi çərçivəsində baş tutub.
Tədbirdə layihənin rəhbəri, UNICEF-in Bakı nümayəndəliyinin Təhsil üzrə müvəkkili xanım Ausliq Falkoner bildirib ki, layihə çərçivəsində fəlakətlərə hazırlıq və fövqəladə hallar zamanı davranışlarla bağlı bir sıra təlimlər həyata keçirilib, layihə üçün seçilmiş məktəblər təhlükəsizlik avadanlıqları ilə təmin edilib.
|
09.08.11 Məqaləni oxumaq
|
| |
|
|
|
Tanklar yenə Həma çevrəsində
|
|
Suriyada üsyanlar başladığı gündən bəri yüzlərlə insanın ölümünə şahidlik etmiş Həma sərhədlərində yenə ölüm qoxusu var.
“KƏLAMİNFO” “The İndependent”ə istinadən xəbər verir ki, dünən günorta saatlarından bəri şəhərin ətrafında geniş təhlükəsizlik tədbirləri aparılıb, silahlı qüvvə və tanklar yerləşdirilib. Şəhərin şimal bölgələrində hərbi postlar qurulub. Rəsmi binaların və evlərin damlarında snayperlər yerləşdirilib. Paytaxt Dəməşqin girişində də hərbi post qurulub. Şəhərə girib-çıxan bütün nəqliyyat vasitələri yoxlanılır.
|
|
09.08.11 Məqaləni oxumaq
|
| |
|
|
|
Siyavuş Novruzov: “Bir çox partiyanın fəaliyyət istiqamətində yenilik lazımdır”
|
|
“Siyasi partiyalar haqqında” yeni qanun layihəsi ilə bağlı YAP olaraq öz təkliflərimizi irəli sürmüşük. Hazırda bu layihəyə rəy verilməsi üçün Venesiya komissiyasında baxılır. Amma bütün hallarda son sözü Milli Məclis deyəcək. Hesab edirəm ki, həqiqətən də bu sahədə yeni bir qanunun qəbul olunmasına zərurət var”. “KƏLAMİNFO” xəbər verir ki, bu fikirləri yap.org.az saytına müsahibəsində YAP icra katibinin müavini, Milli Məclisin deputatı Siyavuş Novruzov deyib.
S.Novruzov bildirib ki, Azərbaycanda bir çox partiyanın fəaliyyət istiqamətində yenilik lazımdır. Millət vəkili hesab edir ki, bu gün artıq parlamentdə fəaliyyət göstərən partiyalar formalaşıb, onlar yeni düşüncə tərzinə, dünya təcrübəsinə uyğun şəkildə öz strukturlarını qurur, fəaliyyət istiqamətlərini müəyyənləşdirirlər: “Amma partiyalar var ki, yaradıldığı dövrdən elə necəydisə, elə də qalır”.
S.Novruzovun fikrinə görə, partiyalar öz tərkiblərinə baxmağa, öz tərkiblərində islahatlar aparmağa, sırf partiya işi ilə məşğul olmağa bir ehtiyac duyur:
|
|
09.08.11 Məqaləni oxumaq
|
| |
|
|
|
Müəllimlərin işə qəbulu ilə bağlı növbəti imtahan keçirilir
|
|
Təhsil Nazirliyinin ümumi təhsil müəssisələrindəki vakant yerlərə müəllimlərin işə qəbulu ilə bağlı keçirilən imtahanlar davam edir. “KƏLAMİNFO” xəbər verir ki, növbəti imtahan bu gün Azərbaycan dili və ədəbiyyat müəllimi işləmək istəyənlər üçün keçirlir. Bu ixtisas üzrə keçirilən imtahanlar avqustun 11-dək davam edəcək.
Səhər saat 9-da başlayan imtahanlar axşam saat 6-dək davam edəcək. Hər bir müəllim kompüter qarşısında 1 saat ərzində imtahan verəcək. Hər saatın tamamında isə imtahan verən qrup digər qrupla əvəzlənəcək.
Qeyd edək ki, Azərbaycan dili və ədəbiyyat müəllimliyi ixtisas üzrə vakant yerlərə 1389 nəfər ərizə verib. Bu ixtisas üzrə isə ölkədə 265 vakant yer var. Onu da əlavə edək ki, müəllimlərin işə qəbulu ilə bağlı imtahanlar kimya, tarix, biologiya, fizika, riyaziyyat, informatika, coğrafiya, musiqi və nəğmə, təsviri incəsənət, gənclərin çağırışaqədərki hazırlığı, əmək hazırlığı və fiziki tərbiyə fənləri üzrə davam etdiriləcək. Məlumat üçün qeyd edək ki, indiyədək 3 min nəfərə yaxın müəllim müsabiqənin II mərhələsində imtahan verib.
|
|
09.08.11 Məqaləni oxumaq
|
| |
|
|
|
Yol hərəkəti qaydalarının pozulmasına görə cərimələri KÖMİS-lə ödəmək mümkündür
|
|
Mərkəzi Bank yol hərəkəti qaydalarının pozulmasına görə cərimələrin ödənişini qəbul etməyə imkan verən Kütləvi Ödənişlər üzrə Mərkəzləşdirilmiş İnformasiya Sisteminin (KÖMİS) müvafiq versiyasını istismara verib. Bu barədə məlumatı “KƏLAMİNFO”ya SİNAM şirkətinin Bakı nümayəndəliyindən veriblər.
Sistemin texniki tətbiqini Azərbaycanın SİNAM şirkəti həyata keçirib. İnformasiya sistemi ödənişləri bank kartları vasitəsilə www.apus.az saytında onlayn rejimdə və ya informasiya sisteminə qoşulmuş bank filiallarında və “Azərpoçt”un bütün məntəqələrində nağd şəkildə qəbul etməyə imkan verir. Yol hərəkəti qaydalarının pozulmasına görə cərimələrin ödənişi üçün APUS ödənişlər sisteminin istifadəsi elektron hökumətin tətbiqi üzrə dövlət siyasətinə uyğundur. APUS sistemində abunəçinin kodu qismində sürücülük vəsiqəsinin seriyası və nömrəsi, invoysun nömrəsi qismində isə DYP əməkdaşının qayda pozuntusuna görə tərtib etdiyi protokolun nömrəsi çıxış edir. APUS sistemində ödəniş zamanı cərimələr üzrə eyni qaydalar tətbiq olunur.
|
|
09.08.11 Məqaləni oxumaq
|
| |
|
|
|
Türk ordusu diz çökdürülür
|
|
Ötən həftə Türkiyə Ali Hərbi Şurasında ard-arda gələn istefa və iclaslarda yaşanan böhranın əks-sədası hələ də gəlir. “KƏLAMİNFO” “The Financial Times”a istinadən xəbər verir ki, artıq ölkədə əsgərin nüfuzu sarsılıb. “Üzücü bir böhran sonunda ordunu diz çökdürən” Ərdoğan hökumətinin indi də Şuranın maliyyə və hüquqi səlahiyyət çərçivəsini daraltmağa çalışdığı bildirilir. Xəbərdə AKP-nin sədr köməkçisi Ömər Çəlikə istinadən Türkiyədə məcburi əsgərlikdən professional və həvəskar orduya keçidin də planlaşdırıldığı qeyd olunur. Çelik : “2002-ci ildə AKP iqtidara gələnə kimi Türkiyədə 2 dövlət var idi - siyasi və hərbi. Lakin artıq ordu ilə əlaqələr bütün çağdaş ölkələrdə olduğu kimidir” – deyə vurğulayıb. Çelik Türk Silahlı Qüvvələrinin büdcəsinin yoxlanacağını da istisna etməyib.
|
|
09.08.11 Məqaləni oxumaq
|
| |
|
|
|
Elman Məmmədov: “Sarkisyan hakimiyyətinin sülhə gəlməsi real görünmür”
|
|
“Beynəlxalq birlik, o cümlədən ATƏT-in Minsk qrupunun həmsədrləri Dağlıq Qarabağ münaqişəsinin həlli ilə bağlı işğalçı Ermənistana təzyiq etməlidirlər. Əgər dünya dövlətləri bu münaqişənin həllinin vaxtının çatdığını deyirsə, onda konkret addımlar atılmalıdır”. “KƏLAMİNFO” xəbər verir ki, bunları yap.org.az saytına “Azərbaycan Respublikası Dağlıq Qarabağ İcması” İctimai Birliyinin İdarə Heyətinin üzvü, Milli Məclisin deputatı Elman Məmmədov deyib. O qeyd edib ki, işğalçı Ermənistan xoşluqla sülhə getmək istəmir, Serj Sarkisyanın son bəyanatları da bunu bir daha təsdiqləyir. Onun sözlərinə görə, beynəlxalq birlik təcavüzkarı öz adı ilə çağırmasa və sanksiyalar tətbiq etməsə, Sarkisyan hakimiyyətinin sülhə gəlməsi real görünmür. “Təəssüfləndirici haldır ki, Ermənistan dünyada öz adı ilə çağırılmır. Bu dövlətə işğalçı kimi yanaşanlar xeyli azdır. Əgər bu işğalçı dövlətə qarşı beynəlxalq hüquq əsasında tədbirlər görülsə, onda vəziyyət tamamilə başqa cür olardı. Amma təcavüzkarı öz adı ilə çağırmayınca, beynəlxalq birlik Ermənistandan heç bir konstruktiv addım gözləməməlidir” - deyə E.Məmmədov vurğulayıb.
|
|
08.08.11 Məqaləni oxumaq
|
| |
|
|
|
Dövlət sərhədini pozduqlarına görə 74 nəfər saxlanılıb
|
|
Ötən ay Azərbaycanın dövlət sərhədini pozduqlarına görə 38 halda 74 nəfər saxlanılıb. Bu barədə məlumatı “KƏLAMİNFO”ya Dövlət Sərhəd Xidmətinin mətbuat mərkəzindən veriblər.
Məlumata görə, sərhəd nəzarət buraxılış məntəqələrində 27 halda 52 nəfər saxta sənədlə, 1 nəfər özgəsinə məxsus sənədlə, 2 nəfər isə gizli şəkildə dövlət sərhədini keçməyə cəhd edərkən saxlanılıblar.
Cinayətkarlığa qarşı mübarizə tədbirləri nəticəsində hüquq-mühafizə orqanları tərəfindən axtarışda olan 127 nəfər aşkarlanaraq aidiyyəti orqanlara təhvil verilib.
|
|
08.08.11 Məqaləni oxumaq
|
| |
|
|
|
Ümumdünya Səhiyyə Təşkilatının Bakıda iclası təşkil olunacaq
|
|
Ümumdünya Səhiyyə Təşkilatı (ÜST) avqustun 29-dan başlayaraq təşkilatın Regional Komitələrinin illik iclasını keçirəcək. İclaslardan biri Azərbaycanda baş tutacaq. Bu barədə məlumatı “KƏLAMİNFO”ya ÜST-nin Bakı nümayəndəliyindən veriblər. Məqsəd ÜST-nin siyasətlərinin müəyyənləşdirilməsi, büdcələrinin, iş fəaliyyətlərinin müzakirəsidir. Bu iclaslar 6 region üzrə avqustun 29-dan oktyabrın 5-dək təşkil ediləcək.
İlk iclas 29 avqust - 2 sentyabrda ÜST-nin Afrika Regional Komitəsi üçün təşkil ediləcək. Bu komitənin 61-ci sessiyası Kot Divuar Respublikasının Abidjan şəhərində olacaq. ÜST-nin Cənub-Şərqi Asiya Regional Komitəsinin 64-cü sessiyası sentyabrın 6-9-da Hindistanda, Avropa Regional Komitəsinin 61-ci sessiyası sentyabrın 12-15-də Bakı şəhərində keçiriləcək. ÜST-nin Qərbi Sakit Okean Regionun 62-ci sessiyası sentyabrın 19-23-də Filippinin Manila şəhərində, Amerika Regionunun 63-cü sessiyası sentyabrın 26-30-da ABŞ-ın Vaşinqton şəhərində, Şərqi Aralıq dənizi ölkələri Regionun 58-ci sessiyası isə oktyabrın 2-5-də Suriyada keçiriləcək.
|
|
08.08.11 Məqaləni oxumaq
|
| |
|
|
|
Yupiterə səyahət başladı
|
|
Yupiter planetini araşdırmaq üçün düzəldilən “Cuno” kosmik cihazı səyahət turuna başlayıb. “KƏLAMİNFO” UPİ-yə istinadən xəbər verir ki, cihaz ABŞ-a 1,1 milyard dollara başa gəlib. İnsansız idarə olunacaq “Cuno” Günəş sisteminin ən böyük planeti Yupiterin əmələ gəlməsi, forması, ölçüləri, səthi və sair haqqında məlumat toplayacaq.
“Cuno” günəş enerjisi ilə işləyir. Cihaz Skot Bolton tərəfindən sxemləşdirilib.
|
|
08.08.11 Məqaləni oxumaq
|
| |
|
|
|
Səhifələr : # 13 14 15 16 17 18 19 20 21 # |
|
Torpaqlarımızı qaytaraq..
|
| |
|
|
|
Açılış Səhifəsi et 
