|
|
Səhifələr : # 1 2 3 4 5 6 #
|
|
Naoto Kan istefa verdi
|
|
Yaponiyanın baş naziri Naoto Kan vəzifəsindən istefa verib. Baş nazir hakim Yaponiya Demokratik Partiyasının sədri postunu da tərk edib. “KƏLAMİNFO” “İTAR TASS”a istinadən xəbər verir ki, Kan bu açıqlamanı təxminən bir qədər əvvəl verib.
Qeyd edilir ki, onun istefası siyasi yerdəyişmələr üçün vacibdir. Şənbə günü Demokrat Partiyasının sədri vəzifəsinə seçkilərlə bağlı namizədlər irəli sürüləcək. Bazar ertəsi parlamentin hər iki palatasındakı demokrat deputatlar partiyanın sədrini səsvermə ilə seçəcəklər.
Avqustun 27-də isə o, Yaponiyanın baş naziri təyin edilə bilər.
|
26.08.11 Məqaləni oxumaq
|
| |
|
|
|
ATİ-də təhsil haqlarının yüksək olmasına aydınlıq gətirildi
|
|
“Təhsil haqqının miqdarını ali məktəb özü müəyyənləşdirimir”. “KƏLAMİNFO” xəbər verir ki, bunu Azərbaycan Turizm İnstitutunun (ATİ) prorektoru Eldar Aslanov müəssisədə təhsil haqlarının yüksək olması ilə bağlı məsələyə aydınlıq gətirərkən deyib.
Onun sözlərinə görə, ali məktəbdə təhsil haqqının müəyyənləşdirilməsinin xüsusi mexanizmi var: “Bir bakalavr tələbəsi kurrikuluma görə 240 kredit toplayır. Burada ilk öncə bir kreditin ali məktəbə neçəyə başa gəlməsi hesablanır və bu məbləğ 240-a vurulur. Həmin məbləğ də 4 ilə bölünür.
|
|
26.08.11 Məqaləni oxumaq
|
| |
|
|
|
Xaricdə təhsil alan azərbaycanlı tələbələr Azərbaycanın maraqlarını təhsil aldıqları dövlətlərdə təbliğ etməlidirlər
|
|
Xaricdə təhsil alan azərbaycanlı tələbələr Azərbaycanın maraqlarını təhsil aldıqları dövlətlərin universitetlərində həmyaşıdları arasında təbliğ etməli və müdafiə etməlidirlər. “KƏLAMİNFO” xəbər verir ki, bunu Bakıda öz işinə başlayan IX ASAİF beynəlxalq yay forumunda gənlər və idman naziri Azad Rəhimov deyib.
Onun sözlərinə görə, xaricdə təhsil alan tələbələr Dağlıq Qarabağ həqiqətlərini, Azərbaycanın qədim mədəni irsini təhsil aldıqları ölkələrdə təbliğ etməlidirlər. Nazir qeyd edib ki, bir sıra təşkilatlar, həmçinin Rusiyanın Azərbaycanlı Gənclər Təşkilatının (AMOR) bu ölkənin ictimai həyatında xüsusi çəkisi var. “Təşkilat bu günə kimi bir sıra maraqlı layihələr həyata keçirib. Heydər Əliyev Fondunun vitse-prezidenti Leyla Əliyevanın rəhbərliyi altında AMOR Rusiyanın bütün subyektlərində xüsusi şəbəkə yaradaraq vahid mexanizm təşkil edə bilib”-deyə A.Rəhimov vurğulayıb.
|
|
26.08.11 Məqaləni oxumaq
|
| |
|
|
|
Herbert Kvelle ADU-nun qonağı olub
|
|
Azərbaycan Dillər Universitetinin rektoru, millət vəkili Səməd Seyidov Almaniyanın Azərbaycandakı fövqəladə və səlahiyyətli səfiri Herbert Kvelleni qəbul edib. Bu barədə “KƏLAMİNFO”ya universitetin mətbuat xidmətindən məlumat verilib. Rektor qonağa universitetdə bütün dünya ölkələrinin, xüsusilə Qərbi Avropa ölkələrinin dillərinin öyrənildiyini bildirib. “Tədris olunan dillərlə yanaşı, həmin ölkələrin dil və mədəniyyət mərkəzlərinin universitetdə mövcudluğu tələbələrə həmin dillərin mənimsəmək və ölkələri öyrənməkdə kömək edir. Bu baxımdan ADU-dakı Alman dili Mərkəzinin fəaliyyətini qənaətbəxş hesab edirik. Alman mərkəzini universitet öz dəstəyi hesabına yaradıb, çünki buna ehtiyac vardı” – deyə o, əlavə edib. S.Seyidov, həmçinin Almaniya daxil olmaqla müxtəlif ölkələrdən yüksək ixtisaslaşmış müəllimlərin ADU-da dərs dediklərini söyləyib.
Səfir Herbert Kleven isə öz növbəsində ADU ilə əməkdaşlıqda maraqlı olduğunu bildirib. Qonaq Almaniya universitetlərinin ADU ilə əlaqələrinin yaradılmasının ikitərəfli əlaqələrin dərinləşməsinə, elmi-mədəni əlaqələrə töhfəsini verəcəyinə əminlik ifadə edib.
|
|
26.08.11 Məqaləni oxumaq
|
| |
|
|
|
Sertifikasiya prosesinin növbəti imtahanlarının nəticələri açıqlanıb
|
|
Səhiyyə Nazirliyi tərəfindən praktik tibb və əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesinin növbəti imtahanlarının nəticələri açıqlanıb. Nazirlikdən “KƏLAMİNFO”ya bildiriblər ki, 24.08.2011-ci il tarixində nefrologiya və terapiya ixtisasları üzrə keçirilən imtahanlarda ümumilikdə 92 həkim imtahan verib. İmtahanlarda iştirak edən həkimlərdən 86 (94%) nəfər uğurlu nəticələr əldə edib.
Növbəti test imtahanları ftiziatriya və pediatriya ixtisasları üzrə 07.09.2011-ci il tarixində keçiriləcək.
|
|
26.08.11 Məqaləni oxumaq
|
| |
|
|
|
Qəddafinin başına pul qoyuldu
|
|
Liviyalı üsyançılar Qəddafinin ölü, ya da diri gətirənə 2 milyon Liviya dinarı (1,7 milyon dollar) mükafat təyin edib. “KƏLAMİNFO” BBC-yə istinadən xəbər verir ki, Liviya liderinin harada gizləndiyi bilinməsə də, onun Tripoliyə yaxın bir yerdə olduğu iddia edilir.
Şəhərin bəzi ərazilərində üsyançılarla Qəddafi qüvvələri arasında silahlı qarşıdurmalar davam edir. Beynəlxalq Müvəqqəti Şuranın sədri Mustafa Əbdülcəlil Qəddafi üçün qoyulan mükafat miqdarını açıqlayarkən: “Əgər Qəddafi tutulmasa, onun tərəfdarları mübarizədən əl çəkməyəcək. Liviyada yeni bir həyat qurmaq və sülh üçün Qəddafi tutulmalıdır” deyib.
|
|
26.08.11 Məqaləni oxumaq
|
| |
|
|
|
Politoloq: “Qarabağ məsələsinin həlli Abdulla Gülün bir razılığından asılıdır”
|
|
“Qarabağ məsələsinin həlli Abdulla Gülün bir razılığından asılıdır”. “KƏLAMİNFO” xəbər verir ki, bu barədə politoloq Mübariz Əhmədoğlu söyləyib. Onun sözlərinə görə, Rusiya Türkiyədən “Raket Əleyhinə Müdafiə Sistemləri”nin (RƏMS) yerləşdirilməsi məsələsində asılıdır. Belə ki, Rusiya dərk edir ki, bu sistemlər Türkiyədə yerləşdirilsə, bu birdəfəlik yerləşmə olacaq və Rusiyanın regionda mövqeyni zəiflədəcək, Rusiyanı 10 mlrd. dollardan məhrum edəcək, ölkənin Türkiyəyə təsirini sıfra endirəcək. “NATO qərara aldı ki, RƏMS Türkiyə ərazisində yerləşdirilsin. RƏMS-ləri yerləşdirməmə məsələsində Türkiyə Rusiyanın qarşısına bir neçə məsələ qoya bilər ki, bunlardan da biri Dağlıq Qarabağ problemi olsun. Oktyabrın əvvəlində Mevedev ilə Gülün görüşü nəzərdə tutulub və bu qarşılaşmada böyük ehtimalla RƏMS əsas müzakirə obyekti olsun. Bu rakursdan da görünür ki, Qarabağ münaqişəsinin həllində A.Gülün bir razılığı çox şeyi dəyişə bilər”,-deyə o diqqətə çatdırıb.
|
|
26.08.11 Məqaləni oxumaq
|
| |
|
|
|
Fransa varlıları: Bizdən alınan verginin həcmi artırılsın
|
|
Fransa hökuməti büdcə kəsirini bağlamaq üçün tədbirlər planı hazırlayarkən, ölkənin varlı təbəqəsindən dəstək gəlib. “KƏLAMİNFO” “The Daily Telegraph”a istinadən xəbər verir ki, ölkənin 16 ən böyük şirkət sahibi parlamentə ünvanladıqları məktubda büdcə kəsirini bağlamaq üçün iri həə ödəniş etməyə hazır olduqlarını bildiriblər. Bu siyahıya ən iri həcmli dəstəklə “L’Oreal” şirkətinin sahibəsi Liliyan Bettenkort başçılıq edir. Xanım Bettenkort ölkənin kasıb əhalisinə yük olmamaq üçün illik gəliri 1 milyon avronu keçən şirkətləri bu işə məcburi dəstək verməyə də çağırıb.
|
|
26.08.11 Məqaləni oxumaq
|
| |
|
|
|
İraq Türkiyəyə nota verib
|
|
İraq Türkiyənin Şimali İraqda PKK terrorçularına qarşı keçirdiyi əməliyyatlar səbəbi ilə bu ölkəyə nota verib. “KƏLAMİNFO” “Hurriyət” qəzetinə istinadən xəbər verir ki, İraq Xarici İşlər Nazirliyinin rəsmi internet saytında yayılan məlumata görə, Türkiyənin Bağdad səfiri Murad Özçelik bu məqsədlə XİN-ə dəvət olunub. Səfiri qəbul edən xarici işlər nazirinin müavini Məhəmməd Cavad əl-Durki Türkiyənin Şimali İraqda sərhədi pozduğunu deyib və burda aparılan hərbi əməliyyatların dərhal dayandırılmasını tələb edib.
Qeyd edək ki, bu məlumat iki dildə fəaliyyət göstərən saytın sadəcə ərəbcə hissəsində yerləşdirilib.
|
|
26.08.11 Məqaləni oxumaq
|
| |
|
|
|
Yaş senzi Dövlət Komitəsindən təsirsiz ötüşdü
|
|
Dini Qurumlarla İş üzrə Dövlət Komitəsi əməkdaşlarının 99 faizini gənclər təşkil edir. Bu barədə açıqlamanı “KƏLAMİNFO”ya DQİDK-nin mətbuat xidmətinin rəhbəri Saleh Arslanov söyləyib. Yaş senzinin tətbiqi ilə bağlı Komitədə neçə nəfərin ixtisar olduğu, yaxud olacağı barədə sorğuya cavab olaraq S.Arslanov bildirib ki, DQİDK-də yaşı 65 və ya daha çox olan əməkdaş yoxdur. Onun sözlərinə görə, DQİDK-nin kollektivinin 99 faizi gənclərdən ibarətdir.
|
|
25.08.11 Məqaləni oxumaq
|
| |
|
|
|
Səhifələr : # 1 2 3 4 5 6 # |
|
Torpaqlarımızı qaytaraq..
|
| |
|
|
|
Açılış Səhifəsi et 
